Рет қаралды 7,541
Jam 19 vjeç dhe vij nga qyteti i Pogradecit.
Për disa vite kam qënë përdorues i kokaines, e cila u bë pjesë e jetës time dhe më pas ajo tentoi të bëhej shkatëruesja e jetës dhe e familjes time.
Kam provuar ti largohem kësaj varësie me medikamente, duke u shtruar në spitale, por ishte e pamundur. Unë vërtetë kam dashur ta lë drogën por nuk kam ditur si!
Një ditë familja ime dëgjon për një qendër transformimi e cila është “Streha Teen Challenge”. Aty do të ndryshonte jeta ime plotësisht. Në fillim nuk isha i bindur, kisha frikërat e mia... isha shumë mosbesues tek vetja për shkak se kisha provuar shumë mënyra por më kot, shpresa ishte shuar. Pasi u bëra pjesë e Strehës, një flakë shprese u ndez brenda meje dhe aty në program po kuptoja që mund t’ia dilja..
Gjithmonë e më shumë inkurajohesha kur dëgjoja historitë e personave që ia kishin dalë. Pak nga pak zbulova një të vërtetë të madhe, një dorë që po i ndihmonte të gjithë studentët, e cila ishte dora e dashur dhe plotë mëshirë e Perëndisë. Kuptova se Ai i kishte shpëtuar këta çuna dhe familjet e tyre.
Nuk ngurova shumë dhe vendosa të besoj, ti lë në dorë Perëndisë jetën dhe familjen time, duke iu lutur që të më falte për cdo mëkat dhe të më ndihmonte në këtë jetë të re që kam nisur.
Besimi tek Perëndia, e them me plot bindje, më ndihmoi e më shpëtoi. Falë Tij unë jam i lirë dhe nuk i përkas më botës së dikurshme apo shthurjes, por kam rilindur sërish.
Pak besim edhe ju mund ti thoni këtij mali të madh në jetën tuaj të largohet prej jush.
Me Jezusin është e mundur. Bashkë mund tia dalim.
Kërko ndihme!
Ndihma edhe ndryshimi janë vetëm një telefonatë largë: 068 909 4444
Zoti ju bekoftë!
Qendra e rehabilitimit STREHA
Teen Challenge Albania
#teenchallengealbania #droga #alkoli #varesiaedroges #varesiaelakolit #varesia #jodroges #pojetes #qenderrehabilitimi #pogradec #korce #shqiperi #albania #tirane #vlora #durres #shkoder #elbasan #tepelene #fier #sarande