بتعالج من الاكتئاب بسبب شغلي في فودافون اسوء تجربه شغل في فودافونVodafone EGYPT

Рет қаралды 203,927

Күн бұрын

Пікірлер: 1 500

@elhamamin1586 2 ай бұрын

دي مأساة كل الشباب في مصر حاليه لان مافيش شغل والناس بترضى باي شغلانه مهما كان المؤهل والبركه في اللي بيقفل المصانع ويبني كباري ربنا يعوض عليكي ويقويكي

@annawa1777 2 ай бұрын

انا كنت عايزة اقدم في فودافون uk كنت فاكرة انها وظيفة عظيفة و هتنقل حياتي و تخليها احسن بس ما توفعتش ان دي الحقيقة دايما الحاجة اللي تبان حلوة و مثالية بتطلع اكبر خازوق

@omarhaitham9469 2 ай бұрын

انا كنت عايز اجرب اشتغل في فودافون uk فكنت عايز اعرف هل هي كويسه اصلي سمعت ان مرتبها عالي جدا@@annawa1777

@GawharaElgana 2 ай бұрын

الفيديو دة فى ميزان حسناتك والشغل فى مصر بيقل من قيمة البنت اللى ماشية باحترام

@Darkstar.93 2 ай бұрын

هو الشغل والحياة عموماً في مصر إهانة للبني آدم أياً كان جنسه.

@continuepassenger4772 Ай бұрын

تعالي الامارات رقي واحترام @@Darkstar.93

@AGD.47 2 ай бұрын

بغض النظر إن الڤيديو من سنتين لكن ڤودافون لسه على قواعدها وتعاملاتها دى مع موظفينها وأسوء شبكة وسرقة وقمة الإنحطاط واستغلال عدم إدراك الناس بالمسميات التوظيفية والمهنية والحمدللَّه والفضل للَّه إنك طلعتى تتكلمى وتفيدينا حاجة بالدنيا ❤

@tarekmahmoud7634 2 ай бұрын

كلهم كده يا صديقي

@mohammedelganzory7112 2 ай бұрын

اكتشفت مصايب من وراهم ازبل شركه

@wennyz7770 2 ай бұрын

انا بسبب الفيديو ده حغير الخطين فودافون بتوعي بعد 15 سنه معاهم لشركه تانيه الله يلعنهم في الارض و السماء

@amlelsheikhtv2623 2 ай бұрын

ربنا يعوضك خير

@saramohamed6027 2 ай бұрын

@@wennyz7770ما اسخم من ستى الا سبدي اتصالات العن واضل

@mariamfouad3046 5 ай бұрын

انتي فعلا سبب اني مفكرش اروح اشتغل هناك .. لإني كنت بفكر اروح اشتغل هناك ان شاء الله بعد سنتين اهو تكوني بقيتي احسن و نسيتي الغم ده ❤

@ahmedwaly9073 Жыл бұрын

تحياتى لحضرتك، كلامك مهم جدا، فى النهاية احنا بشر من لحم ودم، اكيد اللى جاى افضل بكتير جدا لانك اخدتى خبرة حقيقية، خلى ثقتك فى الله كبيرة، عمر ما مجهودك هيضيع، ان شاء الله

@مصطفيالعمده-ل7س Жыл бұрын

انتي اصلا واضح عليكي انك بنت اصول وبنت ناس محترمه طمنينا عليكي دلوقت شغاله فين يارب تكوني بخير

@احمدعباسالسقا Жыл бұрын

شكرا لانك شاركتي المشكلة دي وسعدتينا ورجاء حبي نفسك تستاهل فعلاً إنها تتحب

@melgendy8481 2 ай бұрын

اخيرا لاقيت كده يتكلم ... اشتغلت في فودافون انجلترا من سنه ٢٠٠٩ لحد ٢٠١٤ ... جالي اكتئاب بعد ٤ سنين شغلي ... اسوء مكان يدمرلك سلامك النفسي وروابطك العائليه ... هتكره حياتك حرفيا ... علي العموم كل مجال الكول سنتر زي الزفت

@mahmutalkhuiski9026 2 ай бұрын

هي فودافون بالذات شركة زباله والانجليز برضه بيشتكوا منها.

@sarahdaoud9085 2 ай бұрын

فودافون يو كي مقبرة 😢

@smallnotesbydina7091 2 ай бұрын

طب اشتغلت ايه بعد ما سبتهم؟

@خديجةحمدي-س8م 2 ай бұрын

اسم الشركة هي اون لاين

@fatmamohy8421 2 ай бұрын

@@sarahdaoud9085 ليه بتقولى كده

@دورادورا-ب9س Жыл бұрын

انا كنت بكره رايحه اقدم علي الوظيفة دي ...وظهرلي الفيديو بتاعك حاليا وخلتص قررت اكنصل والحمدلله وبعتبرها اشارة من ربنا اني ما امشيش ...شكرا ليكي كتير وربنا يوفقك واتمنى حالبا تكوني بخير ونسيتي كل الحصل دا ❤

@MohammadGamal-tt5vj 6 ай бұрын

عديت على الفديو بتاعك قبل ما اشتغل ويارتنى خدت بالنصيحة وعملت انقطاع بعد 6شهور بجد عالم زبالة ف الضغط النفسي

@Safygamal-t8s 2 ай бұрын

@@MohammadGamal-tt5vj الحمدلله اني ماشتغلتش

@alhamdlelah3342 2 ай бұрын

فعلا التعامل مع البشر مهلك ومحتاج ناس قوية وانتى رقيقة ربنا يعوضك بالافضل باذن الله

@ramysoliman32 2 ай бұрын

مجال خدمه العملاء في شركات الاتصلات دا اسوء مجال ممكن تبتدي فيه كارير......انا اشتغلت فالمجال دا ١٥ سنه و بتكلم عن تجربه.....كل الكلام الي هي بتقولوا دا حقيقي.....و الوضع دوقتي كمان بقي اسوء من الاول بكتير......مضيعوش عمركم فالمجال دا يا جماعه لحد لما يكون في قانون او نقابه حتي تحمي حقوق الموظفين

@ourawesomearabandmuslimwor5046 2 ай бұрын

المشكله مفيش مرتبات عدله الا فيه

@ramysoliman32 2 ай бұрын

@@ourawesomearabandmuslimwor5046 لا والهي في مجالات تانيه بس محتاج تتعلم فيها عشان تشتغلها….شغلانت خدمه عملاء دي للناس الي اتخرجت و عيزه تشتغل علطول من غير مياخد كورسات في حاجه تخليه يشتغل شغلانه تانيه عشان خدمه العملاء مش محتاجه تاخد اي كورس انت هتروح تقدم ذي منتا كده طبعا انا بتكلم علي الretail و الكول سنتر العربي

@DomGFlover Ай бұрын

طز فيهم و ف مرتباتهم دى عالم معفنة انا حرفيا مكنتش بحل اى حد بيكلمنى عشان هما مش محترمين اما يحترموا نفسهم الاول دى عالم اقل ما يقال عنهم انهم معندهمش اقل معنى لكمة انسان@@ourawesomearabandmuslimwor5046

@ramysoliman32 2 күн бұрын

@@ourawesomearabandmuslimwor5046 انا بتكلم عن الريتال يعني الشغل في الفروع او كول سنتر عربي و دول مرتيتهم مش كويسه لكن لو كول سنتر لغات الموضوع مختلف و مرتبات كويسه جدا و ممكن تعمل كرير فيه كويس بس الريتال دا الي مقبره و ابعدوا عنوا خالص

@eman-j7x 2 ай бұрын

انا مهندسة وروحت اشتغل في شركة في مدينة نصر كانوا هيدوني مرتب ٣٠٠٠ ج و كان عايز يشغلني سيلز و كول سنتر و مهندسة مكتب فني و مهندسة موقع قعدت يومين و مروحتش تاني عالاقل لو كل شغلانة هقبض فيها ٣٠٠٠ المفروض اخد ١٢ الف وده طبعا اقل تقدير حسبي الله ونعم الوكيل في كل واحد صاحب شركة في مصر الا من رحم ربي

@AGD.47 2 ай бұрын

ولاد كلب استغلاليين وبياكلوا حرام متخذين الموظفين عبيد يعنى أستغفر اللَّه لذلك الواحد يوعى ويعلى من قيمته طالما الإنسان مننا بيتعب فى العلم والعمل على نفسه وإن شاء اللَّه ربنا هيكرم اللى بيسعى

@mohamedelnaggar5437 2 ай бұрын

سوق المهندسين في مصر منحط خصوصا لو مدني والاسوء والاقذر ان المهندسين نفسهم بيرضوا بالمهزلة دي والمآسي كتيره بتتحكي على جروب الشركات والمكاتب المحظوره شكرا ليكي على تقدير قيمتك وقيمه المهندسين ورفضك الاستمرار في المهزله دي

@eman-j7x 2 ай бұрын

@@mohamedelnaggar5437 طبعا اكيد هقعد في البيت بكرامتي ومحدش يستغلني ابدا

@mohamedabdellatif5260 2 ай бұрын

والله العظيم بيفكرني بفيلم الناظر صلاح الدين شغال مدرس فرنساوي لغاية مايجبوا مدرس فرنساوي

@omjana1224 2 ай бұрын

ليه كدة 😂اعوذ بالله

@saherwww 2 ай бұрын

القصة دي تتعلمي منها أن حدودك الشخصية وسلامك النفسي وكرامتك محدش هيحافظ عليها غيرك .. انتي كنتي عمالة تتنازلي وكل مرة بتتنازلي فيها بتتنازلي بعدها عن حاجة اكبر 👌🏻 وان الإشارات اللي ربنا بيبعتهالنا ماينفعش نتجاهلها وقاعدة لازم تمشي بيها في حياتك "اللي ما يقدرنيش ما يلزمنيش" شگرا علي شجاعتك في انك تنقلي لينا تجربتك واللي اتمني اكبر عدد يستفاد منها بإذن الله زي ما استفدت انا منها

@lonesurvivor2124 28 күн бұрын

معاك حق يا ساهر بس خد بالك مش كل الناس عندها رفاهية الاختيار، فيه اللي بيعول اسره فيه اللي بيهتم باهله .. فيه الشاب اللي عايز يبني نفسه وملاقاش فرصه وعندك ملايين اللاجئين اللي ضاغطين على اسواق عمل تانيه ورافعيه ايجارات وليله كبيره .. ياريت تكون فاهمني.

@mrmaths-11200 13 күн бұрын

يا ناس ماتستحملش حاجة عشان الفلوس أرفض وغيرك هيرفض... بعد كده أصحاب الشغل هيخلوا عندهم دم.... انما كله يقولك كله كده..... لما الموضوع... بقي قلة كرامة.... رحت اشتغل في كافتيريا وانا طالب... هو يوم ولقيته اخل بأول شرط... سيبته على طول... اوعي تتنازل

@nadaahmed-g3t 2 ай бұрын

حبيبتي يا بنتي انا كنت في الشركة دي وما انصحش اي حد يقعد فيها اكتر من سنة كل الsenior managers اللي فيها شخصيات قذرة بيختاروهم بعناية عشان يستغلوا الموظفيين وهما كل شغلتهم يمسحوا خوج للي فوقهم.

@nohashady6567 2 ай бұрын

أبكي يا بنتى براحتك ساعات البكاء فى حد ذاته بيكون علاج لمشاعر مكبوته واحاسيس مؤلمه بنحاول ندفنها بقوه ..فأبكى وخرجي كل الطاقه السلبيه اللى جواكي .. وان شاء الله حتلاقى شغلانه احسن تعوضك وافتكرى دايما ان دوام الحال من المحال ! و ربنا يجعل الفيديو ده فى ميزان حسناتك يابنتى عشان نبهتى الناس ما يوقعوش فى نفس أخطائك ولا ينخدعوا بالأسماء العالميه

@cometoislam3793 2 ай бұрын

فرج الله كربك واسعدك دنيا وآخرة يا اختي الطيبة. (ففروا إلى الله) والله اجمل شيء لا يقارن هو القرب من الله تعالى

@kareemshahhat9274 11 ай бұрын

شوف الفيديو بتاعك وأنا كان جايلي شغل في فودافون وشغل في مكان تاني وكنسلت فودافون شكرا على نصيحتك وأنتي قويه وجميله أنك تطلعي تعملي فيديو كده وتعرفي الناس وربنا أكيد هيعوضك خير وأتمنى تكوني أحسن دلوقتي ❤

@nohaana617 Жыл бұрын

عايزة اقولك أن أغلب الشركات بتمضي استمارة ٦ قبل م تبدأي الشغل ده.حقيقي بجد .شغل استعباط حرفيا

@nourhantaha2178 10 ай бұрын

شغل الكول سنتر للاسف بيبصولك انك عباره عن رقم مش انسان لازم تحقق التارجت بتاعك ياما تكون مرفود يا تسيب الشغل بكرامتك شغل محكوم بتارجت و دا بيبقي شئ للاسف مش سهل ربنا يقدملنا ال فيه الخير

@Safygamal-t8s 3 ай бұрын

بلد معفنة وتفقر شغل كله في الزبالة

@عبدالله-ق9ز7ر 2 ай бұрын

اشتغلي حاجه بتحبيها يابنت الناس وابعدي عن القطاع الخاص ،انا مش عايز اقلل من معاناتك اطلاقا ونتمني ليكي خير كتير ، انتي انسانه واضح انك حساسه اوي ، الشغل محتاج مرونه كتير محتاج للاسف اساليب اليد اليسري محتاج تقول حاضر وتطنش او تكون شخص بتاخد حقك بلوي الدراع ، انتي شخصيه لطيفه وجميله واجمل ما فيكي انك حساسه اوي الفيديو ده من سنتين اتمني يكون الكريم سبحانه وتعالي كرمك بزوج هو يشتغل وانتي تشتغلي بس بمزاجك مش مجبره ،اعتقد اللي هيتزوجك هتكون امه دعت ليله في ليله قدر او وقت استجابة دعاء ، انا حالياً في مكه مع زوجتي والاولاد وهدعي ليكي دعوة بظهر الغيب ..ابشري❤

@zahraamohamed1324 2 ай бұрын

يا بختها بدعوة مكة المكرمة إدعيلها وإدعيلي معاها من فضلك 😊 ربنا يسعدك ويباركلك في أسرتك

@BocaLo-m4r 2 ай бұрын

ادعيلي معاها ازور الكعبه الله يسعدك

@alimohamed-pe3fs 2 ай бұрын

وأنا كذلك ادعي لي بالله عليك بالزوج الصالح تقبل الله مني ومنك وفرج الله عنا جميعا أن شاء الله ❤

@-anaamna5616 Ай бұрын

طب ممكن تدعي لي انا كمان لاني في نفس الوضع و وصلت اني اخد حبوب اكتئاب

@salmasalomasalina Ай бұрын

و انا كمان ادعيلي بالله عليك اني اخلص 3 ثانوي على خير و اجيب مجموع عالي جزاك الله خيرا

@waleedibrahim8782 2 ай бұрын

طيب .. أنا قعدت في فودافون 10 سنين (مهندس) .. مشيت بسبب الادارة و المديرين برضو ,, مشكلة فودافون الأزلية هي المديرين بيتشربوا القرف من اللي فويقهم الا من رحم ربي .. منساش أكبر واحد في الشركة وقتها الCEO لما وقف فخور بيقول لكل الناس: انت مينفعش تستأذن من الشغل عشان حالة وفاة ألا لو المتوفي من كلمة واحدة (أم \ أب \ أخ) لو من كلمتين (ابن عمي \ مرات خالي) ممنوع تسيب الشغل عشان حالة وفاة .. مش حنسى لما دخلت أمضي ورقة من واحدة تحت ال CEO على طول حبت تغير حاجة في الكلام اللي مكتوب بدل ما تتكلم و تقول رأيها راحت مشخبطة و شاطبة الورقة و رمياها .. أنا بقول كده عشان ديه أعلى رؤوس في الشركة ... هو ده ستايل الادارة في فودافون .. طلع عين أم الناس و اديهم ملاليم ... منكرش اني قابلت ناس جميلة هناك بس ده لا يغير ان ادارة فودافون مع الموظفين في منتهى السوء .. متروحش تشتغل هناك الا و انت manager يمكن تعرف ترحم الناس اللي حتبقى معاك من الستايل الزبالة المنتشر

@khaledahmad7204 Ай бұрын

واتصالات وأورانج والمصرية للاتصالات نفس المأساة؟

@ahmedafifi2866 Ай бұрын

انا اشتغلت ٢١ سنه في فودافون و مشيت من سنتين و مشوفتش شركة ناجحه زي فودافون و بذات اداريا

@ŘâiĤäŃã.M.H Ай бұрын

@@ahmedafifi2866 ههه ناجحين في ايه في سرقة العملاء ؟ انتوا فلوسكم وبطونكم مليانة بالحرام وولادكم وبيوتكم اتغذت واتمتعت بالسحت وان شاء الله نقتص منكم يوم القيامة

@احمدعبدالخالق-ف3ش Ай бұрын

ممكن تكلمني عن تجربتك الشخصيه في فودافون@@ahmedafifi2866

@Mohamedelbanna7 2 ай бұрын

امنية انا اول مره اشوفك بس عايز اقولك خليكي عرفه ان عند الله لا يضيع حق أحد و كان جالي اوفر في Vodafone بس اول ما سمعت الفيديو اخذت القرار اني مش هروح وربنا يارب يرزقك ويوفقك لما يحبه ويرضاه و كل الدعم ليكي

@abdokordy2 2 ай бұрын

هو شغل الفروع وشغل كول سنتر مش افضل حاجه في فودافون ...لكن اي حاجه بعيده عن دول فالشركه تمام عن تجارب الي بشوفهم ..والله اعلم

@waelshafik8518 2 ай бұрын

@@abdokordy2 يبقى الإدارة فيها حاجة غلط مافيش متابعة زي فارفور 😂كده بيبيعو خضار وفاكهة غريبة المانجا بيبيعوها قبل اوانها بشهرين!!! عفوا بيلمو مخلفات الفاكهة ويبيعوها للناس !!! فين الإدارة والمشتريات ... مين التاجر اللي بيتعاملو معاه !!؟

@youssefelnahas 2 жыл бұрын

والله انتي قمر و انقذتيني فعلا لاني كنت نازل و انا اصلا مريض نفسي متزعليش نفسك انتي شخصيه مميزه و نضيفه عشان كده مستحملتيش وساختهم انا اكس كول سنتر فودافون ونفس الارف ده شفته

@omniaahmed 2 жыл бұрын

الحمد اني خرجت منها علي قد كده ، ربنا يوفقك في مكان افضل

@EmanAmen-rn1nv 7 ай бұрын

هو ده وضع فودافون Ukولا فودافون العادي ؟؟

@nan-wl6ps Жыл бұрын

بجد شكرًا اوي علي النصايح دي انا كنت لسه هفكر اقدم و بجد حاسة بيكي اوي لما تبقي في شغل ضغط اوي بيبقي بجد كابوس حتي مش بترتحي وانتي في بيتك عشان عارفة بكرة انك راجعة السجن خلي بالكو يا بنات ان السلاسل العليها عين و كف دي شرك لان ربنا هو خير حافظ حتي لو مش مؤمنة بيها حرام هذا الحديث ورد باللفظ الآتي: وعن ابن مسعود  قال: سمعت رسول الله ﷺ يقول: إن الرقى والتمائم والتولة شرك رواه أحمد وأبو داود، والتمائم شيء يُعلق على الأولاد عن العين وهي ما تسمى عند بعض الناس بالجوامع والحجب والحروز، وقد قال رسول الله ﷺ: من تعلق تميمة فلا أتم الله له وفي رواية: من تعلق تميمة فقد أشرك.

@nour2734 2 ай бұрын

ليس حرام الحديث يحرم اللي اتخذها للعين والحفظ

@Muslim_2551 2 ай бұрын

@@nour2734 النية الصالحة لا تصلح العمل الفاسد والدين زى ما لازم فيه اخلاص يعنى إصلاح النية لله سبحانه وتعالى فلازم كمان متابعة يعنى اتباع هدي النبى صلى الله عليه وسلم واللى لما اتكلم عن لبس التمائم فى الحديث مذكرش النيه اصلا هو صلى الله عليه وسلم اتكلم عن لبسهم بس ودا غير ان الحاجات اتعملت بعرض معين هو الاعتقاد والعياذ بالله انها بتحمى من الحسد وغيره فحتى لو دى مش نيتها لسه ظاهر فعلها للناس انها لابسه تميمة فلو كانت مجرد زينه عادية ليه محدش بيقول لاى واحدة لابسه سلسلة فيها فراشه او قلب مثلا انهم تميمه ولا يجوز لبسها مع العلم انه اصلا من البداية لا يجوز اظهار الزينة للأجانب حتى لو مكنتش تميمة

@malakamedhatothman 2 ай бұрын

أليس الله بكاف عبده ...ربنا يكفيكي يا أمنية بفضله وكرمه ويعيد شغفك وحبك لشغلك ولوهنصحك بحاجة ركعتين قبل ما تنامي اشكي ربنا فيهم كل حاجة وادعيه من جوا اوي اوي يمكن بعدتي شوية وربنا بيحبك ويريد انك ترجعي فبيرجعك بس ممكن يرجعكك بطريقة تكون تقيلة على قلبه شوية ... بس اللي هيبقى انك تكوني رجعتي وتنجي نفسه في الدنيا عشان الاخره ..وكل التعب ده هتلاقي اجره عند ربنا يوم القيامة ودي احلى حاجة متخافيش يا حبيبتي متخافيش مش هيضيع ...

@ALAAangela Жыл бұрын

بجد اسوا اكسبرينس عشتها في حياتي مع الشغلانة دي

@shehabmo7amed689 2 ай бұрын

مع انك كنت بتتكلمي بانبهار عنهم احيانا بس كويس انك سيبتيهم واتجهتي للكورسات مع نفسك والعمل الحر كدا احسن بس انت اختفيتي معرفش فينك دلوقت

@shimaamahmoudkamal9394 Ай бұрын

ليه ايه الي حصل يا آلاء

@sambraham4677 Ай бұрын

ايش معنى هذه الكلمة الغريبة اكسبرنينس؟

@shehabmo7amed689 Ай бұрын

@@sambraham4677 هي تقصد اكسبيريانس Experience خبرة او تجربة

@shehabmo7amed689 Ай бұрын

@@sambraham4677 هي تقصد اكسبيريانس Experience خبرة او تجربة

@kinglord8761 5 ай бұрын

كل الشغل فى مصر ظلم وقلق ومرتبات هزلية - بيستغلو طيبة الشباب وقلة خبرتهم ف يظلموهم - الظلم والتجبر طبيعة موجودة فى أغلب البشر للأسف - هم دخلوكى متلازمة الاحتراق النفسى - وكنتى بتكتمى الآلام النفسية والبدنية فى داخلك - العبى رياضة عشان تخرجى الأزمة من قلبك - ربنا يجعله فى ميزان حسناتك - إنما يوف الصابرون أجرهم بغير حساب

@Safygamal-t8s 3 ай бұрын

ولسه الي جاي أسوأ كل دا سببه الفقر والجهل وزيادة السكان وغياب القانون

@TIME_IS_OVER.99 2 ай бұрын

@@Safygamal-t8s الاصح نقول الفقر والجهل وغياب القانون جعل الثروه البشريه عبء على البلد . اصلا تحويل المصريين العاملين بالخارج تقريبا تانى او تالت اكبر مصدر دخل اجنبى للدوله كلها .والنقاش يطول لكن ممكن تبحثى عن تجربة الهند وتأهيل شبابها للسوق العالمى واقتحام اكبر شركات التكنولوجيا العالميه بكوادرها المؤهله برعاية الدوله .

@صلعلىالنبى-م8ت 2 ай бұрын

@@Safygamal-t8s وفين غياب الدين ؟؟

@Safygamal-t8s 2 ай бұрын

@@صلعلىالنبى-م8ت لول هو انتوا عاوزين تحشرو الدين في كل حاجة كل دا وغياب الدين

@Safygamal-t8s 2 ай бұрын

@@صلعلىالنبى-م8ت لول الدين موجود في كل الدول العربية وكل الدول العربية بتعاني من الفقر والمجاعات والجهل وغياب القانون والتسول والزيادة السكانية وتدهور التعليم والصحة والاقتصاد الدول المتقدمة ماعندهاش دين ومع ذلك عايشين افضل كتير. مننا مش احسن حاجة بس افضل طبعا مننا الدين مالوش علاقة ياابو جهل

@emanhashim5894 2 ай бұрын

انت بطله وانسانه مجتهده ومحترمه بنت ناس اكيد ربنا هيعوضك متزعليش خالص حمد الله على سلامتك انت نجيتى من الهلاك ولحقتى نفسك اقدمى محتوى انت عندك كاريزما حلوه اوووى وناس كتير هتتابعك

@hebaessam6502 2 ай бұрын

انا شوفت الفيديو بتاعك دا الساعه ٢بليل وكان عليا انترفيو الصبح كنسلته بسبب الفيديو دا و الفيدبالك بتاعهم على الفيس

@y.dawood3153 2 ай бұрын

انتي شجاعه جدا و الفيديو هذا يؤرخ للتاريخ.. شكرا جزيلا انك عملتي هذا الفيديو. عسى الله يعوضك.

@amlbassem1945 2 ай бұрын

انا اشتغلت فترة تلات شهور ف فودافون يو كي، برضه جالي اكتئاب بس الحمد لله بقيت كويسة لكن لغاية الان عني عقدة من التحدث مع بريطانيين، شغلي الحالي في شركة سياحة بتعامل مع امريكان وبريطانيين ، بختار شيفتاتي بالليل عشان ابقا ف وقت الامريكان بس

@hodapro3394 2 ай бұрын

تعاملهم وحش ؟

@aliaghonem3513 2 ай бұрын

ايه المشكلة في التعامل مع الانجليز ؟

@successreasons6424 2 ай бұрын

ليه جت لك عقدة من التعامل مع البريطانيين؟

@emmyahmed4336 2 ай бұрын

يا جماعة هي شيفت بالليل يعني مش فاضية ترد 😂

@Haidy925 2 ай бұрын

اتعلمني انجلش من انهو مصدر؟

@mahanagy3644 2 ай бұрын

والله احسن اوعى تشتغلى نصيحة لان الشغل كلو قرف وبياثر على النفسية وبيجيب اكتءااب لان الناس بقت زفت الا من رحم ربى . بجد الى مش مضطره للشغل متشتغلش ياجماعة للاسف هتخسر كتير

@تهاني-ت2ي 2 ай бұрын

و الله صح

@walaahelmy2055 Ай бұрын

اه والله الست مالهاش الا بيتها😢بس اللي محتاج الشغل يعمل ايه

@merhanabdelrahman432 Ай бұрын

احنا بنتعامل مع ناس مريضه للاسف بس احنا لازم نشتغل

@Mohamedhassan-kl9qr Жыл бұрын

وانا الي عمال ادور على شغل كول سنتر 😂😂 كرهت

@tamerelhalawany4166 2 ай бұрын

😂😂😂انا نزلت فرع حدايق القبه اسبوع ضربت مدير الفرع واترفدت

@crystalrock5346 Ай бұрын

😂😂😂👍

@hashemhussien9866 Ай бұрын

لو انت مش غلطان وهو مفترى بجد تسلم ايدك . والحمد لله انك سبت الشغل عندهم دول ولا قطاعين الطرق او . استغفر الله العظيم . حرفيا بلطجية .

@Mhkjbgnhggbh8877i8 Ай бұрын

😂😂😂😂😂😂@@hashemhussien9866

@nanynany1451 Ай бұрын

😂😂😂😂

@samuilsamir8706 25 күн бұрын

😂😂😂😂😂طب هنعمل اي ف مصر

@bassantbaghdady9438 2 ай бұрын

يارب تكوني حاليا في أفضل حال وإن شاء الله ربنا يعوضك بكل خير وشكرا جدا علي كلامك لأن أنا من الناس إللي كانت نفسها تشتغل في فودافون

@AmaniYahia-uq1zu Жыл бұрын

الف مين يتمنى يشغلك معاه خلي امانك بربنا كبير لعله خير ويمكن الخير جاي لك من مكان ثاني ما تياسيش وحاولي تشغلي نفسك بشغل ثاني علشان تنسي

@LostinTranslation479 2 ай бұрын

تجربة بتقطع القلب💔 الفيديو من سنتين يا رب تكوني احسن حاليا

@youtube.user123xdyx 2 ай бұрын

💕 هتبقي قمر بالخمار الطويل والجلباب الفضفاض لأنهما فرض علينا من الله ﷻ فأمر الله ﷻ المؤمنات: « وليضربن بخمرهم علي جيوبهن » {النور ٣١} والخمار لغةً هو ما يغطي الرأس والجيب لغةً هو فتحة القميص فينزل من أعلي الرأس ليغطي الي ما تحت منطقة الصدر. و أمر الله ﷻ نساء المؤمنين: « يدنين عليهن من جلابيبهن ذلك ادني ان يعرفن فلا يؤذين » {الأحزاب ٥٩} والجلباب لغةً هو الملحفة الفضفاضة فتزل من أعلي الرأس حتي القدمين فوسعها ينزل من الذراعين لتغطي الجسد كاملةً ولا تصف حجم أعضاءه فقال الله ﷻ : « ولا يبدين زينتهن » قال رسول الله ﷺ : « إنَّ المرأةَ عورةٌ ، فإذا خرجتِ استشرفها الشَّيطانُ ، وأقربُ ما تكونُ من وجهِ ربِّها وهي في قَعرِ بيتِها » « ما تركتُ بعدي فتنةً أَضَرَّ على الرجالِ من النساءِ »

@Psycometer Ай бұрын

يا عم روح اقعد في الصحرا و ريح نفسك و ريحنا منك و من امثالك يا عم روح عند صحرا العرب و اعمل في نسوانك اللي يعجبك بلاش قرف بقا

@Bisan-j5g Ай бұрын

الله يرضى عليك ربنا يهديها ويهدينا ❤

@Ali47037 9 күн бұрын

انت فالغالب مسمعتش الفيديو

@ahmedammarammar9826 3 ай бұрын

والله انا كنت على وشك اني اروح اقدم في فودافون واعمل انترفيو بس والله انتي انقذتيني من حُفرة كنت هدفن نفسي فيها، ربنا يجزيكي عني خير و يعوضك خير يا رب ويرزقنا جميعاً.. انا كنت ماشي على عمايا وربنا بعتك ليا، كلمات الشكر ما تكفيش 🤝🙏🙏🙏

@shrieftarek2010 Жыл бұрын

انا كان عندي انتر فيو انهردة ف فودافون والله وبعد كلامك دا اقسم بالله ما هعتبها

@nonobtboto1776 2 ай бұрын

ربنا اكيد هيعوضك باحسن منهم وهيحاسبهم اانه مش بيسيب حق مظلوم بس لازم تنسى الاندال وخساره دموعك الغاليه ❤

@LolitaA-o1t 2 ай бұрын

المظلوم حقه لا يضيع وسيعوضك الله، والظالم هيفضل شايل ذنب المظلوم لحد ما ياخد جزائه لأن حقوق العباد لا تُغفر الا إذا سامح الشخص

@amryousif1239 11 ай бұрын

اى الكلام الصعب ده انا افتكرت لما كنت في خدمة عملاء فى راية والله انا ولد وحصلى موقف مشابه عميل فضل يشتم فية وانا مقدرتش اخد حقى ساعتها والله انا ولد المفروض اكون قوى والله عيط من القهرة ان انا معرفتش اخد حقى

@sammakammal2450 8 ай бұрын

بجد ، أنا لسه مقدمة في راية وخلصت التدريب بتاع السوفت سكيلز ،

@sammakammal2450 8 ай бұрын

حقيقي كنت حاسة إن حق الموظف مهصوم

@ir0n870 3 ай бұрын

@@sammakammal2450 لسه شغاله فيه وهل الشغل اونلاين

@Safygamal-t8s 3 ай бұрын

انا بصراحة مش حابة اشتغل كول سنتر

@ir0n870 3 ай бұрын

@@Safygamal-t8s لية ؟

@AbodAshqar 2 ай бұрын

انا اشتغلت في مكان شبه كدا بس شركة مالهاش علاقة بالاتصالات وفودافون وكدة .. اقسم بالله بالرغم اني شب والشغل دا كان اول تجربة ليا حسيت اني همرض بامراض متعددة .. كان معانا بنات وشباب في المركز دا أو الشركة .. اتصدمت لأول مرة من معاملة البنات لبعض وللشباب والفاظ قبيحة وطريقة هزار معفنة أوي ومقززة .. حتى مدير المكان يطلع بيكايد زي الحريم ويجند ناس عليك ويتكلم مع البنات باسلوب وسسخخ والفاظ خادشة .. الحمد لله رب العالمين اني سبت ام المكان دا .. باختصار الي بيدوم في الأماكن دي بيكون مستغني عن كرامته ونفسه

@asmaagalalgalal1309 2 ай бұрын

سلم يارب سلم

@ayoushahesham8748 2 ай бұрын

أنا بعد شغلي ف we ك technical support جابولي مرض نفسي وقعدت حوالي سنه مش عاوزه اتعامل مع بشر نهائي من ال شفته 😂😢 حرفياً لازم تسيب كرامتك ع باب الشركه قبل ماتخش

@GoGo-py9lw 2 ай бұрын

فعلا حقيقي

@ihabsalem8110 Ай бұрын

أخويا شغال فيها له ٤ سنين أروح ألحق اشوفه

@emansab3r452 Ай бұрын

يعني برضو شغل weواحش

@GoGo-py9lw Ай бұрын

@@emansab3r452 جدااااا

@mohamedismael3769 2 ай бұрын

سبحان الله احساسى بيقول لى انك صادقة فى كل كلامك وحسبى الله فى اى مسؤل ظلمك ونسى قدرة الله علية.

@badrahmed2045 2 ай бұрын

قلبك طيب جدا و بنت ناس ربنا يرزقك بالي تستاهليه

@egyptoon Ай бұрын

ربنا يعوضك خير ان شاء الله

@p.r.ochannel9466 21 сағат бұрын

Omg bro ur here!! Fond of ur fabulous content xD!

@isis2779 Жыл бұрын

طبعاً تجربة مش لطيفة بس أعتقد ان دي مشكلة خاصة بالمدير مش بالشركة المدير كان ف ايده يساعدك ويسهلك الدنيا

@Safygamal-t8s 3 ай бұрын

هي اصلا مهنة متعبة ومبتذلة

@sameerashmawy357 2 ай бұрын

انت جميله ومؤدبه وعندك اخلاق لابد ان تلقى وراء ظهرك وعيشي حياتك

@mennatullahabdallah5819 2 ай бұрын

اخويا راح اشتغل هناك و هو اصلا عصبي و كان نازل خدمة عملاء في مرة عميل اتصل بيه شتمه قام اخويا هزقه و شتمه و اترفد بعدها 😂 اصلا كل واحد له رزق في مكان هياخده غصبا عن اي حد طالما ربنا كاتبلك رزق يبقي متقلقش هتاخده بس تاخده و انت كرامتك متصانة و مرتاح نفسيا

@modesalah7607 2 ай бұрын

كل شركات الاتصالات كده يا اصدقائي انا كنت شغال لمدة 10 سنين في شركة البرتقالة وانهوا عقدي لاني مجبتش 100% تارجت آخر ثلاث ثلاث سنوات مع العلم اني جايب 85% وده قانون الاتش ار ولكن نصيحة لوجه الله محدش يشتغل في اي شركة فيهم

@mohamedzenbaay8991 Жыл бұрын

معقول كل دا حصل من شركة فودافون دا انا كان نفسي اشتغل فيها وعندي انترفيو النهارده معاهم بجد ربنا يعوضك وينصرك ويجبر قلبك باللي تتمنية انا بجد هتخليني اخد لبالي من كل اللي هيحصل معايا النهارده شكرا ليكي بجد

@magdialaa2457 Жыл бұрын

حصل ايه

@retag2419 11 ай бұрын

ممكن تقول حصل ايه وايه النظام

@صلاحنصرى-ذ4ك 6 ай бұрын

اوعى اسوأ مرتبات بعد فترة هتلاقى الناس كلها بتكبر بره وانتى بيتحرق اعصابك ومرتبك اقل بكتير من غيرك

@The_Gray_Zone_Man 2 жыл бұрын

مشكلة فودافون بالذات انهم بلطجية في التعامل , قواعد صارمة وبلطجة من المديرين ومن السوبرز , بيعملوا كل حاجة تقريبا عشان يحافظوا على فودافون وسمعتها , وفي المقابل بيتعاملوا تعامل في قمة الصرامة والبلطجة والنرجسية اللي في الدنيا مع الاجنت اللي شغال تحت ايديهم , واللي اشتغل مع فودافون هيفهم الحتة دي انهم بيمصوا دمك وبيبلطجوا عليك

@omniaahmed 2 жыл бұрын

حقيقي كلامك مظبوط 👍🏻

@pharmacist0595 8 ай бұрын

انا بال2022 اجا علي عميل كنت بفرع شركة اتصالات زين الاردن ضربني كف رحت نزلت في بوكسات الحمدالله خلصت من قرف ده سنتين بتبهدل من الزباين و دوام في التلج و تارجت واخر حاجة انضرب كف

@Habibaart 8 ай бұрын

راجل والله، ربنا يعوض عليك

@MamaMama-x3v Ай бұрын

يلهوي التعامل مع البشر مدمر نفسيا عشان كدا بقول لماما مش هشتغل وامي نفسها تشوفني عندي وظيفه حكوميه مدرسه بس الحمد لله انها جت من البلد أن مفيش وظائف لو غ النظام ده كان الاكتءاب رجعلي جامد انا بعيط من اقل حاجه

@hackexpert0003 2 ай бұрын

الحق على الحكومة المحترمة لا تحترم المواطن

@محمدالسعيد-ذ6ظ 3 ай бұрын

برافو انك رحت لطبيب نفسي محدش بياخد الخطوه دي بسهوله

@dareenmo2men52 2 ай бұрын

لسه اليوم كنت بتخانق معاهم. للاسف الشركة بقت سيئة جدا ، بس فالحين يهتموا بالدعاية لكن هدمة البيع او ما بعد البيع. زفت قطران ، حسبى الله ونعم الوكيل

@dinaibrahim2347 2 ай бұрын

شكرا للتوعية بجد اسواء بيئه عمل

@Mahmoud12324 6 ай бұрын

ربنا يعوضك ويوفقك في ال جاي الشغل في مصر للأسف كله بالشكل ده كل المجالات أنا دخلت طب قال ايه عشان الاقي ناس محترمه اتعامل معاه صدقيني عدد ساعات شغل غير اداميه رواتب تعبانه بتتصرف في سكن ومواصلات ناس سامه بتتعاملي معاهم سواء مرضي زمايل شغل أو دكاتره اكبر منك ممكن متاكلش طول اليوم احلامك وكل ال بتفكر فيه بتدفنه تحت رجلك وكذلك الناس بصالك انك دكتور وانك الوحش وانك ع قلبك فلوس وجزار وكده الشغل ف مصر أو الحياه معلش مش الشغل بس غير اداميه الناس ف مصر غير سوييه ربنا يعوضك خير يرب ويوفقك في ال جاي

@nadamuhammad7499 3 ай бұрын

الله يعزك يااخي الكريم ويجبرك جبرا جميلاً.

@Safygamal-t8s 2 ай бұрын

@@Mahmoud12324 الحياة في مصر متعبة جدا ومقرفة وياريت الناس بتبطل تخلف عمالين يخلفو ولا كأنهم عايشين في فلنلدا لا في حرية التعبير ولا تعليم ولا شغل ولا مرتبات ولا صحة ولا دعم

@emanelansary-x6q 2 ай бұрын

الشباب مش عايز يتجوز ومش عارف يتجوز وخايف يتجوز من المستقبل المظلم ابني مهندس كان في مصنع وقفل ومضي استقالة والحمد لله عمره 28

@Safygamal-t8s 2 ай бұрын

@@emanelansary-x6q الجواز الشرقي فاشل الجواز والانجاب افشل مشروعين عل الاطلاق

@Safygamal-t8s 2 ай бұрын

@@emanelansary-x6q هو مش الشباب بس الستات دلوقتي بتعاني ضعف الي بيعانو منه الشباب ونصهم بيصرفو عل البيوت

@emanmahmoud7637 7 ай бұрын

الف سلامة عليكي يارب تكوني في حال افضل وربنا يعوضك خير

@hebaalmohawes5562 2 ай бұрын

سلام

@ayatmohammad9024 2 ай бұрын

الاذكار اذكار الصباح والمساء بتحمي من المصائب والله زي ما الرسول قال (بسم الله الذي لا يضر مع اسمه شيء في الأرض ولا في السماء وهو السميع العليم)٣مرات والله وعن تجربة لازم أقولها اول يومي عشان الكوارث والاحراجات وعشان لا جهاز يقف في أيدي يشل يومي ولا خرزة زرقاء ولاكف دول اصلا شرك بالله قال رسول الله" التمائم والتَوَلة شرك" قال الله تعالى "إنه من يشرك بالله فقد حرم الله عليه الجنة " وبلاها يا ست الكل الشغل الزفت ده صحتك واعصابك يا حبيبتي والله الدنيا ما وقفتش عليه ربنا يفتح باب غيره يا ستي

@ABEER_- 2 ай бұрын

❤❤❤

@shereenfahmy3751 2 жыл бұрын

يارب تكوني احسن و ربنا يكرمك ويفرح قلبك ويبعد عنك اي حاجه وحشه

@powerfulbusinessman8286 Ай бұрын

ربنا اراد بكي خيراً فازاح عنكي همومهم و مشاكلهم انتي احسن علشان كده ربنا بعدهم عنك

@fadyfayz 2 ай бұрын

كل مجال ال telecommunication زفت انا اشتغلت ف كل شركات المحمول كلها زفت بالمديرين " حسبي الله ونعم الوكيل " 🙏

@ashraf359 2 ай бұрын

معاك حق جدا عمتا مجال الكول سنتر زفت

@mostvet Ай бұрын

انتي انسانه شجاعه و محترمه و جميل منك انك تكلمتي و ده يخفف عنك كثيرا مش لازم تتاسفي علي انك طلعتي بالمواد ده أو لأنك تبكي ،،، ده عادي و مقبول و ربنا معك

@aliselim2819 2 жыл бұрын

أنا كنت ناوى اقدم فى الشغل ده بس بعد كلامك خلاص أنا هتراجع والف سلامة عليكى شفاكى الله وعافاكى

@meriemamrane9780 2 ай бұрын

ربنا يعوض عليك داومي على سورة البقرة سيعوضك الله خير عن طريقها

@tgifdam2236 2 ай бұрын

تترك التبرج اولا والزينه كي تكون مطيعه لربها

@hamadaafash4064 3 ай бұрын

كل اللي في المجال دا حرفياً متعب جداً انا شعري وقع ك شاب عشريناتي و غير ان الباقي منه شاااب وبقيت شيبة 😂

@mennawaheedelsayed8414 8 ай бұрын

ينهار ابيض ده red flag شكرا ليكي بجد عالفيديو

@omniagamal1212 11 ай бұрын

ربنا يريح بالك يارب ويراضيكي ويشفيكي ويبعد عنك الشر يارب العالمين 🤲🏻

@طارقمحمودسلامة 2 ай бұрын

جملة قالها لى صديق منذ (٢٠) عاما - لم ادرك مدى صدقها الا مؤخرا - بعد ان هاجر الى استراليا والجملة هى ( ان المعيشة فى مصر مضيعة للعمر ) ولو تأملنا ذلك ندرك فعلا ان الحياة فى مصر تجعلك لا ( تنال الدنيا ولا الاخرة ) اخر مسخرة صحيح !! الله يقويكى ياابنتى

@kokolist6803 2 ай бұрын

الجملة دي عامة.. و لا تنطبق علي كل الاعمال

@طارقمحمودسلامة 2 ай бұрын

@@kokolist6803 اكيد

@nohahamed6412 2 ай бұрын

الآخرة مرتبطة بالعمل الصالح والصبر ع الابتلاء مش بالبلد

@طارقمحمودسلامة 2 ай бұрын

@@nohahamed6412 صحيح

@kokolist6803 2 ай бұрын

@@nohahamed6412 ازاي.. و هو العمل الصالح كيف لك عمله من دون العيش في البيئة المناسبة له... ؟؟؟

@1243-p9w 2 ай бұрын

حسبي الله ونعم الوكيل فى اللي اذاكى ربنا يوعده اللي اقذر منه

@rokamo122 2 ай бұрын

متزعليش نفسك وانسى واطلعى كلمينا لو فى أى شئ مضايقك احنا اخواتك ، أنا اسمى روكا وزعلانه علشانك جدا وزعلانه على كمية الأدوية اللى أخذتيها ، متاخديش أدوية الاكتئاب تانى اقرأى قرآن استغفرى ادعى ربنا وهو بإذنه تعالى هيستجيب لكى . لازم يبقى لكى شغل خاص بكى انت .

@mostafaaboelhassan4013 Жыл бұрын

شركات المحمول كلها كده حسبنا الله ونعم الوكيل كنت شغال ف اورنج كنت بصرف من جيبي ده غير العملاء الي جابولي الاكتئاب المرتب كله راح ع المواصلات كنت بصل بيتي الساعه 1😢😢😢😢ده غير ضغط المدير وبيفرض حاجات من الصعب تعملها

@kinglord8761 5 ай бұрын

كل الشركات والمصانع فى مصر ناس استغلاليين وجشعين وظلمة

@Safygamal-t8s 3 ай бұрын

مهنة معفنة ومبتذلة

@crystalrock5346 Ай бұрын

انا بقا اخويا مدير فيها..بقاله بتاع عشرين سنة....عاوزة اقول لك انه معاملته معانا فالبيت زفت...انانية وتوقيع ونقل كلام وياكل مال النبى والصحابة....واهم حاجة عنده الفلوس وعمره ماوقغ جنبنا اخواته البنات فى اى موقف عادى

@Safygamal-t8s Ай бұрын

@@crystalrock5346 ربنا يعينكم اسفة ليك

@semsem1021 2 ай бұрын

انا لما اقابل عميل رخم وقليل الادب وانا راجل سيلز يعني المفروض امسك نفسي لا خالص انا بفشخه فشخ😂 واخليه يحرم يعمل كده تاني وبعدين بسيب الشغل اهم حاجه سلامك النفسي وتروح تعرف تنام

@ebnmetwaly55 2 ай бұрын

اومال الناس اللي بتشتغل في خدمات زي افراد الامن احنا بنـmـوت مليون مره في اليوم بسبب القهر والظلم والتهميش من الناس المتكبرين😢

@ashraf359 2 ай бұрын

ربنا يقويك عارف لانى اشتغلتها قبل كده ربنا يرزقك من اوسع ابواب فضله

@mariem4159 Ай бұрын

ربنا يعينكم😢😢

@mrmahmoud6540 2 ай бұрын

ربنا يكرمك يارب ويعوض عليكي ويخلف عليكي بالخير يارب تكوني احسن دلوقتي ❤

@EG-Eagle-z6e 2 ай бұрын

انا بعت الفيديو بتاعك لحد من صحابى كان بياخد رآى فى الشغل معهم و اتفرج و صرف نظر 👍

@nermeenfatthy1824 Ай бұрын

أمنية ازيك عاملة اية بليز متعيطيش تاني ويارب تكوني كويسة وفي مكان احسن حاسه بيكي جداااااااااااا يارب يكتبلك كل خير❤❤❤❤❤❤

@youssefmohamed3502 2 жыл бұрын

انتى اقوه من كده الفكره ان الظروف مكنتش احسن حاجة معاكى ف فودافون و كل شغلانه وليها مشاكلها

@omniaahmed 2 жыл бұрын

شكرا ♥️ ده حقيقي كل مكان في الحلو و الوحش الحمد لله علي كل حال

@yasminsamir8601 Жыл бұрын

ايه الرقه دي .انت عسوله وحبيتك . بالتوفيق إن شاء الله يا قمرايه❤❤❤

@beryomran1877 2 ай бұрын

الشفل ف مصر صعب جداً ومرتبات قليله بس ربنا يعوضك هير يا ريت تطمنينا اشتغلتي فين لان الفيديو قديم

@saharelkhawaga5143 2 ай бұрын

الفيديو طلعلي بعد سنتين ، مش عارفه أقول إيه ، انا بحييكي و بحترمك و بحترم كل بنت و ست بتنزل تشتغل و تتبهدل عشان تشيل مسؤوليه و تفتح بيت و تسند أهل ، ربنا يعوضك و يرزقك من حيث لا تحتسبي ❤

@lolaafaruok2046 Жыл бұрын

ربنا يعوضك كل خير ياااارب متزعليش نفسك ابدااا

@نسمهمحمد-ث7ه 16 күн бұрын

بجد ربنا يطمئن قلبك ويهدي نفسك ويصلح حالك أأمن مكان للمرأة هو بيتها والله

@MahmoudAhmed-tm6vs Жыл бұрын

انا اول مرة اشوفك، بس شفت الفديو كامل وانتي فعلاً استحملتي كتير و باين من اسلوبك انك شخصية محترمة ومجتهدة جدا وبتحب شغلها انتي بنت بميت راجل والله العظيم❤ تحياتي ليكى يا أقوي واشطر واجمل واطيب أمنية ربناا يجبر بخاطرك دايما يارب ويعوضك خير في حياتك ودايما في صحه وسعاده وعافيه وراحة بال ونشوفك دايما مبسوطة وفرحانة يارب اللهم آمين 🤲🌹♥♥♥

@hanaessam9175 Ай бұрын

احُيكي علي هدوئك وعدم العصبيه طول الفيديو عشان الكلام دا حرقلي دمي بجد انت انسانه محترمه

@Shreenseif 25 күн бұрын

يا ريت يعني نصيحه مني لك يا ريت تلبسي الحجاب الشرعي ده غير ان انا عايزه انصحك حاجه تاني بلاش السلسله اللي عليها عين زرقاء ابو السلسله اللي عليها كف

@nohayasser8872 Ай бұрын

يارب تكونى بخير❤انت عسل وسكر وانسانه محترمة ومتربية ❤❤❤ولا يهمك ان شاء الله ربنا هيعوضك عليكى بكثرة الصلاة على الرسول علية الصلاة والسلام فهى تجعل من كل ضيق مخرجا❤❤

@nadamohammadkenawy8263 13 күн бұрын

انتبهي رقبتك و شعرك باينين !! الحجاب كده مش صح وَلَا تَبَرَّجْنَ تَبَرُّجَ الْجَاهِلِيَّةِ الْأُولَى شكلك هيكون أشيك بكتييييير لو غطتيهم قال الله سبحانه وتعالى: يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا (59)

@خيزرانالقحطاني-ف4ق Ай бұрын

الله يوفقكم ويعينكم بس تنبيه يا أخوان هذا مو حجاب الحجاب له صفة شرعية لازم يستر الشعر كله والصدر والنحر ويكون واسع وثقيل مش شفاف

@ahmedkamalkamal5100 2 жыл бұрын

ربنا يعوضك خير و يعفي عنك يارب و يرزقك بشغل احسن 💖

@omniaahmed 2 жыл бұрын

اللهم امين يا رب العالمين ♥️♥️🤲🏻

@walaasamir7635 Ай бұрын

برافو عليكي علشان اتكلمتى وطلعتى إلى جواكى بس خلاص لازم تتعافى وهما شوية حرامية وربنا هينتقم منهم إن شاءالله ولا تقوم لهم قومة تانى

@Nirmintrans 2 ай бұрын

إزاي يا ظلمة تناموا عادي والناس بتدعي عليكم؟ لو مش خايفين على نفسكم مش بتخافوا على ولادكم؟ وإنت يا أمنية ربنا يسعدك لو بتحبي الشغل اعملي مشروع بتاعك في حاجة تكون بتحبيها وصدقيني حتغيري رأيك وحتحبي الشغل تاني. ربنا يوفقك.

@sosouua5903 Жыл бұрын

بجد ربنا يباركلك المفروض كل الناس تعرف الكلام ده لان ولادي كان في دماغهم الشغل في فودافون لغاية ما يجلهم شغل

@amrmuhammed2614 4 ай бұрын

انا اول مرة اشوفلك فيديو وحقيقي كنت اتمني الاقي حد زيك في حياتي انتي بجد محترمة جدا و مكافحة اوي وحقيقي معرفش انتي استحملتي كل ده ازاي انا لو كان حصل معايا ربع اللي حصل معاكي كنت اقل ما فيها شتمتهم كلهم وسبت الشغل ومشيت ده اذا مكونتش ضربتهم، ربنا يكون معاكي ويرزقك بالاحسن يارب ويريح بالك

@Masrrya 2 ай бұрын

الكلام ده لو خدت مرتبك انما لو لسه ليك مرتب بجد بتفضل ماسك نفسك لحد ما تلاقيا الوقت المناسب و تخلع