曾拿設計獎的九龍塘舊商場敵不過歲月．白田購物中心管理不善 商戶問：係咪東張西望？幫我發聲投訴!! | 城市遊走 九龍塘、石硤尾

1980年興建的九龍塘建新中心，曾在1981年拿下設計大獎，商場設計來自名師嚴迅奇。因五台山傳媒陸續遷走，同區又一城興建，建新中心的地位不停下降，如今亦敵不過歲月。石硤尾白田購物中心是不少觀眾回憶之地，商戶看到我在拍攝，問我是否東張西望？希望能夠幫忙投訴，商場管理公司視僭建如無物、商場缺冷氣、電梯壞了亦不作維修。
［PAYME支持此頻道］：payme.hsbc/hebeface
香港不是一個製作者追夢的地方，如果你認為我的製作值得你支持，
可以選擇成為頻道會員，彌補製作上的開支：
/ @hebeface
BGM：Lo-fi Type Beat - My Love
BY Eric Godlow Beats
• (FREE) Lo-fi Type Beat...

[@yusumnn2007]

滿心歡喜以為尋幽探秘，不過是但嗡兩句，彈下又感慨下，又冇分析又冇內容。

[@HEBEFACE]

分析交比專家，尋幽交比潘紹聰，探秘交比MM，是但嗡交比我。

[@jpan7075]

@@HEBEFACE 答得好😂👍

[@cy173]

建新中心，太多回憶了。預科時，因為夠18歲，成日同班friend去商場內兩間bar隊酒。第一次飲醉酒都系呢度發生。後來入咗浸記，中午食飯都時不時去，六合系月頭出咗補習份糧就去多啲。真係好多回憶，而家已經收山，一眨眼就三十幾年，歲月真係神偷，乜都偷晒！

[@herumesukuan]

BU嘅學生會叫嗰度做島仔！ 畔溪酒樓真係經典，百味閣真係成日落黎打墩， d餅自己整，好有特色。 有時BU canteen食到厭，都會成日落黎食！

[@juliana_wong]

哇今集真係時代的眼淚！ 本人自小住在廣播道，所以建新中心是我童年時代唯一就腳的商場，小時連樂富商場都未有(只得橫頭磡)，所以放學可以去下的地方就係建新中心。但建新中心由day one都已經未旺過，我唔知乜野得獎唔得獎，佢個樣由一開始要好霉，那時會去的係屈臣氏，以前的屈臣氏唔係只賣藥架，會賣snoopy漫畫(peanuts)，好貴架成$12一本，但我都會買因為太好睇了！六合小館真係好多好多年，但由一開始已經覺得唔好食，但星期日屋企冇人煮飯時都會幫襯，因為真係最近。以前未有酒吧時，仲有間意大利餐廳，味道記得算唔錯，港左西餐個隻質素咁上下。畔溪酒樓有去飲茶，出面有書報攤，媽咪會買公仔書俾我飲茶時睇的！反而到而家都完全唔知佢最上層(個的茶色玻璃)係的乜野鋪。 至於白田購物中心係我我以前讀city時會去的，但印象已好模糊，只記得有去白田村食飯，有大牌檔食煎肉餅飯，同埋有間up dup茶樓飲茶食點心，食完肚痛

[@dick-fungszeto4661]

一向都有浸會SCE Office

[@briankwan8161]

多謝Hebe, 我細個住歌和老街, 響未有又一城既時代就係幫襯六合小館買外賣, 雖然都唔覺得好食, 食左好多年「洋蔥豬扒飯」, 同埋以前樓上有間好大既百佳架, 買完日用品就去攞外賣

[@seanchan1987]

無錯，當年建新中心係有屈臣氏，當年屈臣氏仲有玩具買，我細個就在這間屈臣氏買過一個玩具收銀機。可能80/90年代多細路出世，所以當年屈臣氏/百佳/惠康都有玩具買賣

[@Nathantsang123]

@@seanchan1987 我hkbu 06年入學, 唔係條女病我都唔會去六合買粥食dls... 係hall 住要食粥, 一係六合, 一係去地痞館.... 百味閣都係prof 請先食過一之, 成70 - 80 蚊一個lunch 呀大佬點食... ( 舊can 四寶飯仲係賣緊24蚊)

[@louiso6316]

以前我响建新屈臣氏買過“魔神英雄傳”的figure，還有六合的滑牛粥及炸醬麵都是以很喜歡點的，時間梭梭，想起這些兒時歲月就像昨天發生過的事😌！

[@bennywong623]

中學時期經常到白田購物中心(已經是三十年前)，以前有兩間ＣＤ鋪，三間賣舊漫畫鋪，三間租漫畫鋪，遊戲機鋪（我第一部世嘉，PC Engine和play station 1都在這兒買的），後期有網吧。片中的俊義漫畫店（有上下兩個鋪位），最初是一樓租小說二樓租漫畫，現在已變成樓上是補習社樓下是租漫畫。雖然我已搬離此區，但都經常回去探老街坊，所以知道發生什麼事情，現在白田購物中心正在進行大廈維修，每商戶都要付6-7萬做大維修，但付了錢之後，才發覺這些錢只做大廈外牆和住宅走廊維修，不會維修商場，所以商場商戶投訢，付了錢但維修些他們不會使用到的地方，商場漏水，天花剝落，又爆屎渠都不去處理。

[@hhkkkhho3271]

都幾慘 比左錢乜都冇維修 2016年正門冧石屎 好彩冇傷到人

[@Ghostbustershongkong]

對當年小朋友來說, 白購真是一個天堂 !!

[@magmamere]

There was a place for selling cassette tapes. I got Sally Yeh's 1986 cassette there.

[@raulbee69]

白田一帶屬於校網區，附間四間中學BAND 123齊曬，仲有一間小學 所以好多學生當年都係依個商場搵食，當年廿蚊一個碟頭飯塊扒大過塊面 食完快飯出去士多比三個半買支冰凍茶字典又係爽既 果時二樓好多網吧，好多學生放學就會上去打機，之後比訓導捉到記過🤭

[@Phosphorum]

以前係石硤尾讀書成日上去食飯,依家睇落唔同曬,好似執左好多食店

[@castiel8864]

好懷念白田購物中心, 以前有間叫「彤彤」嘅文具鋪就係我嫲嫲開嘅, 我細個好多時都會去幫手, 好多童年回憶, 不過嫲嫲離開之前就頂左比人做, 睇完你今條片先知個鋪位仲係賣文具, 但係已經唔同左樣.....

[@billywong98765]

呀，係咪有養隻貓叫阿 Cat?.? 係唔係都已經上咗彩虹橋啦😢😢😢

[@castiel8864]

@@billywong98765 嗯嗯，係阿cat，唔記得係走失左定去左彩虹橋，因為我果時唔多喺香港😅😅

[@himlee5677]

白田嗰間富士同俊義起碼超過35年歷史，以前經常富士度買吉帶錄波! 而俊義就樓下租小說，二樓租漫畫！

[@user-nr8zn3kw1c]

時至今日，乘72號小巴去浸會醫院仍然會叫"畔溪有落"。我媽說三十幾年前梅姐、譚詠麟的歌迷會很喜歡在畔溪搞聚會，在九龍塘還未有又一城和廣播道仍是五台山的年代，建新的位置很方便。

[@brianlai168]

謝謝Hebe帶我重遊白田購物商場 。 童年時住在白田，每天返學放學都會經過此商場，記得有幾間賣郵票的店舖，當年集郵就是在白田商場買郵票。有間彩虹影視，當年租錄影帶。白田商場近南昌戲院門口，左右兩側有店舖賣小食，魚蛋好好味。 白田商場，簡直係小時候嘅美好童年回憶 謝謝Hebe

[@augary7553]

大約20年前讀BU間中都會幫襯六合小館 估唔到佢都做到咁耐... 但最後都敵唔過武肺... 持續進修嗰個位都差唔多有20年，無記錯以前係百佳超市

[@cheerlscable]

白田購物中心，以前係影印舖集中地，出名又平又快。仲有唱片舖，大大隻黑膠碟貼晒响櫥窗，真係好吸引。早兩年行過地下，仲有間眼鏡舖應該有三四十年歷史，啲戴眼鏡外國model海報舊到變晒藍色仲貼响門口，都幾驚嚇！

[@KTT940]

其實我好鍾意 80年代的 建築 全水泥的外牆 感覺好堅固

[@lemonwong1873]

但現今呢個年代,有好多新式既商場大廈都係“玻璃幕牆”為主,早幾年（2019年）所發生既（反修例事件）,有好多暴徒真係好容易打果D（爛玻幕牆）呀！ 故此,有陣時計落,都係以前果代年代既（全水泥外牆）比較堅固呀！

[@KTT940]

@@lemonwong1873 的確 而家香港少爛尾樓 少豆腐渣工程 我都有D唔慣 畢竟中國地方

[@SSPMessi]

個阿姐D粗口聽落幾有親切感🤣

[@louischow5951]

多謝Hebe 去睇建新中心，NNN年前曾經喺入邊間百佳做暑期工，印象都好模糊，唯一記得嘅事就係遇到當年做新紮師兄嘅張曼玉喺超市買嘢

[@wancc7502]

白田購物中心二樓以前有一間韓國燒烤凍肉零售中心，遠近馳名三年前光榮結束32年的營業，價錢大眾化十分可惜😢

[@tsanyung]

以前建新個場風光, 純祽係因為佢近廣播道, 當年仲係四台山, 明星仲要依靠電台電視台宣傳嘅年代, 而家電視台搬走晒, 電台又少人聽, 自然變死場

[@skfanfanfan]

關唔關AC Hall的表演事？

[@tsanyung]

@@skfanfanfan 我諗都有少少嘅......但個場好多時都係做藝人生意 (喺廣播道做完嘢落去慶功/宵夜), 畔溪都係咁起家, 係去到後期電視台搬走晒之後先轉去將軍澳

[@hinosx]

有個又一城出現就已經唔使再諗其他因素啦

[@gorosaland]

建新上面係間好大嘅百佳，小時候經常去這間百佳幫呀媽買火腿😅，到大個咗我就每逢週未帶父母去泮溪飲茶，夜晚收工都會同朋友在泮溪打邊爐………謝謝Hebe拍片帶我睇番這舊地.❤

[@user-ll3zu1md1w]

好似廿幾年前有間酒樓 ，我喺嗰度見過草蜢飲茶

[@suetlinglo3871]

主持Hebe講得好好，支持你拍多d片比我們綱民睇

[@newlic12322]

當年住白田臨時房屋區 (即現在足球場) ，個時白購對出有大排檔，附近仲有戲院，小弟當年在那裡睇天空之城。。。個時先得個幾歲。。。往事真係令人懷念。。。

[@yuvalikchi]

我都係果到睇天空之城嫁🤭

[@fathoz1]

個間戲院我讀書時候已經係咸片場, 最鐘意睇佢D名同同學一齊笑

[@boblai8043]

建新中心既興旺，好大程度受「五台山」所影響，但倒過來講，當年娛樂事業尤其電視既強勢，「五台山」又相對地帶旺埋附近既樂富中心、甚至九龍城一帶，無論係追星、現場觀眾、甚至明星、高層、幕前幕後，都會響果一帶聚腳。我記得細個去畔溪飲茶，一定會叫「蝦子袖皮」，味道至今仍然難忘；仲有樂富中心既「天福酒樓」，又係好多台前幕後會去飲茶既地方，偶爾真係會見到明星既，比如鵬哥盧海鵬。

[@58042311]

88年讀浸會，呢個商場好旺，經常係度開餐、畔溪酒家，六合小館巳經響度。

[@laptong08]

今集看到很多東西事物，其實都只是15-20年前仍然盛行的事物，但時代步伐太快，尤其這十幾年間，所有事物都要數碼化、虛擬化，現在更推向什麼元宇宙，將我們這班仍然珍愛實體鍾情舊物的人，推向邊緣化。現在只有這些舊區小店，因為種種因素未能追上現今步伐，才能勉強將時空凝固在十多年前，讓我們可以有片刻可以撫今追昔。

[@Josephine-Mak]

我小時候住白田購物中心附近，每天放學都一定在這逛一逛才回家。多謝你帶給我無限童年回憶！地下那層很多印影舖也有美容店，有報紙及小食賣，樓上也有美容店及時裝店。

[@Phosphorum]

以前係石硤尾讀書成日上去食飯,依家睇落唔同曬,好似執左好多食店

[@mike-jd9dk]

1樓有撈面, 夾糖鋪

[@shawnleong6961]

真係好喜歡睇呢集，滿滿好多回憶。80年代喺呢度讀幼稚園有90年代喺呢度讀小學。半溪酒樓飲茶/ 浸會醫院家人出世/ 浸會大會堂睇親戚表演 / 仲有家人揸車去地底停車場/仲有去已拆卸的李惠利Ivy返學。嗰度電梯上面本來有間百佳已經執咗。另外我一生第一次開戶口嘅匯豐銀行喺斜路嗰間都已經執埋

[@shawnleong6961]

有時每次返嚟呢度我都會特登去百味閣食飯好有80年代風味彷彿返返30年前好開心

[@samuraic4313]

@@shawnleong6961 培恩幼兒園??

[@fathoz1]

我都係白田讀書行白田商場長大，90年代好旺，商場右邊有大排檔，商場入口左邊有間小店篤魚旦好正，你入去個入口側邊當時有間士多，最出名就係賣散裝煙🤣，有隻大肥貓，白田商場地下有幾間漫畫店完全消失了，樓上樓梯口裝修店以前賣精品＆癢粉，臭彈，臭彈就送比老師，癢粉就送比同學嘆，放學就上去租機打租書睇，乜都無哂了

[@user-mq8hp5lw3k]

大排檔我也食過，現在做了馬路

[@fathoz1]

@@user-mq8hp5lw3k 我都係食左1-2年就好似消失了

[@user-mq8hp5lw3k]

@@fathoz1 我九十年代係附近讀中學，最喜歡吃大排檔，你知學生哥銀纸有限，食碗粥已經好開心，仲記得舊既石硤尾未拆，隔離就是，好多伯伯，婆婆好多平價小店食物店吃，舊式公屋大廈地下好多懷舊食物吃，六蚊雞就有排骨飯吃，這是老村的人情味，深信好多七，八十後我這輩的人感受最大，見到以往舊事物，亦接觸到現在的事物，白田，石硤尾，近三十，四十年變化好大，仲記得商場隔離戲院，後期電影業沒落，改播色情電影，老友鬼鬼，全日任睇，相信好多老友記一定記得。

[@fathoz1]

@@user-mq8hp5lw3k 我最記得有間賣9蚊一個免冶牛肉飯, 拯救左我幾多個無錢既日子

[@manwithtoys9209]

我公司幫呢個building 做冷氣保養, 上面2, 3 樓係office, 入面比出面新好多, 個設計幾靚👍

[@HCHLEE2007]

我是在白田長大直到結婚後才搬離石硤尾，「白購」是我成長的地方，我在附近讀中小學，最常去白購影印notes, 影一百張每張0.13，仲有我常常放學後留連的「機舖」，紅白機、超任、Sega、PC Engine，以15分鐘幾蚊嘅價錢玩，又有抽卡機，龍珠、美少女戰士、男兒當入樽、…實在太多兒時回憶了，但商場地下仍然冇太大變動，買計數機及手錶店，當然有租漫畫店啦，我就喜歡買嘅，所以好少租，太多回憶了，給我現在外國的人一個記錄，多謝你Hebe

[@manchunkoo5349]

建新中心間畔溪酒樓喺八十年代係明星食堂，記得佢嘅錦鹵雲吞係好出名，另外就係當年X先生與黃脚鷄單嘢，Mr. X同某社團大佬就是在該酒樓內「磋商」掩口費銀碼。

[@noopcire]

建新中心同埋對面畔溪酒家(醫院前身) 好巴閉架！80-90 年代畔溪由一間酒家發展到有埋畔溪火鍋同川菜，共3間食肄，非常墟冚。 久唔久亦都會見到 tvb係畔溪劇集擺慶功宴。我有幸係酒家見過黎明。

[@yhtsui3757]

Hebe 好鐘意你去睇同拍舊商場呢個系列，因為我自己都好鐘意行舊商場，可以睇到好多歲月痕跡同舊時風光，加油

[@NikitaLeung]

阿姐好好火氣，成段最精彩嘅環節，你都搞番個類似東張西望嘅節目啦～

[@ngyamato8267]

下次可否入來大埔拍片？翠屏花園商場係大埔區其中一個半死既商場，童年住大元邨，經常出入呢度 另外，大埔墟新街市對面果個大日子商場都係值得一去，前身係酒樓來，數年前變左劏場之後，直情變左死場

[@zumikoo9723]

講起建新中心，真係好有回憶。我畢業後第一份工，就係廣播道上某家傳媒，有時會和同事去這商場的餐廳午飯，或去畔溪飲茶，偶然放工後還會去那裡的酒吧飲番杯。印象中商場從來都不太熱鬧，但裡面的小店各有特色，有空時去逛逛也很舒服。後來我轉了工，不再流連廣播道，這個商場也在我的記憶中淡出，多謝你今次去拍片，讓我有機會重溫初出茅廬的歲月。

[@chihinglee4538]

我1987年 係建新中心 3 樓 做 Drafter, 公司名 Franki Contractor 專做地基打樁工程, 即係電梯最上層, 一轉眼35年啦

[@chihinglee4538]

白田購物中心 中學時常租漫畫書, 當年最鍾意睇城市獵人,好懷念

[@enochmusic416]

十分感謝HEBE的影片, 初中時代住在石硤尾, 每日放學都會先去白田商場。當時商場很旺場, 人流唔錯, 而且漫畫業興旺, 白田有成幾間賣漫畫的店, 當時就常常來租漫畫和補購本地漫畫。當時俊義漫畫店有上下兩個鋪位, 當時風頭真係一時無兩! 特別深刻當時租左一本龍珠劇場版, 但一直忘記還書, 直到而家(已經唔知要罰幾多錢).....本漫畫已經冇左, 但係漫畫店仍活在我的心內, 希望時代的巨輪下仍能保持小時候的特色。

[@HongKongeruk2024]

快D 去還錢俾老闆啦, 呢D 野唔好拖, 欠人的在其他地方會漏返出去的.

[@wai0002]

畔溪酒樓，我小時候住廣播道經常會去，香港第一架冷氣巴士都係廣播道開出係小巴來的，加上佢係電視城附近，當年非常有名的😂

[@kalailam5683]

依家係浸會醫院一部分

[@chinghanglaw739]

208

[@wai0002]

@@chinghanglaw739 白色的👍

[@gorosaland]

係呀，208⋯⋯嗰陣叫豪華巴士

[@whereismymind2047]

白田購物中心廿年前好旺，PS1, Sega Saturn年代好多賣老翻鋪 同埋好多閃卡鋪，印象有間叫阿澤 樓上有幾間租neo geo拳皇打，十蚊20分鐘

[@hhkkkhho3271]

阿澤個時全港算好出名 由送零食租機打 賣卡賣到比吳剛訪問 之後轉做網吧 唔知有冇人知佢現況

[@powong8011]

阿澤好似超任年代已經開始做緊成日去睇龍珠卡

[@whereismymind2047]

@@hhkkkhho3271 可能退左休了？細個星期六日浦佢間鋪買賣龍珠卡就係主要活動hahaha

[@happyguy7843]

以前中學時期特登由沙田搭車去嗰間咭霸阿澤買動漫閃咭！

[@puisanli913]

多謝Hebe 細個回憶返晒黎 以前樓上好旺嫁330pm打後 一放學個個沖去網吧玩cs,信長 樓下重有租漫畫同夾糖 中間間影音有賣gba,數碼暴龍機 最頭個間玩具鋪以前有個惡呀姐店主 成日鬧啲細路無錢買就咪搞 佢間鋪重可以寄賣卡可以話卡鋪嘅元袓黎 成個白購樓下有茶記有車仔面有日式便當有燒味飯 一放飯個個學生就去霸位 邊到有位就食邊間

[@ivans1801]

金玉以前地庫有過百佳 至於白購，富士影音以前有賣過gameboy帶，影印鋪都以前由細到大都係呢度影印，二樓以前有文具店，仲有以前補習社既地方係網吧嚟，漫畫店廿年前都已經起度，一直冇變過，門口既曬相鋪都係，剪髮鋪由細鋪做到大鋪，一直服務街坊

[@hhkkkhho3271]

第一部game boy就係響佢度買,好似買左7舊水 曬相鋪其實再舊d時候響南昌街個邊,以前匯豐大火有訪問個老闆

[@chunchaklai6674]

以前成日去一樓文具鋪隔離果間game鋪買ps1老番game…好有回憶

[@ericwong2779]

以前讀BU一星期真係至少有三餐去六合,畢業之後都幫襯過一次,啲菜式好特別.如果鬆動嘅話就去Billy Boozer. 唉,咩都變晒.

[@user-ll3zu1md1w]

多謝你分享，白田購物中心係我中學年代成日去的地方，以前好多學生常去好多野睇，而家睇返無限回憶😢

[@dikmanwu2398]

二十年前喺浸會讀書嘅時候，建新中心都係同而家一樣咁up dup, 最旺係六合小館隔離有間影印舖幫大學生印書(好似後來俾海關冚咗），lunchtime 多啲人幫襯吓啲餐廳，但其餘時間都係好靜。廿年前係有間百佳，但係我未畢業都已經執咗。從來都無輝煌過，以前有電視／電影喺建新中心取景，都係貪佢無人行夠靜，又近電視台，唔會有人騷擾。

[@jimmycheung2487]

你太年輕 八九拾年代有好多明星藝人住廣播道 當時商場有酒吧 、卡拉ok 果時有明星係度蒲

[@shingfaiwan5723]

建新真係好風光，地庫有間酒樓好多藝員聚餐，重有一間大百佳

[@hhkkkhho3271]

以前白購好旺,CD鋪 零食鋪 漫畫鋪 租機打 租帶鋪 租單車鋪 卡鋪乜都有 外圍就南昌戲院 同 大排檔黎 HEBE影個間影音鋪 漫畫鋪 卡鋪響度30年都有 而家乜都冇曬 得返外圍地下做飲食既鋪頭

[@Ghostbustershongkong]

對當年小朋友來說, 白購真是一個天堂 !!

[@dannywo2414]

我都租過單車。好似五毫子半粒鐘。二樓仲有間做波衫。

[@appolopp]

細個屋企係白田購物中心開鋪頭, 成日同其他鋪D小朋友一齊玩, 都有5-6個度, 追追逐遂又一日🤪 以前仲有賣games(紅日機年代), 有得比錢玩, 又有D賣卡既鋪頭.😁 記得出面有大排檔, 有戲院, 太細個了, 小學都未到.

[@kennethfung1207]

多謝Hebe帶我重回白購，80年代後期已經開始去，到中學時更經常去，買錄音帶、遊戲帶、龍珠卡，睇漫畫等，滿是回憶

[@mrchoichoi2444]

細路成日去白田購物中心, 富士以前有得抄超任GAME, 好多回憶

[@liwilson8403]

建新中心 冇行落去最底層真可惜 以前係 超巨型 遊戲機中心 叫 Happy Garden ! 勁多回憶呀 !

[@ivanlam0819]

最低果層租咗俾浸會醫院，得返個門口。

[@terrywong72]

Hebe ，多謝你去拍舊商場呢個系列，我可以睇到好多歲月痕跡同舊時風光，加油！

[@samuelhcs]

以前就係喺白購一樓打機, 超級任天堂, 我仲記得係打龍殊, 5 蚊 15 分鐘. 仲有當年每當日本漫畫出書, 繁中翻譯唔切, 就係去白購追手寫翻譯影印本 XDD

[@wingsangwong9108]

令我想起在，初中年代的記憶。還記得在附近上學的日子，那時放學後，徐了去鸭寮街買零件外，就是到白田商場走走。記得在正門出口的右邊是一排鐵皮棚屋，那處全是食市，很多街方，學生一日三餐都在那裹解決,白田正門左邊不時也有買小食的小販。商場下層最多的是影印舖，漫畫和game舖,在那時人山人海多熱鬧。但是樓上人流較少，只記得有舊同班同學,在樓上開過一間小小的CD舖之外,就忙記了還有什麼舖了！

[@kitlo8109]

咁你即係廠商會

[@jonlo1342]

响浸會讀書嘅年代從來無咁望過島仔（建新中心），當時只覺得有啲位係幾特別，你咁影直情覺得佢好型！亦從來唔覺得佢有咁多層…眼中只有六合、百味閣、pub、影印舖😂同一間從來唔覺得有人會入去嘅（疑似）旗袍店

[@Nanami_iii]

拍得好好 等我哋年輕一代都可以知道以前嘅商場同故事 成日經過呢啲舊商場都唔敢入去或者會好奇點解有啲會執咗都冇人拆 btw希望有字幕🥺

[@user-bh9hi4bf1k]

呢個系列留言先係主菜😂 就算唔後生，唔係自己區都未必有咩交集，睇下聽下街坊ge故仔都係趣味 btw佢講野好清晰ar點解需要字幕

[@eppiechan5673]

@@user-bh9hi4bf1k 係呀！字正腔圓嘅DJ 聲底，做DJ 也當之無愧。👍🏾✌🏅

[@user-bh9hi4bf1k]

@@eppiechan5673 佢本身都係新城DJ😅

[@paullungart]

我88年係呢頭讀書，當年有一間叫King’s Arm嘅酒吧餐廳，經常係呢度食lunch，不過當時呢個商場都已經無乜舖頭嘢睇…只係嚟食飯…

[@cy173]

皇帝的手臂呢間bar，當時其中一個老闆系港腳，有亞洲第一中鋒美譽嘅鍾楚維先生。

[@TomTom-pk9wf]

我係白田街坊，由小學到結婚前，每日都必經白田購物中心：買野、食野、剪頭髮、租漫畫⋯咩都係度。富士影音，以前黑膠唱片時代，有唱片賣的。 童年回憶，返晒黎。😌。多謝分享

[@wylfirelee3383]

重有得抄game

[@Ghostbustershongkong]

仲有閃咭 !

[@wylfirelee3383]

@@Ghostbustershongkong 阿澤

[@Ghostbustershongkong]

@@wylfirelee3383 小學時期在阿澤的店幫手.

[@anthonywwh]

九十年代讀電影的日子，我們經常來這裡吃飯，在酒吧有扒餐吃(酒吧已易手)，那時候有百佳，始終在浸大附近方便學生和就近的巿民，梁朝偉演的幾米改編電影《地下鐵》曾在這裡租鋪拍攝。百味閣由我讀大學到近來都還在吃，這裡是一個充滿回憶的地方。PS 我曾見過已故的許冠英在商場附近跑步。

[@user-ve9tm1ny9p]

我爸媽當年係浸大學生，佢哋成日去百味閣食飯拍拖，對我地一家人泥講，呢個商場係有特別情感。上年幫老細搞大食會，叫百味閣到會,啲咖喱牛腩食到個個都讚好。諗返其實百味閣捱到咁多年，真係靠味道同口碑。希望佢地唔會執

[@user-wl3xs2bc2d]

難得有老商店主肯講，如果問多啲關於商場舊日的人和事，內容會較豐富🙏

[@HEBEFACE]

不是每次都這麼幸運！如果能夠做到的，一定盡能力做！

[@johndavis4948]

白田購物中心是我童年的無限回憶。90年代每日放學都會去天虹租機打。富士影音好耐了，仲記得個老板娘叫華姐。我第一部Ps1 改玩老番碟都係在富士改的。還有一個地舖的老闆叫阿澤，又有機租，又有二手野買賣，乜都有。 除了白購和附近的金玉太廈，福田大廈，盲人中心和黃棣珊中學外，其他地方和30年前基本上都變了，麗田樓，運田樓以前是大牌檔來。對面街的美映樓就是以前匯豐銀行大火的地方

[@happyguy7843]

以前中學時期特登由沙田搭車去嗰間咭霸阿澤買動漫閃咭！

[@user-cr7kg7ps5i]

今昔對比，台主做得好有心，值得一讚!

[@y1nyeah]

大致睇曬D comments，我細個住白田下邨，白田購物中心就喺旁邊，我都補充少少啦。 有人提咗，正門對出個位，以前一邊係大排檔，近南昌街嗰邊有檔係打冷嘅，好食，另一邊係南昌戲院，南昌戲院未播咸片之前其實係大戲院嚟，有超等飛嘅，後生嘅觀眾應該唔識咩係超等。 正門左面有間賣小食嘅，咖喱魚蛋十分正，魚肉魚翅都出色，仲記得個亞姐D魚肉一碟碟雪住，落單先一粒粒批落D滾湯度煮。正門右邊就有檔賣報紙雜誌。 地下行入去有間利中華眼鏡舖，再入就賣童裝鞋，未到富士有檔賣遊戲機同抄game嘅，講緊係紅白機年代，富士對面有影印舖，旁邊有間收買舊書舊漫畫嘅舖頭，好似仲有得租單車踩同租康樂棋打，再行入D未上幾級樓梯嗰個位有個高高哋、四眼嘅麻甩佬買賣D卡嘅，我記得叫亞澤什麼卡霸的，後門行出去就係換呔，行過永遠有浸臭膠味，對住馬路仲有間聾記食麵嘅，佢個招牌自己用手寫嘅，寫成“聾 食店 記”，好深印象。 樓上中間樓梯位有間精品店，仲有D賣咸濕嘢嘅舖頭，咸濕嘢係咩辣魚條，山渣球嗰D嘢，斷安士買。最入嗰邊有間機舖，唔大嘅，記得有部成龍機（橫向打交要逐層KO boss上一層嗰部）。 盡咗力，白田老街坊應該知我講咩。

[@himlee5677]

正門左邊賣小食嘅我記得係叫做樂園，重有賣飲到條脷會變曬色嘅橙汁同檸檬水!

[@hhkkkhho3271]

@@himlee5677 仲有花奶露

[@powong8011]

魚肉翅同花奶露以前經常去買

[@andytang7688]

唔講都唔記得有花奶露。聽聞阿姐做到手痛先頂左俾下家做。

[@tonychan3782]

@@himlee5677 開樂園嗰倆姊妹完本在大坑東邨做的，後來重建才搬到白田 還有一樣我覺得很有趣是南昌戲院是木板櫈，前座頭5行根本無辨法坐🤣🤣

[@raysracing]

08年最記得仲喺李惠利ive上堂，早上喺九龍塘坐小巴返學， 搭車嚟到呢個位叫畔溪有落，之後沿浸大個邊行去李惠利返學, 呢個商場真是冇行過，多謝Hebe介紹！！

[@yuvalikchi]

影音鋪實在好多年，我喺果到買吉MD🤭而家仲有喺屋企；間漫畫鋪仲可以幫手台灣訂書，好珍貴！曬相鋪都好多年

[@user-nt5wl6pp3m]

白田購物中心, 是當年影印, 租唱片, 錄歌仔的天堂, 細佬多數來補習, 車軑鋪應是唯一多年都存在的, 兩條扶手電梯是任何細佬最喜歡玩的位置, 以前是會時時在此見到"張家輝"的!!! P.S. 多謝你的片, 在你片中見回一個三十幾年無見的人!

[@pksealions]

我前排去完九龍塘舊商場 都覺得整得好特別.

[@HoBigMike]

八十年代仲有英軍軍營時，建新中心上面間超級市場出名多啤酒種類，基本上全港最齊。而地庫就有間波樓。我第一日浸會返學就去那裏打波。😁

[@Eric-dh5pf]

細個幼稚園讀九龍塘去過建新樓上飲茶，之後無再去過，以為唔會再有交集。 估唔到30年後我既細路又係返九龍塘讀返同一間幼稚園，全家搬來九龍塘，變左成日要去建新。 世事真係奇妙。

[@1229eeee]

呢集內容好豐富 又舊商場又有電影片段又管理問題

[@summay3590]

可能大家未必知嚴迅奇Roco yim 就係設計故宮博物館果位建築師... 😂🙈

[@tonycow1069]

97-98年我讀廠商會中學, 所以成日去那邊, 那時白田商場旁邊有大排檔, 好旺的。以前白田邨未拆, 我們遲到的話第一件事是去白田打個電話返學校請假, 那就吾洗罰企了~

[@user-mq8hp5lw3k]

🙈🙈🙈我也是讀廠商。周修略老師做左第四任校長，估你唔到。

[@elsatsang9814]

細個嘅時候住廣播道成日黎，最鍾意去百佳同 畔溪飲茶，早幾年去BU進修有時都會去逛下，懷念下😂希望唔好拆啦

[@Kwongman]

白購二樓我25年前去已經係好靜，得抄game同一D小型網吧有人，抄game仲要係抄落floppy 地下就主要影印舖，你影到嗰間已經好多年。當時仲有四、五間。除左影印就係曬相同借漫畫

[@suen0jj]

👍🤩原來HK🈶️咁多隱世商塲😅🙏⋯⋯ 💪💪💪

[@Kowlooncity-926]

未去過，又見識了，謝謝分享

[@82911]

有幾次坐的士經過九龍塘，真估唔到依度係個商場嚟...

[@igmblog]

多謝HEBE介紹建新中心的歷史，我在九龍塘的特殊學校上班，經常在建新中心嗰間7-11買早餐

[@raiderjacksally]

呢個商場在我成長中代表美好的前景，中產，中西合璧，一代一代咁住落去…. 前排有家人住浸會，仲日日响六合小館買外賣，已經敵不過槍及病毒…

[@tls7592]

我住大坑東果邊,住左5年其實都未去過金玉商場一樓果層,原來金玉商場一樓係一條巷咁,多謝Hebe帶我遊覽下金玉商場🤣🤣白田購物中心我就去過果邊既食肆幫襯,以前就成日去果邊集運拎貨,金玉商場地庫以前係百佳黎㗎,以前百佳我就有行過

[@kitso7820]

有機會去葵興地鐵站對出的葵涌中心,接近四十年歷史,還有租書店生存中

[@wengccc]

3年前住白田果度🤣金玉岩岩翻新完成 啲商場真係冇點行過 但野食真係好多 又好食 得閒再去試下😂

[@yanyancat13]

我係以前老一代四大天王嘅時候嘅追星一族,以前廣播道興盛嘅時候白田商場係非常之興盛. 所有明星都會喺嗰度買外賣 嗰間鳳溪酒樓係啲明星DJ 以前成日都去飲茶. 好多地方都係我以前去追星完畢之後會去食嘢嘅地方

[@rchan8721]

最尾嗰part真係好有東張feel，多謝靚仔節目主持人hebe。。。😂😂😂

[@jessiecho2485]

14:50開始果個阿姐抱怨商場果段好正、好搞笑🤣🤣🤣

[@charlotte1591]

以前喺浸會返工，lunch成日去畔溪飲茶，幾好食架，仲有百味閣、六合、仲有間食日本嘢，唔知係咪就係元福，仲有間bar,最鍾意食佢個豬扒烏冬，以前樓上有間百佳同屈臣氏

[@wainamyeung]

剛剛加入做會員支持🎉🎉

[@humanw]

當年 白購真係算好潮 富士當年同對面有間都係抄碟（任天堂），對面出口有檔租單車 有舊漫畫賣 。商場正門 電梯有檔食魚肉碗仔翅 好多影印鋪 ，CD鋪幫你Dap帶抄歌, 又帶賣搖控車 又有好多美容同補習 。

[@dick-fungszeto4661]

1987年樂富中心開始有shuttle去筆架山同廣播道之後，建新中心已經開始無咁重要

[@petechan4550]

六七年前做上白田邨重建地盤，成日走去白田購物中心食手撕雞飯，鋪頭就咁係街邊開幾張枱塵送飯，不過地盤佬食慣晒🤣

[@chanjill123]

以前白購有寄賣二手gameboy同超窄網吧

[@737timmyyyy]

小澤網絡?

[@royko1307]

多謝hebe 小弟當年係許記讀書 一開場公圓條少斜橫巷就有散裝煙買 仲有早餐食 食完先返學校

[@avbug2009]

持續進修學院前身係百佳同屈臣氏 個間上海商業銀行以前仲有唔少TVB藝員出入

[@ws12ws12]

Hebe得閒既話再過尼多次沙田拍下好運中心個裝修中可以嗎？ 依家有部份裝修完開放左同埋可以拍埋個making of

[@ho-dk6sf]

富士影音我親戚開，果時有賣二手gameboy帶，所以小學成日落去hea,以前未知網吧依樣野果時去2樓廁所，係到諗點解D房仔有得打機（aoc)咁好

[@dont1be1slave]

「白田購物中心」同「白田商場」係兩個唔同商場！「白田購物中心」係舊商場，但「白田商場」係新起商場！

[@lolo9723]

請問可唔可以介紹下隱世既澄碧邨, 華富邨(可以既話 去無敵海景果座拍下片 想了解多d)😊😊

[@johnling2822]

白田購物中心二三十年前好似有幾間賣舊書舊漫畫鋪晌近門口位置。 以前南昌戲院，大排檔仲晌度嗰陣嗰一帶都好旺的。

[@icq54604]

多謝你回憶當年

[@powong8011]

以前白購超任年代2樓好多果d機鋪比5蚊可以玩15分鐘超任game仲有好多零食鋪可以夾糖

[@compositionlove1]

ps1 玩越南戰爭

[@noopcire]

係無錯， 樓上個層以前係白佳同 watsons.