Club QUEERuña: lecturas diversas onde todo o mundo pode atoparse entre liñas

Un club de lectura LGTB onde as lecturas se centran exclusivamente nas diversidades sexuais e de xénero.
O club de lectura QUEERuña, que se enmarca dentro da iniciativa "As municipais entenden", ten a súa orixe nunha suxestión cidadá e ponse en marcha na Rede de bibliotecas en outubro do 2016. Comezou timidamente con 11 integrantes e hoxe son xa 40 as persoas que, distribuídas en dous grupos, se reúnen mensualmente na biblioteca para falar e debater sobre a cultura LGTB a través da literatura. Os libros facilitados polas bibliotecas son, en realidade, só o punto de partida para a análise grupal de outras moitas cousas: a ausencia (premeditada?) de referentes na infancia e adolescencia, a actualidade política do país, a prensa, a axenda cultural da cidade e un sinfín de cousas máis.
As inscricións ábrense anualmente no mes de setembro para participar nas sesións ata o mes de maio. O club sempre finaliza nun pícnic no exterior onde cada participante aporta a súa comida e bebida para efectuar a xa tradicional eurovotación aos libros favoritos da tempada.
Máis info en:
queerunha
queerunha
clubdelecturaq...
www.coruna.gal...