ذعذع النسناس والخاطر شفاوي .. أداء صالح آل مانعه ..

#لينه #نفود_لينه
شكر خاص لأبونايف على الطلعة الجميلة
ذعذع النسناس والخاطر شفاوي
بين حَد النازيه وأطراف لِينه
طربة المقناص وكبْار الهقاوي
ماعَرفْها من تراكا فالمدينه
للوسم فالنَّفدو أطرافه ملاوي
للخزامى والرِبِل فالنفد عِيْنه
لأم سالم في نبانيبه لعاوي
صوتها يحيِي هوى الذكرى الحزينه
لاسِمَعْها راعي القلب الهواوي
جاوب الونّات من صفقة يمينه
زِين شَب النار والليل مْتهاوي
واليماني في السما يوضي جبينه
شبةٍ تشعم من السمر الرهاوي
للجذوب وشوف عين مْسَامرينه
والنشاما ما بينهم حِلفُ وْعزاوي
كِلٍ يْسابق على الخدمه عوينه
النفود الكبير
البر
طلعات
مكشات
كشتات

[@mohammadalmzhr7782]

ماشاءالله تبارك الله

[@user-lr4ys7dr3e]

لله. يشوووق. لمحل. راعي.الشيله. روعه. لله. يديم. لربيع. في. لسعوديه. ولوناسه.

[@user-kw8tz3cy8g]

صحة وهني الله يجمعكم ولا يفرقكم

[@fayez_ALShammari]

روووووعه👍

[@user-ty6pp4fd8f]

تسلم يالخال

[@FM-qx3lw]

ماشاءالله كل شي تمام بس اللحم إذا غسلته يروح طعمه انفداك

[@hassanznan6007]

انا شهد كلمات لحن أداء وطلعه مكشات في البريه يسوي المدينه وصخبها مع ذعذع النسناس والخاطر هقاوي يالبا 🇸🇦