🎬毒舌大狀 | 劇透影評 | 大破票房紀錄 但真的好看嗎？情緒宣洩下的滿足 掩蓋了劇本細節的不足 | A Guilty Conscience | 賀歲片影評系列 | 廣東話 | Sam先生🎬

▼▼▼▼▼▼▼▼▼▼ NordVPN 專屬優惠 ▼▼▼▼▼▼▼▼▼▼
請即Click入以下連結：nordvpn.com/sa...
輸入優惠碼 SAMSINSAN 購買 NordVPN 的 2 YEARS PLAN服務，額外免費多送你一個月！仲有三十日嘅退款保證😊仲唔快啲試用！最後，再次感謝 NordVPN 贊助這條影片
Hello 大家好 我係Sam先生
今期既劇透影評就係《毒舌大狀 A Guilty Conscience》
#毒舌大狀 #港產片 #影評 #sam先生 #吳煒倫 #江志強 #黃子華 #謝君豪 #王丹妮 #廖子妤 #王敏德 #何啟華 #楊偲泳 #栢天男 #林保怡 #谷德昭 #羅孝勇 #毒舌神曲 #林涼水 #金遠山 #方家軍 #曾潔兒
___________________________________________________________
工作、合作邀約講電郵：[e-mail]
👉🏼訂閱我的 KZbin：bit.ly/3icLnWp
👉🏼最緊要FOLLOW INSTAGRAM： / mrsamsinsan
👉🏼LIKE埋 FACEBOOK PAGE： / mrsamsinsan
🎖成為「Sam先生 - 電影日誌」頻道的會員並獲得獎勵！
bit.ly/2FSn5nu
___________________________________________________________
Hello大家好 ! 我是Sam先生，在這個Channel，我會不定期更新電影評論
和製作一些跟電影有關的專題影片，希望與大家討論一下電影、分享想法感受。
如果你喜歡我的影片，記得按下訂閱制和旁邊的鈴鐺，按讚和將影片分享出去。
如果你有任何問題和想討論的都可以在影片底下留言給我，It's Movie Time!
___________________________________________________________
《毒舌大狀 A Guilty Conscience》
導演: 吳煒倫
編劇: 吳煒倫、林偉文、張雲青
演員: 黃子華、謝君豪、王丹妮、廖子妤、王敏德、何啟華、楊偲泳、栢天男、林保怡、谷德昭、羅孝勇

[@mrsamsinsan]

▼▼▼▼▼▼▼▼▼▼ NordVPN 專屬優惠 ▼▼▼▼▼▼▼▼▼▼ 請即Click入以下連結：nordvpn.com/samsinsan 輸入優惠碼 SAMSINSAN 購買 NordVPN 的 2 YEARS PLAN服務，額外免費多送你一個月！仲有三十日嘅退款保證😊仲唔快啲試用！最後，再次感謝 NordVPN 贊助這條影片

[@netric4011]

作為賀歲片，不搞笑，但有正能量，沒有冷場，一家老少看完不會引發政治爭論傷害感情，大家各取所需，那已經很成功了。我個仔看完很滿意，也引發他對法律有更大的興趣，那已經值回票價。

[@sukdznuutz]

睇完怕引發政治爭論嘅永遠都係藍😂因為冇道德高地

[@yeungtatchan]

其實我覺得好多位都好好笑喎~!!

[@user-fs4kc5bt5v]

@@sukdznuutz 似乎係你喺度挑機wow，黃絲～～

[@sukdznuutz]

@@user-fs4kc5bt5v 我係咪咩黃絲就見仁見智啦, 至於挑機呢樣嘢，姑勿論我係咪真係挑機。。。就算係，吹咩？😂

[@user-fx5kc1wq7q]

👌藍黃都衰、中立最好。

[@sitkodwingfat8718]

130分鐘 呈現既畫面夠交代劇情 同埋表達到主要思想 避免唔到有啲戲要取捨 我都認同Sam講係有幾個演員既戲份可以更多

[@socarken]

老生常談識建議改善，那個角色要多啲那段情節要多啲，結果只會依部戲變咗三個幾鐘。

[@williamkwok6393]

Sam 先生，多謝！今天我卒之聽到一個對此片最中肯的影評👍 祝你身體健康！萬事勝意！請繼續努力💪🏻

[@einsteinko6747]

不太認同王丹妮情婦角色流於表面，反而我會形容為簡單鮮明。第一場佢係楚楚可憐既少婦。第二場子華回歸，見到丹妮大感錯愕，因為佢變左放棄自我既頹廢麻甩姿態，Sam你要記得，佢本身係一個儀態萬千既Model，咁既安排，係營造反差，交代得多就唚啦講真。人遇到咁既事有咁既轉變，正常到震啦，仲要交代鋪排D咩？唔通你會話《九品芝麻官》入面既戚秦氏本身楚楚可憐，之後六月飛霜咬包龍星手指叫唔正常同單一咩？ 情婦感情方面，仲簡單。第一場對話已經講，佢屋村妹出身，見到鍾家權貴只想求安穩，講到咁白。。。。仲洗描述佢同柏天男咩感情線？一個求美麗，一個求安穩。講真如果以Sam你建議話加多D感情描述係丹妮同鍾生度，反而唔夠力。一對感情深厚既人，點會做得出咁既行為？冇感情描述，咁咪就係「描述左佢地冇乜感情」囉～

[@Dai1ylif3]

講得好岩. 有少少覺得SAM先生為駁而駁, 顯出自己GE PROFESSIONAL

[@user-ps2xv4sd9c]

同意，講太多就錯重點及太公式化了。

[@MeowMeow-hz1qm]

完全同意，覺得有時影評人係咪一定要講一點缺點先能夠證明自己見識獨到？

[@Dai1ylif3]

@@GGG-uz4wd 我就認為無啦，所以要雞蛋挑骨頭

[@Asakihare]

如果以編劇本人黎講我覺得呢套已經俾寒戰2更加進步, 寒戰2既犯駁位更加多, 所以我覺得呢套既劇本算係有進步, 但你話要去到頂級又唔算, 收貨囉, 但一套戲收唔收得, 好唔好評有時都要睇天時地利人和, 佢成套食正既成個社會氣氛, 佢本人都講明係想香港人一吐烏氣, 所以我都覺得唔錯了

[@owl1601]

我覺得一個老練成熟既編劇寫咁多年都只能寫成咁，實在好微妙。 不過佢幾套戲到食到天時地理人和，呢種程度已經一再打破香港票房記錄，我真係佩服佢呢樣。

[@yrokwai]

商業娛樂片嚟講，佢真係好高分，好滿足到觀眾嘅口味。 但正如sam先生講，要再去細睇咁去每一個part，都會覺得仲有好多可以改善嘅地方。

[@nbachung]

你冇睇過tvb秋官套誓不低頭ending法庭戲..佢真係好高分..唔agree子華講依套係好出色劇本..只一般水平

[@TheTantsui]

的確，飯戲攻心劇本其實較符合子華一直想帶俾香港人嘅意義，*好笑得嚟有嘢落袋*

[@nbachung]

@@TheTantsui 純劇本..飯戲攻心劇本一定好過毒舌..香港人太愛子華..票房己經過左5000萬.9成破明日戰記REC

[@olyrag6913]

@@nbachung 兩種野黎，只能夠講兩範都比黃子華食哂 旺到爆

[@raychan1123]

影評人還用三十年前的標準和四十年前拍戲的層次，來看今時今日？佢有點像杜甫。而子華及新時代，係李白的神筆作風，靠把口，靠對比。唔好用好戲的眼光去睇新作品，李白，係以佢自己的特色，作詩，作人。你應該以子華的特性，去睇作品。否則，戲不成戲。

[@bhealthy9218]

認同毒舌有不足，但十分不認同sam的評論。 一）fish和louise的戲，人到中年，自然會明。 還要情情塌塌，哭哭啼啼，反而過多，那就煩了，不需要。 那幾個鏡頭，各自的轉變，無對白的對望，我認為剛好。 已經一百三十分鐘。無論是林涼水，或是louise的轉變，我想對中年觀眾而言，足夠的。 前面一半交待足夠，但如果要引起共情，恐怕不是這套戲的主線， 也容不下再每人十至十五分鐘。 二）金律師鋪陳，他為的是自己的信念，也是夠的。2002-2004年，確可如此。 三）法庭上，觀眾席代表了鍾氏權力，董大狀出面 打仗，才是對的。 你何時見權貴，冇必要都要上庭自己代表自己？ 四）我認為的不足，是有些地方，比較plot driven，比較「巧合」。 每個角色都剪栽得相當不錯，觀眾理解度，足夠切合主線推進。 至少核心訊息可以「呈現」到。 四）相較於sam很喜歡的《正義迴廊》，想開很多條線，但做得好的不多。 技法很多，但不好看。訊息是說教的多，呈現得少。 我要看那些訊息，我會讀書讀文章，坦白說。 小弟係教書人。 說白了，還是文青喜歡意識流，喜歡眩目技法，對說教不反感。 人到中年了，喜歡流暢緊湊，主線紮實為主。 觀影期望不同要求，不同罷。 而《九品芝麻官》《審死官》之類完全喜劇化荒誕化的也自然不可比， 就自然會感到不夠爽，不夠奸，不夠忠，不夠戲劇張力了。 畢竟現實吃肉的上等人是用刀叉。

[@sherrylo5633]

你都識講係人到中年啦……自然會明嘅話，我都自然會明唔需要睇了…… 大台也是如此

[@kaiyinlaw9493]

同意這位朋友的說法，特別是第三點

[@bhealthy9218]

基本Plot， louise, fish, 柏 三人是情人/前情人。 Fish本來很信任柏。 基本交代了這關係。 然後出現反差，這就夠了。 就算未結婚，中學生拍過拖都應該足夠理解。 然後母女情有交待關係很好， 一個呀媽死了個女，然後冤獄。 難道她心情很好？ 很積極，很上進，很陽光？ 難到她感謝林涼水hea做？ 角色的情況，人倫常理，已足夠表達。 這些轉變真的不要演了，完全沒必要。 所以我不單認爲不是差，更加是好，至少是相當不錯的剪裁。 毒舌，劇本要探討的是人性，做不做契弟之間，這些都是很真實的人生。 而法律哲學的議題是 真相 vs 程序 ； common sense vs 程序。 是踩完界後，再入回界限内救人/做想做的事。 （兩方表面都沒有出曬界的，都想按規則玩） 影片呈現到，然後足夠完成這兩條綫。 反而如果開了很多條綫，然後炫技後， 最後都呈現不到什麽，只是説教（而且最多只是大專通識1字頭course）， 我個人才不喜歡。 還不如踏踏實實地説好主綫故事，呈現到一兩個討論點就夠了。 所以我完全不認同sam的評價。 用劇本沒有開的綫去批評。 用交待背景的内容，去批判角色轉變不夠豐滿，也是用錯了尺。 （我認爲角色轉變是足夠的，最多就是不夠完美，我個人完全理解） 毒舌大狀是有不足，但至少有合理地收好自己要開的綫。 而且130分鐘的港片，說這裏不夠哪裏不夠，是無什麽意義。 如果我用sam的方法去評， 大概sam很喜歡的一些片，也是拍得很差。 那些就恕不多言了。 只能說 文青 跟 過了文青年華的人，大家觀點和觀影要求有點不一樣。

[@johnnywalker8592]

冇錯，第一點講得啱，我到估到太家兩個女人對望應該冇對白是旦一個走，畢竟當有人到中年有一些經歷就會明，仲要好似乜都TVB式咁樣咁直白既話，咁不如睇返TVB...

[@kawing6480]

第一次睇呢位sam 先生而已，原來佢中意全部嘢tvb 式平舖直序劃出腸😂tvb 有福了，原來仲好多市場

[@rickyyu598]

我覺得無可能每一個角色都DRILL到咁深入

[@einsteinko6747]

Agree，Sam先生好得意，佢捧九品芝麻官個陣就話奸角設定純粹大奸大惡因喜劇就可以接受～毒舌大狀個陣就話因正劇所以唔夠深入～吓。。。。。。＝＝ ！佢想借九品骨架嚟解釋毒舌不足。。。但調返轉，九品單一既部分佢又可以以「喜劇可接受」嚟帶過

[@fasamzj]

@@einsteinko6747 冇收钱咯

[@et7123]

sorry，SAM先生，我個人覺得你有少少睇唔清楚點解林涼水要針對董大狀嗰場戲。 成套戲開始講林涼水唔想做擦鞋底既律師，命運弄人，最後都要向現實低頭，到佢返出嚟做番律師接第一單官司，以為可以接近上上流人士，點知弄巧反拙，將佢打落谷底，呢一刻睇清楚上上流社會同平民社會既分別，決心要幫平民百姓既心從此再次燃燒，直到最後先至有係法庭上面質問董大狀：“你仲係咪人嚟架？？“呢句震奮人心既對白!! 純粹個人意見

[@Sailor___Moon]

Agree

[@denislau9297]

其實佢啲問題既目的唔係挑機，重點都唔係個問題，而係透過問題前面既描述，話比陪審團聽個事實

[@nbachung]

咁就FEEL震奮人心..你都好易滿足..導演寫林涼水內疚位不足..好快又翻身..

[@desmondlow5772]

@@nbachung 師兄這是電影，不是電視劇，時間有限。或許日后會有個導演版也不出奇。

[@mickeyyyy9547]

仲有 你係咪人黎依句說話，我覺得佢係問埋兩年前既自己，至於針對佢既原因，係如果種審依單case, 林涼水要董大狀因此佢喺今日庭上講既野而令佢都走唔甩

[@digitalroad1452]

十分感謝SAM先生分析，欣賞你用持平心態去講解，其實我睇完， 同我身邊既人討論，我係唯一一個負評既人(某部份想法同SAM先生相同)，有朋友仲話我唔識欣賞，當時我仲以為我係咪痴Q左.. 不過我明白睇戲係十分個人主觀，正如我睇SLAMDUNK，我身邊朋友個個話唔好睇，但係我鐘意到入戲院睇左三次...

[@choimeow3304]

同我一樣😅

[@py_6054]

同你一樣，個個朋友勁讚得我唔覺得好好睇，太多不合情理同欠缺說服力既情節。如果呢套係審死官果類古裝喜劇，咁就ok lol。 Slam Dunk 正好多🤣

[@bryanwong1923]

@@py_6054 同感，好多地方牽強，仲有某d 情節轉折等太兀突。

[@owl1601]

我都係，有啲想法同SAM先生一樣。 岩岩睇完果陣未至於負評(因為我本身就預飛機片)，只係好多問號，好多結論都係為左畫面刺激或者為左過劇情，雖然無咩悶場，但係諗返愈來愈唔鐘意。 *以下劇透注意* 例如:保安庭上翻供，明顯有外力令佢改口，外力最大可能得一個，但林涼水仲係一心覺得官司贏緊，仲可以拍碼頭，唔理方家軍正路分析。 要泊碼頭又唔查清楚少少人地個底，鍾家仲係全港最有錢，如果佢無仔得女，有睇新聞多少都會知，何況佢地果行？(結論:為左劇情，林涼水完全被蒙蔽心智，常識同專業一概欠奉) 黑幫威逼律師幫自己打官司，竟然爆佢個頭，萬一打到佢昏迷打傻左都係幫唔到你打官司，打死左你又多條官司，有咩意思？(結論:畫面靚) 個人對結案陳詞無感，感覺太想拍觀眾馬屁一味煽情而寫，同單案件無咩關係，搞到我直接出左戲。 律師部份睇得最舒服就係金遠山、方家軍同董衛國既部份 ，覺得佢地台詞同劇情都係最make sense 當然現實中無金遠山，只係幻想出黎，但我比較BUY呢種有紋有路既打飛機，而唔係搵個大家最鐘意既演員，講大家最想聽既煽情野就收工。

[@shonest8489]

套戲簡直侮辱緊我智慧。好多負評最多話似TVB，我心唸今時今日如果係TVB見到咁爛、牽強、煽情、無腦嘅法庭戲，仲唔畀人剷上天花板？打爆個電視機啦！仲香港有史以來最高票房？

[@monicachan7962]

其實套戲普普通通，有好多內容可以更多描繪。佢係正在結局大快人心，同埋無悶場。 反而正義迴廊就真係正，有內容，有反思得多

[@cindyli4703]

毒舌大狀，好睇。但正義迴廊，係神戲，無得揮👍。

[@owl1601]

其實唔太想比較兩套戲，一套係商業考量為主既影片，一套係擺勁多心思(甚至太多)甚至可能以拎獎為目標去構成。 不過有人話過法庭戲正義悶，毒舌精彩，我覺得林涼水有啲台詞感覺太唔專業，但其他人又講得好好，感覺好極端。

[@raybun00]

唔使咁挑剔要求，難得有一套香港人睇完有吐一口氣感覺嘅電影，已令人滿意。 林保怡係97前ICAC，的確是一個好設定。

[@JC-ex3ob]

其實評得幾好，我自己覺得套戲其實好似TVB啲劇，全部都對白去表達所有野，基本上全場瞌埋眼淨係聽你都完全知道晒套戲講乜，真係好壯王宋世傑，真係好老土，完全冇用過任何電影語言去拍，同TVb 啲劇其實分別唔大。其實而家好怕啲影評，為咗支持本土，任何戲只要講咗幾句暗黃既金句，跟住全香港人都要讚，好彩Sam先生唔係咁。

[@uyuk996]

True 總知講公義就大哂 只可以讚 唔可以踩 但無諗過係對港產片愛之深責之切 先至批評想港產片愈做愈好

[@JC-ex3ob]

好容易搞到套套都淨係去諗啲公義金句，跟全香港人就話正、好感動，就算套戲拍到tvb 咁大家都話正。

[@wingso130hk]

嘩⋯⋯⋯⋯我直情覺得係男親女愛余樂天加巾幗梟雄柴九😂超有tvb味，特別尾場好有張力，但真係好tvb以前啲大戲高潮位

[@Dai1ylif3]

@@wingso130hk TVB係用得多，用到你覺得佢技窮，同悶，同formula。 但袋唔代表本身呢個演繹手法係唔好呢？

[@Dai1ylif3]

@@wingso130hk 一樣嘢好定唔好，應該係佢本質上好唔好，而唔係睇邊個用過佢，你下定論佢係好定唔好 你可以話你唔鍾意咁樣嘅演繹手法，但如果用TVB來證明呢一個演繹手法係唔好，咁就有啲粗疏。 即係例如，有個國家好鍾意將自由民主當成口號，掛到周街都係，咁你會唔會話，因為佢成日掛在口邊，所以自由民主係唔好？ 利申我都唔睇TVB

[@belle2046]

但是以另一个角度来看，这整套电影就不再是一个“故事”。而是一个控诉。从一个“人物”的角度和情绪去看待一个”现实现象”的不公。 所有脸谱的反派和受害者不是人物（不需要情绪）而是“现实现象”的反射（就像话剧里形式话的比喻）。 整套戏就是在说着“一个人”如何面对这个“现实现象”。 为什么这么说，因为当我在戏院看到最后结案陈词时，突然恍然大悟。以上的感触突然很深很强烈。 看着一排排的出席者，那不正是“形式话”的讲述着：“势力”和“后援团”的巴结吗？（强调，不是人物） 抽雪茄那位则是在讲述典型大律师们“玩弄法律的态度”。不是人物。所以直接简白的”说”而不”演”，就像话剧里的旁白。 终结：本来觉得前面反派和受害者不够张力，直到结案成词时突然强烈感受到这部电影不是一个“故事”而是述说一个人（人物：主角组）（需要情绪）如何面对“势力”（现象：反派）（不需要情绪）很高级的设计

[@einsteinko6747]

不太認同你話林涼水既轉變唔夠力： 小弟以前經歷過要討好上流階級既階段，當中令我轉變既原因有二：你本身唔係果個Level既人，強行痴埋去只會令自己難堪，人有料痴埋去唔代表你會有着數，此乃現實，你經歷過就明。第二，過程中你會意識同發現到你只會淪為比人撚化既棋子。亦會真正見識到上流人士，下流賤格既一面。 （1）林涼水既轉變我認為相當充分，佢本心都係有一定程度良知既人，呢個前設好緊要，如果本身佢係一個完全契弟，咁既轉變先叫"唔夠力“。加上，你話佢係Prefect Role，我又唔覺，佢就算去到最尾一場，我都認為佢係"仇富＋內疚“先有動機為公義扳回一城。 謝君豪果個先叫Perfect Role，但講真，一個完美既人冇人想睇，唔會夠起伏。佢成套戲個秤係揸得好穩，價值觀明確。 (2）林涼水既轉變你睇返佢同林保怡係波地場對話其實係畫公仔畫曬出腸，真心唔會唔夠力。我聽完真心有同感，唔知Sam你自己點睇。學林保怡話齋：「你真係契弟既話，你一早奶緊第二個啦，仲會坐係度？」呢Part已經交代左佢都係有一定良心既人。首先，佢係大狀出身，為理念，之後被有感權力受限轉型做水官，後於辦公室政治無立足處。一氣下為金錢回歸大狀行列。奶契弟咁奶，當中佢憑富人圈消息炒股成功，佢係酒吧比有錢佬話佢賺既錢係黑錢，佢先係白錢，擺明串佢。佢為左金錢都受左唔少氣，但有利益，所以"仇富心態“暫時未有爆發。 之後，佢發現呢單虐兒案同鍾家有關，就以為有大着數，係咁奶係咁奶，點知一個屈尾十，佢比人撚化完做左人隻棋，以佢雙手推一個無罪既人坐十七年冤獄。 此刻，利益上，林涼水比鍾家撚化做棋，冇着數兼比人玩。精英心態受大挫，如意算盤打爛，"仇富心態“爆發。因再冇利益關係可言。 情感上，佢失手將人推入冤獄。自責內疚。雙重價值觀被打破，佢只能回歸理念。但我重申，佢係"仇富＋自責"先會有咁既轉變。六成仇富，四分自責。點解？講真以林涼水既資歷，佢唔會天真到以為奶權貴唔會有人受害，講到底，佢係第一炮就堪入冇利益，冇自尊，冇價值既局面。自問Condom都不如，所以故有價值觀打破。

[@jefferyvinci]

講得好好👍

[@fungfung6383]

等遲下會再山深入講解，我睇左，覺得普通，同埋冇出過氣囉，呢套最後話比我知，公義只係電影會出現

[@toooh1]

上訴果場法庭戲其實有期待過會唔會好似逆轉裁判咁，可以拍出係逆轉裁判成步堂龍一係法庭上面對絕境點樣去一步步將逆境扭轉，去由輸變贏。 但上訴果場法庭戲比我既感覺就係太順境，完全就係順住林涼水既劇本去發展咁，欠缺咗緊張感同張力，特別是金大狀由壓住林涼水黎打轉到配合林涼水轉得太突然太突兀，令到最後變到金大狀就變咗好似林涼水既助手咁，反而最大既逆境就係佢被困係臭格比鍾家使橫手想令到佢上唔到庭，但如果將呢個逆境位擺返係法庭，先令林涼水處於逆境，然後林涼水再用佢既能力去搵證人供詞既破綻再逐點擊破兼同金大狀鬥法可能會仲精彩

[@fionchen2689]

我都係睇完第一句問我朋友，你真係覺得好睇嗎？🤣

[@samyip97]

但係套戲已經130幾分鐘，導演應該cut返邊啲scene去加返啲角色描寫？我同意啲角色刻劃唔夠好， 但係喺有限嘅片長之下我覺得算係咁，始終港產片唔係可以好似阿凡達咁可以差唔多三個鐘片長

[@STEVENCSF]

成條鐘太同王丹妮既感情線cut走得，甚至，見到細路女突然走左個度都可以好簡單交代，仲有唔少搞笑爛gag位可以cut。要簡單精煉咁講一個故事，百三分鐘點都夠。

[@weplay1753]

評論用左一般劇情片角度去講, 而錯過左呢套戲最重要訊息: 保護法律系統。如果仲用男女感情描寫唔深入咁講係錯焦點。

[@jackchan20092009]

今次主題係大眾化同簡單易明，導演唔係咁沉重，所以佢特意用依個手法同篇章去導引出黎，時間用左135分鐘，佢亦明白專業，細緻唔係依套戲的最重要主題，如果再用多一兩個plot去寫人物character, 對成套戲的主線會有影響，side track左個主角，主旨唔係想sell感情戲，依個配置完全無問題，所以人物細緻係依個situation下故意ignore,因為主題係對白中的細緻唔係感情戲的細緻，評論者可以每個位都品頭論足一番，但失去focus,唔明導演，編劇避重就輕的本意.

[@Ben-no1zn]

爆谷片

[@sc6937]

Sam 先生好勁呀👍🏻，完全表達到我想講但講唔出嘅….「無悶場，但總覺節奏有啲”慢”」

[@user-fu3wi4pw2o]

沒有公義的社會，唯有到戲院裡尋找。

[@PartimePunk]

香港人真係好需要"仍然相信法律，相信有公義，邪不能勝正"嘅故事，所以劇本中大小失誤，可以縮到好細。

[@nickbui2011]

香港人都信童話故事係呃人嘅！順水睇套戲打下飛機姐！

[@firefire1089]

可唔可以分清楚？"相信有公義，邪不能勝正" > OK，"相信法律"???? >> 告你不誠實使用電腦啊！醒未啊？

[@PartimePunk]

@@firefire1089 你噏乜鳩

[@PartimePunk]

@@nickbui2011 睇好多戲本身就係打飛機，有乜問題?

[@nickbui2011]

@@PartimePunk 係無問題啊！打完飛機味番番現實囉！

[@user-qt9rr6gj5e]

同意。 如果能夠有一幕係王丹妮同栢天男帶個女去遊樂場玩得好開心，好溫馨。然後比鐘小姐撞見。 咁個劇本就會完整啲。

[@calvin_jor]

我覺得最大嘅缺點就係, 嗰啲本來應該會睇得好爽嘅金句對白, 全部喺預告入面已經出曬 🥲 感覺真係完全大打折扣

[@KelvinL780]

我覺得最大bugs係兩分鐘內好難飲得晒兩枝水，大人都未必做到何況係死死下的小朋友。

[@owl1601]

係，灌都好難咁快灌晒兩支又無整濕小朋友(佢正面都無血)

[@chrisla1339]

我自己反而覺得覺得導演拍得唔 其實係Sam先生你太用正義迴廊果種濾鏡看睇呢套戲 只不過係導演手法不一樣 我比喻正義迴廊可能系米之蓮級 毒舌系街邊大排擋啦，大家客路不同麻。 毒舌今次特色系法庭攻肪。我認為十年香港電影少有之一 而大多家所講謝君豪返水幫黃子華果度 其實係可以望下🔽🔽 檢察官是法律的守護人，除了訴追犯罪外，也同時保障人民權益；因此表現在檢察官的義務上是對被告有利、不利之事證應一併注意，檢察官可以為被告之利益或不利益進行上訴。德國刑事訴訟法學者Eb. Schmidt曾說：檢察官乃國家法意志的代表人，而非政府的傳聲筒。即為檢察官所設立的目的。

[@veranfung432]

剛剛睇完.... 作為一套電影， 是好睇嘅 但會傾向歸類為爆谷片 因為覺得電影少咗令觀眾有反思嘅initiation

[@人生のパン]

我諗我都係嗰10%既觀眾。個人覺得演員既演出係好，但不知道是劇本還是剪接問題覺得電影細節的交待位上不足。暗場一過突然改變咗人物的設定，令到我覺得莫明奇妙！希望會有加長版我會再次入埸支持。

[@civicleung]

兩套都有睇，我都鐘意’正義’多d

[@user-vo7he3iw5v]

真有勇氣

[@fuyee4784]

我屋企人問我套戲好唔好睇，我話我無共鳴亦感動唔到我。但可以入場睇，無悶場。

[@d2sky]

睇完之後剩係覺得....原來香港人重係好接受大台理論 成個故事每一part都係太順利成章

[@Karma-xr7lj]

Fair comment, thank you Mr. Sam.

[@ngjerry8886]

子華神 = 鄭嘉穎 Renci = 胡杏兒 王敏德 = 石修 唔係演員表現出色， 成套戲根本就係《怒火街頭》🤣🤣

[@cindyli4703]

Sam哥，好同意你對毒舌大狀嘅影評，好中肯，劇情無咩特別又容易估到個結局。不過，我仍然覺得套戲好睇，原因可能係中後段大發人心嘅內容和對白，體貼咗近幾年香港人無法渲洩嘅情緒，對公義嘅信念。套戲，好睇嘅地方，就係依度。 不過，套戲最敗筆，係最後嘅彩蛋和突然走出嚟恭喜發財。完全破壞咗成套戲嘅情緒和氣氛，絕對無需要為咗新年而加依段極無謂嘢入去。

[@oops..well2628]

勁尷尬

[@choimeow3304]

雖然我係子華神棟篤笑FANS, 但呢套真係失望, 保持佢主演電影的「一貫水準」, 人物描寫太少真係敗筆。毒舌唔夠古美門，情節唔夠九品芝麻官豐富，壞人竟然兩年唔去清理兇宅，真係吹到我啤一聲。仲令我諗起「歡樂時光」裏面林青雲演的律師莊珍慢動作拖延時間，正好多好多好多。

[@lamlam1338]

聽其他訪問，導演cut 左45mins, 才有而家的版本。期待有埋呢45mins 嘅版本出現

[@GskGary]

你講既不足 只係cut左勁多 係有拍到

[@xxdanielgogogo]

作為對電影有要求，呢套戲有某些地方失望，作為劇情電影，劇本最重要，就等如戲裡面不斷講既連貫性，一開始林涼水既hea, 反而突顯佢係行業有幾唔專業，就算到佢上訴要認真時係庭上對答亦睇唔出佢有幾專業，又點令人信服一個完全行業唔專業既人變左英雄，以前有套張堅庭既古惑大律師跟呢套好相似，不過重比呢套有劇力，有連貫性！

[@nw8364]

一開頭做到佢又冇料，態度又唔專業，累到人坐監真係唔怪得邊個😂

[@hotingkwok984]

10個9個都會感覺好正義好爽 反而sam 先生意見同我好近

[@donaldlee4824]

恨鐵不成鋼。拍多20分鐘描寫角色成長背景真係可以成為一套經典！

[@PartimePunk]

加上，黃子華今次演戲(作為一個明星，而唔係佢「演技」)真係有魅力。

[@andyyan]

Thanks for your analysis! Agree your point of view. I only feel connected during the end court scene.

[@user-ce5xc7fq5q]

人睇戲 即睇人物係故事中 遇到煩惱同困難時 會點樣抉擇 如何搵出及堅守自己價值觀 好多人睇毒舌　忽略2場戲 a子華做裁判官時 話過　窮唔係犯法理由　哩個係佢最基本既價值觀 公道係佢內心最底線既堅持 b奶契弟果場戲　講既就係 山林隱士不忘利慾　自命清高　壓抑自己既物慾 搵唔到公義既成就感 都想奶契弟上位　起碼有金錢回報　只係自己唔識奶 最終發展現自己　就係自己最憎既契弟 ----- 去到打輸官司　累到人　先知自己真正要追求 唔係利益　而係公義 （價值觀有先後之分　係林涼水角度　公義先　利益後 同佢之後推官司　俾古感仔大哥dup　前後呼應） 當你有原則　對得住自己而獲得利益 就唔會搵到錢　但夜晚訓唔著覺 發財必須立品 －－－－－ 價值觀是有先後次序 謝君豪係一個專業講制度及公平的人 而凌駕制度公平既 係真相的公平 所以就願意為左【真相的公平】 打破自己原則　同黃子華合作　將個權貴送佢上路 面對很困難的事件挑戰時　你才會知甚麼是　價值觀　原則　輕重　先後 哩d就係佛陀所講　煩惱即菩提 －－－－－

[@hitomiris]

你寫得好好，睇戲係睇導演編劇想帶出的訊息同埋中心思想，戲中已交代得好清楚，有感好多人為影評而影評，而家為餐晏仔都相當艱難😂

[@owl1601]

同意你講既，亦都係呢啲位令套戲有返啲意思

[@Felix3418]

始終每個人都有唔同喜好同期望, 睇後感呢樣嘢亦都好個人同主觀, 同意SAM先生某啲comment, 一直亦都有追看SAM先生影評。作為普通觀眾立場我絕對同意係爽係舒服, 但作為專業影評人有時更加需要明白同理解今時今日寫一份劇本拍一套電影既難度同限制, 電影時限既取捨, 商業考慮既平衡, 仲有好多其他等等因素, 令我覺得SAM先生今次的某些評論要求過於嚴苛, 影評評電影的同時, 作為追看影評人既觀眾亦有評影評人既空間, 大家一樣係想進步。純個人感受, 無比較無傷害, SAM先生在評飯氣攻心, 正義㢠廊同毒舌大狀既要求同態度實在分別太大, 無記錯SAM先生評飯氣時已兩刷, 之後仲有訪問SUNNY, 對正義㢠廊既評論亦絕對無今次咁嚴苛, 本人明白同理解唔會有絕對既公平, 始終影評係牽涉主觀感受, 但同時亦帶有好多對電影既深入了解, 作為睇劇透影評既觀眾如我, 係想透過影評人既專業從而學習去睇一部電影睇唔到或唔識睇既地方, 了解後二刷三刷時再專心留意, 希望提升自己觀賞一套電影時既角度闊度同深度。在下唔逐一指出個人對上述影評唔同意既每一點, 基本上影評下半段好多既負評我都有種SAM先生無好深入去了解套戲既感覺而作出, 當中又評述黃敏德嗰段SAM先生竟以用錯去形容, 我個人覺得都幾梗耳, 用一套喜劇古代既九品芝麻官去做人物比喻亦好唔合適(我都唔敢用個錯字) 影評當中確實存在個人主觀感覺, 正如SAM先生第一次睇正義時對蝦頭演出既感覺, 到同朋友討論完感覺既修正一樣, SAM先生對毒舌大狀又會唔會經深入了解後或同JACK訪問後會有修正呢? 本人絕無惡意, 但今次SAM先生既影評睇完確係令我有一種唔舒服感覺, 純個人感覺, 請見諒。

[@mrsamsinsan]

我指出嘅不足，好簡單，幾個角色都冇足夠嘅Development ，冇足夠嘅描寫，案件中嘅三角關係，直頭少少情緒加成都做唔到，所謂權貴玩弄法律，就係叫警察唔好放你出嚟上唔到庭🫠，林涼水嘅改變太快、冇受到咩挑戰就贏咗單官司，其實唔關我訪唔訪問導演事，根本都冇寫出嚟、冇去深化。同埋我提及《九品芝麻官》唔係拎呢兩套嚟類比，而係透過另一套同樣骨架嘅戲去解釋點解呢套有啲位做得未夠好。

[@Felix3418]

@@mrsamsinsan 首先多謝Sam先生親自回覆，本人一直都喜歡同欣賞閣下影評。今次留言只係有感而發，希望可以共同進步，無意亦無資格質疑或挑戰閣下專業。 所謂權貴玩弄法律，純以我睇咗一次嘅記憶，有一幕係黃敏德同西裝佬諗計， 1）用佢勢力將單case編俾個女法官審，因為女法官好憎第三者。 2）西裝友提議過逐個陪審團搵佢哋傾計，但黃認為風險高無做。 3）得知批咗上訴後要律政處將charge由誤殺改為謀殺，希望令上訴人知難而退。 4）親自出動搵金遠山傾計，嘗試喺主控方面落手干擾。 5）搵警察羈留林涼水令佢上唔到庭。 6）審訊前安排律師團教鍾俾口供同搵人上庭做手語教路。 7）阻止一切傳媒訪問報導及出席旁聽。 其實真係唔只係你所講只係point 5。 套戲得2小時真係好多場口要取捨，我同意某啲角色太平面如方家軍，某啲角色立場奇怪如谷德昭，我絕對同意係有不足。 林涼水名字嘅由來，林涼水修頓大罵林保怡、鍾醫生同女方一場親熱戲嘅場口等等都剪咗，我覺得呢啲場口都應該好重要。 至於林是否改變太快，佢同林保怡修頓嗰一幕已經交代得好清楚，有時人要變要醒要開竅要覺悟真係可以叮一聲，當日做刑事律師為乜？害咗一個幫返100、500、1000個夠唔夠？有時就係叮一聲。 我明白Sam先生係一個有要求嘅人，希望套戲嘅主角描繪多啲深啲入啲，贏嘅過程再難啲複雜啲，其實喺羈留室佢用言語去嚇個警員而令女主管要落去見佢再嚇埋女主管會落鑊，佢會唔接受保釋直至48之後直接上court，到dee安排肥仔入去自殺等大sir落哂嚟再同大sir傾計。 好多幕都好重要，好多嘢都要交代，兩小時所限始終要取捨，拍咗都未必放到入去。 我知道所有嘢唔關訪唔訪問事，我只係講出作為你fans嘅一啲個人感覺，好似感覺有啲厚此薄彼咁，唔代表亦唔相信閣下係咁，但若然觀眾如我有咁感覺，話聲你知，有可能改善吓又好，唔需要留意又好都係意見而已。見諒！ 我純以學習同討論嘅善意出發點留言，唔係任何挑戰或不敬。

[@nesin58]

電影案件裡面的確有唔少bug，或者劇情緊湊到令觀眾未必思考到有幾多bug，但我覺得作為一套集懸疑、查案、喜劇、法庭戲等元素，再主攻賀歲檔，而獲得唔少場內觀眾掌聲，已經係一套好成功嘅商業片。有人用呢套與《正義迴廊》作比較，都對兩套戲唔太公平，始終《毒舌》真係計算精準既商業片

[@jameslee7382]

Thanks Sam先生分享分析！

[@RCTUN748]

怎麼說呢，如果用完美標準來看，恐怕難得有能符合的，這部片以近年來港片來說，算得上佳作了，缺點的確是有些，但瑕不掩瑜嘍，沒看過的很是推薦。

[@py_6054]

我係黄子華fans, 但我應該都係果10%觀眾。我欣賞導演既用意，所有演員亦演得好好，但我覺得個劇本真係有好多唔合理又欠缺說服力既地方，好多沙石，令我唔係好投入到。例如，明明個細路女巳經重傷，但竟然可以係短時間灌佢飲兩支水，但法医又驗唔到佢成肚水&致死原因？個老豆明明都係兇案現場，但就只有個亞媽係疑犯？警察仲要無幫個老豆落過口供，所以要黄子華呢個辯方律司上門揾佢問案發經過，然後冇幫佢做record...仲有個老豆兩年都唔去清理兇案現埸，留番兩個水樽俾人翻案...簡直睇到我一頭霧水。如果呢套係審死官果類古装喜劇就好ok。

[@thewildone006]

Sam你好，很欣賞你年紀輕輕拍咁多好片分析電影，當中不少觀點都係新鮮而一語中的，加油，繼續努力。關於今個評論，我有少少睇法，無可否認，毒舌所走嘅大眾化風格，當中係有不小粗梳之處，但佢同時走一個old school 港產片方向，係有意思，果個係2002-2004香港，好多價值觀未崩壞，社會未算撕裂，香港未算沉輪。佢代表住一個舊價值。佢帶出兩面正/負情緒，究極呢個係一個希望、定係以成過去。我哋從前所俠義或公義精神，仲有冇資格重拾。可能佢仲有所謂”法X情”系列影子，但呢種情懷已經不復存在，毒舌可能真係一首挽歌。反觀正義迴廊，技巧較高超，故事比較複雜及難道高，編導明顯係影痴，好多reference 睇得我哋非常過引。但最後所含信息其實好簡單同淺白。究極普通法無罪推定係有冇不足，什麼是高智低智，有冇人係高智商到可以扮低能做壞事。hmmm, 我睇完只可以話電影製作非常高分，但所探究課題更加同時代脫節。 坦白講，兩部電影都係好睇，但唔係好高水平。相比之下，純粹從思考性角度睇，個人覺得毒舌係高一班。

[@bbkingking666]

Sam先生講既同我感覺一樣, 人物轉變得太突然, 然後結局太主角光環, 好似趕收尾咁, 而本應好震撼既女童死因, 反而有草草帶過既感覺, 劇情交代唔夠細節嚴謹, 不過劇本同演員真係太好, 收呢個成績都合理

[@Kwongman]

套戲個架構係真係似九品芝麻官 不過包龍星都會逃獄著草上京，但林涼水遠遠唔夠折墮，令最後贏咗都唔夠反差 鍾家又話好勁，隻手遮天，但陰招用得仲少過常昆 金遠山被設計倒戈，連方唐鏡都無埋，連戲劇衝突都無埋，變咗獨腳戲就無曬意思 基本上由中段開始就太過順利，要乜有乜，戲劇感欠奉，變到唔夠精彩，可以話浪費左

[@wingso130hk]

九品係神台級作品，真係太難有得比，我覺得前半段子華太男親女愛，而後半段又好柴九，雖然後半張力十分好，但總覺得好唔一體，離神作還差好遠，但票房就超前，感覺香港無論音樂或者電戲都進入一個新領域，就係身價與實力不符，定還是通脹太嚴重，總之希望業界好好把握這個機會，做出好作品

[@yeung9629]

非常同意!

[@einsteinko6747]

Agree, 對家勢力咁大，講真佢無論明面暗面出招令佢上唔到court就已經Game Over. 反而九品芝麻官唔同，包龍星最後係比同治皇帝指名發還重審，有龍威加持，星爺先夠籌碼同班狗官對疊。

[@wingmok2872]

睇完套戲，真心係幾失望，打住好認真的法律戲，但結果都係好似睇咗CCTVB咁！由其頂唔順主控幫手一齊煮死真正兇手，如果設定謝君豪係咁講規矩，唔同流合污之外，佢到唔會幫辯方！其他角色都好表面，好難投入會為子華神推返冤案好大快人心！多謝俾咗個位我講下咁受😅

[@edptmn]

睇到個幕，我都起個心諗發生咩事？點解個主控會咁問 其實個主控話聽唔到，已經好盡 所以我去到黃子華最後一幕時，我已經出左戲 ， 都投入唔到

[@nbachung]

x2..套片吹大左..劇力張力末夠緊張..ending法庭戲似CCTVB秋官套誓不低頭.. 劇力張力差好遠..不過不失啦..真係比較..誓不低頭修哥ending場法庭戲做得好過黃子華....更大快人心...

[@chrisla1339]

kzbin.info/www/bejne/qH-aaIRpm8ish5I 系48:58導演有解釋

[@socarken]

🤔《毒舌大狀》真係唔真實，現實的話林涼水做大狀，早就預咗奶鞋底。當接到曾潔兒虐兒案時，TK何介紹班有錢佬，已經係鍾念華中間人，替傳達要整死曾潔兒。林涼水替鐘念華整死曾潔兒，仲要全數責任，推比新人方家軍，從此林涼水就榮華富貴。所以就沒有故事了！玩完 🙃 仲未計鍾家其實就係中家喎！

[@ninjaworkk]

說出我心聲

[@chocoluvluv]

我都係被trailer誤導以為部片只係一般賀歲片，之後知道子華原形係真事先即刻再搜查資料，即刻訂票去睇，非常滿意，我覺得做trailer嗰個炒得。

[@applemacmac]

新😢香港能拍得到已經好好了

[@user-ln3rf3ie3v]

我覺得呢個導演係走得太前啦 佢想利用娛樂藝術 來改變未來 佢唔介意你話佢套戲就不足嘅地方 佢只係想發出一個訊息 將來嘅法律制度 唔係靠關係 令某一啲人走法律罅 逃避一啲罪孽 我覺得呢啲先係真正嘅英雄

[@himak3157]

呢部戲可以係近年港產賀歲片嘅代表作，但如果冇咗“賀歲”兩個字，咁港產片都幾濕濟

[@lichiwai5460]

主持:，你去做呀

[@zulanacc]

1.林涼水對案件嘅態度轉變算係說服到我，畢竟佢做官嘅時候都係強調公道。到做返大狀之後接第一個Case以為單案好簡單，Hea做都會贏而輕視左。 2. 劇情上最出戲嘅位的確係鍾氏夫婦同曾潔兒嘅三角關係處理，故意提及鍾太同曾嘅同性戀情後不了了之。明明鍾氏兩夫妻各有各玩，點解鍾太要為一個情婦嬲到咁，完全理解唔到。

[@lotto88lot]

2. 她是"雙性戀", 被"雙出賣"!易理解. 她不是壞人，一開始，她為自己的愛犬去世而哀悼，想以愛犬的名義成立基金，幫助別人愛犬。 對愛的執著! 忠誠對她來說意義重大。 現在，她發現雙重不忠，讓她發瘋，她推開小女孩，而不是故意的傷害她......

[@owl1601]

我都覺得林涼水既轉變無問題，反而佢接case果陣hea過頭比較怪，保安翻供咁嚴重，方家軍都有話「你保安黎架，有考保安牌架？見到唔即刻報警？」，好明顯有人想搞曾潔兒，佢都仲hea得落，覺得單case贏梗... 三角關係描寫真係可以多返啲，要cut真係可以cut少少王敏德周圍托關係耍手段，有時太長。

[@dfb7406]

我只能以 林涼水 在庭上向陪審團講的一句話,去睇呢套戲既睇后感 common sense

[@ckchow3258]

最後出氣是林保怡👍👍👍

[@py_6054]

但係香港仲有ICAC咩？

[@Dai1ylif3]

@@py_6054 睇番故事年代背景. 戈時,..係有GE

[@kennyjci3171]

Sam 進步左好多👍🏻👍🏻 點評更精準到point 聽得更舒服 好嘢👍🏻加油👍🏻👍🏻🤗

[@johnnywalker8592]

你今次個影評對部戲有太過多前設， 過多自我想法，同埋係咁同九品芝麻官比較

[@hotingkwok984]

唔覺

[@RayWong-ml1nt]

今日先去睇, 好同意Sam所講, 幾個大失誤令成套戲失色 1) 林涼水比鍾京頤出賣個場, 子華個種錯愕太表面, 似初出茅廬小律師 2) 王敏德係法庭講咁多野不合理, 所為頂級資深法律顧問, 應該深明less is better, 唔會講咁多無謂野.... 3) 檢控官可以用咁假設性既問題問証人? 你知唔知你太太收賣個保安? 收賣個保安係事實咩? 作為証人緊係答我老婆冇收賣保安喇...真係草草收場!

[@Jason-iw6vu]

做街坊大狀條橋似CCTVB既“怒火街頭”

[@jackielw3451]

故事唔係話好正，但淨係睇謝君豪都值回票價

[@dcar6530]

毒舌大狀 謝君豪演金遠山超班

[@Sam-wc6lr]

睇完正義回廊，法庭唔係咁tvb式法庭，控辯雙方好似小朋友鬧交咁

[@mylifef2212]

王丹妮個轉變唔算突然，sam入去坐2年就知 lol

[@tomsin1633]

大概作為普羅大眾都好難理解入獄前後既變化，你明就好了

[@lotto88lot]

I think it's not easy, we experienced Covis 19, the hardest time .......

[@Dai1ylif3]

咪係...比人屈坐監, 屈殺死自己個女, 比自己"情人"咁樣屈, 仲要判坐10幾年, 個女又死埋. 當人生去到咁大件事. 有咁大轉變都唔合理? 可能SAM先生係聖人, 抗壓力好高啦?

[@lotto88lot]

@@Dai1ylif3 worst thing that ever happened to this woman!😅

[@Dai1ylif3]

@@lotto88lot yea also no one ever think of 3 years of lockdown 😂

[@pekkei34]

雖然我覺得套戲以律政劇中屬新手向，但睇開tvb冇乜律政底子可能真係一知半解。雖然唔會唔明但有好多朋友都誤解左以為覺得唔合理既地方係拍戲先會咁。 其實要計成套戲冇乜大bug只係唔識戈啲真係唔會明。😂

[@Angelaaaaaaaa]

其實由王敏德去同子華神對碰 會唔會係想凸顯鐘家不屑與同呢啲小律師周旋 更突出佢地覺得自己可以凌駕於法律以上嘅態度？

[@johnconstantine1246]

公演前鋪天蓋地討論依套戲，入場前點會唔知套戲講乜呀！

[@lotto88lot]

不，我以前不知道細節，這是一部好電影。

[@junglea4ld]

令我聯想起一套湯告魯斯舊片” A few good man”, Jack Nicolson 嘅角色就好似王敏德

[@user-nx3xn9gr2t]

雖然不合理的地方蠻多，但就是一部很好看很熱血的電影！

[@kochunyip1670]

其實套戲很一般，尤其劇本。 上流的反派根本低智商。 (例如老狐狸王敏德根本不會在庭上講咁低智的話，做得入贅，又係低能兒童，謝君豪個問題根本引導性，仲好似好勁)。 結局ICAC拉人，根本中國式结局。 只不過子華神加持，熱潮掩蓋不足。 想像套戲內地拍，評價就會差很多

[@nbachung]

請問SAM先生..你有冇訪問毒舌大狀導演?..係咪因為導演冇接受你訪問.先彈套片?🤣🤣如果有接受你訪問導演.咁橋似都係讚套片多..🤣🤣

[@Sailor___Moon]

😳😳😱😱

[@mrsamsinsan]

你睇下 馬達蓮娜 🫠 關咩事 我都訪問咗周冠威，但一人婚禮仲差過毒舌 未得閒出片咋

[@kliu5906]

@@mrsamsinsan 但你訪問左深宵閃避球的演員就唔評套戲，點解呢？

[@mrsamsinsan]

@@kliu5906套戲都冇人睇，再加上我冇時間寫

[@nbachung]

@@mrsamsinsan sorry.我諗多左🤣

[@Halohk796]

我會當呢套係科幻片，因為個劇情同star war一樣係無可能發生

[@bilibilid3767]

角色描寫不足?

[@imwinter111]

廖子妤真係好能正

[@lotto88lot]

Yes. She is!很有魅力的女演員，我希望她能有更多的表演.

[@wongjan]

整體來說係精彩，令人投入的，不過有D位好奇，例如主控官忽然幫主角團隊（其實我好期待控辯雙方角力）；大耳窿打黃子華果段好堆砌；谷德昭比黃子華第一單官司輸鬼左，之後竟然仲幫住子華（咁究竟谷先生係乃契弟定唔乃契弟？）女被告又無端端咁輕易又信返子華團⋯⋯

[@owl1601]

我覺得黃子華說得返女被告算合理，因為佢地親眼睇到Elsa話唔係媽媽打既，知道佢係被屈，會真心想幫佢打甩。 主控官應該算係代表受害者方檢控犯人，如果佢都覺得被檢控既唔係凶手，倒弋雖然劇劇化但都唔奇。 谷係有少少怪，可能佢地交情真係好硬淨，或者佢地果行唔會因為輸一單官司就同人翻臉？ 大耳窿就真係怪，初頭我以為林涼水借貴利，點知原來係要佢打官司，咁我就更加唔明打咁重手做咩？？ 其實唔少位我都覺得怪。不過我而家覺得比較恐怖既係上面有人講既「套戲對法治既信念呈曖昧狀。幫你出返啖氣既同時亦順便逆向灌輸左法律無法申張公義既隱性議題。」，因為我都有啲隱隱覺得佢想帶呢個MSG。

[@Mhonb]

你對電影前設得太多，不如你所預料就話係缺點，好坦白你影評唔夠中肯

[@devtang666]

個人覺得，呢套戲比較似用超級系機械人片嘅編排，去做一套法庭片。忠奸分明，劇情直接，再加少少超現實嘅情節，完全爽片無誤。但相反，有一啲支線我覺得多餘咗，但慘在呢啲支線都係有發展空間，攪到樣樣都蜻蜓點水；就好似你如飽参翅肚淆個湯，但原來只係用煲湯嚟煮公仔麵，仲要煮完個麵就倒咗煲湯咁。

[@cheungfranklin3543]

真係要再睇多次你明日戰記段片！ 邊有港產片好得過明日呢

[@ivytang5426]

抱歉,只看到6：35作分享。 不能認同你說描寫林涼水細節不足及欠立體。 我老你一些,我就反而覺得劇本已算首尾呼應的概括了林的整體價值觀,轉折及回歸。反映了一整代(特別5,60後)的心態。 你沒有共鳴,因為人生經驗不及,亦未必夠謙虛,去看見這種不及。 電影也好,文學也好,批評作者很易; 看得懂人家精妙之處,第二個層次。

[@STEVENCSF]

電影評論也好,文學評論也好,批評作者很易; 看得懂人家精妙之處,第二個層次。

[@leealex3692]

等如睇李小龍同成龍, 李小龍嘅動作,係建基於真實摶擊技巧, 而成龍係悅目為先, 各取所需, 但係以睇李小龍嘅心情點評成龍, 意義不大. 當然, 如果係警察故事就最好, 但如果只係紅蕃區, 也足夠矣.

[@dcar6530]

金遠山 court scene 好有壓埸感, 睇到起雞皮.

[@gloriawong520]

Sam先生評論得很好。我只係唔明點解作為一位母親，個女病咗仲未退燒，唔好好照顧個女，反而飲醉酒，醉到斷晒片，有人入屋打女都唔知

[@willson_man]

多謝你嘅分享🫡辛苦晒你喇💪🏻😘㊗️新春快樂

[@WJW997]

非常認同Sam先生所講，呢套戲似係一種對呢幾年香港法治變質嘅諷刺或宣洩，所以有時會睇得好爽，或好心噏。但講論劇本，韓國逆權大狀嗰啲，出色好多。我有啲覺得似電視劇橋段，只係用電影拍得好靚咁。不過亦欣賞啲對白，好精警。另外最鍾意兩個細位，同樣探王丹妮，同樣食煙，兩種表達，好強烈對比。套戲講到個家族咁隻手遮天，心諗，收買陪審團咪得囉，駛鬼搞咁多嘢咩？😂所以都覺得有少少離地，同膠劇feel。

[@hiuding1985]

我正正覺得佢唔係諷刺法治變質，而係某程度否定左法治呢件事。因為堅持程序公義既係反派，黃子華係靠違反程序公義黎申張正義架。現實係香港法治變質正正反映係失去程序公義上。所以我覺得套戲對法治既信念呈曖昧狀。在我黎睇，幫你出返啖氣既同時亦順便逆向灌輸左法律無法申張公義既隱性議題。但套戲外表長得實在太標致，我搵緊有冇影評或感想可以不迷於色相。

[@owl1601]

@@hiuding1985 我覺得呢套野係喺仲有程序公義既背景下去diss權貴利用程序公義去走後門，臨尾堅持程序公義公平既金遠山都要違反原則幫一幫主角，因為真相凌駕於程序公義，亦係金遠山人性化具靈活性既一面。 但一方面嚟講，劇中情況唔適用係新香港，因為新香港就係用佢地既「真相」去凌駕程序公義，所以佢而家上到，我都諗過會唔會有偷偷地逆向灌輸既問題。

[@tomsin1633]

以一套商業片黎講，毒舌大狀無疑係成功，演員落力好戲係事實。而對白係講中好多人心聲，但有機會成為經典之作。 可惜套戲既節奏好奇怪，應該慢既地方就快左，例如做錯事想救贖。而應該快既地方就慢，例如查案個度。節奏既奇怪令角色和感情堆疊唔夠，造成套戲唔太順暢，感覺為金句而做戲。 Anyway毒舌大狀作為港產片，單睇卡士同想講既内容，係值得有高票房。但套戲既劇情真心唔太合格，僅僅合格。

[@owl1601]

如果呢套成為經典，就同『英雄』成為經典一樣咁怪...

[@tomsin1633]

@@owl1601 但從票房記錄睇黎，毒舌有好大機會係一個經典。我地作為觀眾可以做既就係寄望毒舌既成功係破窗效應，未來將會有更多佳作出現。到時享受電影，支持香港電影。

[@owl1601]

@@tomsin1633 係呀，但佢俾我感覺就係似「英雄」果種，包裝好靚但中心思想怪怪地。 個人黎講，香港電影有想支持既仲會支持，但黎緊基本上唔會再掂香港懸疑犯罪律政既類型(尤其商業大片) 同埋破窗效應唔係用係正面野度架...

[@tomsin1633]

@@owl1601 感謝提醒，之前一直以為破窗效應係可以用係正面訊息度，代表好例子會爭相仿效。以上述情況應該用良性競爭，有新資金投入，促進行業發展會好d。暫時對電影業發展樂觀，但同樣唔代表希望有更多包青天系列出現。

[@owl1601]

@@tomsin1633 我唔介意有包青天或者FF正義長存既戲出現，只要想傳達既價值觀正確就得。 套戲裡面我鐘意方家軍同金遠山，尤其金遠山我覺得從頭到尾佢價值觀都好正確。但係套戲本身邏輯有啲牽強都算，去到後面劇情煽情過度，模糊左事情本質

[@justforfung_]

好睇但唔算好好睇 多謝Sam先生

[@hiuding1985]

今時今日既香港，類包青天式某程度先煽動憤怒再做情緒一洩千里既電影，我反而會留意反派是誰。我只想說電影的反派暗合某黨政治議程，擺係衣家既香港就不合時宜。今天香港的真正反派還是世家大族港英權貴嗎？

[@owl1601]

咁我覺得包青天好睇啲，同埋結案陳詞唔會離晒題

[@tommyau8534]

一齣完美的電影❤編劇首記一功

[@tommy2723930]

睇戲才有正義,現實係黑暗既請記着.

[@auwkeung]

睇完出嚟第一樣疑問就係：點解爆左段錄音出嚟之後，鍾家個兩個唔第一時間走？仲留係度出庭聽審做乜？

[@nbachung]

套片吹大左..劇力張力末夠緊張..ending法庭戲似CCTVB秋官套誓不低頭.. 劇力張力差好遠..不過不失啦..真係比較..誓不低頭修哥ending場法庭戲做得好過黃子華....更大快人心...