Рет қаралды 753
ДÆУ АГОРУН
Изæйрон фæлмæ ци 'нкъард æй,
Уолæфуй дзæбæх мæ гъæу.
Фал мæ зæрдæ æрæнкъард æй,
О, мæ уарзон, æнæ дæу.
Мæйæ 'рттевуй цалхидзагæй,
Нæй зæрдесгæ, нæ, æ каст.
Мин гъудемæй сæр байдзаг æй,-
Реуи содзуй зæрдтаг уарзт.
Мæн уадусмæ нæ рæвдауй,
Зæрди æнтæф нæ сæттуй,
Цъæх кæрдæг дæр рафелауй,
Фал æнцойнæ нæ дæдтуй.
Мæйæ 'рттевуй цалхидзагæй,
Нæй зæрдесгæ, нæ, æ каст.
Мин гъудемæй сæр байдзаг æй,-
Реуи содзуй зæрдтаг уарзт.
Баталингæй... Ци æнкъард æй,
Æнæсибиртт æй мæ гъæу.
Цæй фæззиннæ ду мæйдарæй!
Æрдзæ рохс нæй æнæ дæу.
Фæффæлгæсун, фæ, и надмæ
Дæу фæууинуни æнгъæл.
Дони билтæбæл идардмæ
Фæццæун, кæнун дзæгъæл...