Рет қаралды 23
Daśakam: 91 -- ṭhe Path of ḍevotion
śrikṛiṣṇa tvatpadOpāsanamabhayatamaṁ baddhamithyārtha dṛiṣṭeḥ
martasyārtasya manye vyapasarati bhayaṁ yena sarvātmanaiva
yattāvattvatpraṇitāniha bhajanavidhināsthitO mOhamārge
dhāvannapyāvṛitākṣaḥ skhalati na kuhachiddevadevākhilātman || 91-1 ||
bhūman kāyena vāchā muhurapi manasā tvadbalapreritātmā
yadyatkurve samastaṁ tadiha paratare tvayyasāvarpayāmi
jātyāpiha śvapākastvayi nihita manaḥ karmavāgindriyārtha
prāṇO viśvaṁ punite na tu vimukhamanāstvatpadādvipravaryaḥ || 91-2 ||
bhitirnāma dvitiyādbhavati nanu manaḥ kalpitaṁ cha dvitiyaṁ
tenaikyābhyāsa śilO hṛidayamiha yathāśakti buddhyā nirundhyām
māyā viddhetu tasmin punarapi na tathā bhāti māyādhināthaṁ
tattvāṁ bhaktyā mahatyā satatamanubhajanniśa bhitiṁ vijahyām || 91-3 ||
bhakterutpatti vṛIddhi tava charaṇajuṣāṁ sangamenaiva pumsām
āsādye puṇya bhājāṁ śriya iva jagati śrimatāṁ sangamena
tatsangO deva bhūyān mama khalu satataṁ tanmukhādunmiṣadbhiḥ
tvanmāhātmya prakārairbhavati cha sudṛiḍhā bhaktiruddhūta pāpā || 91-4 ||
śreyO mārgeṣu bhaktāvadhika bahumatirjanmakarmāṇi bhūyO
gāyan kṣemāṇi nāmānyapi tadubhayataḥ pradrutaṁ pradrutātmā
udyaddhāsaḥ kadāchitkuhachidapi rudan kvāpi garjan pragāyan
unmādiva pranṛityannayi kuru karuṇāṁ lOkabāhyaśchareyam || 91-5 ||
bhūtānyetāni bhūtātmakamapi sakalaṁ pakṣimatsyān mṛigādin
martyān mitrāṇi śatrūnapi yamitamatiḥ tvanmayānyānamāni
tvatsevāyāṁ hi siddhyenmama tava kṛipayā bhaktidārḍhyaṁ virāgaḥ
tvattattvasyāvabOdhO(a)pi cha bhuvanapate yatnabhedaṁ vinaiva || 91-6 ||
nO muhyan kṣuttṛiḍādyairbhavasaraṇi bhavaistvannilināśayatvāt
chintāsātatyaśāli nimiṣalavamapi tvatpadādaprakampaḥ
iṣṭāniṣṭeṣutuṣṭi vyasana virahitO māyikatvāvabOdhāt
jyOtsnābhistvannakhendOradhika śiśiritenātmanā sanchareyam || 91-7 ||
bhūteṣveṣu tvadaikya smṛiti samadhigatau nādhikārO(a)dhunā chet
tvatprema tvatkamaitri jaḍamatiṣu kṛipā dviṭsu bhūyādupekṣā
archāyāṁ vā samarchā kutukamurutaraśraddhayā vardhatāṁ me
tvatsamsevi tathā(a)pi drutamupalabhate bhaktalOkOttamatvam || 91-8 ||
āvṛitya tvatsvarūpaṁ kṣiti jala marudādyātmanā vikṣipanti
jivān bhūyiṣṭhakarmāvali vivaśa gatin duḥkhajāle kṣipanti
tvanmāyā mā(a)bhibhūnmāmayi bhuvanapate kalpate tatpraśāntyai
tvatpāde bhaktirevetyavadadayi vibhO siddhayOgi prabuddhaḥ || 91-9 ||
duḥkhānyālOkya jantuṣvalamudita vivekO(a)hamāchāryavaryāt
labdhvā tvadrūpatattvaṁ guṇa charita kathādyudbhavadbhakti bhūmā
māyāmenāṁ taritvā paramasukhamaye tvatpade mOditāhe
tasyāyaṁ pūrvarangaḥ pavanapurapate nāśayāśeṣarOgān || 91-10 ||