Рет қаралды 142
Daśakam: 98 -- ṇiśkala Brahma
yasminnetadvibhātaṁ yata idamabhavadyena chedaṁ ya etadyO(
a)smāduttirṇarūpaḥ khalu sakalamidaṁ bhāsitaṁ yasya bhāsā
yO vāchāṁ dūradūre punarapi manasāṁ yasya devā munindrāḥ
nO vidyustattvarūpaṁ kimu punarapare kṛiṣṇa tasmai namaste || 98-1 ||
janmāthO karma nāma sphuṭamiha guṇadOṣādikaṁ vā na yasmin
lOkānāmūtaye yaḥ svayamanubhajate tāni māyānusāri
bibhrachChaktirarūpOpi cha bahutararūpO(a)vabhātyadbhutātmā
tasmai kaivalyadhāmne pararasaparipūrṇāya viṣṇO namaste || 98-2 ||
nO tirya~nchaṁ na martyaṁ na cha suramasuraṁ na sitrayaṁ nO pumāmsaṁ
na dravyaṁ karma jātiṁ guṇamapi sadasadvā(a)pi te rūpamāhuḥ
śiṣṭaṁ yatsyānniṣedhe sati nigamaśatairlakṣaṇā vṛittitastat
kṛichChreṇāvedyamānaṁ paramasukhamayaṁ bhāti tasmai namaste || 98-3 ||
māyāyāṁ bimbitastvaṁ sṛijasi mahadahankāra tanmātrabhedaiḥ
bhūtagrāmendriyādyairapi sakalajagatsvapnasankalpa kalpam
bhūyaḥ sanhṛitya sarvaṁ kamaṭha iva padānyātmanā kālaśaktyā
gambhire jāyamāne tamasi vitimirO bhāsi tasmai namaste || 98-4 ||
śabda brahmeti karmetyaṇuriti bhagavan kāla ityālapanti
tvāmekaṁ viśvahetuṁ sakalamayatayā sarvathā kalpyamānam
vedāntairyattugitaṁ puruṣaparachidātmābhidhaṁ tattutattvaṁ
prekṣāmātreṇa mūlaprakṛiti vikṛitikṛit kṛiṣṇa tasmai namaste || 98-5 ||
sattvenāsattayā vā na cha khalu sadasattvena nirvāchyarūpā
dhatte yā(a)sāvavidyā guṇa phaṇimativadviśvadṛiśyāvabhāsam
vidyātvaṁ saiva yātā śrutivachanalavairyatkṛipāsyandalābhe
samsārāraṇya sadyastruṭana paraśutāmeti tasmai namaste || 98-6 ||
bhūṣāsu svarṇavadvā jagati ghaṭaśarāvādike mṛittikāvat
tattve san~nchintyamāne sphurati tadadhunā(a)pyadvitiyaṁ vapuste
svapnadraṣṭuḥ prabOdhe timiralayavidhau jirṇarajjOścha yadvat
vidyālābhe tathaiva sphuṭamapi vikaset kṛiṣṇa tasmai namaste || 98-7 ||
yadbhityOdeti sūryO dahati cha dahanO vāti vāyustathā(a)nye
yadbhitāḥ padmajādyāḥ punaruchita balināharante(a)nukālam
yenaivārOpitāḥ prā~ṇnijapadamapi te chyāvitāraścha paśchāt
tasmai viśvaṁ niyantre vayamapi bhavate kṛiṣṇa kurma praṇāmam || 98-8 ||
trailOkyaṁ bhāvayantaṁ triguṇamayamidaṁ tryakṣarasyaikavāchyaṁ
triśānāmaikyarūpaṁ tribhirapi nigamairgiyamānasvarūpaṁ
tisrO(a)vasthā vidantaṁ triyugajanijuṣaṁ trikramākrāntaviśvaṁ
traikālye bhedahinaṁ tribhirahamaniśaṁ yOgabhedairbhaje tvām || 98-9 ||
satyaṁ śuddhaṁ vibuddhaṁ jayati tava vapurnityamuktaṁ nirihaṁ
nirdvandvaṁ nirvikāraṁ nikhilaguṇagaṇa vya~njanādhārabhūtam
nirmūlaṁ nirmalaṁ tanniravadhi mahimOllāsi nirlinamantarnissangānāṁ
munināṁ nirupama paramānanda sāndra prakāśam || 98-10 ||
durvāraṁ dvādaśāraṁ triśataparimilatṣaṣṭi parvābhivitaṁ
sambhrāmyat krūravegaṁ kṣaṇamanu jagadāchChidya sandhāvamānam
chakraṁ te kālarūpaṁ vyathayatu na tu māṁ tvatpadaikāvalambaṁ
viṣṇO kāruṇya sindhO pavanapurapate pāhi sarvāmayaughāt || 98-11 ||