Рет қаралды 40,410
داستان، اسکلکو آپریشن
شاعر: بشام بدل
توار: میر احمد بلوچ
لشکر اُمیتے خیراٹ نم جوڑ بڑ مرورے
احوال خیر اناۓ خوشی ٹی نم بنورے
احوال گونڈ دادے سرسوب بسونن نن
خوشی تا پین جوزہ وا یاد ایسونن نن
ارفین گام بھلو منزل کہ پند خلکن
ہربوٸی آن پد نن میمونکی آ کہ بسون
میمونکی آن خنانک اسکلکو ءِ گچین آ
مونجا خنان بھیم اٹ دا شارے ہم ہنین آ
ہر بوٸی نا کراس آ میدان جہی نا کیب اٹ
ورناک کریر موشیف چوتو نا مش تا ایب اٹ
الکن دوپاسی ءِ نن سنجر نا بُٹے الکن
وا چشمہ نا کسر تا باۓ تفین توسن
نن بیست چار جون نا اسک کنا او سنگت
نن تون اس ایمان اوڑتو ن اس طاقت
دہ نیم اس نن نا کہ نن کرین حملہ
یک بارہ نا جلو تو مس دشمن ہم ابکہ
ترمل نا آسراتی دوے سبک کرے پین
دشمن تے بھس کننگ کہ نن تو کمک کرے پین
ہرچوکی و پکٹ آ حملہ کریر یاراک
راکٹ وُ توفک آ تامسر بنا توار آک
گھنٹہ منٹ جوانو دا جنگ تینا چکا
بیوس کرین اودے او جہہ منٹ تو نرا
نن نیمہ غا کریرک یاراک کلے قوضہ
مس بڑز وا ہموڑے زیبا غا تینا جھنڈہ
یانزدہ نا کچ دشمن مسور شکار اموڑے
ناکام نن کرینک اوفتا کمک و توڑے
مسک کہ صوب ولدا ہیلیک بسو اوفتا
چوتونا دارہ ایرہ حملہ کریر سم تا
کنگر پدی او سم تے ناکام او انارک
ورنا تا بہادری نا زورے پدا خنارک
ارفین توفک آتے مڈی تے مچ کرینک
بے غرض آ کل گڑاتے خاخر تے ٹی بٹینک
بے سوب مس دشمن نن ہم دڑان شہر اٹ
تاکہ خنن تینا دا مخلوقے مچے مہر اٹ
دا شہر چنرو نا ماضی ٹی دن درے مر
بس یاد استا شہید آ داد ءِ کریم بہادر
چیل اٹ کہ گام ارفین سوگو خنان تینے
جیجا سے نا دعا اٹ پانہ گلان تینے
تہہ کال نن کہ مسک سیخا گدان اسے نا
باہوٹ اسونہ نن زیباو ُ شان اسے نا
رمضان زہی ناشہرے چنکا چناتا مہرے
سرپند مسونک نن ہر دنب ہر سے شہرے
ناکام مس ہراتم دشمن نا کل اٹکل
خوش خوش کرین رخصت شہرے کرین موکل
خوشی ٹی پیشم آن پد مس چاپ اسےنا پیری
وا دیر چشمہ نا ہم تس استے مچے سیری
اس بھیم اسے نا گواچی, دشمن نا ڈس الو
واہ بسکہ ننے آ دونو تو کس الو۔
لشکرک مچ مسریسہ مسون پدی روانہ
سنگر تا تینا کنڈا سوچان داسا کانہ
پندس کرین بھلو سر مسونک نمے آ
ماندہ مفیرے سنگت کٹان میلے تینا
Dastaan e Kalat Operation
New Song
Singer : Mir Ahmed Baloch
Lyricist : Basham Badal
Mir Ahmed Baloch New Songs
Mir Ahmed New Songs 2024
Mir Ahmed Baloch New Songs 2024
Ustad Meer Ahmad Baloch 2024 Songs
Dastaan Mir Ahmed Baloch
Tawaar Balochistan
Mir Ahmed Baloch
Meer Ahmad Baloch
Mir Ahmed New Songs
استاد میر احمد بلوچ
میر احمد بلوچ
توار بلوچستان
Follow Me Social Media 👇
Instagram :
/ tawaarbalochistan
Facebook :
/ jfelyozhxxkrq1fg
KZbin :
/ @tawaarbalochistan
#dastaan #mirahmedbaloch #balochistan #kalat #newsong