DAVID VARELA - La Rumba'l Chigre Menguante (Audio Oficial)

"La Rumba'l Chigre Menguante" ye un cantar compuesto por David Varela pa la BSO de la obra de teatro 'El Chigre Menguante', dirixida por Maxi Rodríguez.
El tema grabóse nun chigre, usando de percusión cuyares, botelles, el sartén, morteru, llata pimentón y demas cacharreríu propiu del establecimientu, amás de la voz y curdión. Cuéntase una hestoria de chigre de tantes que pasen anguaño, igual con un poco aire de rumba mui averada al estilu La Mandrágora o Kiko Veneno.
LA RUMBA’L CHIGRE MENGUANTE:
L’ÚLTIMU DÍA QUE LOS VI
ELLA VISTÍA DE DIARIU,
MARCABA NEL CALENDARIU
LA LLUNA NUEVA D'ABRIL;
ARMÓ FIRME AQUEL MANDIL
COMO DALGUNA QU’OTRA VEZ.
PREGUNTANDO QUE S'OFREZ,
TRES LA BARRA D'AQUEL CHIGRE,
EVITANDO QU'APELIGRE
LO QU'ENTE SIDRA XORREZ.
YERA A LO FONDO NA ESTACIÓN,
ÉL,TIRABA D’AQUEL CARRU
HASTA'L TODIELLU DE BARRU,
VENDÍA'L VINU Y EL SIFÓN.
NEL BOLSU DEL PANTALÓN,
ENTE'L PAÑUELU REVUELTU
MANEXABA BIEN DE SUELTU,
QUE PEL FRIEGUE NA COSTURA
YA AMENACIABA ROTURA
Y ESCAPABASE-Y TOL VUELTU
ENTE ELLOS TABEN AL FRENTE
D’ESA “CASA DE CULTURA”
QU'EN TIEMPOS DE DICTADURA
ABEYUGABA A LA XENTE;
HABÍA ONDE ECHAR EL DIENTE,
YERA CASA, CHIGRE Y TIENDA
Y DEMIENTRES LA CONTIENDA
YERA NEL PUEBLU’L SALÓN,
EL BAILLE N’OTRA OCASIÓN…
Y ESTRAPERLU NA TRASTIENDA.
YO APRENDÍ MAS QUE N’ESCUELA
CON VICENTE, TOÑA Y XELÍN,
SENTÁU NAQUEL BANQUÍN
ONDE TOMABA LA ESPUELA.
MUNCHO SENTÍ VER LA ESQUELA
QU'ESTROZÓ AQUEL SACRAMENTU
Y COMO SI FUERA’L VIENTU
MENGUAMOS NAQUEL VACÍU,
COMO UN LLIMÓN ESTRUCÍU
PÚNXOSE FIN A AQUEL CUENTU
AL PESLLAR EL “CHIGRE-TIENDA”
NUN TARDÓ EN COLAR LA XENTE,
NUN QUEDO NIN EL PENITENTE
NIN GÜERTU, NIN QUIEN LU ATIENDA.
CON LO QUE SAQUÉ D’HACIENDA
Y PICARDÍES D’ESCUELA
YO TORNÉ DE VENEZUELA
COMPRANDO CHIGRE Y LA FONTE
LA ESTACIÓN, CASA Y EL MONTE….
Y RETORNÓ LA CLIENTELA…
📌 SUSCRÍBITE en KZbin: bit.ly/CanalMusicasturiana
📢 Más Música Asturiana en Spotify: bit.ly/PlaylistsMusicaAsturiana
💙💛 SÍGUINOS EN:
www.musicasturiana.com
/ musicasturiana
/ musicasturiana
/ musicasturiana
open.spotify.com/user/musicas...

[@asturmirenchu]

Me ENCANTAAAAAAAAAAAAAAA !!!!!!!!!!!!!!!!!!!! Tien que sonar mucho más esti tema. Y la obra, con ganes de vela

[@asturianuaficionau]

Enhorabuena David.Soy Rubén Labayos de la viga travesá