Рет қаралды 273,489
#devendrafadnavis #eknathshinde #voting #votingresults #bjp #LoksabhaElection2024 #SharadPawar #NarendraModi #amitshah #ब्रेकिंगन्यूज #बातमीमहाराष्ट्राची #कामाचीबातमी #मंत्रालय #LayBhariNews #लयभारीन्यूज #मराठीन्यूज #लयभारीबातम्या
देवेनभाऊ, तुमच्या भाजपकडे अन् तुमच्या अनैतिक महायुतीकडे मराठी मतदारांनी नाकं मुरडलीत. तुमच्या पक्ष नेत्यांनी महायुतीचा अश्लिल प्रयोग केला होता. हे अश्लिलपण अगदी गावच्या वेशीवर आणून ठेवलं होतं. राजकारणातील हा नागडेपणा गुजराती संस्कृतीचा भाग असू शकतो. असला फाजिलपणा मराठी मातीत चालत नाही, हे मतदारांनी दाखवून दिलयं. त्यामुळं तुमच्या भाजपला जर थोडीफार लाज, शरम असेल तर या नागडेपणाभोवती काहीतरी वस्त्र गुंडाळा. तुमच्या पक्षीय अश्लिलपणाचा मराठी जनतेला वीट आलाय. म्हणूनच मराठी मतदारांनी तुम्हाला धडा शिकवलाय. तुमच्यासाठी मोठा इशाराय. तो इशारा तुम्ही समजून घ्यायला हवा. महत्वाचं म्हणजे, तुमच्या मोदी - शाह या जोडगाळीला सांगा, तुमचं गुजराती गटार महाराष्ट्रात आणू नका. महाराष्ट्राची संस्कृती बिघडवू नका. नवीन गलिच्छ पायंडे महाराष्ट्रात पाडू नका.देवेंद्रभाऊ, तुम्ही स्वतः एक हुशार व उच्चविद्याविभूषित आहात. केंद्रात नरेंद्र मोदींचा उदय होण्यापूर्वी तुम्ही सुसंस्कृत होतात. पण नरेंद्र मोदी व अमित शाह यांच्या नादाला लागून तुम्ही सुद्धा बिघडलात. महाराष्ट्रात तुमची प्रतिमा ही खलनायकी, कारस्थानी, पाठीत वार करणारी, गृहखात्याचा गैरवापर करून लोकांना त्रास देणारी अशीच आहे.
राहूल गांधी यांची काँग्रेस, उद्धव ठाकरे यांची शिवसेना व शरद पवार यांची राष्ट्रवादी या तिन्ही पक्षांच्या महाविकास आघाडीला महाराष्ट्रातील जनतेनं स्विकारंलय. याउलट मोदी - शाह यांची भाजपा, एकनाथ शिंदे यांची कायद्याच्या चौकटीतील शिवसेना व अजित पवार यांच्या राष्ट्रवादीला लोकांनी झिडकारलंय.
मुळात तुमच्या भाजपाने आतातरी महाराष्ट्राच्या विरोधात व मराठी माणसांच्या विरोधात कारस्थानं करायचं थांबवलं पाहीजे.लोकसभा निवडणुकीच्या निकालात महाराष्ट्रात तुमच्या अनैतिक महायुतीला जनतेनं अवघ्या १७ जागा दिल्या आहेत. याउलट महाविकास आघाडीला ३१ जागा दिलेल्या आहेत. देवेंद्रभाऊ लक्षात घ्या, तुमच्या नरेंद्र मोदी व अमित शाह या नेत्यांनी महाराष्ट्राच्या गल्लीबोळात सभा घेतल्या होत्या. तुम्ही स्वतः पायाला भिंगरी बांधून फिरत होता. सर्वात महत्वाचं म्हणजे तुमच्या तिन्ही पक्षांच्या नेत्यांनी वारेमाफ पैसा उधळला होता. तुम्ही स्वतः मुलुंडला धावत कशासाठी गेला होता, हे लपून राहिलेलं नाही. तिथल्या ६ खोल्यांमधील बॅगांमध्ये काय सापडलं ते तुम्हीच तुमच्या अंतर्मनाला विचारून बघा. तुमच्या अजितदादांनी बारामतीत काय केलं. एकनाथ शिंदेंनी नाशिक, कोल्हापूरला काय नेलं होतं, हे लोकांपासून लपून राहिलेलं नाही.विकत घेतलेली मतं. सरकारी सत्तेचा केलेला यथेच्छ दुरूपयोग आणि निवडणूक यंत्रणेला स्वतःच्या मर्जीनुसार तुम्ही राबवून घेतलं... श्रीरामाला सुद्धा सोडलं नाही. बरं झालं. श्रीराम तुमच्यावर कोपला. तुम्हांस कशाबशा १७ जागा तरी मिळाल्या आहेत. ते तुमचं यश नाही. तुम्ही केलेल्या भानगडींमुळे लंगोट सुटता सुटता वाचलंय.
आता तुम्ही चिंतन करायला सुरूवात केली असेल. तुम्हांस मी मराठी जनतेच्या मनातील स्पष्ट आणि खरं सांगतो. तुम्ही भ्रष्ट, हावरट, हालकट, मराठी संस्कृतीला काळीमा फासणारे नेते तुमच्यासोबत आणले. ते करायला नको होतं. म्हणून तुम्हाला सांगतो. तुम्ही पहिल्यांदा एकनाथ शिंदे यांची मुख्यमंत्रीपदावरून हकालपट्टी करा. सोबत अजित पवार यांच्या पार्श्वभागावर सुद्धा लाथ मारा. एकनाथ शिंदे व अजित पवार ही दोन लोकं जोपर्यंत सरकारमध्ये असतील तोपर्यंत महाराष्ट्राचं कधीच भलं होणार नाही. तुमच्या स्वतःमध्येही सुधारणा करा. तुम्हाला सुधारणा करणं शक्य नसेल तर नितीन गडकरींसारख्या सभ्य माणसाकडे पुन्हा महाराष्ट्र द्या. हे माझे एकट्याचेच म्हणणे नाही. तुमच्या फेसबुक पेजवर तुमच्याच कार्यकर्त्यांनी काय काय सल्ले दिले आहेत ते बघा.चोरांना तुम्ही तुमच्या पक्षात घेतलं. त्याच्या ऐवजी तुमच्याच निष्ठावंत कार्यकर्त्यांना मोठं केलं असतं तर काय बिघडलं असतं, हा माझा तुम्हांस सवाल आहे.तुमच्या नरेंद्र मोदी आणि अमित शाह यांनी एकनाथ शिंदे यांना मुख्यमंत्री बनवलं. तुमच्यावर सुद्धा अन्यायच झाला. भलेही तुम्ही कितीही कारस्थानी असला तरी एकनाथ शिंदे व अजित पवार यांच्यापेक्षा मुख्यमंत्रीपदासाठी तुमची लायकी मोठी आहे. मोदी व शाह यांनी तुम्हांस मुख्यमंत्री होवू दिलं नाही. एकनाथ शिंदे यांना मुख्यमंत्री केलं. मला सांगा, कोणत्या अँगलने एकनाथ शिंदे मुख्यमंत्री वाटतात. मुख्यमंत्रीपदाचा एकतरी गुण त्यांच्याकडे आहे का ?बाहेरच्या राज्यातील एखाद्या व्यक्तीला किंवा परदेशी व्यक्तीला आमचा मुख्यमंत्री एकनाथ शिंदे आहे, हे सांगायला सुद्धा लाज वाटते, इतकी मानहानी तुम्ही महाराष्ट्राची करून ठेवली आहे. एकनाथ शिंदे हे बिल्डर, ठेकेदार व कंत्राटदार यांचे नेते आहेत. जिथं पैसा दिसेल तिथं त्यांचे डोळे चमकू लागतात. मेंदू वेगानं काम करू लागतो. अहो, त्यांच्या कार्यालयात एक बोगस माणूस सात - आठ महिने ओएसडी म्हणून काम करत होता तरी अख्ख्या मुख्यमंत्र्यांच्या कार्यालयाला त्याचा थांगपत्ता लागला नाही. याचं कारण मुख्यमंत्री कार्यालय घोटाळ्यांमध्ये इतकं बुडून गेलंय की, कुणीही घोटाळेबाज आला तरी चिखलात विरगळून जावा, तसा तो मिसळून जातो.
लय भारी फेसबूक
/ laybhari16news
लय भारी वेबसाईट
laybhari.in/
लय भारी ट्विटर
/ laybhari3
लय भारी यूट्यूब
/ @laybharinewslive
'लय भारी'च्या Whats App ग्रुपमध्ये सहभागी होण्यासाठी खालील लिंकवर क्लिक करा
chat.whatsapp.com/I4rXoBGcMIp...