Рет қаралды 12,482
ባለ ብዙ ገድል ዳግማዊ ዮሐንስ
የልቤን ጥያቄ ኪዳንህ ሚመልስ
እንደምን ያለ ነው የተሰጠህ ጸጋ
ተክልዬ ያንተ ጸሎት ታሰጣለች ዋጋ
...
የተጨነቀች ነፍስ ማዕበሉ የጸናባት
ኃይል አለው ጸሎትህ ከህመሟ ሊያድናት
እኔም ቀና አልኩ ማጎንበሴ ቀርቶ
ከደጅህ ያለቀስኩት ጸሎቴ ተሰምቶ
....
ላይነጋ የጨለመ ቢመስልም ለሊቱ
ነግቶልኝ አየሁት ስወጣ ከእሳቱ
ምስክር ነኝ እኔም ላንተ ድንቅ ሥራ
ምልጃህ በህይወቴ ላይ ስንቱን እንደሰራ
...
የልቡ የሰመረ የተሳካ ሃሳቡ
ስራህን ያስባል ሁልጊዜ በልቡ
በዚያ በጭንቅ ቀን ማንም በሌለበት
ጸሎትህ ኃይል ሆና ረዳችኝ በእውነት
...
ዛሬ ስመሰክር አልፎልኝ ያ ሁሉ
ደስታዬ ልዩ ነው ሸክሜ በመቅለሉ
ለካ መጨነቄ ጥቅም አልባ ነበር
እንዲህ ባንተ ምልጃ ታሪኬ ሊቀየር
....
ግጥም መ/ሃይማኖት ቡሩክ ባይለየኝ
ዜማ ዲ/ን አቤል መክብብ