Рет қаралды 66
ሻሎም🌼
ዶክሳ ጥበባት - 10
የምንጠቀምባቸው ቃላት በህይወታችን ውስጥ ትርጉም ያለው ልዩነት የሚያመጡት ለምንድነው?
በጣም ብዙ ሰዎች ስለሚጠቀሙባቸው ቃላት እጅጉን ግድየለሾች ናቸው።
እንደ መሪ ሁለት አማራጭ ብቻ ነው ያለን: በውድቀት አስተሳሰብ ውስጥ መዳከር ወይም የመሪነትን ስብዕና ተላብሶ መቆም።
ሁለቱንም መሆን ግን አይቻልም!!
በየዕለቱ የምንጠቀምባቸው ቃላት ውስጣዊ ሃይላችንን ለማደስና በከፍተኛ ደረጃ ውጤታማ ለመሆን ሊያግዙንና ወደሚቀጥለው ከፍታችን ሊያደርሱን ይችላሉ።
ውስጣዊ አብርሆት ያላቸው መሪዎች ስለሚጠቀሙባቸው ቃላት ከፍተኛ ጥንቃቄ ስለሚያደርጉ ሰዎችን ሁሉ ይገነባሉ: ያበለፅጋሉ።
የመሪነትን ስብዕና የተላበሰና ሰብአዊነትን ከፍ የሚያደርግ ቋንቋ ነው የሚጠቀሙት።
ዓለምን የምናያት መነፅር አጥልቀን ነው።
መነፅራችን ደግሞ በየዕለቱ የምንጠቀምባቸው ቃላትና ስለራሳችን ማንነት በውስጣችን ያለው ዕምነት ድምር ውጤት ነው።
በህይወታችን ውስጥ የፈጠራ አቅማችን እያደገ የላቀ ወጤት እየፈጠርን ወደ ህልማችን ለመቅረብ የምንችለው በጥበብ የተቃኙና መልካም መንፈስ የተሞሉ ቃላትን በየዕለቱ መጠቀም ስንጀምር ብቻ ነው።
እባኮትን በድምፅ የተቀረፀውን ሙሉ መልዕክት ያድምጡ።👆👆
ሻሎም🌼🌼