ديمو كان وأخواتها - ازاي تعمل ديمو عربي ؟

ملاحظات:
١ - ديمو العربي لازم يكون "درس نحو"
٢ - الأمثلة المستخدمة تكون إيجابية، يعني مثلًا ماينفعش (لن أذاكر دروسي) نخليها (لن أقصر في دروسي).
٣ - نحاول ناخد بالنا من الأخطاء الإملائية، وبخاصة الهمزات.
٤ - كلنا بنغلط وكلنا بنتعلم من أخطائنا، فلو اتسألت سؤال ماتعرفش إجابته .. بلاش تجادل وقُل: لأ مش عارف النقطة دي، ممكن حضرتك توضحها لي ؟
٥ - التوتر هيقل لما تُظبط بداية شرحك وتربط الأفكار ببعضها، لأن تركيزك هيكون على تفاصيل الدرس.
٦ - ممكن تاخد معاك ورقة فيها التحضير اللى هتشرحه أو الأمثلة، لكن خد بالك ... ماينفعش تفضل باصص في الورقة طول وقت الشرح، ممكن تحطها على أي ديسك قدامك وتبصلها مع نهاية كل جزئية أنت شرحتها.
٧ - وقت الديمو مايزدش عن ربع ساعة، ولا يقل عن عشر دقايق أو ٨.
٨ - لو الدرس كبير وتفاصيله كتير، اكتفي بشرح الجزء الأول من الدرس.
٩ - الأمثلة لاتزيد عن ٣ أو ٤، التقويم ٢.
١٠ - أوعى .. أوعى .. أوعى وأنت بتشرح تدي ضهرك للفصل وتبص ناحية البورد فقط !!
حاول تقف بزاوية كدة، بحيث أن طرف عينك يكون كاشف الفصل.
١١ - شارك كل المتواجدين معاك في الأسئلة والإجابات.

[@mennamohammed4228]

بس ما شاء الله ممتاز

[@user-pm3pq2kg7p]

جزاك الله كل خير

[@abdomahana2476]

وإياكم 🤲

[@user-wd3fd9zj9m]

شكرا ساعدتني كتير ف الديمو

[@abdomahana2476]

ربنا يوفقك

[@user-pj2ci5pz9d]

فضلا معلش ف المقابله الشخصيه هل معلم اللغه العربيه بياخد معه وسائل تعليميه تعزز م شرحه للدرس وهل بيشرح ع سبوره ذكيه ولا سبوره عاديه

[@abdomahana2476]

@@user-pj2ci5pz9d ممكن تجيب وسائل، زي البطاقات وغيرها، لكن عدم وجودها في الديمو .. لا يقلل من نظرتهم لك في شيء بالنسبة للسبورة: على حسب المدرسة، في مدارس بتقولك حضر بور بوينت عشان تشرح ع السبورة الذكية، وفي مدارس كتير مش بيفرق معاها الكلام دة

[@user-dl5wt9pu7p]

تسلم يا مستر ❤

[@abdomahana2476]

شكرا لذوق حضرتك بالتوفيق بإذن الله

[@user-dl5wt9pu7p]

ممكن لو سمحت طريقة تحضير درس نحو بوربوينت

[@abdomahana2476]

@@user-dl5wt9pu7p حضرتك ممكن تاخدي الشرح، وتعمليه بور بوينت

[@user-wd3fd9zj9m]

ياريت لو تشرح درس نحو لمنهج اعدادي النهارد ضروري ولك جزيل الشكر

[@abdomahana2476]

في على القناة البدل وأسلوب الشرط

[@user-cn6uk3hh8e]

اخي في ديمو لابد من عمل تغذية راجعة للدرس السابق وربطة مع الدرس الجديد؟ ويفضل اللغة العربية خلال إعطاء الدرس لطلاب

[@abdomahana2476]

حضرتك أخدت بالك من التمهيد ؟ بدأنا بجملة بسيطة عن المبتدأ والخبر، وربطناها بالدرس الجديد. أما عن اللغة العربية، فطبيعي إنك توصل المعلومة للطالب باللهجة اللى يفهمها .. باللهجة السهلة عليه، وكدة كدة أنت بتقرأ الأمثلة والقاعدة باللغة العربية الفصحى المضبوطة بالعلامات الإعرابية، والطالب كذلك بيجاوب الأسئلة بالنطق الفصيح.

[@youmnanashat]

بعد اذنك ممكن ديمو عن مادة تكنولوجيا المعلومات

[@abdomahana2476]

آسف ما عرفش !

[@mennamohammed4228]

ياريت لو تشرح دورس اكتر

[@abdomahana2476]

بإذن الله

[@esraamostafa3385]

بعد اذنك كنت عايزة درس لسنة رابعة ممكن ابدأ ازاي

[@abdomahana2476]

لو هتحضري نحو، يبقى مافيش فرق كبير، تختاري التمهيد المناسب وتشاركي الحاضرين معاك في التمهيد، وإن شاء الله خير. لو مش عارفة تعملي تمهيد مناسب، بلغيني باسم الدرس، وأنا هقولك التمهيد المناسب.

[@esraamostafa3385]

@@abdomahana2476جزاك الله خيراانا هشرح درس الفعل وانواعه ممكن مثلا التمهيد اكتب مثال لفعل ماضي ومضارع وأمر واقولهم الفرق مابينهم اي ولا اي افضل

[@abdomahana2476]

@@esraamostafa3385 بالظبط تكتبي جملتين أو تلاتة فيهم الماضي والمضارع والأمر، وتتناقشي فيهم. مثال: يذهب أحمد إلى المدرسة. ذهب أحمد إلى المدرسة. اذهبْ يا أحمد إلى المدرسة. وحضرتك تتناقشي معاهم: عندنا ثلاث جمل، مين يقولي الفرق بينهم ؟ في الجملة الأولى: أحمد ذهب للمدرسة والموضوع انتهى. لكن في الجملة الثانية: أحمد لسة بيذهب للمدرسة والفعل مستمر في الحدوث. في الجملة الثالثة: فهمنا أن حد بيطلب من أحمد أو يأمره أنه يذهب للمدرسة. طب تعالوا نتعرف على الفعل وأنواعه وازاي نفرق بين أنواعه الثلاثة.

[@esraamostafa3385]

@@abdomahana2476 جزاك الله خيرا بجد استفدت كتير اوي من القناة وسمعت الدروس كلها الشرح ممتاز ماشاء الله 😍♥️♥️

[@abdomahana2476]

@@esraamostafa3385 وإياكم، بالتوفيق إن شاء الله

[@user-wd3fd9zj9m]

ياريت لو تشرح درس نحو لمنهج اعدادي النهارد ضروري ولك جزيل الشكر

[@abdomahana2476]

موجود ع القناة

[@user-wd3fd9zj9m]

ياريت لو تشرح درس نحو لمنهج اعدادي النهارد ضروري ولك جزيل الشكر