ديمو عربي - ازاي تعمل ديمو لغة عربية.
Рет қаралды 9,367
Күн бұрынملاحظات:
١ - ديمو العربي لازم يكون "درس نحو"
٢ - الأمثلة المستخدمة تكون إيجابية، يعني مثلًا ماينفعش (لن أذاكر دروسي) نخليها (لن أقصر في دروسي).
٣ - نحاول ناخد بالنا من الأخطاء الإملائية، وبخاصة الهمزات.
٤ - كلنا بنغلط وكلنا بنتعلم من أخطائنا، فلو اتسألت سؤال ماتعرفش إجابته .. بلاش تجادل وقُل: لأ مش عارف النقطة دي، ممكن حضرتك توضحها لي ؟
٥ - التوتر هيقل لما تُظبط بداية شرحك وتربط الأفكار ببعضها، لأن تركيزك هيكون على تفاصيل الدرس.
٦ - ممكن تاخد معاك ورقة فيها التحضير اللى هتشرحه أو الأمثلة، لكن خد بالك ... ماينفعش تفضل باصص في الورقة طول وقت الشرح، ممكن تحطها على أي ديسك قدامك وتبصلها مع نهاية كل جزئية أنت شرحتها.
٧ - وقت الديمو مايزدش عن ربع ساعة، ولا يقل عن عشر دقايق أو ٨.
٨ - لو الدرس كبير وتفاصيله كتير، اكتفي بشرح الجزء الأول من الدرس.
٩ - الأمثلة لاتزيد عن ٣ أو ٤، التقويم ٢.
١٠ - أوعى .. أوعى .. أوعى وأنت بتشرح تدي ضهرك للفصل وتبص ناحية البورد فقط !!
حاول تقف بزاوية كدة، بحيث أن طرف عينك يكون كاشف الفصل.
١١ - شارك كل المتواجدين معاك في الأسئلة والإجابات.
@ayaoya7865 Жыл бұрын
السلام عليكم ورحمة الله وبركاته ممكن حضرتك تعمل فيديوهات تاني عن ديمو لدروس نحو أخرى
@abdomahana2476 Жыл бұрын
تمام، بس حضرتك تابعي القناة كل فترة، لأني مش بتعامل ع اليوتيوب كتير
@somiagaber610 Жыл бұрын
ما شاء الله اللهم بارك عندي ديمو وبفكر اشرح درس كان واخواتها ولكن عايزة أعرف أيه التمهيد المناسب للدرس ده
@abdomahana2476 Жыл бұрын
التمهيد المناسب: الطالبُ مجتهدٌ ظلّ الطالبُ مجتهدًا وتوجهي أسئلة تفاعلية للحاضرين: ١ - مين يقرأ المثالين ؟ ٢ - طب مين لاحظ حاجة مختلفة في المثالين ؟ وهكذا .... وادخلي في الشرح ربنا يوفقك
@AManyHussien-q7l 10 ай бұрын
@@abdomahana24762:32
@amirasamir4693 28 күн бұрын
@@abdomahana2476😊
@OmniaIbrahim-d5h Жыл бұрын
عندى ديمو وهشرح فيه أنواع الخبر ممكن حضرتك تقولى التمهيد المناسب
@abdomahana2476 Жыл бұрын
تمهيد: الخطوة الأولى، تكتب (البيت نظيف)، مين يعرب الجملة دي ؟ الخطوة التانية، تختار واحد وتسأله اسمك اية، هيقولك محمد مثلًا، طب أنا لو عايز أنسب الجملة دي لمحمد، ينفع أقول محمد البيت نظيف ؟!!! ..... كلهم هيقولوا لأ يا مستر ماينفعش الخطوة التالتة: طب نقول قول اية ؟ .. هنا هنحتاج نضيف ضمير ونحل المشكلة، وهنقول: محمد بيته نظيف. طب يا ولاد، في الجملة دي (محمد بيته نظيف) يا ترى فين الخبر ؟! ينفع أقول الخبر كلمة بيته فقط ؟! الجملة مش هيكون لها معنى. طب ينفع نقول الخبر كلمة نظيف فقط ؟! بردو مش هينفع. لكن الخبر هيكون جملة (بيته نظيف) على بعضها يا ولاد. ومن هنا حضرتك تبدأ تعرفهم على أنواع الخبر، وتكتب العنوان، والتمهيد مش هياخد معاك دقيقتين. ربنا يوفقك.
@OmniaIbrahim-d5h Жыл бұрын
@@abdomahana2476 شكرًا لحضرتك 🤍
@ZozaEMaraa 3 ай бұрын
مستر ممكن تعمل ديمو انواع خبر ع عندي مقابله@@abdomahana2476
@totamhager4653 2 ай бұрын
اي التمهيد المناسب لشرح درس علامات الاسم رابعه إبتدائي
@abdomahana2476 2 ай бұрын
@@totamhager4653 ممكن نقول: قاضي - يقضي - أدخل على الكلمتين (أل) وتبدأ تتناقش مع الحضور، طبعًا هيقولوا كلمة قاضي ينفع نقول: القاضي لكن كلمة يقضي مش هينفع نقول: اليقضي. وتسألهم: اية الفرق بين قاضي ويقضي هتلاقي الحضور بيقولوا: قاضي اسم، ويقضي فعل. وبعد كدة حضرتك تقدر تبدأ في شرح علامات الاسم وتقول: انهاردة هنتعلم علامات الاسم
@ommariam_1990 4 ай бұрын
السلام عليكم ورحمة الله وبركاته عندي ديمو لدرس المفعول المطلق ايه أنسب سؤال تمهيدي أدخل به للدرس
@abdomahana2476 4 ай бұрын
وعليكم السلام ورحمة الله وبركاته ممكن نبدأ التمهيد بجملة بسيطة: ١ - ذاكر الطالب الدرس ٢ - ذاكر الطالب الدرس مُذاكرةً وتسألىى الحضور عن الفرق بين الجملتين من حيث المعنى ؟ وتدخلي بعد كدة في درسك عادي. بس حضرتك خدي بالك، لأن الدرس دة فيه تركات وممكن ماحدش يسألك في تركات ولا أي حاجة بردو، ويركزوا على شرحك وعرضك للدرس بالتوفيق إن شاء الله
@دعاءمحمد-ل4ت Жыл бұрын
جزاك الله خيرا يعنى ماكتبش العنوان واسيب الطالب يستنتجه وبعد كده اكتبه؟؟؟
@abdomahana2476 Жыл бұрын
وإياكم براحتك طبعًا، لكن من رأي كدة أفضل، أن الطالب يفهم فكرة الدرس من التمهيد وبعد كدة يعرف عنوان الدرس الجديد بالنسباله، كدة أفضل. لكن لو حضرتك شايف الطريقة التانية أفضل، توكل 👍
@abdomahana2476 Жыл бұрын
وأهم حاجة الملاحظات اللى تحت الفيديو، بص عليها، مهمة جدًا جدًا جدًا
@دعاءمحمد-ل4ت Жыл бұрын
@@abdomahana2476 عندى مقابله لاول مرة وخايفه علشان كده بستفسر
@abdomahana2476 Жыл бұрын
التوتر حاجة طبيعية، عادي يعني وعشان التوتر ميأثرش عليك أو ينسيك حاجة، ركز في تفاصيل وخطوات الدرس اللى هتشرحه، واندمج مع شرحك، وإن شاء الله خير 👍 وماتنساش تقرأ الملاحظات تحت الفيديو
@hadeerhassan1176 Ай бұрын
السلام عليكم عندى ديمو ف مدرسة هل لازم يكون معايا وسيلة ؟؟ انا قولت هشرح ع السبورة عادى
@abdomahana2476 Ай бұрын
@@hadeerhassan1176 لأ مش شرط، ولو حد جاب سيرة الوسيلة قولي: آسفة جدًا، لكن إن شاء الله في الديمو الجاي هتكون موجودة.
@taghreed7342 Жыл бұрын
عندي ديمو وعايزه سوال تمهيدي لنائب الفاعل انا جبت ،م الفرق بين شرح المعلم الدرس شُرِح الدرس ،ده كويس
@abdomahana2476 Жыл бұрын
حلو جدًا 👍 خدي بالك: لو قصدك على منهج أولى إعدادي، فمافيش عندهم درس اسمه (نائب الفاعل) لكن هو جزء من درس المبني للمجهول، فعشان كدة لازم في البداية تقولي: أخدنا الحصة اللى فاتت ازاي نبني الفعل للمجهول، تعالوا انهاردة نتناقش في السؤال التمهيدي. واتناقشي مع الحاضرين في إعراب المثال الأول، كل واحد منهم يعرب جزء. بعد كدة قوليلهم: في المثال التاني، حد يعرب لي الدرس. وهنا خلي بالك، لأن ممكن حد من الحاضرين يختبر معلوماتك ويقول: الدرس مفعول به لأنه تم شرحه، وشُرح فعل والفاعل ضمير مستتر. وهنا حضرتك ممكن تقولي: زميلكم بيقول كذا كذا، طب هو ينفع نقول (شُرِح هو الدرس !) طبعا مافيش حاجة اسمها كدة، عارفين ليه مش هينفع ؟ لأن الدرس مش فاعل ولا مفعول به، الدرس إعرابه نائب فاعل يعني أية نائب فاعل ؟ يعني كلمة حلت محل الفاعل بعد حذفه، وأخذت إعرابه طب امتى نعرب فاعل وامتى نعرب نائب فاعل ؟! تعالوا نتعرف على درسنا انهاردة (نائب الفاعل)
@abdomahana2476 Жыл бұрын
خدي بالك من التكات ١- في بعض الأفعال تلازم البناء للمجهول، ولا فعل معلوم لها، وما بعدها يعرب فاعلًا، مثل: ( حُمّ الطفل - غُمّ الهلال - زكم الرجل - جُنّ الشاب - امتُقِعَ (انتُقِعَ ) لونه.. ممكن يسألك في مثال منهم ٢ - ممكن يجيب الفعل المتعدي مبني للمجهول في جملة، مثلا: ظُنَّ الامتحان سهل، ويسألك الجملة مكتوبة صح ولا غلط ؟ أو يقول عايز إعراب الجملة طبعا زي ما حضرتك عارفة، إن المتعدي بينصب مفعولين، لكن عند بنائه للمجهول .. المفعول الأول يصبح نائب فاعل، والمفعول الثاني كما هو. ٣- افتكري صور نائب الفاعل (اسم ظاهر واسم موصول وضمير متصل وضمير مستتر) بالتوفيق بإذن الله
@taghreed7342 Жыл бұрын
@@abdomahana2476 شكرًا خالص جزاك الله كل خير المقابلة عندي انهارده وشكرا علي معلومات دي ،اه هو أول أعدادي بس عندي سؤال انا محضرة الدرس ف كشكول تحضير وعاملة ديمو ف فلاشة بس انا عامله حسابي إني استخدم السبورة العادية بتاعت القلم يعني كله هيكون شرح علي السبورة دعواتك ليا هي مدرسة انترناشونال
@taghreed7342 Жыл бұрын
@@abdomahana2476 يعني حُمَ الطفل ،الفعل ده مش بيتحول لفعل معلوم
@taghreed7342 Жыл бұрын
@@abdomahana2476 هو منهج بتاع أولي اعدادي مكنش في صور الفاعل لازم اعرفهم ؟
@usy8v Жыл бұрын
مستر هو حضرتك بتعطى درس لتالتة اعدادى
@abdomahana2476 Жыл бұрын
أنا بدرس لابتدائى ولإعدادي ولثانوي. ولو قصدك على فيديوهات، هتلاقي إعدادي
@خالدعطية-ب1ن 3 ай бұрын
يعني ايه ديمو
@abdomahana2476 3 ай бұрын
@@خالدعطية-ب1ن زي الأنتر ڤيو كدة، بس خاص بالتدريس، بتشرح أمام معلمين (كأنك في فصل)
@rashaalaa5646 4 ай бұрын
السلام عليكم ،عندي ديمو للمرحله الابتدائيه ممكن حضرتك تعمل فيديو قراءة او نحو لرابعه او خامسه او سادسه ابتدائي
@abdomahana2476 4 ай бұрын
في على القناة فيديو للمضاف إليه، اتفضلي اتفرجي عليه
عمو يحيى 3amo yehia
Рет қаралды 67 М.
ITS - International Technology Solution
Рет қаралды 25 М.
رائد كمال سميسم Raed Kamal
Рет қаралды 61 М.
Learn Arabic with Marwa Sobhy
Рет қаралды 23 М.
ميس أروى Miss Arwa
Рет қаралды 40 М.