Рет қаралды 164,264
انه العام 1861 !! يتم توحيد الاراضي الايطالية اخيراً .. تحت سلطة مملكة واحدة !! و يصبح الملك . فيكتور ايمانويل الثاني .. هو اول ملك لمملكة ايطاليا !! ولكن . في مشكلة صغيره !! جزيرة صقلية اللي هي جزء لا يتجزأ من ايطاليا .. لسه لم يتم السيطرة عليها !! و دا بسبب ان فيها جماعات من المافيا المنظمة .. اللي حرفياً مسيطرة على كل شبر ف الجزيرة !! و انا لما اوصفهم بالجماعات المنظمة .. ف انا اقصد كده فعلاً !! اجتماعات و قوانين و احكام و اعراف و ليلة كبيره !! ولكنهم لايزالوا ف نظر باقي العالم . مجرمين !! كل الافعال اللي بيرتكبوها هي افعال اجرامية !! و هو دا اللي شعلل الصراع بين حكومة الملك و المافيا !!
ف انت هنا هتقول . يا ما شاء الله !! ملك ايطاليا كان خايف على قيم المجتمع .. من الاجرام اللي بيرتكبه المافيا ؟!
ولا قيم مجتمع ولا نيلة !! م احنا لسه قايلين انه عاوز يضم صقلية لسلطته .. بس مش عارف بسبب سيطرة المافيا عليها !! و علشان كده كان بيحاربهم !! و اينعم الملك قوي و معاه جيش و كل حاجه .. بس بصراحه كده .. هذا التنظيم المحكم اللي المافيا ماشيين عليه .. مخلي القضاء عليهم امر صعب جداً !! صراع بين الملك و المافيا استمر لمدة 30 سنة .. و برضه المافيا مش راضيه تسقط !! بالعكس دي بتتوسع !! و بقدوم القرن ال20 .. اللي هو من سنة 1900 و طالع .. كانت المافيا توسعت بره صقلية .. و وصلت للاقاليم الايطالية المختلفة !!و ده . خطر !! الظاهر كده ان المافيا . مش هينفع معاها الشغل الناعم !! دول محتاجين ديكتاتور دموي . يخش بدماغه فيهم !! و جيس وات . الدكتاتور الدموي . جيه فعلاً !! سنة 1920 !! لما نجح بينيتو موسوليني ف الوصول لمنصب رئيس وزراء ايطاليا !!
و على عكس كل رؤساء الوزراء اللي سبقوه .. ف موسوليني سلطته . كانت اعلى من سلطة الملك !! و خلي بالك دي مش ملكية دستورية !! يعني الطبيعي ان الملك يكون اعلى سلطة !! ولكن موسوليني . شئٌ اخر!! و دا اللي اداله تحكم كامل في كل نواحي ايطاليا !! و اول حاجه موسوليني عملها .. هو انه قاد دفة الحرب على المافيا !! و ياللهول . الحرب دي . نجح فيها نجاح مبهر !! اعتقل و قتل جزء كبير من المافيا !! و وقف نشاطهم الاجرامي و الغير اخلاقي !! و انهى تجارتهم تماماً !! عمل رقابه على كل نواحي ايطاليا .. علشان يمنع توغلهم ف اي بزنس !! مفيش رجعة للمافيا دي تاني !! فاشي فاشي يعني مش اي كلام !! عكس الملك الطري و حكومته !!
المافيا بعد كل اللي موسوليني عمله فيهم !! ايقنوا ان ملهمش عيش ف ايطاليا خلاص !! و انهم لازم يشوفوا رزقهم ف اي مكان تاني !! و من حسن حظهم . ان ف نفس الفترة الزمنية دي بالتحديد .. كان في دول جديدة بدأت تظهر على الساحة !! دول صاعده بقوة ممكن نبدأ فيها من جديد !! زي البرازيل و الارجنتين !! و خصوصاً امريكا !!
===============================================================================
حلقات تانية ممكن تشوفها
قصة صعود المافيا | ساعة الصفر
• قصة صعود المافيا | ساع...
افشل مشروع في التاريخ الحديث ( طائرة الكونكورد ) | ساعة الصفر
• افشل مشروع في التاريخ ...
واحدة من اكبر عمليات الابادة في التاريخ بسبب الدعاية المزيفة (الهولوكوست) | ساعة الصفر
• واحدة من اكبر عمليات ا...
كيف تلاعب "جوبلز" بعقول الشعب الالماني (مدرسة الدعاية النازية) | ساعة الصفر
• كيف تلاعب "جوبلز" بعقو...
كيف يتم عمل ارباح بالمليارات من اشعال الحروب ؟؟ (تجارة السلاح) | ساعة الصفر
• كيف يتم عمل ارباح بالم...
كيف خدع البريطانيين العرب للتخلص من العثمانيين ؟ (الثورة العربية الكبرى : الجزء الثاني) | ساعة الصفر
• كيف خدع البريطانيين ال...
الثورة العربية الكبرى (الجزء الاول) | ساعة الصفر
• الثورة التي صنعها البر...
الشخصية الاهم في التاريخ العربي الحديث (لورانس العرب) | ساعة الصفر
• الشخصية الاهم في التار...
معسكرات التعذيب السوفيتية (الجولاج - Gulag) | ساعة الصفر
• معسكرات التعذيب السوفي...
انستجرام : / ali_elmeshwady
فيس بوك : / ali.elmeshwady
تويتر : / el_meshwady
تيك توك : / meshwadyy
Music: Bensound: "Relaxing" - Meditation Royalty Free Music
للتواصل و الاعلان
aly.el.meshwady@gmail.com