Рет қаралды 2,519
#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Тұяқ ҚҰҚЫМОВ - шахтер.
Еске алып ем:
Қарағанды бір қараған секілді
күйе басқан кірпіктерін сәл ашып.
Содан кейін… менің қоңыр бетімді
Сүйді желі күн нұрымен таласып.
Әр тасынан бір-бір ұшқын жүр ыршып,
қарашы, анау породаға үйілген:
Қара таулар қайғыдан да тымырсық,
әлсін-әлсін түтін құсад ыңырсып.
Мұның бәрі сөзбен айтсаң - тыныштық
көзбен көрсең?..
О, түсінем, түсінем:
Қарағанды кайнап жатыр, бір ыстық,
бір керемет жүректердің күшімен...
Жұмекеннің жыры. Рас, қарағандыда жүректі жандар өмір сүреді. Жеті қабат жердің астына кіріп, қараңғыда қара алтынды қазып жатыр. Өкінішке қарай, сол шахталарда апат жиілеп кетті. Бір ғана «Қарметте», яғни, бұрыңғы атауы "АрселорМиттал Теміртау" шахталарында 1995 жылдан бері 182 кенші қаза тауыпты. Қаншама отбасы атадан, әкеден, баладан айырылды. Бүгінгі жас ақындардың бірі «Мойыныма байланғандай қыл шылбыр,Тұңғиыққа тартады ылғи тылсым дүр. Қақыратып Қарағанды кеудесін, Қара жердің астында бір дүрсіл жүр», деп жазған екен. Рас, қарағандының шахталары қаншама жүрек дүрсілін үзді. Бірақ, сол шахталарда әлі де мыңдаған кенші жұмыс істеп жатыр. Қаншама апаттан кейін де сескенбей, қатерге толы мамандықты адал атқарып жүр. Бүгінгі кейіпкеріміз Тұяқ Кукумбаев 40 жылын тау-кен саласына арнаған.
Былтыр Қарағанды облысында орналасқан Костенко шахтасында апат болды. Тұтас елдің қабырғасын қайыстырған қаралы һәм азалы күн. Апат кезінде шахтада 252 адам болған, оның 208-ін құтқарушылар қауіпсіз жерге алып шыққан, өкінішке қарай 46 адам қаза тапты. Костенко шахтасы сол баяғы даулы «АрселорМиттал Теміртау» компаниясына қарасты еді. Осыған байланысты президент Қасым-Жомарт Тоқаев "АрселорМиттал Теміртау" кәсіпорнымен инвестициялық ынтымақтастықты тоқтату жөнінде тапсырма берді. Біздің тарихымыздағы ең нашар компания болды", - депте айтты. Нәтижесінде, «АрселорМиттал Теміртау» әуелі мемлекет меншігіне өтіп, кейін жаңа инвесторға берілді. Қазіргі атауын жоғарыда айттық. Сол «ҚАРМЕТтің» қазіргі жұмысы үкіметтің тікелей бақылауында. қауіпсіздік шаралары барынша күшейтіліп, инфрақұрылымы қалыпқа келтіріліп жатыр деп сенеміз. Өйткені, бүгінгі біздің кейіпкер сияқты батыр азаматтар әлі де сол шахталарда қауіп-қатерге толы жұмысты атқарып жатыр.
Тұяқ ағамыздың әкесі де , өзінің ағасы да шахтер. Бұл қарағандылықтар арасында кеншілер әулеті, династиясы көп. Олар ерлікті, еңбекті ұрпақтан ұрпаққа тағылым етіп аманаттап, сабақтап келе жатқан батыр жандар. Өлеңмен бастаған бүгінгі бағдарламаны өлеңмен түйіндесек. Жансүгірдің тұяғы, қазақтың Ілиясы былай шетелде болған кеншілер көтерлісі жайлы былай толғанған екен.
«Жым-жырт, жан-жақ тып-тыныш,
Кәрі тау - кәрі қалыбы.
Су дамылсыз былш-былш,
Баяғы жұлдыз жарығы.
Жер тесер өңшең жеркене
Көр үңгір, кемір аласың.
Өзіңе ме, өзгеге?
Керді кімге қазасың?
Тақылжырдан тамған тер
Еңбегің бе, қаның ба?».
Сүйектен өтер сұрақ. Кеншілердің маңдай тері бағаланып, шахтадалар апат болмасын деп тілейміз.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev