Рет қаралды 268,758
#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Әнуар Махметов - спорт жаттықтырушысы
Ассалаумағалейкум ардақты ағайын. «Спорт денсаулық кепілі». Бұл сөзді мектепте санаға сіңіріп өстік бәріміз. Білім ордасының қабырғасында айтылған сол сөзді жадыға жаттап алды демесеңіз денсаулықтың кепілі дейтін спортты жанына серік еткендер көп болмайды. Содан ғой елде бұқаралық спортты дамыту керек деп жанұшыра жанталасып жатқанымыз. Әсілінде өзіміз он екі мүшемізге салмақ салмағанмен спортшылардың халықаралық аренада атой салып, қарсы келген қарсыласын қаңбақтай ұшырғанын қалап тұрамыз. Және теледидарды басып қалсаң, радионы қосып қалсаң, газетті ашып қалсаң аты көп аталатын адамдарды отандық спорттың теңдессіз тұлғасына балайтынымыз бар. Бажайлап қарасақ ондай жандар көп бізде, кейбіріне көпшіліктің көзі жете бермейді. Мысалы Қазақстанда алты дүркін Қазақстанның рекордын жаңартқан, екі рет әлем рекордын жаңартқан Әмір Махмет есімді спортшы баланың барын білесіз бе? Елдің ішін қойып әлемде теңдессіз екенін ресми хаттап тастаған жеткіншекті қалай әспеттесекте жарасады. Жазу керек, айту керек, себебі өз батырыңды өзің бағаламасаң өзгелер қадіріне жете қоймайды. Бүгінгі мақсатымыз да сол біздің. Қазақ «ұстазы жақсының ұстамы жақсы деп жатады», бүгінгі кейіпкерге келсек биікті бағындырған спортшының бапкерін байқап қара дегің келеді. Өйткені Әмірдей әлеуетті жігітті жаттықтыратын өзінің әкесі Әнуар Махметов. Өз баласынан бөлек ауыл ауылдан белдескеннің белін үзетін мықты жеткіншектерді жинап жүр. Бұйыртса олимпиада чемпионын шығарсам деген тәтті арманы бар. Ауылдағы азамат үшін оның да ауылы алыс емес секілді. Ендеше бапкер Әнуар Махметовпен тілдесейік қане.
Әнуар Махметов жұртқа жасаған жақсылығын жариялап жатпайды, бастысы балалардың бағын ашсам деп жанұшырып жүр. Әсілінде халықаралық спорттық шаралардан тауымыз шағылғанда «ауылдың балаларын неге жарысқа қоспайды» деп күйінетініміз бар ғой. Әнуар соны айтқызбай істеп жүрген жігіт ағасы. Қазір ауыл балаларын джиу джитсуге тегін баулып жүр. Сол үшін үйінің ауласынан шағын спорт алаңын салған. Ол ол ма, өз қаржысына Қажымұқан ауылынан спорт зал салып жатыр. Күш атасының атымен аталатын ауылда ауыл балаларына арналған спорт залдың салынуын жақсыға жорыдым. Бұйыртса сол залда көпбалалы отбасының балалары мен әлеуметтік жағдайы төмен отбасының балаларын тегін жаттықтырмақ бүгін кейіпкеріміз Әнуар Махметов.
Ғабит Мүсірепов: «Дұрыс жолға қойылған дене шынықтыру ойындары оқу-білім алуға бөгет емес, қайта бойды сергітіп, ойына жәрдем ететін нәрсе» деген. Әнуарда осы сөзді басшылыққа алған. Оқу мен спорттың бір бірін толықтыратыны болмаса қарама қайшылығы қат. Сөздің басын Әнуар Махметовтың ұлынан бастадық қой. Содан бір керек дерек болсын, Әнуардың ұлы Әмір Махмет Бурабай көлінің төрт жарым шақырымын жүзіп өткені. Бұл ақпарат пен бейнежазба бұқараға тарады. Ал бүгін сол кейіпкеріміздің тек өз баласын баптамайтынына және ауылға еткен еңбегін бұлдамайтынына көз жетті. Еңбек адамы төрге шықсын дейміз
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev