༄༅རྣལ་འབྱོར་མི་ལ་རས་པའི་རྟེན་འབྲེལ་སྙིང་པོའི་མགུར་གླུ་བཞུགས་སོ༔ / ESSENCE OF DEPENDENT ORIGINATION

Рет қаралды 4,863

Күн бұрын

༄༅རྣལ་འབྱོར་མི་ལ་རས་པའི་རྟེན་འབྲེལ་སྙིང་པོའི་མགུར་གླུ་བཞུགས་སོ༔
ལྷོ་བྲག་མར་པའི་ཞབས་ལ་འདུད༔
སྤྲང་རི་ཁྲོད་ཟིན་པར་བྱིན་གྱིས་རློབས༔
ཡོན་བདག་བཟང་པོའི་ཚོགས་གསོལ་ལ༔
དོན་གཉིས་འགྲུབ་པའི་རྟེན་འབྲེལ་འགྲིག༔
རྙེད་དཀའ་འཇིག་སླའི་ལུས་པོ་འདི༔
ཟས་དང་ཕྲད་པས་སྐུ་ཁམས་བཟང༔
རྙེད་དཀའ་འཇིག་སླའི་ལུས་པོ་འདི༔
ཟས་དང་ཕྲད་པས་སྐུ་ཁམས་བཟང༔
དོག་མོ་ས་ཡི་རྩི་བཅུད་དང༔
དགུང་སྔོན་དབྱིངས་ཀྱི་སྦྲང་ཆར་གཉིས༔
འགྲོ་ལ་ཕན་པའི་རྟེན་འབྲེལ་ཡིན༔
རྟེན་འབྲེལ་གྱི་སྙིང་པོ་ལྷ་ཆོས་ཡིན༔
ཕ་མས་གསོས་པའི་སྒྱུ་ལུས་དང༔
བླ་མ་དམ་པའི་གདམས་ངག་གཉིས༔
ལྷ་ཆོས་བྱེད་པའི་རྟེན་འབྲེལ་ཡིན༔
རྟེན་འབྲེལ་གྱི་སྙིང་པོ་སྙིང་རུས་ཡིན༔
མི་མེད་ལུང་པའི་བྲག་ཕུག་དང༔
ཁ་ཞེ་མེད་པའི་དགེ་སྦྱོར་གཉིས༔
ཅི་བསམས་འགྲུབ་པའི་རྟེན་འབྲེལ་ཡིན༔
རྟེན་འབྲེལ་གྱི་སྙིང་པོ་སྟོང་ཉིད་ཡིན༔
མི་ལ་རས་པའི་སྒོམ་བསྲན་དང༔
ཁམས་གསུམ་སེམས་ཅན་དད་པ་གཉིས༔
འགྲོ་དོན་འབྱུང་བའི་རྟེན་འབྲེལ་ཡིན༔
རྟེན་འབྲེལ་གྱི་སྙིང་པོ་སྙིང་རྗེ་ཡིན༔
བྲག་ལ་སྒོམ་པའི་སྒོམ་ཆེན་དང༔
འཚོ་བ་སྦྱོར་བའི་ཡོན་བདག་གཉིས༔
སངས་མཉམ་པོར་རྒྱ་བའི་རྟེན་འབྲེལ་ཡིན༔
རྟེན་འབྲེལ་གྱི་སྙིང་པོ་བསྔོ་བ་ཡིན༔
བླ་མ་བཟང་པོའི་ཐུགས་རྗེ་དང༔
སློབ་མ་བཟང་པོའི་སྒོམ་བསྲན་གཉིས༔
བསྟན་པ་འཛིན་པའི་རྟེན་འབྲེལ་ཡིན༔
རྟེན་འབྲེལ་གྱི་སྙིང་པོ་དམ་ཚིག་ཡིན༔
བྱིན་རླབས་མྱུར་པོའི་དབང་བསྐུར་དང༔
དད་གུས་དྲག་པོའི་གསོལ་འདེབས་གཉིས༔
མྱུར་དུ་མཇལ་བའི་རྟེན་འབྲེལ་ཡིན༔
རྟེན་འབྲེལ་གྱི་སྙིང་པོ་བཀྲ་ཤིས་ཡིན༔
རྗེ་མི་བསྐྱོད་ཀྱི་ངོ་བོ་རྡོ་རྗེ་འཆང༔
སྤྲང་པོའི་སྐྱིད་སྡུག་ཁྱེད་རང་མཁྱེན༔
རྗེ་མི་བསྐྱོད་ཀྱི་ངོ་བོ་རྡོ་རྗེ་འཆང༔
སྤྲང་པོའི་སྐྱིད་སྡུག་ཁྱེད་རང་མཁྱེན༔
#BUDDHISTGURMA#GURMA#MILAREPAGURMA#BUDDHISTPRAYER