Etsy ho tadidiana-Dadah Mahalaeo (Tolotra Rakotoniriana)

Etsy ho tadidiana vetivety fotsiny ihany
ireo olon-tiana izay efa lasa any
tratra antso ka tsy tana nialoha lalana
tsy hoe tsy tamana f’izay no fandaharana
Ao ireo ray, ao ireo reny nantenaina hiankinana
hitantana, hiteny nefa lasa any am-pahanginana
ao ireo zoky, ao ireo zandry natao hiara-hiriaria
nefa tsy nahandry fa lavo teny an-tapa-dia
Ireny no niamboho lasana andeha aloha
tsy telina eny tsy sitraka hiotsaka ho lo
nefa akaikin’ny fo na dia ho vovoka
zary paritaka
Etsy ary ho tadidy ireo lasana any ankoatra
tsy nanan-tsafidy, tsy afaka nanoatra
ireo zaza tsy manan-tsiny ambohoka menavava
natao hoe hivahiny nefa tsy mba nahita mazava
Ireo izay voafoaka tampoka na dia erotrerony aza
zary folaka nidaboka tsy nampilaza
ireo nahita ny ainy nandao azy moramora
ho faty ihany fa tsy hainy na ny daty na ny ora
Ireo rehetra ireo sy izay tsy mbola voalaza teo
tsy azo hadinoina, fa eo akaikintsika
ny fitia raha tianao ho aseho
andeha mba jerijereo mba tsy ho zary hangatsiaka
A/C : Dadah Mahaleo