風流天子丨尹光/曾慧丨尹光唱盡經典粵曲演唱會

請支持訂閱 環星音樂/環星娛樂Facebook (讚好Like & 追蹤 Following)
/ wsmmusic
及
環星音樂KZbin：(訂閱 subscribe)
/ wsmchannel
風流天子
主唱：尹光 / 曾慧
曲：古曲 詞：吳一嘯 編：周熾楷 監制：張國林
生白：卿家
旦白：主上
生唱：嗱　御園花開遍
生白：你愛花唔愛呀丞相
旦白：微臣忙於國事　無此閒情逸致呀
生白：嘥哂　嘥哂
生唱：孤願抱花眠
生白：抱花眠　好趣口架
旦白：惜花賞花倒還可以
　　　如果講到眠花　似乎褻瀆啲呀主上
生唱：你睇吓杏媚桃艷　嗰隻浪蝶
　　　佢嘅心都軟囉　都永日繞花前
生白：花嘅顏色　花嘅香氣
　　　好得人愛口架
　　　但係嗰啲花　又唔知人愛佢至弊呢
生唱：枉我愛花　不…厭
生白：啲花都唔知人愛佢嘅
旦白：主上
旦唱：花有空谷蘭
生白：係呀
旦唱：未必由人愛…
生白：我愛咪得啦　駛乜人愛啫又　孤皇愛
旦白：主上
旦唱：我哋漫談花事
生白：咁又點呀
旦唱：已到白…石…
生白：白石橋呀
旦唱：橋邊
生唱：我叫句酈卿家
旦唱：我尊聲萬歲爺…
生白：吓　唉吔　真係聽到把聲　真係攞命呀真係
生唱：對此畫意詩情　正好把你才華一…展
生白：嗱　卿家　你都正是才高八斗
　　　咁呢　替吓孤皇吟番首即景詩都好掛
旦白：主上
生白：點呀
旦唱：我不是詩人李太白
生白：你謙啫
旦唱：豈能獻醜在當前
生白：唔怕
旦唱：上林景色勝天堂
生白：係呀
旦唱：恕我筆未生花　難渲染
生白：卿家　你駛乜咁謙啫又
生唱：阿酈卿你正是詩清如水
　　　應份要一揮而就　喂　你都莫多言好嗎
　　　我呼宮監
生白：嘩吓　冚扮冷都黑忟忟嘅喂
　　　咦　啲宮監粗手粗腳
　　　都唔係啦　女人就仔細啲
　　　叫啲宮娥好啲呀
生唱：我再喚宮娥　你哋即刻奉上雲箋和墨硯
生白：嗱　阿卿家
　　　你鍾意寫景就寫景　你鍾意寫情就寫情
　　　而且卿家你又係女
旦白：女　女乜嘢
生白：女女女女　我未女完呀　我講到半崩更
　　　你唔好阻住我得口架
　　　我話阿卿家　你係女
旦白：女
生白：女…　磊落光明嘅大丈夫嚟口架嗎
　　　我叫你寫首詩
　　　你又駛乜怕醜到耷耷頭　阻阻面呢又
旦白：主上　我之所以低頭係思想
生白：思想
旦白：我之所以側面呢
生白：係乜嘢呢
旦白：係沉吟咋
生白：哦
旦白：我經已胸有成竹　立即揮筆獻君前
生白：好呀　請請請
　　　好嘢呀　話寫就寫呀
　　　佢唔認係女人噃
　　　一陣你就知
旦白：快唔快呢主上
生白：都寫得幾快
　　　咁多嘅
旦白：詩已寫成　敬呈御覽
生白：好呀
　　　嘩
旦唱：草草書成皇恕宥
生唱：哈　你真係果然轉眼就成篇
旦唱：可惜詩句甚平常
生白：唔係　你覺得好平常咋咩
旦白：好平常咋嗎
　　　我覺得未有好出彩之處噃
生白：你又覺得平常囉
旦白：係呀
生白：但係孤皇就唔同啦
旦白：點解唔同呀
生白：我覺得你呀
旦白：係
生白：都唔知幾緊要呀我
旦白：你講乜嘢呀
生唱：我話卿家你真係可圈還可點
生白：嗱　卿家
旦白：吓
生白：你聽吓為皇讀吓你首詩　睇吓有冇讀錯呀吓
旦白：好
生詩：白石橋頭縱馬蹄
生白：縱馬蹄有乜好呀卿家
旦白：點解唔好啫
生白：種馬蹄好啲呀
旦白：唉
生白：哎　孤皇近來燥熱　食番吓啲馬蹄　清熱吓咁幾好呀
生詩：春風拂袖都柳初齊　碧繩倒影煙波暗
　　　青幔遮蔭入息低
生白：入息唔低口架啦噃
旦白：哎呀　主上呀
　　　我梗係想你　日日都加人工
　　　分分鐘都加人工啦　係咪
生白：咁你寫入息低
旦白：咁啫係講比你聽　低咗啲囉啫係
生白：哦　我睇錯咗
旦白：睇錯咗呢
生白：個日字嚟嘅
生詩：青幔遮蔭日色低　流水靜中雙燕語
　　　隔花深處都一鶯啼
生白：啊　好嘢噃　卿家
　　　我叫你吟首詩啫
　　　乜嗰度有隻鶯啼你都聽到嘅呢
旦白：比喻呀嗎
生白：不過咁呀
旦白：係呀　點呀
生白：嗰隻呢　鶯乸嚟口架
旦白：唏　鶯公都唔定呢
生白：你又咁叻
　　　鶯公鶯乸你識分嘅咩
旦白：阿主上
生白：我唔識分呀
旦白：約莫啦約莫啦
生白：約莫啫吓嗎
旦白：係呀係呀
生白：仲有仲有
旦白：哦
生白：呢句仲好噃
生詩：上林九度留金輦　雨露恩濃無席西
生白：嘩　呢一句　如果潮州人讀　就彎彎公司都得口架啦
旦白：係咩
生白：無席西
旦白：哦　咁口架
生白：好擇駛口架
旦白：咁呀　我唔識潮州話　咁我梗係寫個咁嘅音啦
生白：不過真係好詩
旦白：好詩
生白：係卿家你至諗得到嘅啫
旦白：謝主上
生唱：嗱　你吟詩　啲句子都確屬係自然
　　　點得我共卿你長日對　風花雪月天
旦唱：亂咁題詩休取笑
生白：唔係笑你呀
旦唱：我不過描模　景色句句係胡言
生唱：宰相你吟詩意味甜
　　　甜詩一首　惹情牽
　　　女兒心就容易軟
　　　我來挑逗都結奇緣呀
　　　等我舉絲鞭　拂柳條
　　　彈起嗰啲綠葉凝珠　嘻　濺上佢嘅芙蓉　佢嘅芙蓉粉面
生白：唏
旦白：主上　你做咩事呀　唉吔
生白：唏
旦白：主上　唔好啦　主上　哎吔
生白：濕晒
旦唱：唉吔吔　君王戲弄
生白：冇事呀嗎
旦唱：有意癡纏呀...
　　　鞭花拂柳　露珠飛濺
　　　知佢有意想摘純潔白蓮
　　　我寧為玉碎　心最堅
　　　唯一之希望　立即出御園
　　　無翼點得飛呢　確係夠驚險
　　　皇是尋花蜂　採花心易見
生白：卿家　嘻　做乜唔出聲呀
旦白：唔出聲梗係嬲啦
生白：我知
生唱：你梗係嬲我都樂忘形　把的露珠就彈粉面
生白：我同你抹番乾佢
旦白：哎哎哎　主上
生白：唔駛呀
旦唱：君臣應守禮
生白：守禮呀
旦唱：請勿損莊嚴
生白：莊嚴
生唱：嗱　齊家治國就講莊嚴　講到弄月吟風
　　　我哋大家就要談　我哋要談談談談
旦白：主上　談乜嘢啫　談咁耐都談唔出
　　　哦　啖上頸
　　　係咪呀
生白：咩啖上頸啫
旦白：咁你談咁耐都談唔出　你唔係啖上頸咩
生白：孤皇呢　見到啲靚嘢呢
　　　梗係慢慢談口架
　　　你冇理由談咁快口架嗎
　　　我話弄月吟風唔好咁緊張
生唱：我話我哋大家就要談吓香艷好嗎
生白：嗱　卿家　孤皇想學吓你咁呀
　　　即景吟吓詩咁　不過咁
旦白：哦
生白：你啲詩就好工整嘅
　　　為皇嗰啲　約約莫莫咁口架咋我
　　　嗱　聽住啦噃
　　　四句口架咋
　　　第一句
生詩：風流舊態都帽欹斜　柳葉飛珠濺臉霞
　　　人到上林花減色　生成玉貌都似嬌娃
生白：有冇讚錯你呀
旦白：主　主上
生白：點呀
旦白：你問我呀
生白：係囉　夠工整嗎
旦白：我想過至答覆你吓
　　　哎吔
旦唱：心驚震　口難言
　　　難怪話伴君猶如伴虎眠　佢妙語相關何宛轉
　　　詩詞句句　都有絃外之言
生白：喂　做乜嘢呀卿家
旦白：主上
生唱：乜你默默都無聲　你究竟聽...唔
生白：你聽唔聽到口架
旦白：我唔知你講乜噃
生唱：聽見
　　　呢一首詩詞都怕夠香艷啦掛
旦唱：有此香詞妙句　可以引...動
生白：引動乜嘢至得口架
旦唱：美嬋娟
生白：係唔係呀
旦唱：可惜我係男子不情牽
生唱：我共你相對吟哦　似唔似那一...雙
生白：飛緊呀
生唱：嘅情燕
生白：似唔似呀
旦白：主上　唔好開玩笑
生白：點樣呢
旦白：我覺得一啲都唔似噃
生白：點解又唔似呢又
旦白：嗱　我哋彼此大家都係男人　又點會似呢
生白：我學番你咁咁你就死火啦
旦白：有咩死火呀
生白：你拍我呢道嘢噃
旦白：吓
生白：我拍番你　就唔得口架啦
旦白：唔緊要　拍呀
生白：你係丞相嚟口架嗎
旦白：啊
生白：我嘅男人同你嘅男人又點同啫
　　　嗱　你睇吓
旦白：有咩唔同呀
生白：你把聲就咁幼　為皇把聲就咁粗嘅
旦白：哎　我媽生我嗰時係咁口架啫
　　　個個人嘅聲都唔同啲口架嗎　主上
　　　有咩理由我似你把聲啫
生白：你阿媽同我阿媽梗係唔同啦
旦白：係囉　就係囉　係囉
生白：各有各把聲口架啫
旦白：係呀
　　　你成日都食燕窩　咁我又冇乜嘢食
　　　咁把聲　咁就差唔多有啲唔同
生白：食燕窩把聲會靚啲口架咩
旦白：係口架　有啲唔同口架　你睇你唱成晚都冇事
生白：大家望下佢
　　　你呢個男人同我呢個男人真係大有分別噃
旦白：係咩
生白：唉　卿家　好心你唔好聲聲都係話男人啦
　　　若果你係女人我就
旦白：主上　主上呀
生白：唏　你嚇親為皇呀你
旦白：成日都咁講
旦唱：明堂不是女嬌妍　份屬君臣應檢點
　　　豈能戲弄作狂言
　　　朝中事
生白：由佢
旦唱：不可忘
生白：呸
旦唱：我拜別明君離上宛
生白：咪行　番頭　番轉頭　你唱完啦咩
旦白：唱晒啦
生白：仲有口架
旦白：仲有咩
生白：滾水淥腳咁　駛乜咁緊張啫
　　　番頭
旦白：哦
生白：唉　卿家
旦白：吓
生白：唔好咁緊張
旦白：點解呀
生白：呢一樣唔啱咪講第樣啫
　　　洗乜咁小氣得口架
旦白：你講呢啲　硬係我唔知點樣同你答嘅
　　　真係答你唔到　咁我真係要走
生白：你唔駛答口架
旦白：吓　點解呀
生白：你同孤皇去遊吓花園就得口架啦
旦白：係咩
生白：係囉
　　　去第到行吓啦
旦白：唔好喇掛
　　　主上你睇吓　天都黑晒口架啦
生白：天黑
旦白：係呀
生白：天黑你都要去口架噃　你知唔知呀
旦白：點解呀
生白：我係K　I　N　G　KING
　　　KING即係番話
旦白：哦
生白：即係皇帝咁解
　　　如果皇帝開金口　你唔聽話呢
　　　哈　死啦你
旦白：點呀
生白：我誅你八族
旦白：唔驚
　　　仲有一族　你唔係九族口架咩
生白：嘻　為皇見你靚　我誅少你一嘢口架啦
　　　呀　你去唔去
旦白：咁呀
生白：唔去就殺你
旦白：吓　咁咁咁咁好啦　主上
生白：咁你就精啲
旦唱：一聲無奈伴王駕
生白：真係同孤皇去啦嗎
旦白：加人工至好呀
生白：呢啲冇問題
　　　我大把錢呀　都未搵
旦白：咁冇所謂啦
生白：得米
生唱：等我安排妙計去網彩鸞呀...
#尹光 #唱盡經典粵曲演唱會 #環星娛樂 #環星音樂 #wsmmusichk #張美峯 #麥玉清 #鍾麗蓉 #謝曉瑩 #鄧美玲 #曾慧

[@puihanglee1429]

尹光。曾慧。演唱很投合。尹光很鬼馬。曾慧唱功動聽。☺🙋

[@ja-yl3sr]

好聽

[@十九千]

卡拉OK新馬粵曲，連爆肚都學埋，，，

[@maysunchan5268]

連唱帶歌词奉上,令人易學,跟住唱便可,在疫闷中哼鳴高唱,功德也是!推廣也是!抵讚!

[@venuspoon3952]

好好听!

[@ahmuicheng3535]

​@@venuspoon3952 ❤❤ 😃😅❤😊

[@wingchuenpang6041]

@@ahmuicheng3535N

[@nlpplam]

😍😍😍😍

[@fokfok6800]

好好为公众已

[@heiditse9866]

唱造俱佳，風流天子宛在目前

[@陳展強-t1f]

🎉🎉🎉❤❤❤😅😅😅😊😊😊

[@sisi-vd4kv]

同吕珊唱这个版本都好好听

[@sarahchang2067]

1手3)

[@鄧昌]

～

[@steveho9884]

I never see Wah Kwong sing with Chiang Mun Duan before.

[@yip5975]

曾慧很久沒唱了

[@MosangCheung]

😢

[@antlau3272]

God created and loves us, but we rebelled against him in our past. He sent his only son Jesus to save us from hell by suffering and dying on the cross to pay for our sins. (Read the Gospel and the Bible.) God loves us immensely. Anyone who accept Jesus as our savior will be forgiven and will be raised from death. God's created a new and better world for us. Tell Jesus all your problems. He's helped me a lot. He can help you, too.

[@hoday-vt2vq]

y;。 川灬人…盛 ，

[@hfcheung4549]

Y

[@tomtong740]

1

[@Drysdry]

Wonderful 💐..., is it 双平头?

[@此次車子-v8y]

noN

[@輝爺]

同伶王差別非常大，唱得太剛烈

[@邓华-c3q]

的

[@chivinhha5491]

T 6 8 y8

[@phuockhang8202]

Cik