فرعون الشعر.. ناصر الفراعنة..يا جرح قلبي..

ناصر الفراعنة..
يا جرح قلبي على من رحت منها في خبر كان
رعبوبةٍ قربها للقلب جرح وبعدها جرح
عذراً عليها تنافج بي هواجيسي مسيّان
ولاني عليها ولو قل الوفى من صوبها فرح
في كل يومٍ لها شان وكل يومٍ لنا شان
ما شفت فيها ولا عذروبٍ إلا طبعها المرح
سمراً عليها يجادلني ملاكينٍ وشيطان
يا برح كبدي عليها برح ثم يا برح يا برح
عطبول كن وجهها شقفة قمر سبتين لا بان
والا رسوم الفرح في وجه راعي الخاطر الترح
العين عين أفدعٍ مهديه سلمانٍ وسلطان
وصوفه وصوف ما يبغالها جمعٍ ولا طرح
والقرن ذيل أشقرٍ سمي على اسم العود شقران
قارح ومن صلب خيلٍ قرّحٍ ما مسهن قرح
والعنق عنق إدمي صكّت عليه قنوص سبعان
في خشم عرقٍ خضر عشبه من الطول أحسبه سرح
والبطن بطن شعواً منتوقةٍ من جيش حمدان
ياما على كورها أخلوا من دواوينٍ ومن مرح
والصدر كنه سقيفة معبدٍ في أرض كنعان
أو صرح فرعون إذ نادى يا هامان ابن لي صرح
عليه من مسجد الصخرة ومن هيكل سليمان
قبة من التبر مصبوبة وقبة ما تبي شرح
ما هي من العالم الأرضي بل من عالمٍ ثان
من عالمٍ غير هالعالم وطرحٍ غير هالطرح
لا عالم الإنس عالمها ولا من عالم الجان
أجيلها خاطري ضايق وأروح وخاطري شرح
رومية الطول والأطراف غصن الموز والبان
زنجية القد والأرداف يعني جرح في جرح
ناصر الفراعنة
شاعر مضر
شاعر الثقلين
فرعون الشعر
مارد الشعر