Francisco Fernández del Riego: Patrimonio lúdico na súa obra.

O Mosteiro de San Salvador de Vilanova de Lourenzá acolle a exposición 'Don Paco, o pícaro argalleiro'.A exposición recolle, previo estudo da obra de Francisco Fernández del Riego, os xogos e xoguetes citados por el como parte da súa crianza. Foron Xosé López e Xosé Manuel García, responsables do museo "O recuncho das argalladas", radicado no Pazo de Tovar, na mesma Lourenzá, as persoas que decidiron acometer este ambicioso, e sobre todo orixinal, proxecto.
Espazo realizado coa colaboración da área de Cultura da Deputación de Lugo para contribuír a difusión da figura e da obra de Fernández del Riego no ano en que se lle dedican as Letras Galegas.