فورد جراند ماركيز 2006 تغيير طرمبة الماء بالتفصيل -45-

حياكم الله بالفديو هذا إن شاء الله بنشرح طريقة تغيير طرمبة الماء للفود بالتفصيل
وطريقة فك وتركيب السير

[@3bdr7manaljuhani53]

روحت قبل شوي لورشه ابغا اصلحها وقال لي ب١٠٠ ريال قلت انا اولا فيها اشتري فيها العده الي تحتاج ما تكلفني شي وثم اشتغلها ، طبعا بعد ما بحثت عن طريقه التركيب وجدت انها سهله وما تستاهل ورشه كل هذا بفضل الله ثم شرحك ، شرح وافي وتصوير واضح اهنيك ، جزاك الله خير وجعلها في ميزان حسناتك تحياتي 💐

[@GiovaniCapitanio]

شرح كااامل .. تصوير ممتاز .. وصفك وحديثك أثناء التركيب ممتاز . اشكرك على كل ما تقدم . جزاك الله كل خير

[@-mafakat3222]

اللهم آمين ويجزاك ربي الخير والسعادة على هالكلام الطيب

[@user-kp4dr6uv6z]

ماشاءالله عليك الله لا يضرك ويعطيك العافيه 🌹

[@MohamedSalah-ev3ix]

كفيت ووفيت ،عظيم شرحك وصوتك رائع

[@user-gx3ds8xf5n]

شرح مبسط وسهل اشكرك ياكبتن 👍🏻❤

[@user-kg8gs7fq8w]

بيض الله وجهك وجمل الله حالك

[@has...]

وفقك الله شغل ممتاز .. تصوير ممتاز .. وصفك وحديثك أثناء التركيب ممتاز . اشكرك على كل ما تقدم . جزاك الله كل خير

[@-mafakat3222]

الله يطول عمرك ويسعدك كلامك شهادة اعتز فيها على راسي ابو عبد الله 🌹

[@user-ys8ki9vj7e]

صراحه ابدعت استمر يابطل

[@amerv8384]

الله يسعدك يشيخ، ماقصرت وربي يوفقك ❤️❤️❤️

[@-mafakat3222]

اللهم آمين ويسعدك ربي زوود 🌹🌹🌹

[@kaneki_p-qn4764]

مشاء الله تبارك الله فنان 😍

[@-mafakat3222]

تسلم يا بعدي ❤️🌹

[@yahiasaeed3696]

الله يعطيك العافيه

[@user-ck7jc7je9o]

الله يجزاك خير 👍🏼 ويرحم والديك👍🏼👍🏼

[@user-mg2be1mg3e]

الله يعطيك العافيه مبدع

[@user-ch7vj5ud9p]

افضل شرح الله يوفقك يارب

[@user-lz4tx2rt7j]

عموما الف شكر لك مقطع استفدت منه كثيرا

[@user-zv8ec6ib7b]

ممتاز يا معلم تسلم ايدك شرح ممتاز مع تصوير جيد جدا

[@-mafakat3222]

الله يسلمك ويسعدك

[@user-vk3bd3lk3h]

مبدع اشكرك على هالفيديو 👍🏻👍🏻👍🏻

[@user-lm8gf9qo4u]

شرح واضح وممتاز

[@user-oq6xb3rv4y]

مبدع شرح وافي

[@user-fx8zu4ts2h]

ماشالله عليك يابش مهندس موفق انشالله

[@-mafakat3222]

وياك يا رب 🌹

[@koko9w]

ياخي مرررره شكرا افدتنا وربي من ناحية تصوير وشرح الله يعطيك العافيه افدتني مرررره كثيير كانت السيور تتقطع عندي كل يوم اخر شي طلع بكرة طرمبة المويه مقلوبه كله اكتشفت المشكله من مقطعك ذا الله يعطيك العافيه 🤍🤍🤍🤍

[@-mafakat3222]

العفو يا بعدي والله يعافيك ويسعدك🤍🤍

[@Hamodalmlk]

شكرا على المعلومات القيمه

[@3zo534]

يعطيك العافيه ماقصرت

[@user-ef5ej2yc3m]

ممتاز يعطيك العافيه

[@plodder9393]

السلام عليكم ورحمة الله وبركاته الله يعطيك العافية اخوي حتى الماء المقطر يسبب صدى نصيحة غير ماء اصلي خاص بالرديتر لانه يمنع الصدا بشكل ممتاز

[@omahhfghj6927]

ما شاء الله عليك نفس المشكله عندي الله يجزيك خير

[@-mafakat3222]

اللهم آمين ويآك يا رب

[@Ykw.]

سو مقطع شرح عن مكان البوري او الهرن ب الشروكي وشلون توزنه لان عندي معلق صوت خفيف ومرات يطلع صوته الفعلي ويرد على الخفيف

[@user-fp7cy5ei5h]

بارك الله فيك

[@-mafakat3222]

اللهم آمين وفيك يا رب

[@trainerlaheq]

🤲بارك الله فيك وفي علمك وعملك ووقتك وولدك ومالك وعمرك ومن تحب ورحم الله والديكم وجعلكم الله سعداء في الدارين ونفع بكم ورزقكم ويسر اموركم ورفع قدركم ونضّر وجوهكم وجعل لكم نورا في قلوبكم وابصاركم واسماعكم ووجوهكم والسنتكم واقلامكم ودنياكم وآخرتكم واصلح لكم الدين والدنيا والآخرة🤲

[@-mafakat3222]

اللهم امين ولك بالمثل وزيادة يا رب الله يجزاك خير ويسعدك🤍🤍🤍

[@kaled8586]

يعطيك العافيه

[@-mafakat3222]

الله يعافيك ويسعدك 🌹🌹

[@user-mg9uc7ec7r]

استمر استمر صلاتي عالنبي 👍🏼👍🏼

[@-mafakat3222]

اللهم صلِ وسلم على نبينا محمد ❤️ بإذن الله مستمرين

[@user-oz7mt4np2v]

ما شاء الله عليك ما قصرت .. واسعدك الله .. وتصويرك كان واضح ودقيق بس تمنيت لو عندك استاند تثبت الجوال يكون افضل ❤

[@yazeedalhrby75Osc75]

للامانه تعلمت منك وغيرت طرمبتي بنفسي

[@-mafakat3222]

الله يقويك وقيمة شغل اليد انت أولى فيها👍

[@user-gd5ev5rz9j]

👍🏻ماشاء الله شغل نظيف

[@user-zl4tu9bg3z]

آخوي أنا عندي فورد مركيز ٢٠٠٧ كنت امشي الى وقفت وارتفعت الحراره. وطفيته وبعدها شغلته و وقفت و ارتفعت و مشيت و نزلت وبعدها صارت ترتفع إذا مشيت و الرديتر. من الجانب الأيمن حار و الجانب الأجنب الأيسار بارد هل هي طرمبه ماء

[@hsgsudhsj1969]

احسنت

[@hr1ar412]

هاذي بكرة ايش ايش اسمها داق على واحد في محل قطع و ما اعرف وش اسمها البكره ذي احد يفيدني

[@user-mg4tr6vu7l]

كم سعر الطرمبه وسعر تغييرها اليوم رحت اغسل اللديتر المهندس كشف لي تهريب الماء

[@user-ws9hg4um4n]

عندي صوت في الطرمبه عادي امشي عليه خط ولا ؟

[@user-ev4qh3qg8t]

زين عندي نفس صوت باضبط بس مافي تهريب او حراره يعني هذي طرمبة ماء

[@user-cc1tv4ue1x]

كم احصل سعر طرنبه ما هل لو اركب مستخدمه تنفع أو لا

[@saadhamed8811]

زيت المكينة لونه ابيض هل هذا بسبب طرمبة الموية

[@abusami1756]

الله يعطيك العافية فنان ماشاء الله تبارك الله وطريقة الفك والتركيب صحيحة لكن الماء المقطر احاله مايكفي بيسبب مشاكل وصدا الافضل مزج ماء مقطر مع ماء مركز ٥٠٪؜ او ممزوج جاهز يباع عند قطع الغيار

[@-mafakat3222]

الله يعافيك ويسعدك كلامك صحيح ١٠٠ ٪

[@user-ot2nz1vv1u]

والله ان عندي نفس الصوت اول ما اشغل الفورد وخايف من الصوت ذا بشكل كبير ف اتضح لي منك انه صوت طرمبة المويه

[@user-mx3rf1vf8x]

الله يعافيك يا مهندس صراحه اعجبتني مقاطعك عن الشيروكي بس وش تنصحني اشتري من اي موديل و شكرًا

[@-mafakat3222]

الله يعافيك ويسعدك الشيروكيات الموديلات الجديده ما انصح فيه قد جربها واحد من اخواني وجننه حساس جدا وقيره فجأه يتعطل اما الموديلات القديمه زي اللي انا اصوره فصبور ويتحمل لكن المشكله ما عاد فيه استيراد من الخارج والموجودة بالسعوديه أغلبها تكون مكدوده ونادر تحصل الشيء النظيف

[@abdulrhman5667]

يعطيك العافية 👍👍

[@majedsaeed2]

طيب ما نظفت الأوساخ القديمه اللي داخل السلندرات

[@user-xu5nd2ci1p]

كيف تغير طربات الدركسون

[@user-xv1so2li1e]

مسامير البكره مقساسها ١٠؟

[@majdy3374]

ماشاء الله شغلك منتاز بس ماادري هل فرغت الهواء اللي داخل دائرة التبريد وليت صاحب السياره غير ماء اصلي وريح راسه جالون موتر كرافت واربع حبات ماء مقطر تخلطها مع بعض وتصير النسبه 50‎%‎ ماء اصلي 50‎%‎ ماء مقطر ولاتزيد عن اربع علب ماء وعن تجربه

[@Ykw.]

سلام عليكم يعطيك العافيه على المحتوى الجميل. انا صراحه ودي اجدد جيب شروكي مو اني اجدده لموديل جديد اقصد اني اضبطه واغير كل قطع غيار وصبغه وتعديل وتجديد داخليه كامله وانا صراحه ماعندي خبره ب السيارات او المكانيكه نهاياً اخاف اجيب العيد وينصبون علي ب السعر ف اتمنى منك اذا تقدر تسوي مشروع تجديد جيب منها نستفيد ونعرف كم تكلفه التجديد

[@-mafakat3222]

وعليكم السلام ورحمة الله وبركاته الجيب ال٩٧ اللي منزله بالقناة اشتغلت عليه كل شيء من تجديد بويه وتجديد داخليته بالكامل وجنوط وكفرات وتغيير بعض القطع زي صحن الكلتش كامل وكلفني حدود ٩٠٠٠

[@user-ke3gd7vz8l]

كم قيمة الطرمبه؟

[@user-ks5qe2hp8h]

آشـكرك على آلمـقطـع آلتعليمـي وآلمـفيد يليت تفيدني بــعلومـه كمـ سـعر آلطـرمـبــه مـعي فرد وتهربــ آلطـرمـبــه مـع آلفتح ـه آللي فيهآ

[@-mafakat3222]

العفو يا غالي تفرق الاسعار من محل لمحل الأمريكي من 120الى160 والأصلي من 240الى290

[@user-ks5qe2hp8h]

عز الله مابعدت حصلتها 150يقول آمـريكي وعلى ذمـته وآلح ـين تمـآمـ بــتوفيق آخ ـوي

[@-mafakat3222]

@@user-ks5qe2hp8h امريكي ممتازه تعيش عمر بالتوفيق إن شاء الله

[@user-kn2es5bq7b]

طيب كيف تطلع الهواء لاهنت

[@Wadani_95]

اللي هي البكره كيف فكيتها

[@user-mx3rf1vf8x]

👍🏻

[@CootooGH]

حبيبنا الغالي. انا عندي ماركيز ٩٨ اذا نقص الماء تطلع صوت مثل صوت الجنزير واذا عبيتها يختفي الصوت. هل ممكن تكون الطرمبه ؟

[@-mafakat3222]

صعب اعرف يا غالي وانا ما سمعت الصوت بس اذا تبي تتأكد الصوت من الجنزير ولا من الطرمبه وقت يطلع الصوت فك سير الماكينه وشغل الموتر إذا الصوت موجود معناتها الجنزير وإذا ما فيه صوت معناتها الطرمبه وإذا فكيت السير لف بيدك جميع البكرات الشداد والطرمبه وعلية الدركسون والكمبروسر وراح يبين معك إذا فيه شيء تعبان ويحتاج رمان أو تغيير

[@user-by1ew7cw2n]

فعلا اللي مركبها لها فتره يغيرها تراها تسبب ارتفاع حراره السياره

[@ALQARNI-07]

اولاً الله يعطيك العافية على مجهودك ثانياً الموية المقطرة لحالها ماتصلح وهذي هي سبب تآكل الطرمبة ضروري موية مركزة مع مقطرة او مخفف ٥٠/٥٠ تحياتي لك

[@-mafakat3222]

الله يعافيك ويسعدك فعلاً كلامك صحيح

[@user-mw7qj8bk6d]

طيب هل إذا تركت الطرمبه إذا طلع فيها الصوت تأثر ع المكينه

[@user-zl4tu9bg3z]

تسبب حراره

[@FMZX]

انا احاسب عندي مشكلة في المكينة عامود كام ولا شي طلعت طرمبة موية الله يطمنك

[@-mafakat3222]

اللهم ٱمين ويطمنك بكل خير يا غالي

[@rk.5236]

السلام عليكم اخوي انا عندي تهريب من الطرمبه هل يوجد حل مؤقت ؟

[@-mafakat3222]

وعليكم السلام ورحمة الله وبركاته هذا دليل على أنها متأَكله من الأملاح فنصيحتي غيرها بأقرب وقت

[@sln8771]

انت من اهل االعلا ؟

[@user-vu5hh4er3y]

نبغا سنابك

[@user-lp8em5in6o]

سلام عليكم انا عندي فورد ماركيز موديل 2000 فل كامل الحراره اول ماشغل موتر ٥ دقايق الحرارة H رحت لكم ورشه كل ورشه يعطيني خراب ثاني قالو لي ثلاجه مكينه و طرمبه وشكمان والبلف والرديتر ماعرفت من اين ابدا

[@-mafakat3222]

وعليكم السلام ورحمه الله وبركاته ابدأ بالأسهل الاديتر وبعدها الطرمبة وبعدها البلف والله ييسر أمرك وتنحل المشكله

[@user-kp6xe6km8s]

ماشاءالله تبارك الله عليك توي مريت الورشه يقولي شغل يد ٢٠٠ ريال انا اشوف كثبر كم حقها

[@-mafakat3222]

اشوفه من ٥٠ إلى ٧٠ كحد أعلى والفورد من أسهل السيارات في تغيير الطرمبة

[@user-kp6xe6km8s]

@@-mafakat3222 فعلا ودورت ورشه ثانيه واتفقت ب٨٠ ريال وكان يوم جمعه والاغلب مقفل

[@Wadani_95]

طيب اخوي كيف فكيت الغطاء المتحرك حاولت قد م اقدر ارخي المسامير ما قدرت

[@-mafakat3222]

فيه مقطع تغيير طرمبة فورد 2000 وصورت طريقة فك بكرة الطرمبة

[@Wadani_95]

@@-mafakat3222 م حصلته ي حبيب اخوك

[@user-xi8iz9dy9t]

طيب الطرمبه ماتحتاج سيلكون

[@-mafakat3222]

ما تحتاج لأنه معها لأن معها جلدة تركب تركب ع نفس الطرمبة

[@9dmah]

هل كانت تهرب او صوت فقط

[@-mafakat3222]

صوت فقط

[@aymanaatawai1351]

كم شريت العده وايش اسم الشركه حقتها؟

[@-mafakat3222]

شركه المانيه وسعرها حدود 600 اهم شيء ركز انها شركه المانية فيه كذا شركه

[@user-cc1tv4ue1x]

كم حجم مفاتيح إلى تفك طرنبه

[@-mafakat3222]

مسامير البكره الخارجيه 10 ومسامير الطرمبة 13

[@user-cc1tv4ue1x]

طيب اخوي طرنبه تحتاج سلكون مدري غري أو لا

[@-mafakat3222]

@@user-cc1tv4ue1x ما يحتاج

[@user-cc1tv4ue1x]

@@-mafakat3222 طيب فكيت زي طريقتك لكن شايف مسامير بكره تلعب معي عجزت افكها

[@-mafakat3222]

@@user-cc1tv4ue1x البكره لازم تثبيتها عشان تنفك مساميرها

[@torky359]

السلام عليكم ، عن اذنك ودي اتواصل معاك للضرورة القصوى 🙏🏻

[@-mafakat3222]

ابد يا غالي عطني استفسارك واذا عندي خبره فيه ابشر اعطيك الحل حملت قبل سناب للقناة وما عرفت له وحذفته والآن ما عندي غير اليوتيوب وسيلة تواصل

[@klooo965]

@@-mafakat3222 السلام عليكم، اخوي انا عندي تهريب من تحت وكل كم يوم اشوف موية الرديتر ناقصه رحت عند واحد وقالي هذي طرمبة الموية، هل فعلاً ممكن تكون هي الطرمبة؟،، وشكراً لك 🌹

[@mohammedalshezawi3206]

الطرمبة هي الوتر بم؟

[@moss6314]

اي نعم

[@samegren]

كل شي تمام لكن يبدو أن مشاكل التبريد من استخدام ماء غير مطابق للمتطلبات ، الماء المقطر لايمنع الصدأ والصدأ مسؤول عن تلف بلك المكينة والرديتر والليات والبلف والطرمبة وووو الخ

[@user-lz4tx2rt7j]

اصعب طريقه ماطبقتها اللي هي فك الصواميل الاربعه اللي تصقط بينهن السكروب المفك

[@user-xg5tz6qj7g]

يفترض قبل التركيب يتم عمل صنفرة بورق 3M1200 لتنظيف وتننعيم المجري اللي تركب بو الطلمبة والشي الثاني ماتم دهن ربلة الطلمبة الجديدة بقليل من الزيت لضمان سلامة الجلدة من القطع وسهولة دخولها بالمجرى مجهود رائع الله يسعدك تقبل مروري ....

[@-mafakat3222]

👍شكراً على المعلومات راح اضعها بالحسبان في شغلي القادم

[@ga-mv4px]

لاهنت ابغى رقمك ضروري

[@-mafakat3222]

حياك الله اخي المعذرة يا غالي ما عندي رقم خاص للقناة اطرح مشكلتك هنا واذا عندي الخبرة بعطيك الحل ان شاء الله

[@user-ki6ro5vz5e]

السلام عليكم اخوي لو سمحت عندي استفسار اتمنى تفيدني ١-أنا عندي فورد موديل ٩٩ هبل فيني بالحرارة اول شيء كان فيه وصخ من اثار موية الرديتر اللي مركبها مو اصلي وصخ لدرجة ان الرديتر يوم فكة لقى الشبك فيه حصوات الصغيرة وكان يرفع علي حرارة وقت المشي ويهرب الماء من غطاء القربة وخاصة اذا شغلت المكيف او زدت في سرعة الممشى ٢-طبعاً تم تسيخ الرديتر بالكامل وضبط لفترة قصيرة يعني يومين كذا ورجعت نفس المشكلة علماً انه لم تظهر هذه المشكلة مرة اخرى الا حين زدت سرعتي على الموتر بمعنى اصح شديت عليه شوي فصار نفس اول مرة رجع العيب فيه هل هذا العيب يكون من الطرمبة مجمعة وصخ ورجعت سدت الرديتر من جديد او ان كفائة الطرمبة تغيرت مع الوقت علماً بأن المكينة ماخذها من التشليح وكانت مضبوطة بالبداية صرحة لي ٤ ايام اعاني من هذي المشكلة اتمنى تشوف تعليقي وترد علي شاكر لك شرحك وبارك الله مجهودك.

[@-mafakat3222]

حياك الله يا غالي اتوقع الطرمبة عندك تحتاج تغيير لأنه دام الموية كانت تعبانه وفيها شوائب قد تكون ريش الطرمبة عندك رايحة وما تدفع المويه داخل المحرك وايضا بلف الحرارة ممكن يكون معلق ويحبس المويه غير الطرمبة وتأكد ان مروحة التبريد شغالة تمام بحيث انها بعد ما يسخن الموتر تشتغل دعسة خفيفة وتطفي ومع المكيف تشتغل الدعسة العالية

[@-mafakat3222]

وتابع المقطع هذا kzbin.info/www/bejne/o3u5aaR-qMeqfac

[@user-ki6ro5vz5e]

@@-mafakat3222 الله يعطيك العافية على ردك😍❤️ وللعلم ترا مافيه بلف شايله لكن اتوقع من الطرمبة خربانة

[@user-yd4zl6xc3u]

اخي بارك الله فيك ياليت احصل عندك اجابه .. سيارتي فورد ٩٨ فكتوريا قبل فتره وانا مسافر وقفت عند محطة بنزين وشميت ريحة مويه الرديتر كأنه طرطش على القزوز فتحت الكبوت لقيت المويه طالع مع غطاء الرديتر مع صوت تنسيم ورغوة كانت خفيفه جدآ نقصت حدود الربع وفكيته انا زياده وخرج مويه وقفلت الغطاء على طول سرت امشي على مهلي لحد ماوصلت بنشري بردت شويه وفكيت الغطاء زودت مويه ومشيت حوالي ٢٠٠ كيلو الى ان وصلت والوضع على مايرام رغم ان الحراره لم ترتفع عندي ورجعت تمام ولم اذهب الى ورشه لحد الآن .. وهذي اول مره تحصل عندي ولكن من قبل كان لي الرديتر ينتفخ واسوي له تنسيم خفيف بفتح غطاء الرديتر لحد مايلين وهذي طريقتي فالسفر لأنه انفجر عندي من قبل وسرت اسوي هذي الطريقه من سنين فهل هذا بداية عطل طرمبة الماء .. أو يمكن من الراس ولا من الغطاء المويه أصلي ومافيها أي صدأ ... اذا كانت عندك خلفيه فياليت تفيدني قبل الذهاب الى الورش .. رحم الله والديك وجزاك عنا الف خير .. وآ سفين على الأطاله ... مراسلتي لك هو الخوف ان تحصل معي مستبقلآ ووتفاقم المشكله ... شكرآ

[@-mafakat3222]

حياك الله يا غالي ابدأ بالأسهل بالبدايه غير لي المويه اللي ينتفخ لأن الإنتفاخ دليل على إن اللي تعبان وغير البلف تبع الحراره يمكن المشكله منه لأنه إذا تعبان ما يفتح ويبقى قافل ويحبس الماء داخل الماكينه فبدأ بالأسهل أولا غير اللي بعده بلف الحراره وبالتوفيق وان شاء الله تنحل المشكله

[@user-yd4zl6xc3u]

@@-mafakat3222 الف الف شكر أخي الغالي وجزاك الله عنا ألف خير ان شاء الله أعمل بنصائحك واخذها وحده وحده ... شكرآ على الرد تمنياتي لك بالتوفيق ✋

[@-mafakat3222]

@@user-yd4zl6xc3u العفو يا غالي🌹

[@-mafakat3222]

بس انتبه احيانا مسامير الكوع إذا مصديه فكها صعب وأحيانا تنكسر وقت الفك وإذا انكسر غير تنفك الثلاجه وراح تكلف عليك يبيلك مهندس فاهم وقت الفك

[@user-mw1ed7dm7l]

اول شيء اشكرك على ادائك وبراعتك ومشاء الله عليك صراحه مبدع والله يوفقك ويوفقكم جميعاً ثاني شيء عندي موتري نفسك فورد 2009 قالو ثلاجة وغيرتها مانفع شيء وغيرت السيور مانفع وفحصت المكرات عند خبير طلع حرامي وقال الصوت بالمكينه وهالحين لها حول شهرين واقفه لاكن بيض الله وجهك على هالمقطع والله تقول نازل علي من السماء اشكرك من اعماق قلبي والله يوفقك يالغالي.✋🏻 " لاكن حبيت اسأل كم اسعار طرمبة الماء وكاله يالغالي"

[@-mafakat3222]

حياك الله يا غالي ووجهك أبيض سعرها وانا أخوك يفرق من وكيل لوكيل ومن محل لمحل وحتى من مدينة لمدينة للأسف الوضع عندنا كلن يسعر بكيفه لاكن أسعارها ما بين ٢٥٠ إلى ٣٥٠ الأصلي وتأكد أن الصوت عندك منها قبل ما تخسر زيادة ع الفاضي وإن شاء الله تنحل المشكلة معك وبالتوفيق يا غالي

[@katem2010]

الله يرحم والديك تكفى رد ضروري سافرت لمدة شهر وكانت قراند ماركيز 2005 واقفه رجعت شغلتها ومشيت فيها ووقفت لمدة عشر دقايق والمكيف كان شغال وانا واقف وانتبهت الحرارة ارتفعت فوق النص لما مشيت نزلت الحرارة غيرت موية الاديتر وكان الاديتر معبي هواء الحرارة مازالت اذا كنت واقف ومشعل المكيف ترتفع ماادري وش المشكلة بلف الحرارة او الطرمبة ؟

[@-mafakat3222]

اللهم آمين ووالديك وجميع المسلمين أو شيء تأكد من وضع مروحة التبريد شغالة تمام غالبا هي السبب قد يكون الحساس تبعها فيه مشكلة وما تزيد السرعة وقت ارتفاع الحرارة عن الوضع الطبيعي وبعدها شيك على الطرمبة والبلف

[@katem2010]

@@-mafakat3222 تمام الله يجزاك بالخير ويرحم والديك ❤️❤️❤️ ويحفظك

[@-mafakat3222]

@@katem2010 اللهم آمين وياك يا رب وبإذن الله تنحل مشكلتك

[@katem2010]

@@-mafakat3222 اللهم لك الحمد والشكر ركبت الطرمبه واختفت الحرارة تماماً جزاك الله خير ورحم الله والديك يارب 🙏🏻❤️

[@-mafakat3222]

@@katem2010 الحمد لله الله يعطيك خيره ويكفيك شره يارب

[@user-gn7ng1ui3i]

سلام عليكم ياراعي قناة تقدر تسوي شرح فيديو كامل تركيب براده ماء على سياره جيب شيروكي او اي سياره مثل هذا kzbin.info/www/bejne/d6nTfGukn7-Hbc0

[@user-ke3gd7vz8l]

كم قيمة الطرمبه؟

[@-mafakat3222]

اصلي ٢٩٠ وامريكي ١٦٠ وتختلف الأسعار من محل لمحل

[@user-ke3gd7vz8l]

@@-mafakat3222 شكرا ياأخي

[@user-ke3gd7vz8l]

@@-mafakat3222 شكرا يا اخي اخذت وحده ب ١٥٠ امريكي