فورد اكسبدشن بعد الاستخدام 2013

[@البصيلي-ق7خ]

معنا اكسبديشن ١٤ موتر مريح وقليل خرابات وصبور من الجنوب اطلع فيه الجبال واموره عسسل وقطعه رخيصه ومتوفره

[@مشارك-ي9ث]

انا مجرب هالسيارة موديل ١٥ تربو فاكه زيرو جبار عملي خفيف مرن في المدينة زواياه غير عميا تويوتا الامريكان انعطافاته قصيرة استهلاكه كويس بحسب الدعسة ..الشكل لك عليه لكن ينعكس على الرحابة داخل السيارة حتى الصف الثالث للبدناء

[@majeg500]

بحسب تجربتي في التاهو واليوكن وبعدها أشتريت ٢٠١٣ أكسبدشن ما شاء الله جبار ومتماسك عكس الجموس الثانيه ديكورات تتفكك

[@f.c3505]

باخذ وحده 2007 تنصحني فيها ؟

[@عبداللهالغامدي-ش2ز]

@@f.c3505 ترا عيب تاهو و يوكن ٢٠٠٧ لين ١٤ ديكور بس اما من ناحيه العزم القوه اقوى من أكسبدشن ماشاءالله وتاهو أخذ مركز الاول ف قوه الدفع الرباعي عام ٢٠٠٧ ماشاءالله تبارك الله

[@user-ksa9993]

@@عبداللهالغامدي-ش2ز مو صحيح كلامك عندنا جمس وعندنا اكسبديشن ونعرف عزمهم يالحبيب

[@unprepossessing]

@@عبداللهالغامدي-ش2ز الاكسبيدشن اقل فئة من ناحية المحرك هيك سيارة مو بحاجة محركة قوي او رياضي سيارة عائلية بحت

[@shukrygamer482]

​@@f.c3505انصحك الف الوالد عنده من 2008 و ممتاز ما شاء الله تبارك الله

[@فايزالزهراني-ب9ز]

من افضل المواتر كجودة، كان معانا واحد موديل 2007 ونفس الطرحة وماتسمع صوت طقة فيه

[@Abdulrahman-xc8ty]

ياصاحب الاكسبيديشن للامانه تسارعك ناااايم جداً على التعديل ذا سو له تصفية مكينه غسل الثلاجه والدعسه وغير بواجي وغسل البخاخات باذن الله يضبط معك

[@طيارارضيجنوبي]

👍🏻

[@USER-omar555]

صحيح كلامك ✔️✔️

[@czx.75]

اي والله

[@xzriw4]

اي والله التسارع حقه مرررة نايم ما جاب ال١٠٠ حتى

[@Abdullah.166]

الاكسبديشن القديم V8 ميت عزمه

[@The_intelligent_Penguin]

مع الوالد واحد موديل 2011 لين الحين مريح جدا افكر اخذ له تمبرلاين الجديد

[@drbeell]

والله كان معي 2010 اشهد بالله انه كفو ومحزم بعدها شريت تاهو 2014 التاهو افضل في النور الامامي العزم والدززه وعزل الصوت والمراتب مريحة فقط اما الاشياء الباقية فأحس الاكسبديشن افضل وحنيت له و ودي ارجع اشتري الشكل ذا

[@Flid-ou6us]

من حقك والله احسن جيب من ناحيت سعر وراحه ورساوه

[@drbeell]

والله قلت كذا في احد مقاطعي السيارة عزلها سيئ مو مثل التاهو ايضا المقاعد شوي قاسية مو مثل التاهو لاااا هاجموني واقلبوا علي

[@DF-1]

قاومتك قبل ٥ ايام وشقيتك وموتري ستوك (انا راعي التاهو الذهبي) لكن ماشاءالله الله يبارك لك

[@lgg4lgg438]

يرجال طير انت والتاهو شكله معطيك على جوك او مانتبه لك قال تاهو قال

[@عزامالقربان]

الموتر الي بالمقطع ملعوب فيه وماهو على بعضه ومن صوت التكايات واضح انه بيخبط قريب لكن ان كانك بمكه انزلي معي اكسبدشن شاص طويل وفيه دبل يعني ثقيييل ومع كل ذا بشقك لأن قد قاومت جموس كثيره وقفلت ملفها تبارك الله

[@العريني503]

الله يبارك له بس ماش موب حق زحف وشبابي زي الجمس

[@L7N.S-4]

- عز الله أنه موتر ماشاء الله تبارك الله 👍🏻❤️

[@شفلوتالقحطاني-ذ9ع]

حي الله مبدعنا يا لحن 👏😂❤️.

[@L7N.S-4]

@@شفلوتالقحطاني-ذ9ع - الله يحييك ويسلمك ، جاني إشعار ردك وانا أغسل الموتر مدري شغل المغسلة بطيء ولا أنا أمشي على بيض ولا الوقت يركض 😂❤️

[@شفلوتالقحطاني-ذ9ع]

@@L7N.S-4 ههههههههههههههههههههههههههههههههههههههههههههههههههههههههههههههههههه .

[@rakoon1212]

والله الموتر استخدامي من 2013 اولًا مكيّفه كويس جدًا عليه ملاحظات ولكن كويس لكن من ناحيه ميكانيك الموتر عملي الى ابعد درجه ومساعداته كويسه وعمرها كويّس ممشاه اللي عندي ميتين وستين والحمدلله الخلفيه م زالت حقت الوكاله والاماميه توّي مغيرها ولا احتاج عندي الا مساعدات وتصفيه واقمشه الموتر م يطلب وعملي جدًا

[@z_4yw]

انصحك تغير الرديتر كامل لانه بعد 250 يبدا مع الحراره والاستخدام يخرب ويخلط مويه وزيت ويدخلها على القير ويضرب القير

[@USER-omar555]

@@z_4yw إذا منتظم على ماء الرديتر الملون الأصلي ما يحتاج يغيّر الرديتر لأنه ح يكون نظيف و حالته ممتازه 🙂

[@z_4yw]

@@USER-omar555 اقولك فيه عيب مصنعي تقولي اذا منتظم؟؟

[@فصفص-ق9غ]

يبن الحلال موتري ماشي ٦٠٠ رديتر بلد انتظم بلما ونم

[@z_4yw]

@@فصفص-ق9غ يارجال الميكانيكي يقولك كذا

[@استغفرالله-ب7و7ز]

والله بصفتي من ملاك السياره ماشاء الله تبارك الرحمن موجهت فيها اي مشاكل بنسبه لقطع الغيار يجيك امريكي سعره ارخص من الوكاله بكثيرر ومن ناحيه قطع الوكاله رخيص مقارنه بالمنافسين وافضل من التاهو واليوكن بحكم اني جربت اليوكن اليكون حق ورشه وربي كل ماتغير في قطع استهلاكيه يرجع يخرب عكس الاكسبيدشن تحط فيه قطعه انساها

[@salehalkaldi1538]

مخصصيي معي اكسبديشن ستوك تسارعه افضل من كذا

[@وحيد-ج4ف]

يا اهل الرياض تكفون المكان الي واقفين فيه وين بالضبط 4:29

[@drbeell]

ارجوك ياصاحب القناة جب سيارات ناس عقال موب زي كذا مهبل وتزويد نبي نششوف السيارة كيف تخدم معنا مانبي نسوي زيهم ذولي . نبي سيارات بدون تعديل

[@عزامالقربان]

عيوبه فقط ان المساعدات الخلفيه تتفقع بسرعه وماهي عمليه هذا الي لاحظناه بعد ممشى ٢٩٠ الف ماشاءالله تبارك الله غير كذا الموتر مايشتكي من شي مع اني اخذه اتقاوم فيه واجلده

[@basimalshaalan3805]

ركب مساعدات تجاري، بلستن وكنق وهالشركات المعروفة

[@Dkdk39292]

كلمك صحيح مع خالي اكسبدشن ماشي 260الف موتر لا يعلى عليه مشاكله صوت في الدبل و مساعدته تفقع

[@solemanRS]

يازين السيارة إذا خليتها مثل ماجت من الوكالة، عندك سؤال حلوة مرة معجبني وهو زبدة أي تغطية، لو رجع بك الوقت بتشتريها مرة ثانية 👍

[@عبدالعزيز-ن1س9ث]

انا اقول اكيد راعي الإكسبدشن بيشتريها الصراحه سواقتها ممتعه ومريح فالخط جدا وعزله وعزمه جميل عندنا موديل ٢٠٠٩ بيدخل ال٤٠٠ الف ومهملين الموتر الصراحه لكن قبل سنه سوينا له صيانه كامل واول مره نغير له بواجي وصفاية لكن الموتر ماشاءالله

[@iGTi]

‏خلي الناس تنبسط وتعيش بالحلال ما فيها شي

[@basimalshaalan3805]

ما شاء الله موتر عز الي عندي السلبيات انه قاسي(بحكم انه الي عندي اسوح شي)، وقسام المكيف، والصدأ الي يلعب بالشنطة، مساعدات الوكالة (صرت اركب بلستن وامورها تمام اما الباقي ما يحتاج، كخط وكراحة مقاعد ومتعك قيادة وهالاشياء

[@Mlk.5o6]

بكم مساعدات البلستن؟

[@basimalshaalan3805]

@@Mlk.5o6 ١٣٠٠ خلفي كذلك الامامي نفس السعر

[@hm0wd392]

معاي استخدام امريكي فل كامل معدل من امريكا خارجي وداخلي من شركة هارلي موديل 2007 المكيف بارد ما قد شكيت منه و الدودة ما قد خربت عندي الحمد الله صرفية بنزين يصرف على حسب دعستك المساعدات الخلقية سيئة و باقي القطع عاديها ماهي مكلفه ولا هي رخيصة

[@abdelrhmanotoom6870]

معي ٢٠١٠وارد كندي طلبية شريته لون اسود ما قد شكيت من شي الحمدلله الموتر يمشي ٧٥٠ كيلو ما قد شفت مشاكل

[@عبدالرحمنالمالكي-س4ط]

معي 2010 ايدي باور فل الي يجي لونين لونه ابيض حواف ذهبي جنط كبير شريته استيراد من امريكا بودي وكاله اول مالك في السعوديه من 2014 مشاكله الكفرات غاليه القير له فتره ينتع ويحشر نمر وعندي جهاز ABS خربان من سنتين وما غيرته وديته عن واحد قال يبغالك جهاز جديد يكلف 3000 وسحبت عليه وعندي مشكلة حساس الشنطه الي عندي شنطته كهرباء له فتره ماعاد يرجع اذا فيه احد ماهو زي اول صار يقفل حتى لو فيه شي عائق واكبر مشكله واجهتني قسام المكيف خربان المكيف الي في الخلف يشتغل من تحت ماهو من فوق والى الان اعاني منها وانكسرت ثنتين الي تفتح الباب من الداخل وغيرتها اما عن مكانيك ماشاء الله تبارك الله ماقد غيرت فيه شي الا قطع استهلاكيه زيت ماكينه وكفرات وتنظيف بوابه مره واحده فقط ولا عمري دخلتها ورشه الا مره واحده قبل سنتين ل تنظيف البوابه وفحص جهاز ABS

[@سبييع]

@@abdelrhmanotoom6870 قال كيف عرفت انه كذبه قلت من كبرها .

[@عاصم-خ2ر]

لو رجعبي الوقت ما أخذ ألا اكسبدشن 8سلندر سيارة محترمه وقوية وراسية

[@magodrt2515]

صوت التكيات حقت المكينة واضحة انصحك غيرها قبل لاتكبر المشكلة.

[@فهدالغامدي-ض2و]

من زيت حقه خفيف اقل شي يحط 15w40

[@roo7ilove]

فعلا مكينة فيها صوت تكيات شيك عليها

[@Confused.-]

ياليت تنزل اكبسديشن وكاله مو معدل

[@ali.9995]

ننتظر حلقه الاكورد ♥️♥️

[@i_Cu]

يب يب لازم الاكورد الشكل الجديد مستغرب للحين ما غطاه

[@AbdullahMatar1]

هذا الشكل بس عيبه المكيف غير كذا السيارة رائعة ومبين صاحب السيارة حاط المكيف الامامي على ٣ والخلفي فل للاسف فيها مشكله بتنظيف ثلاجه المكيف الاماميه وسنسر الكمبريسر يحتاج تغيير يصير في ضعف بالتبريد والمشكله ما تقدر تشتريه لازم تشتري كامل الكمبريسر فقط يعني اذا قدرت تعالج مشاكل المكيف بس اهتم بتغيير الزيوت في وقتها وامورك طيبه 🌹تحياتي

[@أحمد-د7ع4ث]

يعطيك العافية أخي صاحب القناة وبانتظار تجربة الاند كروزر 2022 بعد الاستخدام متحمس لعيوب ومميزات هذا الجيل الجديد

[@زياد-ف8و]

موتر عملي ل ابعد درجه بس فيه ملاحظه ان بعض الاحيان المكيف الي ورا ما يشتغل و بعض الاحيان يشتغل + الاديتر لازم تغيره بعد 200 الف احتياط لنه قد ضربي علي القير بسببه

[@سبييع]

مره موتر عملي مع كل دعسه غير قير ومكينة لا تنسى

[@ALSHAMMARI-c]

@@سبييع يخوي ماشاء الله ٢٠١١ ونا ادعس فيه ولا طلب مني الا مساعدات وكراسي مكينه

[@سبييع]

@@ALSHAMMARI-c ويا خوي معي ٢٠٠٩ كل فتره مغير قير وفورد متكلمين عن المشكلة على وقت الموديل ذا وكل راعين الفورد معترفين

[@oixdj3098]

@@سبييع محد معترف غيرك لاتسولف الله يعافيك

[@epn1]

@@oixdj3098 كان معنا ٢٠١١ وخبط معنا صراحه الامريكي بصفه عامه مشاكله واجد وماتعرف له

[@hmoood9218]

من تجربتي للموتر ولا زال معي موديل ٢٠١٣ اولًا المساعدات عليها كلام كثير لكن انصدمت ولله الحمد ان موتري ماشي حول ال٢٠٠ الف ولا احتجت اغيرها رغم استعمالي والله طعوس وبر ومطبات هذا الشيء الشيء الثاني القير والمكينه ماشاءالله تبارك الله تقل ياباني يصمل بشكل عجيب والحرارة الحمدلله عقبات الجنوب طعوس ابدددا الحرارة ثابته من يوم طلعته من الوكاله راحة الموتر عجيبه وجلسة السواقه يعني جربت الجموس السكويا مافيه مقارنه هو افضل مراتب الصف الثالث يركب فيها كبير عادي وهو الاريح في فئته فزة الموتر النمره الاولى أقوى نمره مابين السكويا والجموس يعني انت في عقبه في شيء ماشاءالله فزته بطله جدا دبل الموتر جدا جدا بطل وارتفاعه وكاله الافضل بين منافسيه وصرفيته اشوفها معقوله جدا على v8 عيوب الموتر الانوار الاماميه طفيها احسلك وامش على نور الشارع جدا جدا جدا سيئه وضعيفه بشكل غبي الامر الثاني التكييف انا صراحه مااعجبني مو سيئ يؤدي الغرض لكنه مايمدح يعني صراحه الامر الاخير الموتر مريح وراسي تمام لكن لما تلف وانت مسرع او تمشي في جلد فيه زي التماوج والنطنطه مزعجة جدًا جدا وهذا عيب اتوقع بسبب الراحه الزايدة، في النهاية انا مجرب الجموس حتى ال٢٠ ومجرب السكويا وبكل والله صراحه كسيارة عائلية مااشوف افضل منه حتى سعره وكاله كان ارخص منهم بكثير موتر بطل والله يبارك لي فيه.

[@j1-bf]

بالنسبه للتكيف دفع الهواء قوي بس مو بارد وهذي تقريبا في كل الامريكي

[@فصفص-ق9غ]

انا عندي اكسبدشن ١٢ حل النور تركب عدسات زنون وحل المكيف كمبروسر سيزو ٧بستم ونم

[@abadisting8374]

​@@فصفص-ق9غ لوسمحت انت قد ولفت هذا الكمبروسر؟

[@Lsvvi]

@@فصفص-ق9غ لسا قايله لواحد بتعلق فوق وجاي اقول لذا على الكمبرسر 😂

[@Abdullahh55]

يالربع لقيت فل كامل ولقيت استاندر موديل ٢٠١٤ هل هن نفس التصنيع قير رنكينه وكهرب ولا فيه اختلافات قويه

[@bassam7974]

قير ومكينة نفس الشي بس يختلف الشكل شوي تجي شمعة مكحلة وشنطة كهرب ودواسات كهرب ومراية فيها إشارة وفتحة سقف وفيه بعد كم شي ومراتب جلد اتوقع فيها تسخين تبريد

[@rojer1219]

والله ممتاز ان المكينه صامله على الزيت الخفيف وهي هذا ممشاها ماشاءالله

[@Outguess]

وين عايش انت شكلك من اللي يورط الناس ويمدحلهم 20w50 مافيه شيء اسمه زيت خفيف ماينفع للمنطقه عندنا لاتنكب الناس بجهلك

[@rojer1219]

@@Outguess الادب قبل العلم لذلك اترفع عن الرد

[@Outguess]

@@rojer1219 بس انت جاهل ماسبيتك وين المشكلة انك تكون جاهل عن معلومة

[@superman6987]

@@Outguess لا لا كلامه صح وراك تجهل العالم بشي مالك علم بوه

[@Outguess]

@@superman6987 كلامه صح اجل حرك انت الثاني

[@roo7ilove]

عندي هايلوكس ماشية ٥٦٠ فعلا سيارة اعتمادة وقيرها جبار

[@aolyz4949]

الرجال معه اكسبديشن مو هايلوكس

[@السعوديةالعظمى1]

@@aolyz4949 قصده تويوتا يمشيك فوق نص مليون بدون مشاكل بعكس الامريكي اذا مشى مية ألف من غير مشاكل يعتبره انجاز

[@roo7ilove]

@@السعوديةالعظمى1 اشكرك اخوي عارفين انه اكسبدشين وغير بطن السيارة ثلاث مرات و وضب القير وهي مامشت الا ٣٠٠ الف

[@USER-omar555]

الهايلكس حق صحاري و تحميل عفش ... ماينفع للعائله والسفر 😁

[@سبييع]

@@السعوديةالعظمى1 ليسى الامريكي كله حبيبي الفورد بس

[@ee.c]

ارجل موتر ماشاءالله

[@7nlbsm733]

الموتر فيه كتمه ف التسارع

[@drbeell]

قطعه غياره رخيصة حقيقي من الوكالة ؟ والا قصدكم قطع غيار تجاري من الصناعية ؟ لاني شريت تاهو وتفاجأت سعر القطع غالي جداً جداً و الناس تقول رخيص اثاريهم عايششين عالتجاري

[@ابوفايزالاسمري-ذ6ب]

فيه اشياء كثيره جداً من السلبيات والاشياء اللي مامدح فيها ماواجهتني ابداً وفيه الف اكسبدشن ثاني ماواجهتهم الاشياء اللي قال كلمة الحق تنقال

[@abdelrhmanotoom6870]

معي ٢٠١٠وارد كندي طلبية شريته لون اسود ما قد شكيت من شي الحمدلله الموتر يمشي ٧٥٠ كيلو ما قد شفت مشاكل

[@z_4yw]

من تجربه المكيف مو مره الرديتر لازم تغيره بعد 250 الف احتياط لنه يخلط زيت المساعدات حقت الوكاله تخرب بسرعه الطاره تتقشر الانوار سيئه

[@sbon3g]

ايه فيه مشكله في الثلاجة المكيف ديم تخرب عندنا اكسبدشن 2010 ماشي 360 الف خربت الثلاجة ثلاثة مرات و غيرنها و شغلتها شغلا لازم تفك الديكور كامل عشان توصل لها مره مشكله الرديتر الصراحة ما غيرنه الحمدالله المساعدات غيرنها وكالة الحبه بي 750 الخلفيه انعدمت اكثر من الى قدام و الانوار مركب ليد و الحمدالله جدا ممتاز اهم شىء توزن النور او تركب زنون بس ما انصحك لانه مره قوي و يعمي و الصراحة مره المقص غالي بي 3000 في الوكالة خير يا ابو

[@z_4yw]

@@sbon3g الانوار لازم عدسه ولا ممكن تاخذ مخالفه اذا ركبت ليد

[@Ryan-kp6xj]

@@sbon3g سلامات مساعدات الحبه ب٧٥٠ !! معي نفس السياره والموديل شاري طقم الاربع ب ١٢٥٠ موتور كرافت اصلي

[@abadyvip7821]

@@Ryan-kp6xj هو قال مساعدات جبريل ماقال وكاله مساعدات الوكاله فاشله جدا

[@fle158]

بنسبه للمكيف عيبه ان مافيه فلتر للثلاجه عشان كيذا الهوا ضعيف

[@dgcdgg9141]

كيق صرفية البنزين كم سعه التانكي وكم يمشيك

[@AG-xz4vf]

انصحك تغير الزيت في اقرب وقت لان صوت التكايات واضح

[@S-rt-k3o]

بسالك ي اخوي في كاميره خلفيه في سياره؟

[@rm_or]

2:39 نسيت ماتفك الجلنط

[@waleed7.926]

صوت تكيات يابعد قلبي شيك على ضغط طرمبت الزيت والتكايات وتاكد من نوع الزيت 🤍

[@Musalam]

معي نفس السيارة اكسبيديشن ٢٠١٣ كل المميزات والعيوب اللي ذكرها الرجال صحيحة ١٠٠٪، اضف شغله عندي دبة الرصاص او التلوث عجزت انظفها جربت معاها طرق كثيرة ما ضبطت.

[@alyamiV8]

كمية طططرب ✈✈✈

[@دربالتُقى-ج3ك]

بالله اذا تقدرون صوروا برادو 🫶

[@مالك.الحربي]

صراحه مدري وش فايدة التعديل اللي على الموتر سياره وزن وطول وعرض وتعدل عليها ؟؟ خساره فلوس وبنزين لا أكثر ولا أقل ،

[@Flid-ou6us]

صراحه خقيت على الجيب ماشاءالله الطرحه وشكله رهيبب ولا تنسى الطرب

[@مالك.الحربي]

@@Flid-ou6us شكله رهيب بدون الطرحة مدري وش يحسون فيه اللي يطرحون مواترهم ياخي الجيوب والجموس والحوض حلاتهم مرفوعين بالنهايه كلن وذوقه

[@Dkdk39292]

صحيح

[@Accord.]

السلام عليكم اتمنى لو تسوون مقطع عن هوندا اكورد بعد الاستخدام

[@خالدمحمدالعبدالقادر-ظ9ه]

يا اخوان اشرايكم باكسبدشن الجيل الاول من ٩٦ الى ٢٠٠٢ من جميع النواحي

[@AbdullahAsiri-l6o]

بطل و حق بر و اصلا ما صنعوه الا عشان يكون بدال البرونكو و هو اول اس يو في مساعدات هدروليك

[@bbredline5569]

بطل

[@ابومختارالزركاني]

الصوت ضعيف جدآ يرجى معالجة مشكلة الصوت

[@salmanal-ansari7615]

تعديل الشكمان ماهو ممنوع على هذا الصوت ؟

[@Namde-uc5ok]

التسارع وربي ماهو كويس حاول تغير الثوثل برضو غير البواجي اذا تقدر ركب فلتر رياضي برمج

[@عزامالقربان]

مع احترامي لصاحب القناه الحلقه ذي ماكان لها داعي يعني المفروض تجيب واحد معه نفس السياره واستخدامه لها ممتاز بدون تعديل او اي شي لكن الي جايبينه ماشاءالله تبارك الله لاعن ابو السياره ولاعب فيها لعب مستحيل تكون حلقه مفيده للمشاهد لأن السياره استخدامها ماهو طبيعي فا كذا تشوه منظرها عند الي مايعرفها وعشان لايجي للمحقق كونان يحسب اني من محبين الفورد لا طبعا انا من محبين تويوتا ومن ملاك اللاندكروزر لكن كلمة الحق تنقال

[@roo7ilove]

‏يا حبيبنا نبي تجربتك برادو ‏ستة سلندر 2020 أو 21 اللي معي لايك

[@Mqig]

ننتظر الفتك معدل او ستوك .

[@wafial7109]

قد نزل عن الفتك

[@oixdj3098]

مايمشي🤣

[@ياحسينياعلي-ك9ق]

السلام عليكم اخي العزيز انا من العراق انا امتابع محتواك الجميل ممكن تجربت تيوتا لاندكروز 2015 VXR

[@TQ1-]

بالنسبه للدودة ما عليها خوف معي اكسبدشن ٢٠١١ صار له معي حوالي ٨ سنوات و ما قد دخل الورشة مرة إلا من صدمات فقط الصدام الأمامي انفك و المكينه ما جاها شيء الحمدلله و الصدام الخلفي مع الأسطمب بس لكن السيارات يبغى لها واحد عاقل يغير زيتها أول بأول و موية اللديتر و يفحصها كل سنه عشان يتأكد هيه سليمة ولا لا و ما يفجر الماطور ولا يخرط القير و ياكل مطبات و إذا مكينتها ١٤٠٠ زي مثلًا الأكسنت ما يطلع فيها عقبات و بس هيه بتصمل معك لو تبغى ليوم الدين 🫡🤎..

[@محمدالقاضي-ق3غ]

تكفى ارمادا 2008 ومافوق

[@سبحاناللهالحمدلله-ش5ك]

اللهم صل وسلم على نبينا محمد

[@ابوفايزالاسمري-ذ6ب]

صراحة انه غبني ف بعض الاشياء قالها يشهد الله

[@s3dgame878]

ماتبون مقابل معي يارس 2016 من الوكاله

[@qjjl.]

اعرف شخص عنده موديل ٢٠١٣ مساعدات الوكاله ما غيرها ولا مشاكل دودة ولاشي ومكيفها فعلا سيء

[@ho.devilho1052]

ي شباب اقدر اعدل زي كذا على فورد اكسبلورر 2010 6 سلندر ؟

[@القحطاني505-ت4ف]

ايه كت باك او دبه بس الصوت مهب طالع كويس لنه ٦سلندر

[@سبييع]

يبوي هو بدون تعديله كل سنه في ورشه ونبي تعدله بعه بس عن تجربتي زي الي معك ٢٠٠٩ معروف الاكسبلور القير حققه كرييهه

[@ho.devilho1052]

@@سبييع لا انا الي معي جديد ماشي 120 ولا يشكتي من شيء الحمدلله، بس ياخي متردد

[@I8__JI]

@@ho.devilho1052 والله احنا ابتلشنا فيه دايماً خرابات

[@I8__JI]

@@سبييع ايه صادق والله احنا معانا واحد و يحب الورش واجد

[@AS-is3nz]

ممكن تصورون عن الارمادا الموديل القديم

[@rt_k511]

كم cc ما شاء الله

[@l-701]

نزل عن دينالي ٢٠٠٦ ولا عليك أمر

[@سكاردالقرني]

لو يركب جنوط الفل بيطلع رياضي اكثر

[@Emad-zhrany-702]

يخوي بالله ذا موتر تجيبه للقناه جيب واحد استخدام طبيعي وعطنا مميزات وسلبيات موب تجيب لي واحد لاعب في الموتر يحسبه اكسنت

[@sloohess2989]

صح صدقت

[@fwaz911]

ايوالله لاعب فيه

[@Nbraz-l4c]

وش نوع الدبه ؟ انا معاي 2014

[@abdulrhman2428]

نزل عن دينالي 2013 بلاه

[@dom-vk7np]

حاول تجيب سكويا

[@elyas-fz5xy]

موتر ابو دخيل ولا؟؟

[@TOXIC-69]

فعلا المكيف على حجم السياره سيئ جدا جدا جدا جدا لكن الباقي انشهد انه موتر ماشاءالله

[@fares3476]

في الظهر مايسوي شيء بس لاتوقف

[@L7N.S-4]

@@fares3476 - بالليل ممتاز لكن بالظهر ماش حتى وهي تمشي

[@Fried_stones]

@@L7N.S-4 كل المكيفات ماش في الظهر

[@L7N.S-4]

@@Fried_stones - لا والله مب صحيح ، ركبت كم سيارة من شركات مختلفة بالظهر امريكي وكوري وياباني بعضها مكيفها حلو وبعضها لا

[@ابومناف-م1ت]

@@Fried_stones انا معي يارس واكسبدشن ١٣ في الظهر مستحيل اطلع بالاكسبدشن مكيفه مااااش اليارس 🤙

[@محمدالعنزي-و4ف1ط]

نبي مقطع ثاني

[@sqars_ksa1]

لو تحوله قير عادي يضبط معاك👍🏻

[@يوسف-ك5ط5ز]

يبيله تصفيه مكينه عزمه مكتوم

[@XX-mb6yv]

نبي تجارب عرض سيارات صيني.

[@mohammedalqahtani5313]

لو سمحت المكان هذا وينه ب الضبط

[@heshama2029]

والله مب معقول يخرب القير على ١٥٠ الف حتى لو ما غيرت الزيت

[@abdullah_mk9789]

للامانه معقوله اشوفها لان ممشى 150 الف كثير يعني تقريباً حول 3 سنوات او 4 سنوات بدون مايغير القير واجوائنا حاره وفوقها ممكن القير يادوب شايل حجم السياره ، من وجهة نظري اشوف 150 الف والقير وكاله معقول

[@ahha0506]

@@abdullah_mk9789 ممكن رجلة حارة على الموتر والله اغلم

[@moody2573]

واضح استخدام الرجال عنيف

[@EMAD_F15]

@@abdullah_mk9789 والله مره مش معقول

[@muhammadali-tb6uj]

شباب تعرفون ورشة متخصصه في فورد

[@LT_ENG]

مشكله الموتر المكيف بصراحة ماهو لسيارة بذا الحجم يحتاج مكيف افضل باقي السيارة كفو+موتر يحب بنزين

[@Dkdk39292]

ماشاءالله هذا افضل موتر جربته وخدوم

[@wahedamakkah9260]

معي اكسبدشن ستوك تسارعه ٦ثواني ٢٠١٢

[@عبدالعزيز-ن1س9ث]

كنك بالغت شوي😂

[@EMAD_F15]

بالغت مره

[@سعيدالهبيدي-ب7خ]

يعطيك العافيه نبغى سوبارو امبريزا

[@fmgm4544]

تكف سوي شرح عن مازدا6 سقنتشر

[@KSA-yb3qv]

نبي تورس من 2020 -2022

[@hmoood9218]

الشخص اللي في المقطع تحس انك تسحب منه الكلام صراحه أشياء كثير ماوضحها ولا تكلم عنها + تمنيت لو موتر ستوك هذا ملعوب فيه وصوت التكايات فاقع اذني من الزيت الخفيف

[@فيديوهاتمنوعة-ح2ث]

مااحس التسارع جيد ابدا تقول انه ستوك

[@عليالقحطاني-خ6ن]

بالله اللي يعرف التبه وين يعلمني وين مكانها

[@لاالهالااللهمحمدرسولالله-ه5ر7ب]

التسارع تعبااان خله ينزلي اكسبدشن 2012 ستوك اطلع عليه بالراحة

[@sky89line]

الموتر ذا لاعب فيه لعب معنا 2014 تووه مامشى شي 120 الف تقريباً مافيه الا كل الخير والمكيف على 1

[@حامدالسعد-ش5م]

الموتر كم ماشي

[@فصفص-ق9غ]

ترا مشكله المساعدات الاغلب من قاعده المساعد تقريرها ويضبط و المقصات خذ جلد مقصات كابرس ٩٠ تركب وب٦٠ والمكيف الموتر مافيه فلتر تتوصخ الثلاجه وتكتم فك الدرج وبتشوف الثلاجه فوجهك قص الغطا بمشرط بس انتبه تنقب الثلاجه وغسلها يظبط معك اما عن القير خبط ١٥٠الف رجلك حاره والزيت الي حاطه حق مناطق جليديه افضل شي ١٠w30 كاسترول وزيت القير كل٦٠الف غير وجاله

[@Lsvvi]

ومبرد قير خارجي ياسلام حتى يكفيك شر الخلط

[@Aaa-nx7qx]

ماشي ٦٠٠ الف فكيت راس وغيرت بلوف ورجعت طبقته مقصات ومساعدات بلد استخدام خطوط بحكم الدوام ايام الجامعه والنشاط والحين موظف وكل وكند بالديره العيب بالمكيف اشوفه ضعيف شوي مساعدات والي يتكلم عنه هذا ما اتفق معه وللحين ما غيرته علماً أن الشاصي الطويل مع اخوي غيرتها ثلاث مرات وترجع لفارق الطول لأن الطول ياثر بالوزن بعدين موتر حقه ركاده وخطوط او ترفعه وتاخذه دبل حجري الطعوس ما ينفع ثقيل مره وزنه بالاستماره غير الصدق وبعدين موتر ما له بالدوسات طاري غير تركب مكينة الكايوتي 5.0 وتيربو وشغل.

[@Nff502]

نبي سكويا

[@ايادالشهري-ب3ش]

الله يبارك لك بس من ناحية التسارع اكسنت قير عايدي اتوقع يمشي معك او يروح عليك ب فارق بسيط

[@Popl70]

ترا مدري ليه عنده العزم ميت حقي ستوك نشيط ودبل اسفط طبلونه للفصله في اقل من 25 ثانيه وبرضه تسارعي من 0-100 في 7 ثواني تقريبا وبتجاربي امسك مع تورسات 6 سلندر وتشارجرات 6 وبرضه الجموس اغلبهم اغللبهم اطلع عليهم حتى المعدلين وبرضه سوناتا وكامري 22 كلهم مافي قيم معهم - خلاصة الكلام ممشى موتري قليل ومسوي له صيانه كامله والزيت خفيف معطيني نشاط وتختلف من سيارة لاخرى

[@EMAD_F15]

@@Popl70 اقل من 25 وستوك ومن0 افلقني

[@Mohammed-lg8ir]

اهم شي صوره المالك الاول على المراية 🤣🤣🤣

[@ee.c]

صاحب الموتر يفهم والله 8:01

[@محمد-ث6ف7ح]

الدوده تضرب من الطرحه يا الأمير

[@moh050]

شو الدوده

[@asbs5213]

التسارع مررررررره ميت وراح تدري لو تجرب مع نفس موترك بس ستوك راح يقدمك شف حل او شيك ع الشغل ليصير خانق الهواء بالموتر