Рет қаралды 7,156
مراجعه #فورد_اسكورت بأقل سعر وسياره اقتصاديه
بعد كلامنا بالتفاصيل الكامله عن فورد فيستا ييجي الدور علي واحده من اهم اصدارات فورد في فتره التسعينات وهي فورد اسكورت
فورد اسكورت عربيه سيدان متوسطه الحجم وطبعا من انتاج وتصميم شركه فورد موتورز الامريكيه واتصنعت في بلاد تانيه زي بريطانيا و المانيا و البرازيل و اسبانيا وكان اول انتاح ليه من سنه 1986 واستمر ل 2003 واحنا بدورنا هنركز علي الجيل السادس منها و ال تم تصنيعه من الفتره م بين 1995 لسنه 2000
فبالنسبه للتصميم كان متواضع وعملي زيها زي عربيات تانيه كتير انتشرت للفئه الاقتصاديه في فتره التسعينات
فكانت بتيحي بخطوط انسيابيه في الجنبين مع شبك امامي وكشافات دائريه و التصميم الداخلي كان بييجي بكراسي مريحه بتسع ل ٤ افراد وممكن ٥ مع تابلوه بسيط وكانت بتنزل بنسخه سيدان والتانيه هاتشباك لكن الاكثر انتشارا كانت السيدان
٤ ابواب
وبأختلاف الاصدارات اختفت المواتير
فأول موتور نزل بقوه 1300 cc ٦٠ هورس باور
تاني موتور كان 1400 cc 75 هورس باور
والتالت كان 1600 cc ٩٠ هورس باور
رابع موتور كان 1800 cc ١١٥ هورس باور
اما اخر موتور كان ديزل و بقوه 1800 cc ٩٠ هورس باور
والمواتير دي كانت بتختلف من بلد للتانيه ع حسب الوكيل في كل بلد و الدوله المستورده منها و برده علي حسب الموديل لكن ال كان منتشر بشكل اكبر في مصر موتور ال 1300 cc
فورد اسكورت نزلت بأصدارات متعدده بدايه من سنه 95 لسنه 2000
فموديل 1995 تم اصدار موتور ال 1800 cc و ال 1900 لكنهم منتشروش بشكل كبير وبالنسبه لموديل 96 محصلش عليه اي تغييرات عن الموديل ال قبله
اما موديل 1997 تم فيه تغيير خفيف للتصميم الداخلي مع اضافه نظام abs
موديل 98 بقي حصل فيه تطوير للاداء مع اعاده تصميم الجزئ الامامي عشان يكون اكتر حده مع شكل هجومي شويه واستمر التطوير دا لموديل 99 ومحصلش معاه اي تغييرات
اما اخر موديل من الجيل السادس و ال كان سنه 2000 نزل بتطوير خفيف في الاداء مع اصدار فئه zx2 بتصميم رياضي
موديلات فورد اسكورت نزلت بتجهيزات ومواصفات مختلفه زي تكييف و ازاز كهربا و ساوند سيستم وسنتر لوك
اما بالنسبه للمواصفات
فجت بأرتفاع من متر ٣٧ ل متر ٤٠
وطول من ٤ متر ٣٥ ل ٤ متر ٤٤
وعرض متر ٩٩
ووزن من 1100 ل 1300 ك
ومعدل تسارع من صفر ل ١٠٠ في ٩ او ١٢ ثانيه
بمعدل استهلاك بنزين من ٨ ل ٩ لتر تقريبا لكل ١٠٠ ك
مع فتيس مانويل ٥ سرعات و اوتوماتيك ٤ سرعات
وللعلم كان تفوق كبير لمصممين فورد ونجحوا في اصدار العربيه بتناسق كبير جدا من بين وزنها و ابعادها مع قوه الموتور
عشان كدا هتلاقي اتزان كبير علي السرعات وسواقه مريحه جدا وممتعه تخليك متملمش من سواقتها ودا طبعا في حاله اهتمامك بيها ومتابعه صيانتها خاصه العفشه
فف حاله اهتمامك بيها هتلاقي اعتماديه واداء قوي ودا لان فورد اسكورت زي م قلتلك بتتميز بموتور قوي بكن في عيب بسيط وهو العزل لانك هتسمع صوت الموتور و الكاوتش خاصه مع المسافات لكن لو اتقلمت علي دا فالموضوع ميعتبرش عيب
مع الاتزان و متعه القياده بتيحي الاسكورت بميزه كمان وهي الاقتصاديه سواء في استهلاك البنزين او قطع غيارها الرخيصه نسبيا
ميزه كمان للاسكورت وهي الراحه الداخليه للركاب ودا نتيجه للاهتمام بالمساحه الداخليه في كل المقاعد دا غير ان العربيه بتمتص عيوب الطريق بشكل كبير ودا بسبب عفشتها ال اتعملت بنظام ميكفرسون منفصل ودا في الجزئ الامامي ونظام مالتي في الجزئ الخلفي
وزي م نظام التعليق كلن قوي الا حد ما فالعربيه اتميزت برده بمتانه الصاج بشكل كبير في كل الاصدارات
اما اخر ميزه سعرها
وال يعتبر قليل جدا بالمقارنه بأمكانياتها فلو بصيت علي منافسيها من نفس الفئه هتلاقيها الارخص تقريبا
فورد اسكورت زي ما تفوقت بشكل كبير عن منافسيها سواء في الاداء او الاقتصاديه الا ان كان في عيوب خلت العربيه مش الاختيار الاول لناس كتير وقت اصدارها
زي مثلا قطع غيارها و ال بالرغم من سعرها الرخيص الا انها مش موجوده في كل المحافظات
تاني عيب ودا في الموتور و ال بيحصله سخونه وبالرغم من العيب دا الا ان في ناس كتير مبتعتبرهوش عيب لانه بيبقي نتيجه لمدي اهتمامك في دوره التبريد ومتابعه الصيانه وغالبا بتكون المشكله في المصدر ال هو الكوعه لان بعض ابلاد المصنعه كانت درجات الحراره فيها منخفضه بشكل كبير وكانو بيضطرو يحطو ترموستات فالكوعه وظيفتها انها تسخن العربيه بسرعه عشان الاجواء البارده دي فعشان كدا لازم توديها لحد مختص وفاهم عشان يتعامل مع صيانتها ويحللك مشكله الكوعهوال هي اساس السخونه حاجه تانيه غير الكوعه وهي الاسبيراتير و الممكن يكون سبب كبير في السخونه ولازم برضو تتابع معاه من وقت للتاني اذا كان مبوش او الجلب بتاعته عايزة تتغير او غيره
تالت عيب وهو صيانتها فزيها زي اغلب عربيات فور و البتحتاج لصنايعي مختص يقدر يتعامل مع مشاكله بسهوله
اما اخر عيب اعاده بيعها ودا لانها مش منتشره بشكل كبير في مصر وملهاش شعبيه كبيره بالمقارنه بعربيات تانيه
لو سألتني هل العيوب ال ذكرناها دي عيوب كارثيه و متخلكش تشتريها هقولك لا طبعا لان بمجرد التعامل معاها وصيانتها من اول مره عند حد فاهم هتلاقي مشكله السخونه اختفت وتقدر تتعمل عادي
سلسله سيارات #فيات
• فيات
سلسله سيارات #بيجو
• بيجو 🇨🇵
سلسله سيارات #لادا
• لادا 🇷🇺
سلسله سيارات #دايو
• دايو 🇰🇷
سلسله سيارات #سيتروين
• ستروين 🇨🇵 CITROEN
سلسله سيارات #دايهاتسو
• دايهاتسو | 🇯🇵 DAIHATSU
سلسله سيارات #جيلي
• جيلي 🇨🇳 GEELY