Рет қаралды 278
حـفيـد الـمـجـدوب - جنانك
كلمات القصيدة
مكاينش غير وردة وحدة جنانك نتا لي تقرر
واش يزيد يتمر ولا صافي يخرف
عاود زرع مرة أخرى ومتبقاش تتحسر
على ديك لي صافي رحيقها نشف
الورد هادي طبيعتو تعيا تسقي فيه ولابد يجي النهار لي يذبل
الى فايت عضك الحنش متخليش الخوف يركبك من الحبل
لي فات خليه يفوت لازم يرجع سراب ماتنفع فيه ندامة
علاش تبقى ديما تعاتب الغراب لي جاك بصورة حمامة
غير طلق سراحو خلي جنانك منو يرتاح
متبقاش حاجب بيه الشمس خلي ضوها يشفي الجراح
ما تظنش بلي عشك تخرب راه مزال قصر
معليش نتا بيت الضيافة ولي بغا يموت فيك كون ليه قبر
حتى أنا دقو بابي وحليت حتى خرجو مني عاد عرفت غير الفراغ لي خلاهم يسكنو فيا
دازت يام وفهمت لي ماشي بيتي مانسكنوش وخا نبنيه بيديا
تعلمت لي مافيه نفع كاعما ندفعو غير نمشي ورايا نخليه
وشحال ما طال عطشي ما نشرب الماء حتى نصفيه
نوصيك جنانك راس مالك عرف تختارلو الغرس
متوقفش عند الوردة الدابلة ولي طلعات شوك خود منها درس
هادي هي الدنيا وردة اليوم نبتات
وردة اليوم عندها ذكرى وفاة
تهلا في لي نبتات والدابلة حرقها ضوي بيها
المهم أرضك ديما تبقى خضرة أمنية لأي وردة تنبت فيها
الجنان لازمو الصبر باش تاكل غلتو
ولي جا وزار مايديش كتر من قيمتو
صفحتي على الفيس بوك
/ الـشـعـر-الـمـجـدوب-10...
#الزجل #الصلام #الشعر #المغرب fyp #maroc# #Tacos