Рет қаралды 53,460
أداء الملا #دانيال_بوجبارة
كلمات #محمد_هادي_العقابي
مخطوطة | حسين مقيم
مكساج | حسين نجم
مونتاج | حسن رضا
تصميم الغلاف
زهراء العسماوي
استشهاد أمير المؤمنين - "عليه السلام“ 1444 هـ - 2023 م
هيئة راية العباس
مجلس الشهيد حسين الشيخ
دوله الكويت
تنفيذ سبع الدجيل ميديا
انتاج خدام فاطمة العليله
.............................................................................
غذتني امي باللبن
وخادم صرت يابا الحسن
ارحمني وقبل خدمتي
الخاطر هالعيون البجن
.........
امي عالفطره ارضعتني حبك وكالتلي هاك
هذا درب العدل يمه بالك تخلي وراك
وبتديت بحبك اني ومن صدك گلبي هواك
صرت اكوم واكعد اندب ياعلي اني بحماك
الحمد لله والشكر
بولايتك اكضي العمر
انته الشفيع بغربتي
لو وسدوني بالكبر
.............
انته نور بوسط گلبي عايش وآنه بصباي
وروحي عطشانه الخدمتك ابد مايرويهه ماي
تعلمت من عندك اني وخالفت لجلك هواي
ترضه عني يا امامي هاي امنيتي ورجاي
كاظي العمر ياسيدي
وبذنوبي بيمن ابتدي
كثرن وكبرت حسرتي
ومحتار بيهن وحّدي
............
ياعلي اسمك قريته بروحي مو لفظ بلسان
وستقراً كل حواسي من ذكرتك يا امان
الراد يدخل جنة الله وينختم صكه بضمان
لايدور على غيرك وانته مفتاح الجنان
بيدك الكوثر للضمه
واقسم عليك بفاطمه
تحضرني ليلة وحشتي
وترويني ياحامي الحمه
.............
رحمة الله انته يحيدر منك ايهب النسيم
ماترد سائل يكصدك هذا طبعك ياكريم
الليله بابك بيدي ادكه وآنه للطافك يتيم
بدولة الخدمه اريدن اكضي كل عمري مقيم
أخدم وحكك ماامل
وتحمل الماتنحمل
لجلك يحيدر دمعتي
افتخر بيهه من انسال
............
انته نعمه وانته حكمه وانته امام المتقين
وانته باب العلم كله وانته سيد العارفين
منهو عنده اوصاف مثلك بيك ثبت الله دين
ويشهد بحقك يحيدر الله والهادي الامين
السائل هواي ايالّمك
راكع وتنطي خاتمك
العالمك آنه منيتي
هنيال قنبر خادمك
............
بخدمتي سائل وجيتك والتمس منك قبول
وّكفتي ابابك احبهه يا إمامي شما تطول
حاضر الليله بعزائك ياعلي وگلبي يكول
إعتني الهاي المجالس حاضره الزهره البتول
تلجمني ليلة طبرتك
لا ما اعوفن خدمتك
لمصابك امشي بلهفتي
تشملني ريت بنظرتك
محمد هادي العقابي