Рет қаралды 8,954
呢一日,我地去港島踩車。我其實對港島區踩車,又愛又痕
因為踩單車呢種運動,應該係由出門至到番屋企都係踩住架單車。用交通工具去運送架單車,其實好浪費時間。因為一日入面,我通常都只係花4-5個鐘頭踩車,係呀~屋企有人等我丫嘛~ 但如果呢5個鐘頭入面,又用左成個鐘頭係交通工具,咁就失去左好多踩車既樂趣啦,所以踩港島,踩大嶼山,其實就唔係我既第一選擇黎既。
不過~港島其實又有好多吸引我去既地方,例如半山既維港風景,南區果種截然不同既感覺,中西區既殖民地建築,呢啲畫面,都只能夠係港島區先能夠搵得到。
除左風景之外,港島區既地理都係另一個吸引我呢啲踩單車既人既其中一個重要因
素,沿海發展既港島區,高樓林立,人多車多。但係港島區,大半部份其實都係山黎,所以斜路山路特別多,基本上一開始就已經係向上踩嫁啦。而太平山就更加係必到地方。而踩單車可以到就可以捐窿捐啦,四圍發掘一下。
今次踩車除左頭先已經出現左既文師兄。一陣再會同另一位師兄- Gordon會合,帶我地四圍捐。
今日好早出門口,天仲未光,大埔道車流仲係相當少。落到深水埗係人車疏落,雖然係清晨時分,但落到黎市區,感覺仲係有一種深宵旺角黑夜既感覺。沿住彌敦道,我地一直去尖沙咀,就係尖沙咀坐車去港島出發啦。
平時踩港島,多數都係,先由東區經大潭道,石澳道去石澳,再番轉頭行番大潭道去大潭水塘,穿過水霸,去赤柱,淺水灣呢啲地邊,然後就直上山頂。今日時間關係,唔去咁多地方,天后出發,天后廟道就開始上山。先係實馬山附緊熱下身。
兜個圈,就落番大坑道啦,去隔黎幾個街口,又爬上另一條山路 - 畢拉山道,去到一半,路牌會寫為金督馳馬徑。比起寶馬山道,呢度斜度斜左不少,不過還可以輕鬆既心情上到既。上到頂,係一個叫畢拉山高頻無線電接收站既地方,有咩用我就唔知啦,我就黎抖一抖就準備落番山。
一直瀡一直瀡。 又再次去番大坑道,今次沿大坑道一直去到 黃泥涌峽道個交匯處,再次上斜。話明今日唔去南區,所以唔係去淺水灣呀,我地係大潭水塘道,轉入去,上陽明山莊,呢條路好斜呀,聽到隔離部的士都要高轉低波上斜,我就只能望住佢同GORDON既尾燈,努力踩上去啦。
終於完成,再次落山,落番交匯處,經司徒拔道上山頂啦。上山頂既片,都唔係第一次拍嫁啦,每次都大同小異,就等大家靜靜地欣賞下沿途風景先。中間當然唔小得既,緊係白加道豪宅個維港景啦,佢睇到既,你又點可以睇唔到呢。
終於上到山頂,望望個咪錶,爬升沿來只係岩岩到千。大家都好旁惶。唔洗怕,上埋山頂公園啦。終於爬到今日既最高點啦。今好大風呀~ 望一望南丫島3支煙通即走。
就係咁,又山頂,不停站就落番山腳。 未完,時間仲有,飲埋杯咖啡先。飲埋就係番屋企啦~ 睇下今日Yuui又同我地講咩先。
鐘意我頻道既片既話,記得訂閱埋啦! 謝謝~
Strava: / strava
MeWe: mewe.com/join/...
Instagram: kazenotomodachi
#4Kの映像
#CINEMATIC
#踩港島
#白加道
#維港
#百万ドルの夜景
#香港cafe
#踩單車
#自転車がある風景
#cycling
#roadbike
#cyclingvideo
#cyclingvlog
#gopro
#iphone11
#canoncamera
#香港公路車
#香港單車路線
#KZbin初心者
#自転車初心者
#風の友達
#公路單車
#單車徑
#單車路線
#colnago
#colnagoc60
#campagnolo
#dedaelementi
#可樂果
#影相
#拍片
#高音質