اغنية عاد اللقاء ما بيننا يا راد يا عواد غناء جوهرة💎 الفن بدوي زبيركلمات الشاعر حسين ابوبكر المحضار

قصيدة "عاد اللقاء ما بيننا يا راد يا عواد" للشاعر الكبير حسين ابوبكر المحضار
عاد اللقاء ما بيننا والا نس لي عود
والراس له عاده اذا عاد اللقاء نود
حتى اليالي لونها معاد لون اسود
وتحقق الميعاد
عاد اللقاء مابيننا ياراد ياعواد
انا بورد البحر الذي فيه الدرر توجد
اورد فهذا بحر عبد القادر ابن احمد
سليل بيت المجد تاج العصر يا اوحد
وخليفة الا جداد
عاد اللقاء مابيننا ياراد ياعواد
كم كنت اتمنى اشاهد ذلك المشهد
لي فيه انوار النبي والال تتجدد
وفيه كم من الويه للاولياء تعقد
وتقام به الا عياد
عاد اللقاء مابيننا ياراد ياعواد
وفيه اسرار المهاجر والفقيه الجد
واولا ده السقاف والمحضار حامي الحد
والشيخ ابوبكر الذي فيض العطاء يمتد
منه الى الا ولاد
عاد اللقاء مابيننا ياراد ياعواد
هم لي اعتنوا به في الصغر من ساعة المولد
واعطوه من اسرارهم ما يا يطلبه وازيد
وعليه يتعنى بنا في اليوم ذا والغد
يقسم لنا في الزاد
عاد اللقاء مابيننا ياراد ياعواد
هم قدوتي وعقيدتي والسول والمقصد
قبل ايا ديهم دواما عبر هذه اليد
واستشعر ان الجمع تم كله في المفرد
بالنص والا سناد
عاد اللقاء مابيننا ياراد ياعواد
يا مفرد ايا مك وتاج العصر يا اوحد
من شاهد انوارك وحسنك قال مالك نـد
من بعد اسلا فك لنا فيك الغنى والسد
والله لنا بك جاد
عاد اللقاء مابيننا ياراد ياعواد
دركاه شوني فوق جرفي كاد ان يهتد
لي ما يجرونه هله ما با يجره حد
حا شا تكيلوني الا سعدون او مسعد
ما منهن انقاذ
عاد اللقاء مابيننا ياراد ياعواد
ما حد لنا من غيركم يا سيدي ما حد
ياخذ با ايدينا اذا حان البلاء واشتد
لكم شفاعه عند مولى العرش ماترتد
وتقرب الا بعاد
عاد اللقاء مابيننا ياراد ياعواد
متى اشوفك في تريم الخير تتهجد
وتمد في سفح الطويلة لي بساطك مد
وفي حريظه والقويره ترعش المقعد
واستقبلك بسعاد
عاد اللقاء مابيننا ياراد ياعواد
الله يحقق لي الا ماني علني اسعد
بالقرب من اهلي فقد طال الجفاء والصد
عدني اليهم يا صمد فالعود لي احمد
والشوق عندي زاد
عاد اللقاء مابيننا ياراد ياعواد
والختم صلوا عالنبي الهادي امحمد
صلاه ماشي حصر يحصرها ولاشي عد
واهله مصابيح الدجى ما فاح عرف الند
واصحابه الا مجاد
عاد اللقاء مابيننا ياراد ياعواد