გიორგი ნემსაძე _ მორაგბეთა ეროვნული ნაკრების წევრი

Рет қаралды 1,935

8 жыл бұрын

ქართველი მორაგბეები სოლიდარობას უცხადებენ საზოგადოებრივ მოძრაობას, რომელიც საქართველოში თამბაქოსგან თავისუფალ, ჯანსაღ გარემოს მოითხოვს. რაც უკვე ტრადიცია გახდა ევროპული ქვეყნებისთვის, ამერიკის შეერთებული შტატების, ჩვენი მეზობელი თურქეთისა და რუსეთისთვისაც კი.
საქართველოს ხელისუფლებას თამბაქოსგან თავისუფალი გარემოს შექმნას ავალდებულებს თამბაქოს ჩარჩო კონვენცია და ევროდირექტივებიც. ამ მნიშვნელოვანი ტრადიციის დამკვიდრება იოლი არცერთ ქვეყანაში არ იყო. მეტიც, კაფე-ბარებსა და რესტორნებში მოწევის და ზოგადად თამბაქოს რეკლამის აკრძალვა თითქმის შეუძლებელი იქნებოდა, რომ არა ცნობადი სახეების, ხელოვნებისა და სპორტის, შოუ-ბიზნესის ვარსკვლავების მხარდაჭერა, ვისი ქცევაც ყოველთვის გადამდებია ახალგაზრდობისთვის, მოზარდებისთვის.
ქართველი მორაგბეები ერთ-ერთი პირველები შეუერთდნენ თამბაქოს საწინააღმდეგო მოძრაობას საქართველოში, დაცული იყოს არამწეველების უფლებები და უარი ეთქვას თამბაქოს კაფე-ბარებში, რესტორნებში და სხვაგან.
ნუ გახდებით თამბაქოზე დამოკიდებული. მოწევა სპორტით ჩაანაცვლეთ, რადგან ასეთი დამოკიდებულება კლავს წარმატების შანსს, სპორტი კი გეხმარება არამხოლოდ საკუთარი თავისთვის, ყველასთვის სასარგებლო იყოთ. _ მოუწოდებენ მორაგბეები საზოგადოებას.