Рет қаралды 6,850
郭晉安﹑陳曉華﹑何依婷和陳星妤等,今天(9日)到機場酒店為無綫新劇《金式森林》(暫名)開工,拍攝家族慈善晚會戲分。
郭晉安表示最困難是與陳曉華的感情戲,因2人年齡相差大截,要怎樣打動觀眾,經常和對方溝通怎去演得感情細膩,他說:「呢段感情最後都係冇咗,一段虐心戲分。」但他沒有勾起離婚不快經歷,又指做戲還做戲,他分得清楚:「對我冇咩影響,過去就係過去,都要努力面對,亦要努力工作。」
對於歐倩怡曾談及當年患重感冒暈倒,卻遭安仔漠視冷待,安仔只說:「唔係真嘅,我就唔想再講,唯一真嘅,就係屋企房間唔會有痰罐,因為係套房。」
他表示沒有問前妻為什麼這樣說,因為2人已分開,各有各生活,他亦很難控制別人講什麼,自己入行後對不是真的事情,也不會高調回應,事情是真還是創作,要靠大家問對方。歐倩怡這番言論被網民批忘本,安仔稱不想評論,至於獲網民讚地球多一個筍盤,安仔說:「多謝!多謝大家關心我同點樣睇我,無論好或唔好,我都會接受。」
談到前妻自爆玩交友App,跟不同男士約會,問安仔又可會持開放態度,期待第二春?他說:「人哋嘅嘢我唔講,我相信緣分,唔相信一個人到咗某階段,所有事情會停止,始終要向前行,任何事情都可以發生。」問會否嘗試玩交友App?他笑道:「我好白癡,睇我社交平台都知唔係太活躍,對電子產品亦唔係好熱衷。」
詳盡新聞 →
ol.mingpao.com...
更多視頻 →
www.mingpaocana...
更多新聞 →
www.mingpaocana...
明報Facebook →
/ mingpaotoronto
----------------------------------------
Photos:
Multiple Internet Source
Video:
MingPao Ol