Рет қаралды 86,742
ဥပဒေပညာသင်ယူလိုသူတွေရဲ့ အိပ်မက်လို့ ပြောနိုင်တဲ့ အမေရိကန်က နာမည်ကျော် ဟားဗတ် တက္ကသိုလ်မှာ ရှားရှားပါးပါး မြန်မာ နိုင်ငံသား အမျိုးသမီး တစ်ယောက် ဥပဒေပညာ တက်ရောက် သင်ယူခွင့် ရခဲ့ပြီး ၂၀၂၂ ခုနှစ်မှာ မာစတာဘွဲ့ ရခဲ့ပါပြီ။ သူကတော့ အိန္ဒိယမှာ ဥပဒေဘွဲ့၊ ယူကေမှာ ဥပဒေ မာစတာဘွဲ့တို့ကို ရယူခဲ့တဲ့ ချင်းတိုင်းရင်းသူ မရိုစလင်း ဇာဟောင် ဖြစ်ပါတယ်။ သူက အင်ဂျင်နီယာ ဖြစ်ချင်ခဲ့ပေမဲ့ အိန္ဒိယမှာ ပညာသင်တုန်း မြန်မာနိုင်ငံသား ဒုက္ခသည် တချို့ကို တွေ့ဆုံ ကူညီပေးရင်းနဲ့ ဥပဒေ မသိလို့ အခက်အခဲတွေ့ကြုံရတာတွေကို သိမြင်လာတဲ့အတွက် ဥပဒေပညာကို သင်မှ ဖြစ်မယ် ဆိုပြီး သင်ယူဖြစ်ခဲ့တယ်လို့ မရိုစလင်းက ပြောပါတယ်။ ပြည်ပနိုင်ငံတွေမှာ အဆင့်ဆင့် ပညာသင်ယူခဲ့တဲ့ မရိုစလင်းက ဟားဗတ်လို ကမ္ဘာ့ နာမည်ကျော် တက္ကသိုလ်ကြီးမှာ ပညာသင်ယူချင်ကြသူ လူငယ်တွေ ဘယ်လို ကြိုးစားနိုင်သလဲ၊ သူ ဘာကြောင့် ဟားဗတ်ကို တက်ဖြစ်တာလဲ၊ ဘယ်လောက် ခက်ခက်ခဲခဲ ကြိုးစားခဲ့ရလဲ ဆိုတာ ဘီဘီစီက မေးမြန်းထား ပါတယ်။
#ဘီဘီစီမြန်မာပိုင်း #ဟားဗတ်တက္ကသိုလ် #ချင်းတိုင်းရင်းသူ #မြန်မာ #အမျိုးသမီး