Рет қаралды 126,272
"ရန်ကုန်၊ ဒေါပုံမှာ ဆိုက်ကားနင်းနေရင်းနဲ့ သူတို့က စခန်းကို ခေါ်သွားတာ။ ပြီးတော့ ဒညင်းကုန်း စုဆောင်းရေးကိုပို့လိုက်တယ်။ စစ်တပ်ထဲကို ပေါ်တာဆွဲခံရလို့ ပါလာကြသူတွေများပါတယ်။ ကိုယ့်ဆန္ဒနဲ့ ပါဝင်ကြတာမဟုတ်ပါဘူး။ "
စစ်မှုထမ်း သင်တန်းတက်ရန် ပေါ်တာဆွဲခံရပြီးနောက် PDF တပ်များ၏ ကယ်တင်မှုကြောင့် ပြန်လည် လွတ်မြောက်လာသူ ရန်ကုန်မြို့မှ အောင်လွင်သူ နှင့်တွေ့ဆုံခြင်း
စစ်ကိုင်းတိုင်း၊ မုံရွာခရိုင်၊ မုံရွာမြို့၊ အနောက်မြောက်တိုင်းစစ်ဌာနချုပ် (နမခ)၊ ထပရ (၉၂၉) တပ်မှ အရာတော် စခတ ၁၀ သို့ သင်တန်းသားသစ် ၂၅၀ ဦး ပို့ဆောင်ရန် ထွက်လာသည့် ၁၂ ဘီးကား ၅ စီးနှင့် Express ကား ၁ စီးကို တော်လှန်ရေးတပ်များက ကမ်းဖြူရွာအနီးတွင် ဧပြီလ ၁၂ ရက်နေ့တွင် ကြားဖြတ်တိုက်ခိုက်ခဲ့သည်။
တိုက်ပွဲအတွင်း ရန်သူ့တပ်ထံမှ လက်နက် မျိုးစုံ ၆ လက်၊ ခဲယမ်းမီးကျောက်များနှင့် စစ်အသုံးအဆောင်ပစ္စည်းများ သိမ်း ဆည်းရရှိခဲ့ပြီး ဗိုလ်ကြီး ၁ ဦးအပါအဝင် ၂၀ ဦး သေ ဆုံးကာ စစ်သုံ့ပန်း ၄၉ ဦးကို ဖမ်းဆီးရမိခဲ့ကြောင်း၊ စစ်သုံ့ ပန်း အဖြစ် ဖမ်းဆီးရမိသူများထဲတွင် အဓမ္မလူသစ် စုဆောင်းခံရသူများ ပါဝင်ပြီး ရန်ကုန်မှ အောင်လွင်သူလည်း အပါအဝင်ဖြစ်သည်။