Рет қаралды 60,744
اشترك في القناة وفعل التنبيهات ليصلك كل جديد وحصري
العمل محمي بـ حقوق صوتيه ومرئيه ©️
لتواصل : alfan.link/h2mbr
حصان عجيم " الغادي "
اداء خالد ال بريك
كلمات عبدالله الجدعه
( الموال )
ياخالد ابن فهيد ما فـ العين نوم
يانسل عودٍ ماتغير منهجه
ماعاد فيها لا دفاع ولا هجوم
اللي هبد دون المنصات .. ارهجه
ادحم هل الميدان بالجنب الدحوم
منت بـ ضعيفٍ كل فعله بهرجه
اليا احتمت الاشواط قداااام العموم
" اسرج لنا الغادي يابوفهيد اسرجه "
الكلمات
البارحه ياللي تعدون النجوم
الراس غازيييته هجوسٍ مزعجه
اشاهد الشوط القوي و اجلس و اقوم
واحايل البيت القوي واستدرجه
في صدري علومٍ وفي راسي علوم
وهرجٍ ماني مرتاح لين اهرّجه
ياقوم ياهل الخيل لا جينا ياقوم
كلٍ على البيدا يدور مخرجه
ياخالد ابن فهيد ما فـ العين نوم
يانسل عودٍ ماتغير منهجه
ماعاد فيها لا دفاع ولا هجوم
اللي هبد دون المنصات .. ارهجه
ادحم هل الميدان بالجنب الدحوم
منت بـ ضعيفٍ كل فعله بهرجه
اليا احتمت الاشواط قداااام العموم
" اسرج لنا الغادي يابوفهيد اسرجه "
واللي يصرح للصحافه كل يوم
لا يدبل كبود الاوادم بـ احججه
كاس الامير اغلى الجوايز و الرقوم
ما ياخذه من فيه ضلعه و اعرجه
قفّا به الغادي و يمّمها يموووم
على نواميسه ما ألومه لا اتجَه
" لحن جديد "
بالهداااوه ياهل الخيل ان حضرنا بالهداوه
عندنا اللي ياكثر من هد في شوطه و حدّر
يحتفل و يشوش .. كنْه ماخذ الكاس بـ حفاوه
يوم غيره يا منشّط يا مبلّك يا مخدّر
يتبجح ويتصدّر ..من سطر مدري رهاوه
ياسلام الله على اللي .. يتبجح و يتصدّر
علّم اللي كن في عينه على " الغادي " غشاوه
والله ان يضيق صدره من فعوله و يتكدّر ..
وجيه جمهوره تباشر فيه .. يوم
وجيه حسّاده تقول مبنّجه
مع كونت السيييده يروم الفوز روم
حط الصتايم في مواقف محرجه
متراهيٍ لا عيّن الخصم العزوم
في كل عام نقدّمه و نتوجّه
تسوووم يالشرّاي والا ماتسوم
اللي يسومه ما نلقّي له وجه
هذا حصان عجييم و التاريخ كوم
اهل القنازع كل كايد تسهجه
ماهي بـ لحية بين معطا و محروم
ما الله جعلنا للرياجيل .. ادرجه