سمو الشعل - عرش الشعل 🔥 جفران بن هضبان & سعود بن شالح | اودع احلامهم يا ابا العوايد شتوت 🔥 2024

اشترك في القناة وفعل التنبيهات ليصلك كل جديد وحصري
العمل محمي بـ حقوق المرئيه ©️
لتواصل : alfan.link/h2mbr
سمو الشعل للمالك
علوش بن نحيان العجمي
اداء جفران بن هضبان
كلمات سعود بن شالح
الكلمات
يا رسول النذر هاك النذر فالبيوت
رد عنّا العلوم اللي يذعذع خبرها
عابي الدله اللي من ورا حضرموت
واردن بنّها وبهارها ما ذعرها
دلة ٍبطنها فيه السقطري كحوت
وانت عاد اعتبرها مثل ما تعتبرها
يا ذخاير هل الطاله كبار البخوت
القريحه جفولٍ طيب ذكرك ذعرها
لين جاتك تهنفل مع وسيع الخبوت
طامح وراس حمّاي المواقف مهرها
ارجحن عادته فالشوط حرق الكروت
وان دخل سوق غالية النوادر حكرها
وان تقدّم بإسم ربعه جمال التخوت
دوّر انشط محاميل الثقال ودفرها
ايه يا صلب جدي حانت ولا تفوت
دقت الساعه اللي كلنا ننتضرها
انشر البيرق ولا يفرحون الشموت
والمواقيف شرهتها على من حضرها
ياهل الشعل جينا والصموت الصموت
هجمتن قدلنا عامين نرسل نذرها
ما يقرّ الكلام الا عليه الثبوت
والعلوم الطويله عندنا مختصرها
عندنا فارعن فنجالها عنزروت
في ذرا صيرمين للمداحم ذخرها
واقفن دونها مثل العواجي ونوت
لو نفض خزنته سوّامها ما ظفرها
يفرق السوم بالمليون ونقول موت
مابعد جبت قيمة قطعة ٍ من وبرها
هذي اللي ثمنها لابسين البشوت
والمجاويخ في غبر السنين وقشرها
اما ذالحين نقطع بإسمها كل صوت
من يقاوي بنات ركابنا ما قدرها
اقبلي يا سمو الشعل ما فات فوت
حرمة البيع دونش تو مأزهر ثمرها
واقربي جارش الله من عيون النحوت
والعرب يابو نحيّان متّع نظرها
كنّك اللي تحرّك عرضها فالريموت
لا تقحّم على صوت العزاوي سطرها
خلّهم فمعركها شوكة فبطن حوت
لين تدّي العذار اخصامها ونعذرها
اودع احلامهم يا آبا العوايد اشتوت
مثل عاما وقبله وانت من ذيّ و أرها
صبّح الجل لين يثور به دينموت
بالفتاه القريع منومسة محتكرها
طافحً تدعي الله صاحب الملكوت
من تسنادها اتعدّ القراد فنحرها
جات مافي رقبتها المارعه مايقوت
عن تواصيفها يكفيك وسمً شهرها
كنّها في ميادين المرا جيلبوت
أبحرت من موانيها تخوض امعبرها
لين تعلن على عرش الشعال الثبوت
والسعد مقتفيها كان ربي ومرها
في مجال الشعل نمرض لكن مانموت
والنواميس نذرعها ورا من شبرها
لا دفعنا الغزيزه في نهار النعوت
والمرازيق تقداها وتحذف اغترها
موكبً يدّحم بالكبر والجابروت
في ذرا لابتن ما ينّطح منتحرها
لا اشهروا فوق الانضا كل سيفً بتوت
ينعرف وقعهم لا لوّحو في ظهرها
لاشتبك عجّها لعيون زين النبوت
نستر اللي تسوج بكحلها فمْحجرها
فالحرايب نبنّي عاليات البيوت
حومة الحرب حنا اللي نولّع شررها
كم زعيمن حذفنا للسراحين قوت
كم وكم دولة ً فعل الهواشم كسرها
شجرتن ما ورقها للقصير امحتوت
شايخين قصراها لين ترجع ديرها
ما نسجنا الفخر من خيطة العنكبوت
غير باللي تداول بالمجالس اسْيرها
مجدنا يحكي الواقع وحنّا سكوت
لابتن من بغا الطالات يتبع اجررها
#سمو_الشعل #معشوقة_الجماهير #العجمان

[@BaderAlqhtani-om6lb]

ياقو القصييد ونعم يامحلف

[@w3iil]

كم زعيمن حذفنا للسراحين قوت كم وكم دولة فعل الهواشم كسرها آل هشام يام 🔥

[@user-js7si7ux8d]

كم زعيم حذفنا للسراحين قوت 🔥 ونعععم مليييون

[@faisalali7391]

كل بيت له معنى تحياتي لك يابن شالح واليوم لقيت شعرك في البل بصوت نواف منيف وهي جميله

[@5aled__1sal77]

الف مبرررروك سمو تقاضت لجلاده اليوم 20/12/2023

[@user-qw7hh2ss3n]

لا اله الا الله اللهم صلّ على محمد وعلى اله وصحبه اجمعين🤍

[@user-dl7dc8wg2y]

ياقوى القصيده قواه 🔥🔥🔥

[@user-wb7fq4fp5k]

سعود بن شالح صح الله السانك وعز الله القصيد العدل والمعنا والتركيبه العدله صح السانك 👍

[@user-ne1yg9zo8i]

شاعر كبيييير جداً

[@user-le6mu3iw9e]

عزالله ان قافيه وت وقافيه صعبه ماشاءالله

[@faisalali7391]

عز يال سفران والعجمان وال هشام ومذكر ويام وكل اللي قصدو في سمو قصايدهم من العيار الثقيل وخاصة بن ساقه وبن شبنان اما حفيد العقيد بن شالح قصيدته تهز وجداني وأنا بن سفران لعجم تحياتي له وكذالك لصاحب الناموس حفيد الأبطال نحيان وعلوش واخيرا شكل الذيب فارس الحشار بيجيب قصيدة نووية هههههههه

[@a-jmi2]

عندنا فارعاً فنجالها …… عنزروت في ذرا صيرمين للمداحم ذخرهااا هذا والله القصيد الجزل صح لساااانك يابو رفاعي🔥⏳

[@user-pl9nk3hp2m]

فنجالها بيروح حتحت

[@a-jmi2]

@@user-pl9nk3hp2m وحده ورا وحده نعرضها خلا😎

[@rkAl3jme]

@@user-pl9nk3hp2mهااا وشعلومك ذالحين 😂

[@M_SAB2]

اشهد بالله انه كتب لله دره 👏🏻

[@user-ss5tf6nj2u]

صح لسانك يبو رفاعي

[@user-kl5nj5cz1f]

الشله كارثه والكلمات من بحر والتصميم فايييييز جدااااا وتقدم يبو جارلله ياعنك انك مبدع جدااء 👍💙

[@user-gd1om4gw6r]

وسبعين نعم يا وجيه ال هشام

[@Alrhawe]

صح لسانك يابورفاااعي 👏🏻👏🏻

[@znefralajmi8412]

صح لسان الشاعر والمنشد كفو

[@alajmi5083]

هذا والله الشعر ماشاءالله

[@alimohamd3445]

نوم عيني ياربعي ال سفران صح لسانك يبو رفاعي قصيده جزله جزله ويستاهل ابو نحيان 🔥

[@user-jo9go6lq1k]

والله الي ونعم عتيبي ومشوش عليها ومن اجمل الشيلات فوز نظيف ومنافسة مشرفة

[@user-gd1om4gw6r]

منافسه الرجال

[@faisalali7391]

زحول تنافس زحول تحياتي لك ياعتيبي من العجمان

[@Fazza888]

حي ابورفاعي وقصيده وسمو وهلها يستاهلون👍🏻

[@naseralhamel1529]

حي عينك يالجفراني 👏🏻

[@user-nk5bd1ob2m]

صح السانك ياسعود ويستاهل

[@Talal.alajmi]

سمو ☝🏼🥇

[@user-xz6zu8pt7e]

كفووووو وفالكم المركز الأول 🔥🔥🔥

[@user-bx5mc3fe5d]

كفووو يامحلف وصح لسان الشاعر

[@user-yl7jd1vl7t]

صح لسانك

[@user-te8fz3zd5m]

عزالله شاعر وتزود القصيده في اهلها

[@user-ue5cv2fx9e]

الاربعاء ☝️

[@nft9216]

1:36

[@user-mw4ne9xs6s]

زيزي ينزينب

[@user-ss5tf6nj2u]

صح لسانك يبو رفاعي