Рет қаралды 83,381
HE WHAKAMARAMA - He waiata tangi mō, Wiha Te Raki Hāwea Stephens. Nā, Tīmoti Kāretu, ngā kupu nā, Leon Blake rāua ko, Pānia Papa te rangi.
He raumaharatanga rā, e te ngākau, he raumaharatanga rā
Tē taea te kotahi o roto mai i te huhua te kapo mai
Kia rongo kau noa i tō ngī, i tō reo wainene
I rahirahi ai te taringa
Kia kotahi anō kitenga i tō rerehua, i tō taiea, i tō tau
Me kore noa e tāpore te kōharihari e titi kaha nei
Ko tā hinengaro, 'E tomo, kei te hoa, i Mirumiru-te-pō
Ki te mūnga o te tini, te mano'
Ko tā ngākau ia, 'Ka ora tonu koe i konei
Haere nei te wā'
Hei taku piki kōtuku, hei taku mumu reo
Mā muri nei ō pārahi e takahi
I ara o te reo kia rere, o reo kia tika, o reo kia Māori
Te ara rā i hau ai ō rongo
E kore rā te roimata e puritia
Me tuku tonu atu kia maringi me he wai
Ko te mamae nei hoki, e Wiha, te utu o te aroha
E Wiha, te mamae te o te aroha