Рет қаралды 4,258
Şu günki programmamyzda:
Türkmenistanda azyk harytlarynyň bahalary ýene-de gymmatlaýar. Garaşsyzlyk baýramynyň öňüsyrasynda Aşgabadyň hususy söwda nokatlarynda 17 manatdan bahalanan günebakar ýagynyň bir litriniň bahasy birden 30 manada ýokarlandy. Tas iki esse çemesi ýokarlanma sarp edijileriň bazar sebedine agram salýar.
Merkezi Aziýaly adam hukuklaryny goraýjylar ÝHHG-niň adam ölçeg konferensiýasyna gabatlap sebitdäki aladaly tendensiýalar barada beýanat ýaýratdylar. Gurama agza döwletleriň resmileriniň we raýat jemgyýetiniň gatnaşmagyndaky uly ýyllyk duşuşygy 30-njy sentýabr we 11-nji oktýabr aralygynda Warşawada geçiriler.
1-nji oktýabrda ir bilen Ysraýyl Liwanyň günortasynda köp ýerlere gözegçilik edýän Hezbollah jeňçi toparyna garşy gury ýer operasiýasyna başlandygyny yglan etdi. Bu Waşingtonyň Ýakyn Gündogar sebitinde giň gerimli konflikte ýol açyp biljekdigi baradaky howatyrlary sebäpli, muňa garşy çykmagyna hem garamazdan amal edildi.
Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar
#habarlar