Рет қаралды 393
Bismillah.
Ali hədəflər uğruna şəhid olan qardaşlarımızın dilindən.
Zalimi rüsva edən ümməti-Taha bizik.
Ləşkəri-Sahib Zəman, aşiqi-mövla bizik.
Torpağa düşmüş bədən, qan ilə yazdı vətən.
Şövq ilə cəng eyləyən, fatehi-mə'va bizik.
Baği-vəfa gülləri çox yaşamaz dəhrdə,
Məskəni firdövs olan tər gülü-rə'na bizik.
Bəhri-məvəddətdə kim axtara dürri-yetim,
Bir nəzər etsin bizə, gövhəri-dərya bizik.
Valeh edibdir bizi şahi-şəhidan gülü,
Baği-şəhadətdəki bülbüli-şeyda bizik.
Ey bəni-haşim məhi, aləmi-hüsnün şəhi,
Bədri-rüxün aşiqi, talibi-sövda bizik.
Nuh ilə həmdərd olan, Xızra ürək sirdaşı,
Yavəri-İ'sa bizik, həmdəmi-Mu'sa bizik.
Torpağımız qüdsdür, məktəbimiz Kərbəla,
Türbəti min bir dəva, xilqəti-kübra bizik.
Qəflət ilə Kə'bəni tövf elə, mə'nası nə?
Dərk elə qafil bunu, Kə'beyi-mə'na bizik.
Adil, o can eşqinə cəngə girən ləşkərik,
Zalimi məhv eyləyən qalibi-qovğa bizik.
#Müəllif : Adil Əkbər.