HIV/SIDA mak saida? | Animasaun

Moras SIDA ne'e mai husi virus ida naran HIV. Virus ida ne'e, ataka ita nia sistema imunidade iha ita nia isin. Nune'e, halo ema nebé infeitadu ninia sistema imunidade sai fraku, e hetan moras bót. Iha ne'e mak ita bele dehan ema ne'e iha SIDA (AIDS).
Virus HIV bele halo transmisaun husi ema ba ema liu husi relasaun sexual, uza daun nebé hanesan, no husi inan ida ba nia oan durante isin-rua, tur ahi, ou wainhira inan hasusu ninia oan.
Virus ne'e la halo transmisaun liu husi gestu sira hanesan kaer liman, hakuak malun, rein-malun, mear ou fani, han ou hemu hamutuk, uza toilet hamutuk, no liu husi susuk sira.
Ita bele hatene se ita iha HIV só liu deit husi teste ran.
La iha kura ba HIV. Maibe, iha aimoruk nebé bele prevene ema ho HIV atu hetan moras. Ema nebé iha HIV tenke hemu airmoruk ne'e lor-loron.
Kumpriendesaun konabá HIV/SIDA iha Timor Leste limitadu lós. Dadus demografia Peskiza Saude nian ba tinan 2016 relata katak joven sira nian kumpriendesaun kompriensiva konabá prevensaun HIV monu ba 8% husi 12% ba feto no ba mane, monu ba 15% husi 20%.
Ita bele hetan informasaun kona-bá HIV/SIDA, konsultasaun no rekomendasaun kona-bá hasai teste HIV ne’ebé seguru, amigável no konfiável tuir mai ne’e:
Maloa HIV Care Centre
[phone]
[phone]
Asiste ami nia epizódiu kompletu, konaba HIV/SIDA no Stigma iha Timor-Leste: DALAN BA FUTURU III - “HA’U TAUK ATU KO’ALIA SAI“

[@BaltazarXavier-hp5iq]

Bele kura glae

[@joseangelmo5121]

Oinsa Ho Nx tratamento