黃金變死場?? 行家回顧香港砌機業興衰 | 廣東話 | 中文字幕 | 香港 | unwire.hk

電腦商場曾是不少電子發燒友好去處，但手機、平板的興起，PC 的重要性不再。不少報導都指腦場愈來愈多吉舖、腦場已死等等，不知行內人如何看呢？
今次專題，我們請來四個代表單位，分別是正都電腦、Comdex、飛馬電腦及未來科技，和我們一起分享這些年的行內事。
00:00 引言
01:13 腦場已死？
03:42 砌機需求仍在？
06:25 現時砌機行情
09:24 實體鋪高光不再？
11:44 網店經營更容易？
15:51 腦場文化？
#腦場 #電腦 #PC
===
訂閱 : bit.ly/unwire_yt
FB : bit.ly/unwire_fb
IG : bit.ly/unwire_ig
X: bit.ly/unwire_x
TG:bit.ly/unwire_tg
網站 : bit.ly/unwire_web

[@user-to2vk8ds7q]

黃金有如此下場根本唔抵可憐， i7 8代，10代同埋ryzen 5000系列嗰陣，想買一粒CPU要連埋塊板一齊先肯賣比你，捆綁銷售，我屋企已經有塊板，想升級CPU仲要逼人買多塊板 同埋掘礦時期，買一張3080卡要跟機買，要跟CPU跟底板跟RAM一齊買，diu老母呢啲野又唔見佢地提？ 美其名曰話要幫真正需要砌機嘅人，實際就將真正有需要嘅人當水魚咁由頭劏到落腳

[@luisteps3664]

cpu gpu 搭垃圾賣係大代理分貨時既要求, 唔係零售既要求黎, 唔識唔好亂up

[@sandalslau6429]

@@luisteps3664 垃圾代理+腦場文化 = 消費者埋單?

[@user-to2vk8ds7q]

黎黎黎，你設想一下呢個場景，你係網站whatsapp電話問好曬有冇貨，睇好曬價錢，然後搭車行到埋去黃金，然之後佢同你講要連板一齊買，呢個行為好L好玩？ 貼出黎嗰啲CPU單，display card單，每個CPU每個GPU幾錢幾錢，一隻字都冇提過需要跟機買，然後你計好曬啲價目最後走去搵sales買，佢同你講要跟機買，然後佢個鋪頭啲野全部貴隔離鋪百幾蚊，成部機砌先肯賣比你，好L好玩？ 好，跟機買，我跟你玩，一隻i3,一隻450W火牛，一條8G RAM，一塊A610底板，一隻SSD，一隻風冷，求其搭個機箱，最後加多隻RTX 3080。拉尾佢行埋黎同你講咁樣唔得，唔賣比你。 你跟足曬要求，但係龍門佢任擺，咁樣好唔好玩，你玩L埋我嗰份，我自己JD taobao newegg amazon算

[@raphelchan4359]

@@luisteps3664 即係成條供應鏈自己玩死自己, 怪邊個?

[@raphelchan4359]

@@user-to2vk8ds7q 無錯, 既然係我不如去天貓, JD買好過啦! 我點解咁ONLL 要去深水步? 我前兩星期去買MOUSE, 順便想幫公司睇埋Printer... D員工好似唔憂做咁架!

[@puretoxicityknuckles658]

飛馬梗係前景好啦 收人訂有貨又唔出 拎啲客訂display card去炒 咁fat fat點會前景唔好

[@huijohn4454]

大家不會忘記 代理同舖頭點樣壓榨我哋！ 依家係我哋還擊嘅時候！ 最好笑係 明明香港係冇稅嘅 買嘅嘢貴過有趣嘅地方

[@garyl6561]

抵啊，全部執曬最好，呢d人唔洗可憐

[@FatSn8ke]

香港買件真心貴，要多謝香港代理🤬

[@CT-ix4dz]

自動10算,買高階卡仲要食骨😂

[@SamsungGalaxyS24Plus5G]

華碩 Ultra 9 g16 4070 notebook 貴大陸成萬蚊

[@cyanide111111]

不嬲食水深

[@AhChunt28king]

西馬電腦梗係覺得砌機有前景啦, 收咗人錢訂 display card 有貨唔派拎去炒, 賤到

[@Thomas890s]

哇靠⋯係咪早排興用display 卡掘礦的時期發生的？

[@ho_wai]

@@Thomas890s 係呀,經此一事呢間野個朵臭晒,做網店以為唔駛講信用咩~

[@ffbeexaid4509]

Wow so pk, thanks for the heads-up.

[@leidak211]

賺左的錢慢慢去醫絕症：😂

[@AhChunt28king]

@@Thomas890s 係, 連登有 post 講, 事後仲想唔認, 零信用

[@288538]

實體店衰落，主因係大部份sales態度惡劣，粗口爛舌，最重要係，根本唔Q識電腦嘢，個個係度廢噏。條片有眼見，除咗未來講得有紋有路之外，其餘D邊忽似有專業電腦知識呀。

[@TT-pn2lb]

以前資訊唔流通年代，我屋企人都有試過比佢地水過。

[@shingchan4766]

我唔敢講sales態度系主因,不過我最深刻系十年前系高登商場問店長有冇更多相關某貨品問題,佢立即系咁鬧我唔應該問太多,我只系問一句有冇貨都鬧,而且重系佢先主動問我有乜野需要。往後其他sales問我野我都講明香港sales太串,叫佢地唔使招呼我,太似黑社會交易

[@patrichong660]

@@shingchan4766唔係似呀，佢地真係黑社會黎㗎，總是覺得佢地啲都是假貨，現在覺得買牌子機好啲，好似HP、Dell. 都唔錯架，手提電腦或平板都得，總之就唔好再去黃金比人呃就得喇。

[@kazkaz9676]

🤣

[@EricWynne]

多人買果時是皇帝 沒人買果時是奴隸… XD

[@kinstarTV]

其實只係以前呃水魚, 而家資訊發達水魚少左, 同移民潮個D咩都無關係

[@hafxxk]

主要原因係win95、win98年代系統唔穩定，硬件更新快，所以砌機行業興旺。

[@tsg823]

​@@hafxxk唔關事，係當年對電腦需求，個個家庭有一部，上網、瀏覽資訊娛樂用，自從智能手機普及，功能越來越強大，又方便，電腦已好少用，除咗電腦遊戲迷

[@user-gr1hk9nx4d]

@@tsg823 有關係。以前嘅電腦真係一年比一年變化大。我仲記得 Pentium 3 Slot A 500 換左 Amd Duron 800 就已經快好多。跟住d頻率同核心每隔1-2年就翻一翻。P4 最開始由180mm Willamette核心嘅1.0Ghz出到90mm 高頻3.8GHz嘅P4 EE都係用左差唔多4年，每一年嘅升級都有顯著提升。而當年嘅硬件其實就算係買頂級都用唔到幾耐就開始Lag機。而家嘅機性能太高，只要唔係打機發燒友，一部幾千蚊嘅機，只要個ssd唔壞，用十年都唔會卡。智能手機嘅影響只係一小部分，網購嘅影響比起你提到嘅智能手機影響大得多。

[@tsg823]

@@user-gr1hk9nx4d 以我所見，大部分家庭，如果文書用，就算Intel i5-6500都夠用，以前未普及每個家庭擁有電腦時，真係對電腦需求殷切，帶旺黃金、旺電等一類砌機場，當時每年都幫朋友裝機，但當電腦家庭普及後，電腦性能又有足夠餘量，加上智能手機興起，性能強勁同普及，又有各種Pad出現競爭，真係對電腦需求減少咗，網購當然影響大，但電腦需求減少已經係趨勢，除咗追求高性能玩機或專業人士一類，但始終係小眾，其它底板、CPU確亦逐年越來越貴，亦有可能影響銷量

[@gillnamia9368]

成班當人水魚咁劏, 而家無得劏又係度話有幾慘, 呢個結果係你地自己做成怪得邊個

[@TimeToGG]

實體店有優勢, 可惜佢地唔識用, 而且服務質素每下愈況 ; 同DC9一樣, 注定要被市場淘汰.

[@deanyy]

電腦砌機既街舖，同的士一樣，接近夕陽，砌機我洗鬼去睇下你顯卡個盒靚唔靚，底版個盒有無邊個標纖，條RAM包裝有無金邊咩，網上睇岩型號仲可以GOOGLE完先落單。 反而機箱MOUSE KEYBOARD 就要睇下實物，睇怕黃金好快又會有人租黎放D夾公仔機係度.....

[@holun168]

街鋪場做骨灰閹好啲😂

[@necnec6617]

砌機衰落主因都是網購和資訊更流通的。過去十多年前電腦壞了都會抬主機到電腦店維修 但現在主機壞了 那怕自己不會身邊都一定有人會去簡單維修。另外硬件上的性能基本上都已經是性能過盛，一部文書電腦 那怕是十多年前的CPU 只要不是玩遊戲依然可能流暢操作 認為不泡暢的加個SSD都即時流暢起來，根據社會金字塔去看 只有特定需求的才會考慮要最新最快的硬件 但那類人基本上是極少數的人 中層和底層需求者早已經處於飽和的

[@CounterStriker013009]

+1

[@tonycow1069]

以前硬件間的兼容問題好多, ram、底板、顯卡等都要夾...現在基本上自己DIY都好易...

[@EL-gr6rg]

都係呀, 而家仲用緊i5-2400.

[@heungsimon8172]

我部十年電腦改裝做影音電腦，將啲電影音樂過咗落去當嚟睇

[@taimanchan2532]

作為一個90s, 細個冇手機game個個約埋三五知己返屋企打機, 自然要砌部又平又勁嘅PC 果班人已經大個哂, 有做野有收入, 少打game, 唔得閒行黃金 依家個個學生哥打手遊, 要打機就買console, ps5, 工作嘅MAC,文書機, 仲邊有人砌機

[@TT-kg6yu]

嗨馬電腦的確太多古惑野，大家可免則免😊

[@ServanT_809]

而家砌機業變夕陽行業只係結果，原因可以係價錢、服務態度、服務質素、代理對大眾的態度及形象，太多因素加埋先會變成夕陽行業，而且，資訊爆炸同埋極流通既網絡，行業的各持分者的所作所為比人放哂上網，作為消費者的每一位都會考慮不同的因素再決定邊度買零件，剩係講網購唔需要信用卡手續費同埋可以自行寄返去原廠做RMA唔需要經代理，都係唔同嘅因素，一直食老本與消費市場脫節，羅馬都唔係一日建成，結構性問題都要持分者洗心革面改變根深蒂固的思想，先可以重拾消費者信心

[@mifordlau]

廿年前就已經係夕陽行業啦，除非間舖係自己嘅，又或者靠走代理數，有錢賺我哋呢班以前做開嘅都唔離場轉行啦。Pentium 133Mhz 年代賣一張華碩TP4XE 或者T2P4 3千蚊，賺1千蚊，啲人都排住隊嚟買，而家砌兩部機都冇啦。以前富士康仲做緊connector，都未做代工廠，聯想都未有工廠，啲Compaq, Epson，HP, Gateway, Dell, NEC 全部都唔係made in China，貴3倍以上，咁就緊係砌機啦。

[@everythingispiggy169]

以前砌機高金場係集中地，但同時都係中伏集中地，有d賤舖仲會用二手或壞料維修貨扮新貨砌畀客，識玩嘅就會要求間店畀原裝盒做保養（如果係新貨一定畀到，因為好多保養要有原盒label)如果間舖話無咁就可以走得；高金場衰落唔止經濟原因，租金成本，網拍比店便宜，同埋本身成個場做出黎嘅口碑根本差，真係差，好鬼差（重要嘅野講三次😂）二十年前最旺時期已經出名多黑店容易中伏，但無奈真係電腦用品太集中太方便；之前仲傳出香港搞電腦展佢地班人都要搞內鬥搞個腦場電腦展去分人流，就知班人為左錢可以几唔要臉，變死場無人幫襯係遲早，只係無諗過咁快囉😂😂 仲有一點係成個場都有共識收電子貨幣要加收手續費，收現金就唔使，同埋而家仲好多用寫單，IR真係唔做野wor😂😂

[@nicolechung5887]

睇左咁多個comments 你最能表達我心中所想，本身個形象太差，除非身邊有好信得過既朋友陪住先敢入去買。

[@lok2006614]

我都係朋友介紹先敢去黃金某間店舖砌機 。後來佢把機送到我屋企連機內的配件原裝盒一齊送上。 其實我砌機都係因為家中兒子要打機。 幸好我砌咗， 而家機內張顯示卡已經買唔到，因政治因素要落架。

[@kxx1867]

有冇可能佢地本身形象就好差

[@darrenp.9490]

好詳細嘅專題報道👍🏻

[@charlotteholmessss]

❤多謝你

[@marschan3037]

依家係多咗人自己買嘢砌機 同埋驚落黃金比人劏

[@felixmak9289]

唔使驚係一定劏你

[@hongkongkowloon]

@@felixmak9289 明碼實價點劏 ? 自己要食牛腩飯，人地講2句你就轉食羅漢齋飯 ? 自己唔做好功貨怪得邊個 !

[@xoxo2685]

以前所謂被人劏，就係一D乜都唔識自己走落場任由店員介紹就買的人。如果自己識又已決定買乜，純粹落場睇價買，根本冇可能劏到你。依家被劏就變左去買手機、平板或notebook 度...因為呢D乜都唔識的人會去買手機、平板或notebook 。

[@kafailau9651]

現在應該好難劏。 以前是因為資訊唔流通，現在很多人買機前都會上價格網/其他方式比較，無咁易劏。且剩低玩砌機的人都有基本認知，價唔啱唔會傾唔會買即走，找其他鋪。

[@chanmatthew200123]

@@hongkongkowloon 自己唔做足功課唔等於可以比人劏喎。 佢地而家咁，根本就自己攞嚟。

[@andylot]

多謝咁多位從業員真誠感接受訪問

[@yesmanlau]

有間舖個sales部計數機永遠都係計錯數，執完個list 9000幾，去到收銀變咗萬一蚊，博個客費事再執，啲客嘈佢就話自己唔係sales😂

[@chengwalong150]

我都做過sales(DC / 影音)好老實講邊間公司都會盡可能射客買貨啦,原因不外乎利潤高低有獎金 / 庫存問題 / 代理問題等等都直接影響sales介紹取向,但今時今日資訊爆炸年代,想買野單係網上搵資料做功課已經可以令一個客由原本白紙一張變成有基本認識,到佢落鋪時心入面已經有目標只係嚟睇價錢同服務,你想再射佢買其他牌子基本上好難。就好似我自己上年買電腦同早前買router(我算PC白痴)都係嚮網上做咗幾日功課先落去買,當然我知網店買會再平啲但有時落實鋪買野感覺上保障啲,所以依家不論任何行業想做返以前當客白紙咁任你舞真心行唔到落去

[@tsangpopojp]

哩班友咪同DC9一樣全香港人都不知幾想佢地快D收檔🤭

[@JjJj-xk2yo]

我幫公司採購電腦，以前砌機，近10年全部都用廠機，重要係三大牌子，Lenovo,HP,Dell，上門保養唔使煩。Notebook又唔會砌，砌機只係打機個班，小眾人，隨著新一代移晒民，呢d鋪唔樂觀。😢

[@dashleong5512]

關移民咩事，果雞碎咁多人。

[@ryanprime381]

喺香港平唔少所以走咗嘅都可能會返嚟砌我覺得影響唔大

[@ryanwong4025]

​@@dashleong5512就係果雞碎咁多人可以影響到依家成個香港經濟一大部份😂😂😂 其實主要原因都係成個世界吹勢都K形晒，香港最主要都係大陸化，黎親補位拎身份證既，9成9都係唔用電腦既人。加上電話一堆免費game攬炒咁做，做得快香得快，養左大部份人習慣速食娛樂，玩一陣就轉game。 玩個只係畫面角色靚但極低質娛樂性既手遊充值一萬幾千買鑽抽卡抽角都肯入錢，但電腦一隻大作三四百就要左諗右諗睇晒review肯定無伏仲要再等特價先去買。人既價值觀都已經扭曲晒。

[@user-vo2lo9fl5k]

沒落了了 手機取代

[@jc31312jch]

@@ryanprime381 回來裝電腦再寄送會國外？？？勞師動眾你覺得划算嗎？

[@jasontang7866]

支持Unwire 訪問好詳盡, 好用心. 加油!

[@Terry2020]

支持 “未來科技”！過去幾年，幫襯過兩次，服務態度和價錢都幾好。

[@alanwong3103]

黃金高登已經行咗30年、之前都好enjoy每個星期都去shopping、依家可能一年都去唔到幾次。 實體店嘅店員一向衰格、大多數唔識同人溝通、最離譜一次見到店員笑一對年長夫婦冇錢買電腦 … 之後如果可以，我都會買廠機。 不過真係要提吓未來科技、沙漠嘅清泉、又平/服務態度唔錯。

[@raymondko60]

我同閣下差唔多，我行咗黃金高登30幾年，又係以前成日都去行吓睇吓有乜新嘢出、買嘢、落地庫買電腦書，依家又係一年都去唔到幾次，除咗買第1部電腦 (80286) 係乜都唔識既情況下搵佢地砌，之後每當有問題就要成部抬去修理、換件，麻煩辛苦兼受氣，其後自學到咁上下，再去買機(80386)已經唔再需要搵人砌, 自己買件搞掂，其後甚至仲入埋呢行做，眼見唔少同行既態度真係 囧... 今時今日再去，必定先喺網上睇定晒資料，決定好要買既係乜、幾多錢、邊間有得買，去到只需要問有無貨、幾錢、邊間做代理，順利既就快靚正比完錢走人，話要跟埋乜乜物物一齊買或者我想要果款無貨遊說另一款話差唔多既，完全唔會理佢，即走。結果有幫襯買嘢又好，買唔成都好，只要唔好問佢地咁多嘢(除咗有無貨、幾多錢呢D近乎必定要問既問題之外)基本都無乜氣受既，至於話態度好既，令我喺呢方面有比較好印象既舖頭，咁啱得咁Q，都係未來科技，有時我根本無問其他嘢，比完錢準備走果陣，佢都會提醒我一D有關該硬件事既嘢(買 printer 同主板都試過)，唔講話 "貼心"咁肉麻，但感覺佢真係想個客用件產品果陣時順利、 唔出問題，所以喺價錢差唔多既情況下，好多時我都寧願專登過海去佢度買，同樣係買嘢，喺佢度買真係舒心好多。

[@dcfavorite]

其實要用電腦嘅人始終都會用，只不過以前一部電腦用三年左右就要淘汰，而家一張靚d嘅graphic card，塊CPU好少少，五年內都冇必要重新砌過一部新電腦，更換一下零件，添加少少嘢就已經可以繼續用。

[@MsJako2020]

睇左好多留言但有個重點冇人講，係好多細鋪昆水魚源頭係代理逼細鋪食骨，細鋪焗食骨先拎到熱門貨跟住昆客買骨惡性循環，我仲記得當年見唔少鋪為做生意推A U A卡比D唔識野既人(推土機年代)，再者依家D人多左用正版唔打機既人有平板或手機都夠做仲要電腦做乜？再加上黃狗喪加價變相逼人玩主機一部PS貴得去邊但一般7年都唔駛升級

[@IeongSC]

曾經員工？

[@palmaxpc]

無人講係因為唔係好似你咁行內人呀嘛😊

[@necnec6617]

去年我砌了4部自用的但這樣說吧 如無太大要求都沒必要砌。 香港居住空間細 真的要砌都只有ITX值得考慮 而真正ITX機箱又不會存在在黃金 只會存在在淘寶（4-12L機箱） 而你決定砌ITX後要的就需要電源和模組線 而香港又不會本地幫你做模組線的 基本又是淘寶做埋 如果想砌超迷你ITX的就需要1U電源 那就更需要淘寶 因為香港沒 而風扇和散熱器 除非上到貓扇的 否則如果是利民 ID COOLING同樣的東西 淘寶比黃金價格還要低 而CPU 記憶體基本上都很少壞 除非超死他的 只有底板 SSD GPU才會考慮在黃金買的 而去年在Amazon買的SSD SN850X 4TB $1800 990pro 4TB $1900 再對比黃金的價格的.....😒

[@necnec6617]

另外不少大陸以AMD作CPU的迷你電腦文書遊戲性能都已經迫上低階的組裝機 而且空間 價格比組裝機更有吸引力

[@palmaxpc]

@@necnec6617 無錯，我都係轉左迷你電腦，不過係淘寶買

[@gonxkeith]

呢個年代比信用卡仲要收 charge, 行貨代理做保養又做到咁乞兒, 梗係冇得做啦

[@palmaxpc]

十幾年前一直都有收開，邊間鋪要charge 我即走😅

[@zhd1655]

@@palmaxpc 無乜邊間, 信用卡唔收charge喎. 而報個價多數都係包左. 直接問俾現金可以"平"返幾多.

[@binsimon1221]

@@zhd1655 好耐之前已經講過, card 公司講到明商戶唔可以轉介手續費比個客, 但冇強制執行。其實一間鋪收咩係你既自由, 你咪寫明只收現金，完全冇問題，再唔係你話只收bit coin 都仲得, 但唔該唔好將你既成本直接轉俾個消費者

[@angus7898]

時代變啦, 以前剪片嗰堆都要砌機, 依家去晒買mac機。買文書機嗰堆都轉晒用Ipad/laptop，又係唔洗砌機；得返Gaming嗰班有需求，而網上又大把教學，十幾件零件自己去逐間網店格價格到最平先買，門市都係參考多過買 作為十幾年前已經去黃金既人，我自己都8年無買過主機，已經轉用Laptop好多年 好可惜，但時代真係變左

[@QNEd-to5yi]

又送錢俾apple, 笑左, 我從來都唔會買mac, ipad

[@ccppcceee]

@@QNEd-to5yi見到你呢個留言就聞到毒味🥰

[@Hizakiga]

的確係時代變左，Laptop又平又方便過砌機，仲有平板，咁點解要砌機？我轉用surface go都幾年，完全冇問題，做平板又得，laptop又得，而且唔會有大量塵積嗎部機，砌機/廠機得咩？打機既人先考慮砌機囉，不過而家5-6k都有gaming laptop啦，有獨立顯卡，點會唔夠做？

[@jeanvaljean1384]

黃金出名多黑店, 專賣次貨和換舊貨比沒咁清楚嘅客人, 唔係點1日狂賺100萬咁爽

[@user-he7yd2xg6z]

係呀, 好似一個老細有幾間舖頭, 可以自由定價

[@palmaxpc]

而家SSP最旺既，係福仁既垃圾場，由地下而家做到上面二樓都拆埋變超市😂，d仲係度打算炒電腦既商戶真係要過去隔離學下野，轉型啦

[@charm5746]

最起碼特賣場越做越大越嚟越搵錢，總好過啲剩係識打咀炮口又臭又無本事嘅失敗者。

[@unwire]

福仁反為多驚喜，多奇怪野

[@rhythml6229]

垃圾場？

[@ThomasWong-ne3sn]

以前黃金旺福仁静! 而家福仁間電子特賣誠越做越大d多人到呢

[@yyfong]

仲搵到店員訪問，即係未執晒啦！加油呀！

[@tonycow1069]

行腦場都系夠實際, 可以模上手... 而且舊機可以取去新高登配ram或升級硬件... 唯一沒有了的是當年「試用軟件」的樂趣...

[@atwb2287]

其實自己run一個LLM 其實買Mac會好好多，個Ram直接當顯卡Ram用

[@kitman6913]

而家GAMING NOTEBOOK越黎越勁,好快打機市場又再少一班客,剩番要最頂級性能先玩砌機.

[@kory5379]

執哂佢仲好啦 唔識電腦野嘅人去砌機就當人係水魚 清貨list👍

[@wptong2]

上網訂快靚正, 又不會怕sales老點

[@xoxo2685]

我自己就習慣在網店睇，睇完大約知道乜價乜情況，然後再去實體店睇，如果價錢差不多都會在實體店買，除非實體店冇得賣才會在網店買，而且一定係自取，唔會要網店送貨。

[@principalppp]

以前落去行黃金,睇吓video card, 底板、CPU….係一種娛樂。 但六七年前已經開始冇呢個習慣lu

[@cleopt338]

見到何太就開心 需求係細左 但比較過d砌機list 香港仲有競爭力

[@tomchow1875]

家用機需求愈黎愈少 notebook已經成為大趨勢 一買即用已經滿足大部份人用機需求 又唔洗怕比人劏

[@Alphas97]

唔計 鋪頭態度差 / 入貨選擇少 / 鋪頭炒貨 / 入廢 “代理 ” 等等問題， 以前香港買係因為保養同方便，但近年香港保有等於無， 保養仲衰過係外地買，貨又唔齊，而香港果價仲貴過上網訂連連費，我同身邊朋友買電腦野， 咁多年都無少過， 其實仲買多左， 只不過大部份都已經上網訂。

[@aylng]

八十年代開始用家路過 - 開美亞後都係較進階玩家會海淘，但自從開了淘寶呢條大眾通道後，走向沒落都係唔意外。特別係賣配件耗材比電腦硬係利潤高，產品週期又長。但成個場賣嘅都係差不多貨源，用家直接網購樓下取。資訊不透明嘅年代過去了

[@tanmanchiu3892]

INTERESTING TOPIC

[@ChineseLion]

其實 gaming 機都唔洗你砌；因為真係 gaming 客，我自己逐件買。我部機所有野都來自唔同鋪。

[@AnskarKong]

你已經好好喇，至少你仲同香港舖賣

[@CounterStriker013009]

+1

[@user-ko4qt1vp1f]

其他唔講 買u 一定係淘寶

[@fasfsgs9073]

依家ps5 pc出game點夠超任時代咁勁，新遊戲少出咁少，手機遊戲已經食左ps5pc遊戲7～8成市場

[@user-sj7vv1tz3n]

14:46 我知喇，即係試完再網上買😂（唔好鬧我）😂

[@VvXMvV]

叻仔哈哈哈😂

[@TimeToGG]

保養, 有保等於無保, 如果京東有實體店, 個D乜C咩C, 全部玩完.

[@kfnin]

行業興衰成敗 真係睇你地點發展同應對，正常科技不斷發展進步，做呢行 根本長做長有、但佢地就比人感覺 冇服務，暴利，最重要係唔夠專業

[@tsg823]

個人覺得最主要係智能手機普及，功能強勁兼超方便

[@jc31312jch]

現在已經有公司提供强大性能的機臺給客戶遠程遙控的服務了。有點像串流頻臺一樣給月費就能使用。 做美術做動畫的就不再需要花大錢裝機臺，也不用保養，不用擔心顯卡畫質卡三五年就開始無法承受新軟體和游戲所帶來的負荷。 這些組電腦的店家若要繼續生存就必須開始轉型跟上趨勢。

[@cheunter]

恭喜哂，D客唔食飯負資產唔緊要，最緊要有部PC😂

[@cish1653]

朋友幫找機箱，洶寶賣家响上海寄到香港(包裝超好，2個紙箱)。

[@kazkaz9676]

實體店 絕對有需要! 但問題係 香港 實體店 咁細 , 貨又少又迫. 購物體驗又差. 咪 變左 上網 , 淘記 買 或者 去外國旅行 或深圳個時買.

[@kennymaeda]

99年做到08年，比起以前，CMD command 到裝 red head Linux 同C+都要識。而家你問啲sales識幾多個 command ?

[@rayk5097]

我做AI係需要大量GPU，但係呢啲通常都係直接搵服務供應商。如果話個人機其實自己都識根本都唔需要。

[@abilam2713]

從前都在香港買料砌機,而家在大部分都在淘寶,京東買,除左隻SSD,比較過香港平小小外,其他都貴

[@10KeNny28]

第一次上網買電腦好怕比人呃 好在選中未來科技 快靚正

[@Bong04292]

有感而發 我當年係com__x地底返工 見證正都開張正都以本傷人 沒有最平 只有更平 搞到當時d價位 同行家拆貨都有問題 正都當拿都有份玩死老場 🤷🏻‍♂️

[@nameless0430]

親身經歷，垃圾飛馬裝個window都壞嘅

[@hkandy0129]

職員態度冇得頂🤬

[@kwokhong6836]

飛馬好多打手架。小心D

[@Ansel-ck6ky]

佢嗰啲Windows Key淘寶幾蚊買返嚟，買你$1000😂 叫OEM

[@p805061010]

你又知係淘?

[@josephlai99]

@@Ansel-ck6ky 不怕海關查.................

[@Kawamoto1909]

去幫襯過未來科技幾次 服務好好 剛好係片中Ben 幫手 非常專業有禮貌👍🏻

[@FatSn8ke]

上次我部機（唔係幫襯佢哋買）着唔到，懷疑火牛壞咗。都係佢哋幫手搵隻火牛試機。買隻火牛都咁幫到手👍🏼👍🏼👍🏼

[@tonycheng5460]

未來科技同埋centralfield都幾禮貌，呢個係真。

[@chunchoiwong9979]

下。我上次買 第一日就熱到熄機 搵佢檢查話無事 最後要自己換野 哂左勁多錢 垃圾公司

[@FatSn8ke]

正常過熱問題點會發現唔到啊？一跑stress test就知啦。。。我有興趣知多啲詳情喎！

[@aiden3479]

未來 禮貌係有既 價錢我都覺得可以 , 不過有D sales唔係好奶散件野 , 見意係自己奶電腦先好去

[@Ar-Lung]

前提，依家啲電腦其實對於一般用家，效能過剩，所以根本唔會可能似以前咁成日去砌機，升級，老老實實有幾多真係下下走去砌4090嗰啲級數，一定唔係大多數

[@FatSn8ke]

以前上珍寶價目表睇唔到有冇現貨，結果總有幾樣野一係要加錢upgrade，一係就轉做啲賣淨蔗死貨，變相就好似比舖頭呃咗咁

[@synoviccosultant9170]

1994/95年砌機到2011就轉會用Mac機，以前牌子機同價位比砌機性能差又未興Notebook，而家有好多功能手機都做到！

[@shermangary7159]

只要你賴過一次，以後都寧願貴啲買官方機都唔會去黃金砌機啦！😂😂😂

[@KiD_C_C]

宮方機太格式化吧！C兄 砌機想點都得,平平入手 跟著玩兩年upgrade 都可以

[@HoganLeung]

本身代理食水深, 鋪租又貴, 再加上網購淘寶衝擊香港各行各業, 令砌機行業顯得更為慘淡............

[@ConniSabrih]

現在即使是臺灣人都去華強北進貨了 誰要去香港電腦商城享受惡劣態度服務😅

[@miaoleong]

Radeon Pro 巳無香港代理, 焗住上Amazon買.

[@kylekyleyuyu]

好景個陣，賺，就梗架啦，唔緊要，體諒既，但尤其香港既服務業都有一個致命傷，就係當你消費力低既時候，往往都會受盡一d較差既態度，我明實有人衝出黎話其他地方or其他行業都有呢d人架啦，我知啊，但香港真係特別多架喎，好啦，而家全香港經濟仆街啦，先黎講人情味，先黎懷舊，先黎轉返好態度，當客人係臭四？

[@kwunko5691]

其實都仲有個重點，現在D機好小壞一陪可用幾年😅

[@0224SHo]

黃金高登不嬲都係無聊去行個圈，睇下價咁，人多到都唔想留太耐😅依家靜到咁，反而想去慢慢行下，睇下有咩好買

[@mifordlau]

去實體店㨂產品，然後上網買，同以前影音一樣，去大舖試音，然後去最平嘅百老匯買，啲大舖𢴇哂，然後百老匯賣最貴。買PC只有一個用途，就係打機，其他用途買蘋果，平啲，快啲，外型好啲，慳電啲，耐用好多。唔用蘋果就買Dell，包正版Windows, 包送貨，平啲，上門維修，唔駛受氣。我都廿幾年冇去腦場買電腦。

[@iamcarl4591]

只有 Laptop 先會買 Mac, 因為一個好簡單嘅原因就係慳電(舊電用到一日) 砌PC一定平啲快啲靚啲, 師兄你係咪畀人劏過。

[@mifordlau]

@@iamcarl4591我以前喺電腦行內人，高登開過舖， 你緊係未用過Mac，𢴇相，CAD，買部入門Mac，仲平過快過你買張GPU。Steve Job 重返Apple，Microsoft 出Vista開始，我就知砌機黃金年代已過，所以我就轉行。90年代是但一間公司代理Gigabyte已經年賺3千萬，代理Asustek就年賺5千萬，代理NEC DRAM就10倍利潤，一粒Intel 386SX，70蚊美金，賣350蚊美金。今時今日電腦行業點劏人呀？得返一間nVidia 可以劏AI 同汽車公司。

[@mifordlau]

@@iamcarl4591 "砌PC一定平啲快啲靚啲"，呢句說話係我廿幾年前喺高登開舖時成日講啦。廿年前都唔砌機啦？買部Dell先至3千機，已經有埋正版Windows，買套Windows已經千幾啦。打機我都買Alienware，搞咁多做乜，包3年上門維修，mouse爛咗都退錢，另外買部NUC＋Thunderbolt eGPU，換GPU幾簡單，散熱又好，仲砌乜鬼機，買GPU同其他配件都唔喺香港買啦，Amazon Prime平一條街。前幾年買隻LG mon 打機，香港最平8千機，Amazon 5千幾，RTX6800香港最平9千幾，Amazon 6千幾，SamSung T7 Shield 4GB 3千幾，Amazon $1600. 仲行乜腦場丫，嘥氣。去淘寶買部Intel NUC 都平香港一截，只要你喺腦場買電腦，冇話唔俾人劏，睇吓你劏嘅定義係乜。香港早就唔係購物天堂，係劏人市場。

[@iamcarl4591]

@@mifordlau 你咁講我買電腦件都唔係香港買 更何況我講砌pc我又冇講一定要落黃金 我自己都冇落好耐啦 我嘅意思係如果你有一個正常嘅價錢去買到零件砌部機出嚟, 性價比一定係最高。 首先性能一定會好過Mac, 其次就係PC做到嘅嘢點都會多過apple啲mac機先lo, 因為始終pc可以裝Windows or Linux. 剪片應該冇人會想用final cut掛？更何況啲mac我想開個autocad都難.

[@mifordlau]

@@iamcarl4591 剪片，Adobe Lightroom or Photoshop, 5千機嘅Mac Mini已經快過成萬銀嘅DIY PC啦, 你唔鐘意Final Cut Pro，可以考慮Davinci，Mac 版本都快過PC版本，Mac 裝Parallel，行Windows or Linux都冇問題。仲有，AutoCad 有Mac 版本，我最近每日都用，我都有PC，點解唔用PC行，因為太慢。唔係話PC一定唔好，只不過用家應該要知道自己用電腦嚟做乜。唔係話人哋講乜都聽，或者乜都聽唔入耳，要fact check。我都有幾部PC，咪要嚟打PUBG同埋rip Blu-ray Disc 囉，太食電喇，同部冷氣機差唔多，所以好少用。砌機都有砌機嘅樂趣，但係當你覺得砌機好煩或者時間好寶貴嘅時候，仲砌乜鬼機丫。以前年青嘅時，何止砌機，我成塊XT I/O card同 dual display card都自己焊添。講開又講，你可能唔知以前香港做電腦有幾風光，90年代初荃灣嘅NEL做嘅C1晶片行14.4Mhz，快過Intel 嘅4.77Mhz，Single chip EGA又係佢，紅磡Peaktron設計嘅dual display card搞到Motorola 6845R 顯示卡冇得撈，興業街嘅Bondwell notebook係全世界最薄嘅，大埔Vtech係全球第一間用兩層PCB ＋ 80286 single chip，最快最平最穩定嘅主機板，所以當時好多間大公司喺香港設廠，Wyse, Everex, AST, Epson, Alpha ...當時nVidia都未開業，果陣高登黃金商場就巴閉，全世界都要嚟香港或者高登買嘢。多謝97前港英政府和美國政府合力摧毁香港電腦產業，之後人才往北美走，跟住香港人凈係識炒樓。

[@yancoffee1075]

問題科技越新. 好多黃金售貨越來越冇料. 問佢野又係度背MENU 我洗乜來請教你.態度又唔係好. 有好多都好臭寸. 我什麼資料都可以在網上搵到. 要知的就直接去網上買. 咁洗乜去黃金呢! 又唔係平過人.. . 手機總不能完全代替電腦. 電腦一定比手機ipad 果D好用. 重點好多人都冇野做又或者退休. 咁又唔會用來工作. 就更唔會用咁大部電腦.

[@hongkongkowloon]

去黃金買因為睇價錢 ! 上price 一check 就知邊間平，想要硬件資料去睇蛇叔，VAN仔，亦王，極客灣好過，唔通你信D 2幾歲SALES咩。

[@dennyb1433]

一方面需求低 二黎係行業要找數 所謂以前既高峰期 有幾多係濛番黎

[@KyrusCrys0520]

我 google play d game 都係喺 Windows 用 simulator 嚟玩~ 無咁攰同埋個 mon 大好多... 仲有好多 game 點都係 PC game 先舒服~~~

[@ericwong432]

我第一個 Mon 14寸 CRT VGA 就在高登 2 樓買的，2700 蚊，拎餐死返屋企。當時個場 Apple 轉緊 IBM XT 時代，仲有店賣緊 APPLE 台灣機同貼晒 D Apple Game 錄音卡式帶或磁碟咁賣，d 舖頭間間立立亂，通處令件電路板電線，不過當時 D 電子野都大大件大大抽，沒計。當時只要識出下外國，睇下外國電腦雜誌，台灣拿點貨返來賣，肯定搵到幾桶金。

[@charmyingchow4204]

手機都取代左大部份電腦既工作, 始終香港既經濟差左咁多, 普通人既心態都係夠用既算, 冇太大動力升級裝備, 就算升級都諗過度過, 由於淘寶唔駛租金, 貨品價格有極大優勢, 買家因經濟差左, 亦開始採取退而求其次心態, 只要價平亦唔太介意係咪大牌子, 就算山寨也可以接受, 至於有高要求既專業有錢果班都係因移民及公司倒退亦流失唔少, 公司在呢段時間都減少投資, 自然對電腦既需求又少左, 電腦需求同經濟周期有密切關係, 總括來說香港腦場注定死過蠟肉

[@ttt6865]

當時不懂電腦 文書機配Z板 低階顯示卡及I5 每樣要千5 配4G ram 當時還是朋友陪去買 結果GG

[@ho_wai]

實體店做唔住主要係租金高而且移民既人多(包括佢地子女),而呢班人正係高消費能力既人,老實講我選去實體店買件自砌係因為對網店無信心價錢又唔係平,綱店職員態度差係街知巷聞,而且佢地以幫客砌機為主有傳過佢地用d有"內傷"既配件砌比唔熟電腦既客,反正未比錢前佢當你大爺,比左錢後有乜跟進你要當佢大爺睇佢面色受氣

[@AnskarKong]

其實呢班人都未必再「砌機」，除左老豆可能係hard core PC gamer要砌，比仔女都係notebook都好夠做

[@lavisleung2734]

我以前都打機砌機, 後黎出國讀書就轉用左laptop, 而家打機都係攞ps5, switch等等, 人變懶左, 同時又唔要求極致既畫質同效能, 有野玩就得

[@lammark2990]

砌機個市場一向都係到，大把人去amazon淘寳買料返來砌. 腦場衰係因為啲商家自行將啲商品抽私家稅，稅率20-100%不等. 搞到啲價比出面網購貴幾成. 啲人咪走晒去外地買. 加上本地代理商又垃圾，有保等如無保. 更加無人會買.

[@EKJAN2021]

3C當年真係多人過街市 最誇張試過係"金的士"買嘢俾錢要打蛇餅排長龍😦 最鍾意幫襯中央田, 態度好價錢均真啲

[@joewen8912]

广州6,7年前已经开始变死场. 现在都做饮食了

[@takli279]

黃金仲有賣家用機果邊都變緊死場, 依家周圍都有主機賣, 唔似以前咁有分水貨, 加上又多左人買download版, 變相少左人放game

[@ioriip]

最主要係網上買平D, 齊款, 直接送上門, 如果腦場某D PART比較平, 我都會落去買, 但比例上真係唔多

[@felixmak9289]

網上淘寶容易格價,不用行一日

[@EricWynne]

好似10年前開始 黃金商場地面果層都係賣主機及GAME比較多, 由於不是PC迷 沒有留意開電腦市場 會選擇直接去大型連鎖店如豐澤買NOTEBOOK 純粹係怕被人呃, 唔知頭唔知路就是水魚一大條, 至於配件就無咩所謂…

[@iko0108]

買電腦野都係等每年11月amazon黑色星期5 平快靚正

[@LcfAngel]

寄黎香港仲平過直接係香港買，而且好多都有全球保，香港代理自已玩死自己。

[@leiming9122]

佢哋好搞笑㗎,賣粒celeron俾你跟住叫你用啲好貴嘅電競ram,你話係咪呃鬼食豆腐？😂

[@jasper2virtual]

我只能夠講以前mark up 唔少揾唔少，三十年前1994一部基本砌機唔包windows 一皮起跳。而家幾千蚊已好夠用仲要係廠機有windows 有保。

[@patrichong660]

現在覺得買牌子機好啲，好似HP、Dell. 都唔錯架，手提電腦或平板都得，總之就唔好再去黃金比人呃就得喇。

[@ThomasWong-ne3sn]

個個有手機或平板都係一個因素，2000年初我砌部機成7千幾銀，而家幾舊水買部2手桌上電腦閒中開來玩返d十年八年前舊game算仲係好好玩，冇追新

[@rickylee7975]

舊games 好玩！

[@labigc9829]

就咁舉一個例，人地官方，外國網店實體店都開始減價，CPU display card果啲，香港嘅價唔會睇到點跟，有啲重離譜到可能再賣貴啲。唔係一間兩間係咁，係大部份間間都係咁。與其話舖租貴，租金壓力大，合謀定價嫌疑重大添。 在客角度，唔係比唔起錢買，係明知你個價應該再平啲，冇理由要比貴啲來買。商家肯平，貨如輪轉，玩家換機升級都唔會同你格得咁西利，你又唔平，玩家又做等等黨，全部同而家啲樓市差唔多，全部有價冇市。

[@ericlam6269]

一年前將用左10年嘅A10 6800K退役,當年都係落黃金買料自己砌,但上年換機,全機所有件都係淘記寄落嚟自己砌,真係平1/3左右.

[@shiocchi9740]

PC市場有增無減, 喺宜家啲人諗list買件已經做哂功課網上買埋唔會理sales

[@Gisela_and_Galina]

硬件價格在近5年因之前嘅“mining”升左3倍但在熱潮後並沒有下滑並繼續高企，特別是顯示卡。以往顯示卡嘅價錢是固定，例如今代高楷顯示卡係5000蚊，下一代都係5000蚊。但係5年，980ti嘅價格，現在，只能買4070或4060super ，相比起效能提升並唔多，唔吸引。4090D要萬五到萬八，升幅太快，令人卻步。 另外，以前嘅笑話［can you run crysis]已成歷史，以前要因新game而追卡。但而家，遊戲嘅發展在PS5推出後變得更慢，一張4090根本無用武之地，3080已經好夠做。電腦遊戲，細game 唔洗換卡，大game又唔多，加上近年大game 產量更少，相反，手遊隻隻都話係大作，市場策略比電腦遊戲成功。另外遊戲質量差，就算顯示卡係full load，畫面亦不比十年前嘅crysis好，感覺同手機game差唔多。再講，手遊嘅成功改變左後生仔對遊戲嘅觀念，快，爽，pay to win為現在主流，簡單無腦，電腦遊戲都有呢個走向。其實砌機同遊戲工業好類似，砌機係一件耐心，耐性，專業，要學嘅事，唔係「岩插」就識行，例如近代嘅intel 12, 13, 14 唔再可以plug and play, 要識tune bios。AMD又要計溫度及ram timing. 識玩嘅就覺得開心，新手，普通人，根本無時間及必要性，如果我要花一年去學，可不買一部iPad 及手機，係app store中萬隻「免費」遊戲中慢慢玩，玩完即delete ，訓醒教，又有新遊戲，而且，一部iPad 穩定唔會hang, 又可以玩幾年，咁細個mon，畫質差都睇唔到。電腦嘅話，window update, 炒ram, driver compatibility, 唔識攪，面前嘅幾萬蚊砌機就會變廢鐵。 電腦品牌由電競大力開始推行前已經閒到砌機被手遊影響，所以（好似7年前）大力推電競品牌，一心打造「貴精不貴多」市場策略，做成overprice嘅趨勢,專心將砌機以電競呢個「理由」將砌機，或電腦打造成「奢侈品」。 曾經，有一年，小弟因Radeon vii 有問題需送代理維修，並附上影片給代理作情況了解。修好取卡時，職員見到我就說「等等，你係砌水冷果個，你張Radeon vii係裡面」，我直言問，咁都認得我，職員說「香港地，買貴卡有幾多個」。此話令我震驚，會諗以前買貴卡嘅人去晒邊。 此外，香港人愈來愈快，講求時間回報，砌機係呢方面已經比唔上簡單嘅電話及tablet。相比起「要自己攪掂」，不及「就去apple shop 嘈兩句，叫佢幫我」嘅快。而且，店舖前線及代理每日要應付及解釋「compatibility 」呢個問題，「點解我上唔到XMP」，「點解打機會lag 機」都成為換貨退錢嘅理由，大多數有實力嘅sales都會「因疲勞而離場」，只有少數仲生存緊，並只提供「最基本服務」。代理可以同客慢慢試，相反，店舖要經常面對「客人求警協助」嘅待遇。另外，炒價，品種少，令人都唔想再係香港買。走左嘅客就係走左，就算間舖入番齊貨，都只會引來詢問嘅客人，而唔會切切實實吸到金。 最後，香港嘅討論，沒有外國嘅專業。外國嘅係討論，香港嘅係「曬盒」。外國嘅砌機比香港市場好，都係呢個原因影響整體氣氛。 所以，香港砌機死，谷唔起，唔係單單一個場，單一方嘅問題。

[@unwire]

以前四五千可以買到頂vga咭，而家兩萬蚊真係唔捨得（當然貴係我問題...)

[@leomak959]

炒價冇計，全世界都炒，睇新蛋可以話係全球市價，香港有本地保唔算太貴，顯卡唔肯減係老黃問題，禁售再加多一啲水貨成本

[@mmnn-nl7dt]

歷史鴻流改不了,我1994年入行做電腦產品批發既sales,當時知道一間高登細鋪求其都做到一日賣10套desktop pc連14/15吋 crt mon,每部毛利大約$600(主機）$100（mon)

[@mmnn-nl7dt]

1994年時,如果在偏遠地區如沙田大埔屯門元朗開鋪更好執,賣一套電腦毛利起碼$2000,做電腦維修更發過豬頭

[@Gisela_and_Galina]

呢個訪問，真正講左砌機行業嘅心聲，亦勾起我已放低的回憶。 小弟，由2003年至2013年，係電腦行業打滾，由comdex 嘅一位少少嘅sales，到creative 代理批發；由中四時一個只識開MSDos 入game，到而家超頻自組水，見証住香港電腦行業嘅盛衰。 03初入黃金，砌機興起，但生意並不是達到瘋狂。 06年，重返Comdex，但舊光不再，人來人往已成為嘅黃金嘅特色，每個星期六都「爆場」，每日返工要買兩支兩公斤嘅「大水」，「隨便睇睇，埋黎睇埋黎揀」，「砌機報價」，已成了「muscle memory」，嚴重到同朋友出街想同朋友講「好耐無見」，結果講左「隨便睇睇」。每日都係不停炒寫。每間舖十幾位sales 都唔夠做，每日出十幾廿部機係「家常便飯」，收舖後，舖內樂也融融，舖外鄰里們談笑風生，交流每日有趣嘅事。 曾經，因失業，再次重返黃金，有相識老闆要幫手，幫左一日，在經理要求下，以我嘅知識，賣左一張賺1500蚊「顯示卡」，結果，同日，講左一句「唔好意思，我都係唔係好習慣」，離開左。 08年，成為行街sales，當整Sound card 盛期，小弟呢位鬧客嘅sales也算能每月到數，「入咁多做咩，仲有貨呀，最多我搭的士帶過黎，留番D quota 買U 啦」成為我嘅服務態度。出街，落到場，見到D腦場嘅朋友忙到飛起，包括我，好多行街sales 都會免費幫手，不論個客人係唔係買自己公司嘅產品，小至一卡PCI card，大到一部砌機報價，大家都盡一點力，只求「幫得幾多就幾多」呢份情懷，因為，大家都係由「黃金電腦中心」及「高登電腦商場」呢個家出黎。 有時返屋企探朋友買野，「喂！X你，米叫左唔好平比我囉！」變成我嘅口頭禪。可是，近年，我已離家很達。

[@wilsonkwongwkw]

正都真係睇住佢差。自從裝修後,個price list唔比人影相, 2024啦,重攪呢的資訊封閉,抵你的客俾COMDEX搶哂

[@user-gw3be7nm8k]

正都N年前已經成日畀人話black, Comdex唔多負皮。 我都有幫襯過正都，自己小心就ＯＫ始終間間都會呃人

[@kachunho9591]

其實我多數去腦場買多（唔係好重嘅嘢） 不過機箱多數上網買（多數成套買） 因為由黃金去我屋企都妳遠 攞住個箱坐的士（成百蚊） 又要上上落落 真係好辛苦（特別重機箱）

[@unwire]

你今我諗起學生年代砌機，拿住個case搭巴士身水身汗真係辛苦，但一諗到返到屋企有排玩，果種期待中和左個辛苦。

[@mancheonghoho]

上網買運費貴唔貴？包送？

[@ofayyeung2]

真係得番極少人會砌機.例如打高質game或寫program(需要大量運算)既人.好多人都寧願買notebook.叻D就識"射"上電視或mon.就唔怕notebook個mon細.一般人用電腦都係為上網同做文件.而家仲興雲端.所以買部三千蚊電話.射上mon.配個keyboard就可以做野啦.有D內地電視仲勁.直接係電視裝office類既app.有keyboard 同mouse就可以做野.

[@faiyuento7951]

大埔某廣場，間豆鼓舖都吋到爆，當然上網買好過要聽人吋咀同睇面色啦！

[@rickylee7975]

約30年前陪朋友去高登砌機及買大大部17吋mon，返到屋企諗住當晚有得玩，結果開箱mon無電源線，夜啦，要第二日再買電線，好掃興。店舖話電源線要加十蚊，你早講丫。。。 旺電買過印表機，又話送一細疊A4紙放入盒，睇少一眼就出古或返屋企開箱贈品都呃。 由深水埗搬入元朗後好耐至去黃金一次，試過買7件野返去有6件系壞既，第二日再去全部有得換貨正常，但都好花時間。 買過remake AMD CPU 降一級行好正常，行番標示速度就經常死機，當時打DOOM。 雖然有過不少不愉快體驗，但對黃金高登是有感情及回憶。!

[@W2000you]

加油

[@wavelio7370]

不過我信PC甚實會慢慢回熱一點，因為勢頭上主機或手游都慢慢又重新回pc上靠（例如FF7 RE，鳴潮等都有pc版) 就是一個問題就越來越多人自己有本事砌機了不用別人或是買一set比較化算（因為有軟件送不用另買window）。

[@user-gv2kv5oz5p]

睇大陸d討論都話慢慢小玩手遊,重回主機/PC

[@reaso2671]

深水埗死係因為細鋪想賺到盡，新客你比條list佢係幾代前的產物，個客無下次。識電腦見到佢放d list係咁更加唔會幫襯。久而久之，我絕對唔會係個度買野