ត្រាំវាយទាល់តែរបើកក្រុមហ៊ុន Huawei មែន

ត្រាំវាយទាល់តែរបើកក្រុមហ៊ុន Huawei មែន
ក្រុមហ៊ុនបច្ចេកវិទ្យា Huawei កំពុងតស៊ូដើម្បីសម្រេចគោលដៅផ្លាស់ប្តូរផ្នែកសំខាន់នៃទិន្នផលរបស់ខ្លួនដើម្បីវាយលុក ចូលទៅក្នុងទីផ្សារប្រទេសចិន ដោយអ្នកផ្គត់ផ្គង់ខ្លះ មានការស្ទាក់ស្ទើរ ក្នុងការផ្លាស់ប្តូរប្រតិបត្តិការ ផ្ទាល់ខ្លួនក្នុងខណៈពេលដែលភាពមិនប្រាកដប្រជា កាន់តែស៊ីជម្រៅនៅក្នុងឧស្សាហកម្មអេឡិចត្រូនិកពិភពលោក។ នេះបើតាមការចេញផ្សាយដោយសារព័ត៌មាន Asia Nikkei Review នៅថ្ងៃទី១០ ខែមិថុនា ឆ្នាំ២០២០។
ក្រុមហ៊ុនផលិតឧបករណ៍ទូរគមនាគមន៍ធំជាងគេបំផុតនៅលើពិភពលោក បាននឹងកំពុងជំរុញឱ្យមានការផ្គត់ផ្គង់ បណ្តាញ របស់ខ្លួនបន្ថែមទៀតចូលទៅក្នុងទីផ្សារ ប្រទេសចិននៅពេលដែលខ្លួនកំពុងប្រឈមមុខ និងការបង្ក្រាបពីរដ្ឋបាលរបស់ប្រធានាធិបតីអាមេរិក ដូណាល់ត្រាំ ជុំវិញបញ្ហាសន្តិសុខជាតិ។
ការផ្លាស់ប្តូរបែបនេះអាចជួយឱ្យក្រុមហ៊ុន Huawei កាត់បន្ថយផលប៉ះពាល់ នៃសម្ពាធទណ្ឌកម្មមួយនេះ បន្ថែមទៀតរបស់សហរដ្ឋអាមេរិកទៅលើអ្នកផ្គត់ផ្គង់របស់ខ្លួន។ ជាពិសេសក្រុមហ៊ុន Huawei ចង់អោយអ្នកផ្គត់ផ្គង់ បន្ទះឈីបរបស់ខ្លួនអនុវត្តការវេចខ្ចប់ និងការធ្វើតេស្ត៍ឈីបភាគច្រើនដែលជាជំហានចុងក្រោយក្នុងការផលិតគ្រឿងអេឡិចត្រូនិចនៅប្រទេសចិននៅចុងឆ្នាំនេះ។
ក្រុមហ៊ុនបច្ចេកវិទ្យាចិនមួយនេះក៏បាននាំអ្នកផ្គត់ផ្គង់ក្នុងស្រុកលំដាប់ទីពីរបន្ថែមទៀត ចាប់តាំងពីឆ្នាំមុនដែលជាផ្នែកមួយនៃកិច្ចខិតខំប្រឹងប្រែងធ្វើមូលដ្ឋានីយកម្មរបស់ខ្លួនហើយត្រៀមខ្លួនទទួលយកអ្នកផ្គត់ផ្គង់ថ្មីប្រសិនបើពួកគេមានសមត្ថភាពផលិតកម្មនៅប្រទេសចិនរួចរាល់៕

[@chansopha5662]

Good Speaking

[@tech.battle]

Hi Thank You.