Рет қаралды 9,989
الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
بعد 7 شهور صمت عقابى مش فاكرة سببه حصل مشكلة وطلبت الانفصال واهلى بلغوه ووافق وقبل ما امشى لقيته بيبكى ويقولى احنا هننفصل بس رضاءا لرغبتك ومش هطلقك يمكن ربنا يغير القلوب وانتى كويسة وام كويسة لكن زوجة لا، بعد كدة كلامه دة اثر فيا خلانى افتكر انه كان حنين وبيفسحنى مكنش بيمد ايده عليا وبيعملى مفاجآت وبيصالحنى بس الموضوع اتطور بقت تحصل مشاكل ويعملى صمت عقابى بقى يخون بقى يقولى كلام وحش مبقتش عارفه هو نرجسى ولا لا رغم عملت الاختبار كذا مرة وطلع نرجسى .. بعتله بعد ما مشى رسايل كتير قولتله انا بحبك خلينا نرجع تانى انا مفتقداك وهو فعلا واحشنى راح رد عليا قالى انتى كمان وحشانى بس مينفعش نرجع ومينفعش نمشى ورا المشاعر انا عاوز ابنى نفسى الى انتى دمرتيها .. بجد أنا مش فاهمة هو فيه إيه ولا فاهمة كلامه ولا فاهمة هو نرجسى ولا لا وانا غلط ولا صح أنا تايهة جدا وحاسة انى خسرته وظلمته اعمل ايه
زوج عامل لك صمت عقابي سبع شهور وانتي مش فاكرة كان ايه سبب الصمت الطويل دة يعني مكنتش مشكلة كبيرة او انتي عملتي عملة سودا تستحقي يقاطعك سبع شهور يعني واحد قاطعك سبع شهور لسبب تافه لانه لو مش تافه مكنش يتنسى ، انا مش حسميه ولا أقول نرجسي ولا مش نرجسي لكن حقول هل دي تبقى حياة زوجية سوية اللي نتخاصم فيها بالسبع شهور؟ طيب دي حنعديها طيب يقول لك مش حطلقك يمكن ربنا يغير القلوب ولما تقولي له نرجع يقول لك لا ماينفعش نمشي ورا المشاعر امال تغيير القلوب اللي عايز ربنا يعملهوله دة مش مشاعر ولا ايه ؟ ، طيب واحد بيقول لك يمكن ربنا يغير القلوب وبعدين انتي كويسة كأم لكن زوجة لا امال عايز القلوب تتغير ليه؟ ولما انتي دمرتي نفسه المسكين مش بيطلق ليه ومستني القلوب تتغير؟ شوفي الكلام المتناقض اللي قاله لكي دليل على انه شخص مش سوي ولو انتي عملتي اختبار الثلاثين سؤال واللي انا واخداه من كتاب دكتور راماني يعني مش اختراعي ولا انا بشخص ولا أي كلام فلو الاختبار دة قال انه نرجسي فهو للأسف نرجسي ومع التناقض العجيب في كلامه فهو نرجسي ومع صمت عقابي سبع شهور فهو نرجسي فاضل احلف لك انه نرجسي . المشكلة فين بقى ؟ المشكلة ياحبيبة قلبي فيكي انتي ، كونك تشكي في نفسك وفي تفكيرك فدة معناه انك لسة متعلقة بيه تعلق مرضي او انك لسة ماتعافيتيش تماما من ادمانه ، لانك لو تعافيتي تماما عمرك ماتتلخبطي حتى لو ركع وباس رجلك وبكى لك ميت سنة ويمكن اول مرة بيعمل فيها كدة بتكون صادمة للزوجة لان الجبل المرعب اللي مش بتشوف منه غير القسوة والقوة والرعب والتخويف ينزل على ركابه ويبكي ويبوس ايدك ورجلك ، الحركة دي لما بيعملوها اول مرة بتكون صادمة وبتعمل فعلا انتكاسة للضحية لكن لو هي فاهماه كويس ومذاكرة الفيديوهات كويس مش حتتخدع ولا تنتكس ، المهم سواء انتي مش متعافية او متعافية وحصل لك انتكاسة فانتي محتاجة تستمري في ممارسة التشافي عشان تخرجي من الإحساس اللي حسيتيه تجاهه وتجديد الإدمان ، وبعدين لازم تفوقي نفسك وتشغلي مخك وتحللي كلامه وتعرضيه ع المنطق زي ما انا فسرتهولك كدة كل كلامه الجملة وعكسها والطبيعي اننا لما نلاقي حد بيقول الجملة وعكسها نفهم انه متلاعب وقاصد يلخبطنا ويخدعنا ، فهو كل اللي عمله انه حب يلخبطك ويمسح كل السيء اللي عمله فيكي وفي نفس الوقت يندمك على انك سيبتيه ويوصلك انك تجري وراه تاني وهو اللي يرفضك ويقول لك لا ويشوف انهيارك وياخد حقه منك انك عايزة تنفصلي عنه ، او ان هو فعلا شايف له مصدر جديد وعايز يحافظ عليكي ع الرف او على دكة الاحتياطي ويبقى عنده مصدرين ويضربكم ببعض ويبقى جوز الاتنين ويبقي الغدنفر ، فهو يخليكي تتحايلي عليه ويحسسك انه مش حينفع ترجعوا وانتي تجري وراه ولما يتجوز وييجي يقول لك نرجع ترضي وماتصدقي ، المهم ان هو بيلعب بيكي وبمشاعرك في كل الأحوال ، فانتي لاظلمتيه ولا حاجة انتي ظالمة نفسك أصلا لما بتحاولي ترجعي لشخص بيخاصمك سبع شهور ،
شوفي ياحبيبة قلبي انتي ارجعي للتشافي واشتغلي على نفسك وابذلي مجهود شوية لنفسك وخليكي كدة بعيد عنه كام شهر وجربي الحياة في عدم وجوده مع ممارسة التشافي وبعدين فكري تاني في كلامه اللي قايلهولك ساعتها حتلاقي نفسك شايفة حاجات انتي مش شايفاها دلوقتي لانك حاليا مخك شغال بربع امكانياته ان مكانش تمنها لان مشاعرك هي اللي شغالة حاليا هو اثار مشاعرك بالنصباية اللي عملها عليكي وخلاكي في حالة عاطفية ملتهبة فعقلك مش شغال بالكفائة الكافية اللي تخليكي تقدري تمنطقي الأمور صح فانتي وقفي تفكير تماما وابدأي التشافي ووقفي تواصل معاه وارفضي أي دعوة للرجوع حاليا لحد ماتحسي ان مشاعرك هديت ومبقتيش مشتاقة ولا متلخبطة لان هو ممكن جدا يكون بيربيكي وبيؤدبك وبعد شوية يقول لك نرجع وانت يحتكوني شخشيخة في ايده في الحالة دي فانتبهي لنفسك واوعي ترجعي بسهولة بعد مارفضك وقال لا مش حنرجع ، اتقلي شوية واشتغلي على نفسك وبعدين لما توصلي لمرحلة انه مش فارق معاكي وجوده من عدمه ساعتها ترجعي التواصل وساعتها تفكري وتوزني امورك وتقرري ترجعي ولا لا دة اذا أصلا لقيتي نفسك متقبلاه تاني . للأسف هو كان عايزك توصلي للي انتي فيه دلوقتي وفعلا نجح ، لخبطك وحسسك بالذنب تجاهه ،وحسسك بالندم انك سيبتيه وطلبتي الانفصال . اجمدي وتعافي واتعلمي تلاعببيه بسلاحه واتعاملي معاه بعقلك مش بقلبك
#صحةـنفسية #القوة #الاكتئاب #النرجسي #النرجسية