ازاي تتعلمي تحبي نفسك بعد ماكرهتيها بسبب النرجسي؟

Рет қаралды 11,346

Күн бұрын

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
عرفتي نفسك؟ طيب حبيتيها ،لا لسة ؟ تعالي اعلمك ازاي تتعاطفي معاها
هل لما عرفتي نفسك حبيتيها ولا لما عرفتيها لقيتيها مش عاجباكي؟ لقيتي فيها عيوب ولقيتيها مش حد كامل مكمل فحسيتي ان محدش حيحبها فانتي كمان ماحبيتيهاش ؟ او حتى ماحسيتيش ناحيتها بحاجة، لو لقيتي الإحساس دة يبقى انتي محتاجة تتعلمي تتعاطفي مع نفسك ، مازلنا بنتكلم من كتاب متعة عدم الكمال لدكتور برينيه براون
عشان تتعلمي التعاطف مع الذات لازم تفهمي ايه اللي مخليكي مش عارفة تتعاطفي معاها؟ تفتكري ايه ؟ ياترى عشان انتي عايزاها تكون احسن من كدة بكتير ولا عشان انتي رافضة انها تغلط ولا انتي رافضة انها تتألم او تعترف بمشاعرها او استسلامها أحيانا للحزن ، ولا انتي عايزاها تكون حد كامل مفهوش غلطة ؟
غالبا سعينا للكمال بيكون اقسى شيء ممكن نعمله في نفسنا ،
ايه بقى حكاية اننا بنسعى للكمال مش دي صفة عند بعض النرجسيين؟ هو احنا اكيد مش زيهم . لا الكمالية دي دي حاجة كلنا كلنا بنعاني منها بس بعضنا بيعاني منها أحيانا وبعضنا بيعاني منها دائما ، طيب خلينا نشوف الأول ايه الكمالية دي عشان نفهم ازاي نتخلص منها ونكون نفسنا بمرونة وسلام نفسي
الكمالية حاجة وكوني اسعى اني أكون احسن مافيا حاجة تانية خالص ، ولا هي الإنجاز الصحي والنمو والنجاح الطبيعي ، لا الكمالية هي اننا نحس اننا مش بنغلط ومافيناش غلطة فبالتالي بقينا كاملين من كله فمفروض بقى لا نتألم ولا نحزن ولا نشعر باللوم ولا بالخزي ونحاول نحمي نفسنا بالشكل دة ودة بنشوفه في النرجسي ومع ذلك احنا بنقع فيه في مراحل حياتنا بنرفض بشريتنا من غير ماناخد بالنا اننا بنسعى للكمالية ، لما تلاقي نفسك بتقولي انا مش بحب ابكي ادام حد ، انا اقوى من ان حد يشوف ضعفي ، انا مش حغلط عشان انا مش بعتذر لحد ، انا مش حتكلم عشان محدش يمسك عليا غلطة ، انا مش حعيش الحزن دة عشان محدش يشمت فيا او محدش يعطف عليا او محدش يشوفني قليلة ، كل دي حاجات كلنا مرينا بيها في وقت من الأوقات ، وكل دي نتائج للكمالية المرهقة لصاحبها واللي مفكر انه بيحمي نفسه بيها . من الكلام دة بنشوف ان الكمالية ماهي الا محاولة لنيل الرضا والقبول . لما بسأل حالة انتي تقدري تعرفي نفسك بإيه تقول مثلا انا ام لاولاد ناجحين او انا دكتورة فلانة او انا مديرة كذا ، يعني انا مانجزته وما يراه الاخرين ويرضيهم ، المعتقد السائ هنا بيكون ارضي الاخرين واد مايريدون وانجز مايرضيهم ، انما التعاطف مع الذات بيكون عكس دة بيكون ازاي اقدر اتحسن ازاي انمي نفسي اطورها علميا ارضيها عقليا التركيز على النفس مش ع الاخرين
اول حاجة لازم تفهميها عشان تقدري تتعاطفي مع نفسك هي الفرق بين السعي للكمالية والسعي الصحي للنمو والتطور والتحسين الذاتي بمرونة وتعاطف مع النفس
الكمالية وانتي شايفاها عاملة ايه في النرجسي قلق وخوف وتوتر واكتئاب وعدم قدرة ع الاستمتاع واحيانا انتي بسببها بيكون عندك عجز عن تحقيق النجاح والاهداف لانك بتخافي من الفشل وارتكاب الأخطاء واحباط الاخرين لكي فبتؤثري السلامة وتقفي مكانك سنين وانتي خايفة تخطي خطوة ،
الكمالية مخذلة لصاحبها دائما لانه ابدا لايحصل عليها ، هي بتكون ادمانية في بعض الحالات لانها بتخليكي تلفي في دايرة مغلقة محاولة الوصول للكمال وفشل في الوصول وبعدين مشاعر الخزي واللوم وهكذا نعيد من الأول
طيب ايه الحل؟ الحل انك تعترفي انك بشر انتي لا ملاك ولا اله عشان توصلي للكمال ، وقفي حديث النفس الكمالي : انا مكسوفة من نفسي انا مش لازم حد يشوفني كدة ، انا لازم ارضيهم كلهم لازم اغير نفسي عشان يحبوني ويرضوا عني ، كل دة برضه على مستوى اللاواعي ، اقفشي نفسك وانتي بتقوليه وانتي حتقدري توقفيه . انا حثبت لها اني كويسة انا حثبت له اني مش زي ماهو بيقول ، انا حثبت لهم اني جديرة بكذا وكذا ، كل دة لازم يقف ، انتي مش مضطرة تثبتي حاجة لحد انتي لازم بس تثبتي لنفسك انك متعاطفة معاها ومن هنا حتبدأي تغيري كلامك لنفسك تبدأي حوار صحي مع نفسك انا عايزة دة عشاني انا حعمل دة عشاني ومن هنا بيبدأ التعاطف مع الذات ودة له تلات خطوات
اول خطوة انك تعطفي على نفسك ،تكوني طيبة معاها وترحميها ولما تغلط وتكوني قاسية عليها فكري لو كانت بنتي كنت حتصرف معاها ازاي حنصحها واطبطب عليها واخرجها من المأزق ولا حكون قاسية ومؤنبة والوم فيها واكسر فيها ، اعطفي على نفسك زي مابتعطفي ع اللي حواليكي انتي أولى بالعطف دة من أي حد تاني
تاني خطوة انك تفهمي نفسك ان البشر كلهم مش كاملين وان كلنا بنغلط وكلنا بنذنب ونتوب وان ربنا خلقنا هكذا نخطئ ونصيب ، مش انتي لوحدك اللي بتغلطي وانتي مش احسن من باقي الخلق اللي بيغلطوا انتي مش اله ولا ملاك انتي مجرد بشر وكل البشر مش كاملين
تالت خطوة ،الوعي بمشاعرك ، لازم تفهمي انتي حاسة بإية وماتكبتيش مشاعرك ولا تنكريها ولازم تعرفي تفسريها وتسميها بمجرد انك تمنحي نفسك شوية وقت تفكري انا حاسة بإيه دلوقتي وانا ليه حاسة بكدة والاحساس دة اسمه ايه وتعترفي بيه وتستشعريه لمدة قصيرة لا تبالغي في تقدير الم المشاعر السلبية ولا تنكري وجوده ولا تكبتيه ،
ركزي في الثلاث خطوات دول وداومي عليهم واتعلمي تتعاطفي مع نفسك ودي بداية الحب
#صحةـنفسية #القوة #الاكتئاب #النرجسي #النرجسية

Пікірлер: 69

@اللهالسلاماللهالمحبة 8 ай бұрын

أنا كنت عاملة لنفسي بطلة اللي بشعر بالكل اللي بوقف مع الكل اللي بحزن لحزنهم اللي بساندهم ماديا وعاطفيا وكل شيء يتطلب تعب جسماني .. في المقابل بكتير من الأوقات احتجت إنه حدا يوقف معي ومع اولادي ... للأسف ما لقيت ولا أي بني آدم .. بعد عمر طويل دلوقتي وعيت .. إنه لنفسي عليا حق ..

@nadaelkholy9357 8 ай бұрын

درس قاسي اووي بالذات لو اب💔

@نورالاسلام-ذ3ث 8 ай бұрын

انا زيك والله طيب ليش مش حد بيوقف معانا❤

@اللهالسلاماللهالمحبة 8 ай бұрын

@@نورالاسلام-ذ3ث لأنهم تعودوا على الأخذ منا ... وإحنا تعودنا على إنه أقوياء ما بنعرف نطلب ولا نأخذ

@اشراقهالفجر-ت9ح 8 ай бұрын

انا شخصيه اعتماديه جدا اعيش مع نرجسى ساعى للكمال وزرع جوايا انا والولاد اننا دايما مقصرين واننا دايما مش زى ماهو كان منتظر مننا وخصوصا اما اكون مريضه او فى فتره امتحانات زى اليومين دول .. ودايما شايف ان اى تقصير منه فى اى من مسئولياته بسببى او بسبب الاولاد ارجو فيديوهات اكتر عن الساعى للكمال المتظاهر بالتدين

@7u-8i-9o-Rayhana.com- 8 ай бұрын

نفس الشىء

@اشراقهالفجر-ت9ح 8 ай бұрын

@@7u-8i-9o-Rayhana.com- ربنا معانا دايما

@جنانالاستفادة 2 ай бұрын

تفس الشيء

@omanas2526 8 ай бұрын

عآآجل انطلقت سـفينة الصلاة على النبي 🌸 محمدﷺ 🌸 فاركب معنا ولا تكن من الغافلين 🥺

@ilyesilyes4187 8 ай бұрын

اللهم صل وسلم على سيدنا محمد

@سلطانةاا-و9و 8 ай бұрын

حنانك وعلمك واحتوائك وروحك الطيبة توصل لارواح كل من يشاهدك ❤❤❤❤

@someoneelse7053 8 ай бұрын

انتى كحى عادى دون قطع الحلقه مش خطأ احنا اسره مع بعض

@راجيةالفردوسالأعلى-ث1ي 8 ай бұрын

ربنا ينور طريقك عند عبور الصراط المستقيم كما نورتي عقولنا بحبك في الله ❤ربنا يحفظك أنت اليوم ما شاء الله عليكِ منورة ولكِ هالة وطلة جميلة

@fatihaouaziz5542 8 ай бұрын

كم من ارواح انقدتيها يا منقدتي لك الاجر والحسنة وزيادة 🎉❤

@amanysoliman8374 8 ай бұрын

فعلا انا كنت من اللي عاوزين الكمال في كل حاجة وعشان كده خسرت اهم حاجة زوج سوي واكتشفت ان زوجي نرجسي من عائلة كلهم نرجسيين حتى خالاته بس الحمد لله اللي نور بصيرتي وبدأت اتعافى وأفهم بس لسه شوية كمان لما اوصل للمرحلة الرمادية عشان مصلحة أولادي انهم يحسوا انهم وسط أسرة كاملة حتى بدون وجود الاب المغترب كأب فعلي

@GofranMohamed-pn4uf 8 ай бұрын

هي حلقات كتير بحبا يلي بتحكي عنا نحنا ضحيات نرجسي نعم ممكن تنضاف مع سلسلة شفاء الروح . انتي رائعة يادكتورة❤

@rereahmad3571 8 ай бұрын

انتي من ارقى وانقى الاشخاص أستاذة كوثر واحساسك كمتعاطفة يمثلني بشدة وبحس اني بنتك وكل مابزعل تجيني انتي وتهدي قلبي وتمسحي على راسي بحسك أمي الحمدلله على نعمة وجودك بحياتي أستاذة كوثر ❤❤❤

@طيف-ل2د 8 ай бұрын

من يوم بديت اتابعك وانا احس انك حنان + توجيه ❤❤❤❤

@Samia-m3b 8 ай бұрын

أنا مشكلتي فعلا لم أعد أستطيع البكاء حرفياً او حتى الدعاء ماذا أفعل من فضلك

@UmmaherSamira 6 ай бұрын

الله يبيض وجهك يادكتورة...على هذا الوعي...ربي يجزاك كل خير يارب

@ayoubkhatimi6073 8 ай бұрын

عايزه اقولك اني بحبك اوي يا امي ❤❤❤❤

@romanc4273 8 ай бұрын

صح ربنا ينتقـ م من اللى كان السبب

@fatimaali3384 8 ай бұрын

اليوم بنتي الصغيرة ام ١٠ سنوات انتقدت طريقة كلامي في التلفون و قالت صوتك عالي يا ماما و انتقدت اخطائي اللغوية في الكلام و شعرت بقهر شديد جوايه و زعلت على نفسي حتى اطفالي بدؤ ينتقدوني 😔💔

@DianaDaniel-x4f 8 ай бұрын

كلام جميل،فعلا الكمال لله وحده.

@anamero6642 8 ай бұрын

احبك جداااااااا❤ دكتورة كوثر ..🌹 حضرتك بتخليني اشوف نفسي اللي ماكنتش اعرفها بشكل مختلف خاااالص بمرايتك🙏 حقيقي احنا بشر وفايتنا كتيييير جدا مافكرناش نعيشه🙏 جزاكي الله خير الجزاء وبارك الله فيكي 🤲🏼💓

@noorahmad9930 8 ай бұрын

دكتورة كوثر انتي نابغة و كلامك شفاء للقلوب ، شكرا كتير اوي ليك من العراق ❤️

@Samia-m3b 8 ай бұрын

مشاعري تجمدت حرفياً وحقيقيا 😢😢😢😢😢😢 أخاف أنفجر وأحطم معايا أولادي مرهقة مستنزفة اهووو موش عارفة حتى أعبر عن حالتي ياللله ياللللللله جبرك

@marwamaher302 8 ай бұрын

قولي، اللهم لا تجعلني صريعة الشيطان ولا ذليلة لانسان واحسن الى قلبى فأنت منبع الإحسان

@kawlaaalotibi7793 8 ай бұрын

مريحه انت انسانه مريحه وكلامك مريح

@yarajamal4992 7 ай бұрын

ارجوكي دكتورة كملي لينا سلسلة عدم الكمال ❤

@kq1870 8 ай бұрын

Salamo alaykom dr Kawtar , your videos woke me up hamdulillah, but I'm really hurt ! I was thinking this week how much I hate myself and how to get rid of this feeling, suddenly you posted this video like if there is a telepathy between us ❤ jazaka LLAH khayr Dr .

@saharmegahed968 8 ай бұрын

يارب يخاليكى لينا ويزيدك علم ومايحرمناش منك ياااارب 🤲❤️

@Noha-c5z 8 ай бұрын

شكرا جزيلا 🙏 انتي إنسانه عظيمه ❤

@شروقالشمس-ل8ظ 8 ай бұрын

ربنا يبارك فيك ويجزيك عنا كل خير استاذة كوثر بحبك في الله. ❤

@الباقياتالصالحات-و6م 8 ай бұрын

الله يجبر بخاطرك ويعلي مقامك يا أختي العزيزة

@RANA-f7k9p 8 ай бұрын

الكمال لله سبحانه وتعالى نفسي اتواصل معا الدكتوره بس ما عندي فيزه عندي مشاكل ومافي احد ممكن يفهمني غير الدكتوره كوثر

@JEONZANAIB 8 ай бұрын

السلام عليكم كل من يقرأ تعليقي انا زوجي نرجسي خفي من ١٨ سنه ودائما يحسسني بالغلط مع اني اعمل في مجال الخياطه ومساعدته في البيت وهو وضعه المادي ممتاز لكن كان محسستني دائما ماعنده فلوس قبل أربع سنوات اتهمني في شرفي ومن وقتها صدمت صدمت حياتي من الكلام اللي قاله ومن وقتها وانا اخاف منه ومرعوبه لكن قل حبي له وقبل اربع أشهر تخانقنه تركته ونمت في غرفة أولادي وقطع عنا المصروف لكن انا الحمد لله مكفيه نفسي وهو الآن مقهور جدا ويحاول يفتش وراي ويسأل أولادي من وراي هل ما أفعله صحيح لأني كارهته

@omhajej9057 8 ай бұрын

ياالله كانك معانا معقول من شوي كنت اانب بنتي انا يادكتورة من تزوجته وهو يقلي لازم تغلطي وحتى لو حدا غلط علي يقول انت الماعون الكبير انا زوجي نرجسي، خبيث ساعي للكمال حتى اذا الولد الصغير كب كاسة مي يالطيف وعلمني اعامل اولادي كدا لازم نصير احسن الناس ويقارن بكل الناس وهو كلامو فاجر مهما حاولت معاه مايزبط وانا انفجر على اولادي وبنتي الوحيدة

@أحلامالماضي-ج4ق 8 ай бұрын

بحبك❤

@nourabdelaziz6441 8 ай бұрын

كلام رائع بستفيد جدا من حضرتك جزاك الله خيرا

@marwaelsherbeny7031 8 ай бұрын

بحبك اوي يا دكتور وانتي بالنسبه لي امل بجري وراه كل يوم ونفسي اقوي ااقابلك واعمل مع حضرتك جلسات تفريغ وجداني يمكن ارتاح واعرف اخد قرار واصنع لنفسي حياه جديده لان حقيقي عمري راح مع حد ميستاهلش واعرف اكمل تربيه بنتي واعرف اخرجها انسانه سويه للمجتمع

@tymaaalhariri9649 8 ай бұрын

حلقة رائعة . شكرا أ. كوثر ❤❤

@mahasa3561 8 ай бұрын

الله يرضى عنك

@ayaSaed-o2j 4 ай бұрын

مش عجبنى نفسي عشان ماما قالتلى شكلك وحش تتريق على طريقه اكل ولبسي ومشيتى وكل حاجة تتريق علية

@madonnaal4900 8 ай бұрын

انا بدي قول شكرا شكرا شكرا للجهد كلو الله يوفقك و يسعدك يارب.. حضرت تقريبا كل الفيديوهات و فتحتيلي عيوني سبحانالله بفضل الله تعالى شكرا الك . نحنا انفصلنا بس بعد ما اتدمرت... حابة كتير اتواصل مع حضرتك بس للاسف ما زبط... ياريت تعملي فيديو عن الام الي ساعدت زوجي النرجسي يدمرني. انا كتير محتاجة اتواصل مع حضرتك. ياريت كمان فيديو عن كيف واحد يعرف انو شفي من بعد الانفصال... حسبنا الله و نعم الوكيل في كل زوج نرجسي اناني مدمر و عايش حياتو و يعل هو الضحية.

@NM-wu8gh 6 ай бұрын

حبيبتى د. كوثر❤❤

@Remaaaa 8 ай бұрын

الله على جمالك ...

@hadiaalsheikh5170 8 ай бұрын

الله ينتقم منهم

@aliomernekaa7610 8 ай бұрын

جزاكى الله عنا كل خير دكتورة نفعنا الله بك وبعلمك

@khadidjabenziane8397 8 ай бұрын

ھذا ما كنا ننتظره جزاك الله كل خير

@sprachentandem 8 ай бұрын

أنا فعلا عايشة مخدرا جدا .. بخاف احس أو أعوز لأني ممكن أنهار وبيتي ينهار

@tymaaalhariri9649 8 ай бұрын

خليهن بقائمة وح.ة أستاذة(قايمة نغمة عدم الكمال

@ياالله-ص7ذ4ذ 8 ай бұрын

Thank you beautiful information Ms Kawther 👍❤️

@m-8748 8 ай бұрын

دكتورة.. الانسان اللي بيعيش مشاعر الاخرين... ده لانه بيمر بحالات من الاكتئاب؟ ماما بتتأثر جدا بالمسلسلات اللي بتشوفها وتعيش مشاعر الممثلين

@يحيىمحمد-د8ز 8 ай бұрын

سلام عليكم ستي الفاضله احسن الله اليكي لكل ماتقدميه لينا جعله الله في ميزان حسناتك سؤالي ليكي ولليقراء تعليقي هل فيكم حد شايف شخص نرجسي بهذي الصفه !؟؟ انو مستمر مستمر بيغلط ويسب ويشتم كل كل واكدد كل الناس يعني شاف مثلا قوم معين او ناس من مذهب معين او ناس من دين معين يفضل يصرخ ويسب ويلعن ويغلط فيهم بحيث يوتر كل الجالسين معوا طبعا هذي قدام الاهل والاطفال والزوجة فقط مع الناس لا بيقولوا عليه اي الاخلاق دي يعني يأذي اهلوا فقط بتصرفوا ده هو عادي مستمر يغلط ويلعن الكل ولو ابسط غلطه مثلا انسكب نقطتين ميه من الكبايه في ايدك يفضل يقولك يا غبيه يا هبله انتي متنفعيش فأي حاجة هذا عادي حفظنا عادي ماعدا سب الاله والغلط وسب الاولياء وكل الاديان بأبسط مناسبه

@شمسالمحبة-ي4ص 8 ай бұрын

جزاك الله خيرا عنا شكرا جزيلا💐

@mariammohamed8239 8 ай бұрын

جزاكى الله كل خير ❤❤❤❤❤❤❤

@noraali2295 8 ай бұрын

كله. حصل. وموجود 😢

@يومياتعائلةهدى 8 ай бұрын

اللهم بارك❤

@ichaicha9909 8 ай бұрын

ستاذة كوثر بارك الله فيك وجزاك الله خير الجزاء ولكن انا حبيت ادخل معاك في التفريغ الوجداني لم استطع لازم ادفع فلوس مافيش مشكلة ادفع ولكن انا من الجزائر ولما حاولت ادفع عبر النت ما عرفتش كيف ممكن اعرف كيف احول الفلوس للحساب