Рет қаралды 19,950
Dëshmorja e Atdheut, nëntetare Zarife Hasanaj do të prehet përjetësisht në Varrezat e Dëshmorëve në Tiranë, aty ku u përcoll me nderimet më të larta ushtarake e shtetërore.
Nëntetare Zarife Hasanaj, pjesë e Kompanisë së Asgjësimt të Municioneve, ra në krye të detyrës gjatë misionit të NATO në Letoni.
Homazhet për nëntetare Hasanajn u mbajtën në hollin qendror të Pallatit të Kongreseve, ku u nderua nga presidenti i Republikës Ilir Meta, kreu i Kuvendit Gramoz Ruçi, kryeministri Edi Rama, ministrja e Mbrojtjes Olta Xhaçka, anëtarë të kabinetit qeveritar, zëvendësministri Koçi, shefi i Shtabit të Përgjithshëm të FA gjeneral brigade Bardhyl Kollçaku, kryetari i Bashkisë Tiranë Erion Veliaj, deputetë të Kuvendit, kreu i PD Lulzim Basha, krerët më të lartë të FA, përfaqësues të trupit diplomatik, atashetë ushtarakë, kolegë ushtarakë kanadezë e letonezë në misionin e NATO, përfaqësues të komuniteteve fetare, qindra pjesëtarë të FA, policë, familjarë dhe shumë qytetarë të kryeqytetit.
Pas homazheve, u zhvillua edhe ceremonia shtetërore në nder të nëntetare Hasanajt, të cilën shefi i Shtabit të Përgjithshëm, gjeneral brigade Bardhyl Kollçaku, e cilësoi si bijë të Shqipërisë dhe heroinë të Forcave të Armatosura të Shqipërisë.
Subscribe: goo.gl/XBoLwB
Abonohu: goo.gl/XBoLwB