Рет қаралды 535
ଓଡ଼ିଆ ମୁରଲୀ ସଂଗୀତ :- ରାଜା ହେବ ଯଦି ପବିତ୍ର ରାଇଜେ ପବିତ୍ରତା ବ୍ରତ ଧର ହେ ......... ୯/୧୦/୨୦୨୪
ରଚନାକାର :- ବି. କେ. କୁମରମଣି ଭାଇ, ସମ୍ବଲପୁର
ସଙ୍ଗୀତକାର :- ବି. କେ. ଝରଣା ଭଉଣୀ, ଫୁଲବାଣୀ
🌷୯.୧୦.୨୦୨୪ ମୂରଲୀ ଗୀତ🌷
(ସ୍ୱର... ପାରି ହେବ ଯଦି ଏ ଭବ ସାଗରୁ ...)
ରାଜା ହେବ ଯଦି ପବିତ୍ର ରାଇଜେ
ପବିତ୍ରତା ବ୍ରତ ଧର ହେ
ବାହୁବଳେ ଏହା ମିଳି ନ ପାରିବ
ଯୋଗବଳେ ଆଶ୍ରା କର ହେ ।୦।
କଳିଯୁଗୀ ସମ୍ପର୍କ ହିଁ ବନ୍ଧନ
ଅବିଳମ୍ବେ ୟାକୁ କର ହେ ଛିନ୍ନ
ସତ୍ୟ ଗୀତା ଶୁଣି ଶୁଣାଅ ଅନ୍ୟକୁ
ନରକୁ ଦେବତା କର ହେ
ବାହୁବଳେ ଏହା ମିଳି ନ ପାରିବ
ଯୋଗବଳେ ଆଶ୍ରା କର ହେ ।୧।
ବାବା ହିଁ ଆଶ୍ଚର୍ଯ୍ୟ ଏ କଥା ଜାଣ
ହୁଏ ନାହିଁ ତାଙ୍କ ଜନ୍ମ ମରଣ
ଆଦି, ମଧ୍ୟ, ଅନ୍ତ କଥାକୁ ଜାଣନ୍ତି
ସିଏ ହିଁ ଜ୍ଞାନ ସାଗର ହେ
ବାହୁବଳେ ଏହା ମିଳି ନ ପାରିବ
ଯୋଗବଳେ ଆଶ୍ରା କର ହେ ।୨।
ବାବା ଆଜ୍ଞା ଭାବି ସ୍ନେହରେ ସହ
ସହନଶୀଳତା ଗୁଣ ଦୁର୍ଲ୍ଲଭ
ଖୁସିର ଭୋଜନ ଟାଣେ ପ୍ରିୟ ଜନ
ଜୀବନରେ ଏହା ସାର ହେ
ବାହୁବଳେ ଏହା ମିଳି ନ ପାରିବ
ଯୋଗବଳେ ଆଶ୍ରା କର ହେ ।୩।