Рет қаралды 353,969
Gira abana shyaka ry'imanzi
Ubaheke mukebwamanzi
Ngwino...
Ngwino,
Ngwino se nkwizihize/nkwizihire
Mutima utuje ugira urugwiro
Urakoze, umpoberanye urukundo
Maze numva igishyika gishize
Mureshyankwano umaze ikizizi
Ngwino...
Ngwino,
Ngwino se nkwizihize/nkwizihire
Musore utiriranwa amatindi*
Ngo bucye uyabyukane ku museso
Mpora numva bakuvuga
Ntore yuzuye umushyikirano
Ngwino...
Ngwino,
Ngwino se nkwizihize/nkwizihire
Mwiza wirabye inono zera
Nsanze ali wowe umbereye
Ndashaka ko untegera urugoli
Ukambara impumbya ndemye urugamba
Ukampa impundu ntabarutse
Ngwino...
Ngwino,
Ngwino se nkwizihize/nkwizihire
Ese ko bakuvuze ibigwi
Mudahara ababo nkubwire iki ?
Ibyo unsabye ubwo, njye ndabyemeye
Ubaze ababyeyi ahasigaye
Ngwino...
Ngwino,
Ngwino se nkwizihize/nkwizihire
Reka abakubyara batahe ibande (*BAMBE*)
Naje igitondo gitangaje
Bankomye intera, ngira ikiringo
Mbwira ijambo rinyuze umutima
Ngwino...
Ngwino,
Ngwino se nkwizihize/nkwizihire
Ntugatahane ikije-ibararo
Nzakubera umutima w'urugo
Nawe urubere umutwe w'ingenzi
Ntore yizihiwe n'inkindi
Ngwino...
Ngwino,
Ngwino se nkwizihize/nkwizihire
Naje nsanga uboha imitako
Duhuje amaso turaseka
Inseko yawe ikubita uturabyo
Dutaha neza ku mutima
Ngwino...
Ngwino,
Ngwino se nkwizihize/nkwizihire
Ishime shenge rebero ry'inyamibwa
Nzabwira Mama uko bimeze
Abwire Data ko nanyuzwe
Na we abimenyeshe abavandimwe
Ngwino...
Ngwino,
Ngwino se nkwizihize/nkwizihire
Rurabo rwakuze rukaranda
Rugakira izuba ry'amanywa y'ihangu
Imvura yagwa rugasagamba
Mukebwamanzi uli igicu cyera
Ngwino...
Ngwino,
Ngwino se nkwizihize/nkwizihire
Shyaka ry'imanzi nkugire nte
Nguhaye ikibanza mu mutima
Ngo uhubake inyumba y'urutare
N'imitingito y'isi ntizayisenya
Ngwino...
Ngwino,
Ngwino se nkwizihize/nkwizihire
Wirirwe mwali warezwe neza
Urakoze taba ritatse iraba
Data na Mama bashaje neza
Bo bakubonyeho umukazana
Ngwino...
Ngwino,
Ngwino se nkwizihize/nkwizihire
Ugereyo amahoro shyaka ry'imanzi
Aho uzamanuka bukwe
Nzahaterera bugeni
Nakurimbiye bunyenyeli
Maze ushimire abandeze
Ngwino...
Ngwino,
Ngwino se nkwizihize/nkwizihire
Mutima wagotomeye amahoro
Nzakubera umudakemwa
Nzaguhimba imivugo ubyaye
Ntashye nsanga uvumera ishya
Ngwino...
Ngwino,
Ngwino se nkwizihize/nkwizihire
Musore utwaza nk'uwa Rugamba
Mwana wuzuye ubunyarwanda
Nzakubyalira abo musa
Twambaze Imana babe imponoke
Ngwino...
Ngwino,
Ngwino se nkwizihize/nkwizihire
Ngwino...
Ngwino,
Ngwino se nkwizihize/nkwizihire.
[Nk'uko bisanzwe, ni ugukosora no kuzuza aho nanditse ibifutamye; murakoze, murakarama!!!]
(Ibango ry'ibanga ~ Dieudonné Bizimungu n'umufasha we Agnès Uwimbabazi, Rwanda )