ICHAN QALA ХИВА Узбекистан Кальта минор Ислам ходжа

Рет қаралды 76

Ай бұрын

Ичан қала Хива Өзбекстан
Армысыздар Өмір тамаша арнасының көрермендері!
Біз екі жарым мың жылдық тарихы бар көне Хиуа қаласының ішінде орналасқан әйгілі Ичан кала кешеніндеміз. Бүгінгі бейне тарихи ескерткіштерге толы,арнадан ажырамаңыз!
Ичан қала- Хиуаның ішкі қаласы. Әйгілі жібек жолы керуенінің тоқтайтын жері болған. Археологиялық деректерге сүйенсек, қала 5-6 ғасырларда пайда болған. Бүгінгі таңда аспан асты мұражайы.
Ичан-Қала кешеніне дәстүрлі стильдегі тұрғын үйлер мен сәулет ескерткіштері кіреді.
Ең таңғаларлығы, Ичан-Қала тек мұражай емес, сонымен қатар мұнда кәдімгі адамдар тіршілік етеді, елестетесіз бе? Мұражайдың ішінде тұрғылықты халқы бар. Мұнда негізінен қолөнермен айналысатын отбасылар тұрады.
Қаланы қоршап тұрған қорғанның ұзындығы 2 шақырымнан астам, биіктігі 10 м-ге дейін және қабырғасының қалыңдығы 5-6 метрге жетеді. Төрт жағында жағында төрт қақпасы қойылған.
Кальта Минор мұнарасы
Мына тұтас майоликамен қапталған көрнекті ғимарат Кальта Минор деп аталады және Хиуа қаласының визитті карточкасы болып табылады.
Биіктігі 29 метр. Бір кездері ол Орталық Азиядағы ең биік мұнара болады деп жоспарланған, бірақ Хиуа билеушісі қайтыс болып, құрылыс тоқтап қалған. Бүл күндеріез келген саяхатшы Кальта Минардың қасында суретке түсуі дәстүрге айналған.
Мұнда Ұлы Жібек жолы дәуірінің ең бай мұрасы сақталған. Шығыстың ертегісіндей керуен дәуірін тамашалауға әлемнің түкпір-түкпірінен қонақтар келеді.
Келушілер мақта матадан, ағаштан, қыштан жасалған түрлі қолөнер бұйымдарын кәдесый ретінде сатып ала алады.
Хорезм жібек кілемдері. Баяу және көп еңбекті қажет ететін процесс жібек құртының пілләларынан басталады: олар қолмен өңделеді және табиғи бояғыштарды - өсімдіктер мен минералдарды пайдалана отырып, үлкен құтыларда боялады. Бұл ауыр жұмысты ер адамдар атқарады, ал қалғаны жұмыс әйелдердің иығына түседі.
Түрлі-түсті жіптен жасалған кілемдер қарапайым тоқыма станоктарында тоқылады. Қолөнерші бір күнде небәрі бір сантиметрге жуық тоқиды, ал тұтас кілем жасау үшін көлеміне қарай 1 жылдан 3 жылға дейін уақыт қажет.
Ұлттық бас киімдері чугурма
Ислам Қожа Мұнарасы
Хиуада,ы ең биік мұнараның ұзындығы 50 метрден асды және ол көз алдарыңызда тұрған Ислам Қожа мұнарасы.
20 ғасырдың басында салынғанына қарамастан, ол ескі қаланың сәулетіне тамаша үйлеседі және қаланың кез келген нүктесінен көрінеді. Ал ең қызығы, оған кез келген адам шығып, Хиуаны тамашалай алады.
Бір кездері мұнара бірнеше қызмет атқарған. Ол әрі бақылау мұнарасы, сонымен қатар діни рәсім атқарды, атап айтқанда, мешітке азан үшін пайдаланылды. Сондай-ақ халықты билеушілердің жарлықтарын оқу үшін жақын маңдағы алаңға шақыру және басқа да жағдайларда пайдаланылды.
Мұражайдағы үйлерге заманауи құрылыс материалдарын қолдануға рұқсат жоқ.
Ислам Ходжа медресесіне кіреміз. Бұл жер де қазір мұражайға айналған.
Осы ретте Ислам Ходжа кім деген сұрақ туындайды. Ол 1907-1913 жылдары Хиуа хандығының бас уәзірі қазіргі тілмен айтқанда премьер министрі қызметін атқарды, сондай - ақ 35 жасында бас уәзірлікке тағайындалған ең жас саясаткер еді.
#хива #ичанкала #ичанқала #саяхат #өміртамаша