Inmon-Carmelitas egoitzako langileen mobilizazioa, soldata eta lan baldintzak okertzearen kontra

Egun osoko mobilizazioa egin dute gaur Inmon-Carmelitas egoitzako langileek, txandaka. Hitzarmen berriaren negoziazioan dihardute, baina enpresak eta Elizak entzungor egiten diete langileen eskakizunei, eta langileei presio egiten ere saiatu dira etsi dezaten. KPIaren araberako soldata igoera eskatzen dute, eros-ahalmena nabarmen galdu baitute azken urteetan. Gainera, familia-kontziliazioarekin bateraezinak diren lan egutegiak dituztela salatu dute langileek. Zaintza sekoreko langileak dira, garbitzaile eta sukaldaritza lanak egiten dituzte. 30 dira, guztiak emakumeak eta horietako asko migratuak.